1. O documento é um acordo técnico entre o Ministério da Saúde de Timor-Leste e a Associação dos Enfermeiros de Timor-Leste para estabelecer cooperação no setor da saúde. 2. O acordo define as responsabilidades de cada parte, incluindo o fornecimento de financiamento e apoio por parte do Ministério da Saúde. 3. O objetivo é desenvolver padrões profissionais e códigos de ética para enfermeiros timorenses.

1. AKORDU TÉKNIKU (AT)
entre
Ministériu Saúde (MdS), Repúblika Demokrátika
Timor-Leste
No ho
Associação dos Enfermeiros de Timor-Leste (AETL)
PREÁMBULU
Akordu Tékniku (AT) ida-ne’e kobre natureza no ezisténsia ba relasaun entre Ministériu
Saúde, Repúblika Demokrátika Timor-Leste (tuir mai refere nu’udar “MdS”) no
Associação dos Enfermeiros de Timor-Leste (tuir mai refere nu’udar “AETL”). Sira refere
nu’udar “Parte Rua”. Parte rua rekoñese nesesidade no interese atu harii kooperasaun iha
area saúde entre instituisaun rua, bazeia ba prinsípiu ba akordu mútuo.
Parte rua rekoñese katak, Akordu Tékniku ida-ne’e konsistente no koerente ho lei,
polítika, estratejia no regulamentu ne’ebé aplika iha Repúblika Demokrátika, Timor-Leste.
Proposta ba AT ida-ne’e maka atu asegura katak atividade no programa AETL nian hala’o
tuir ona jurisdisaun husi Ministériu Saúde no sei implementa tuir Politika V Governu
Konstitusional no iha koordenasaun no kolaborasaun besik ho reprezentante Ministériu
Saúde nian sira iha nivel Nasionál, Distritu, Sub-distritu, Suku no Aldeia.
Tan nune’e, Parte Rua konkorda ho klauzula sira tuir mai ne’e:
Agostu 2014 Pájina 1

2. Artigu I
OBJETIVU
Objetivu ba Akordu Tékniku ida-ne’e maka atu hametin kooperasaun entre Parte Rua iha
setór saúde bazeia ba benefisiu no parseria mútuo.
Artigu II
ÁMBITU KOOPERASAUN
Ámbitu ba kooperasaun maka, Dezenvolvimentu Padraun Profesionál no Kódigu Étika
Profesionál ba Enfermeiro/a sira.
Artigu III
MINISTÉRIU SAÚDE NIA REPONSABILIDADE
Iha Ámbito protokolo ida ne’e MdS iha responsabilidade: no kompromisu atu fó apoiu
hanesan tuir mai ne’e :
1. Sei fornese lisensa no rejistu professional saúde ba Associação dos Enfermeiros de
Timor-Leste (AETL) nian tuir lei, polítika no regulamentu. Lisensianmentu no rejistu
professional saúde sira hotu agora daudaun iha Gabinete Étika & Kontrolu
Kualidade, Ministériu Saúde nia okos;
2. Disponibilia Fó apoiu finanseiru ho montante total $ 59,685.50 (Rihun lima-nulu-
resin sia, atus-neen walu-nulu-resin lima, sentavus lima-nulu dolar amérika). no
fundus ne’e sei transfere diretamente ba konta Bankaria Associação dos Enfermeiros
de Timor-Leste (AETL) nian;
3. Montante orsamento nebe temi iha numeru 2 sei transfere diretamente ba konta
Bankaria Associação dos Enfermeiros de Timor-Leste (AETL) liu husi Numeru
intifikasaun Bankaria .....................................
4. MdS sei tranfere ka dezembolsu orsamentu ba konta Bancaria AETL, bainhira MdS
simu ona planu orsamental no atividade detalladu;
5. Suporta no fasilita Dezenvolvimentu Padraun Professionál no Kódigu Étika
Professionál ba Enfermeiro/a sira;
6. Suporta no koordena ho Instituisaun Governu nian ne’ebé relevante atu hala’o susesu
ba programa ne’ebé planeia ona;
7. Sei inklui Associação dos Enfermeiros de Timor-Leste (AETL) ba iha kursu
formasaun apropriadu no dezenvolvimentu professional kontínu hodi prepara
Agostu 2014 Pájina 2

3. Dezenvolvimentu Padraun Profesional no Kódigu Étika Profesional, karik presiza;
8. Sei hala’o akompañamentu no monitoriza atividade hotu hotu ne’ebé hala’o husi
Associação dos Enfermeiros de Timor-Leste (AETL);
9. Sei hala’o monitorizasaun no avaliasaun bazeia ba “Indikadór Dezempeñu Xave ka
Key Performance Indicator”.
Artigu IV
AETL NIA RESPONSABILIDADE
Associação dos Enfermeiros de Timor-Leste (AETL) simu responsabilidade no konkorda atu
implementa knaar hirak tuir mai ne’e:
1. Sei prenxe rekizitus lisensiamentu no rejistu professional saúde sira hotu tuir lei,
polítika no regulamentu sira. Lisensiamentu no rejistu professional hotu hotu agora
daudaun iha Gabinete Étika & Kontrolu Kualidade, Ministériu Saúde nia okos;
2. Sei hetan apoiu finanseiru ho montante total US $ 59,685.50 (Rihun lima-nulu-resin
sia, atu-neen walu-nulu-resin lima, sentavus lima-nulu dolar amérika) no apoiu ne’e
sei transfere diretamente ba konta Bankaria Associação dos Enfermeiros de Timor-
Leste (AETL) nian, bazeia ba pedidu tuir planu orsamental no atividade detalladu;
3. Iha kompromisu boot atu dezenvolve Padraun Professionál no Kódigu Étika
Professionál ba Enfermeiro/a;
4. Sei utiliza fundus ne’e hodi kontrata Péritu/Matenek-nain hodi elabora no esbosa
Padraun Professionál no Kódigu Étika Professionál ba Enfermeiro/a;
5. Sei utiliza mós fundus ne’ebé transfere ona ba númeru Konta bankaria Associação
dos Enfermeiros de Timor-Leste (AETL) nian hodi rekruta funsionariu ba sekretariadu
no fasilidade ba sekretariadu hodi hala’o atividade tuir planu atividade detalladu;
6. Hala’o no partisipa enkontru ruma ne’ebe hala’o iha nivel Central, Ministériu Saúde,
bainhira relevante ho servisu Enfermeiro/a nian sira, karik presiza;
7. Sei prenxe formuláriu monitorizasaun no avaliasaun bazeia ba “Indikadór Dezempeñu
Xave ka Key Performance Indicator” no sei submete relatóriu final ba atividade ba
Servisu Sentral, Ministériu Saúde.
Artigu V
IMPLEMENTASAUN
1. AETL presiza submete planu atividade no orsamental hodi hetan aprovasaun final
husi Ministériu Saúde molok implementa; no
2. Implikasaun finanseira ne’ebé mosu durante ezekusaun ba AT ne’e sei organiza tuir
orientasaun polítika no téknika ne’ebé hetan konkordansia husi PARTE RUA.
Artigu VI
Agostu 2014 Pájina 3

4. REZOLUSAUN BA DISPUTA
1. Disputa ne’ebé mosu ba iha interpretasaun no/ka implementasaun ba Akordu Tékniku
ne’e sei rezolve liu husi konsulta ka negosiasaun entre PARTE RUA ho espíritu
amigavel; no
2. Iha kazu ba disputa ba iha implementasaun Akordu Tékniku ne’e haree ba
dispozisaun sira-ne’ebé estipula ona iha ámbitu ba kooperasaun ne’e.
Artigu VII
ALTERASAUN NO EMENDA
Termus ba Akordu Tékniku ida-ne’e sei bele modifika ka emenda ho eskrita liu husi akordu
mútuo husi Parte Rua. Alterasaun ka emenda ho efetivu sei hahú husi data akordu nian no sei
la haketak husi AT ida-ne’e.
Artigu VII
KUMPRIMENTU NO PRAZU
1. Akordu Tékniku ida-ne’e sei hahú efeitu husi data asinatura, no sei mantein efeitu
to’o emenda ka termina husi konsensu mútuo.
2. Akordu Tékniku ida-ne’e sei tama iha vigor bainhira asina ona husi Parte rua no sei
válidu to’o 31 Dezembru 2014, no bele hala’o estensaun, depende ba akordu entre
Parte Rua, liu husi konsulta no diálogu, eseptu parte ida liu husi eskrita hakarak atu
hakotu akordu ida-e’e fulan ida antes.
3. Akordu Tékniku ida-ne’e sei termina, karik substitui husi Akordu Tékniku foun ida,
ka hanesan temi iha Artigu VII, pontu 2 husi ME ida-ne’e.
Artigu VIII
DISPOZISAUN FINAL
1. Akordu Tékniku ida-ne’e asina husi entidade ofisial superior husi Ministériu Saúde,
Repúblika Demokrátika Timor-Leste no Associação dos Enfermeiros de Timor-Leste
(AETL); no
2. Akordu Tékniku ida-ne’e sei aprezenta, iha lian Tetum nu’udar lian ofisial.
Asina no konkorda iha Dili, Timor-Leste iha, ______,__________,2014
Ministériu Saúde Associação dos Enfermeiros de Timor-Leste
Agostu 2014 Pájina 4

5. Dr. Sergio G.C. Lobo, SpB
Ministru Saúde RDTL
José Amaral, S.E.
Presidente AETL
Agostu 2014 Pájina 5

6. Dr. Sergio G.C. Lobo, SpB
Ministru Saúde RDTL
José Amaral, S.E.
Presidente AETL
Agostu 2014 Pájina 5