Malpica, A Costa

O concello de Malpica de Bergantiños forma parte do tramo de litoral
coñecido como Costa da Morte, unha sucesión de cantís abruptos entre os que
se atopan algunhas praias e que inclúe as illas Sisargas.

A máxima altura do concello é o monte Neme, con 386 m. O río máis importante é o
Baá, que percorre o concello de leste a oeste e desauga na praia de Esteiro.
As principais actividades son a pesca de baixura, os servizos, a industria relacionada co
barro e a agrogandaría.
Malpica acolle importantes valores naturais e culturais.

PROTECCIÓNS
-LIC/ZEC e ZEPA “Costa da Morte”
Sisarga Grande

Cociñadoiro e punta dos Gichos

7-Punta e illote de San Bartolomeu

Punta Falsa co burato da Furna das Grallas (Monte Furado)

11-Praias, illa e rego da Rega

14-Seo, laxe e punta dos Muíños

Seo, laxe e punta dos Muíños

Muíños da Ribeira. Un grupo de cinco
edificacións, dúas situadas cara ao interior, e
tres case na beira do cantíl, construídas ao
estilo tradicional da zona .

Cantís entre a punta Percebeira e a punta do Boi

17-Punta Lapachán. Illa Redonda.

23-MALPICA: vila e porto.
Un importante porto pesqueiro de baixura.
Antigamente foi centro baleeiro.

25-Praias de Area Maior e Canido

Da punta de Canido á punta do Boi

Punta da Barrosa, cabo de Santo Hadrián e Illas Sisargas

27-Praia de Seaia. Con dunas e placas eólicas.

29-Península e cabo de Santo Hadrián.

Cabo de Santo Hadrián desde as Illas Sisargas

O Portiño un pequeno abrigo natural acondicionado como porto que acolle
interesantes pregues nas rochas da súa contorna.

Punta de Pasamelogo no cabo de Santo Hadrián. Capela e miradoiro.
A festa de Santo Hadrián é una romería de grande tradición en Malpica.

Malpica desde o cabo de Santo Hadrián: praia da Seaia, punta do Boi, Canido e a vila de
Malpica sobre o istmo do monte Atalaia que remata na punta Cuada.

30-Illas Sisargas (A Illa, como se coñece en Malpica)
Un pequeno arquipélago formado por tres illas maiores (Malante, Sisarga Pequena e
Sisarga Grande) e varios illotes (Chalreu, O Xaceiro, Magnánimo) separadas do cabo Santo
Hadrián por unha canle de 900 m de largor. A Sisarga Grande é granítica e as outras están
constituídas por gneis glandular e son de relevo máis suave.
As illas Sisargas desde Santo Hadrián

Illas Sisargas e Cabo Santo Hadrián

Cantís e faro da illa Sisarga Grande.
Está formada por granito de dúas micas. Ten unha superficie aplanada e todo o perímetro
de abruptos cantís, agás unha pequena praia que cobre a marea, na que está o
embarcadoiro que permite o acceso á illa.

O faro das Sisargas comezou a funcionar en 1853 e automatizouse en 2002.

Illas Sisargas. Canle entre a Sisarga Grande e Malante

Punta Pendurada e As Pedreiras

36-Praia e enseada do Esteiro/Seiruga
A praia de Esteiro ou Seiruga mide 530 m de lonxitude e está situada entre as puntas
Galiana e Xerpa. Nela desemboca o rego do Esteiro.

Praia de Seiruga ou Esteiro e punta Xerpa

Praia de Area Pequena (Seiruga)

Cova da Xerpa, coñecida como Furna dos Espíritus e da Caveira. Unha lenda conta
que chega ata o castelo de Mens.

38-Punta das Garzas e restingas do Co

39-Enseada, praia e porto de Barizo

Enseada, praia e porto de Barizo

As Portelas e o monte Nariga (138 m)

43-Punta Nariga. Un cabo granítico con abruptos cantís, vistas espectaculares da contorna
e curiosas formas nas rochas.

Punta Nariga. Ao fondo o cabo de Santo Hadrián e as llas Sisargas

O faro de Punta Nariga é o de máis recente construción de Galiza, deseñado polo
arquitecto César Portela, comezou a funcionar en 1998. Ten un alcance de 22 millas.

VALOR XEOLÓXICO
Toda a costa de Malpica ten un enorme interese xeolóxico pola variedade de rochas (granitos,
gneis, xistos, ecloxitas, granulitas...), de manifestacións tectónicas (fallas, pregues, diques) e
de formas creadas pola erosión en combinación cos anteriores factores (cantís, furnas,
furados, arcos, dunas...)
MAPA LITOLÓXICO

Unha das moitas rochas esculpidas pola auga, o vento e o sal na punta Nariga

Furna na praia de Area
Pequena (Seiruga)

Furna das Grallas ou Monte Furado, un
impresionante afundimento, con paredes
de ata 30 m de altura, que se produciu ao
derrubarse o teito dunha cova, que ten
dúas saídas ao mar, ao que é posible
acceder coa marea baixa.

Praia de San Miro
LUGAR DE INTERESE XEOLÓXICO GM020. Sección costeira do Complexo Malpica-Tui,
contorna de Malpica, Praia de San Miro e Muíños de Ceán (pendente de descrición e
delimitación definitiva
Interese: petrolóxico, xeoquímico. Extraordinaria rareza e importancia xeológica.
Afloramentos espectaculares, únicos a escala europea, de ecloxitas, ortogneises de alta presión, xistos
e paragneises de alta presión e anfibolitas con lawsonita.
Nesta praia afloran os xistos de alta presión de Ceán a techo coas anfibolitas de Cambre na base. É un
dos pocos lugares na Península onde se poden atopar xistos azuis e rochas con lawsonita.

Cantís na desembocadura do rego dos Muíños (Ceán), nos que podemos ver, en forma de
pregues, a magnitude das forzas que modelaron a parte sólida da Terra, e en forma de furnas e
derrubes a intensidade da forza da auga e o traballo que consegue facer co paso do tempo.

Pódense apreciar ortogneis, ecloxitas e anfibolitas ricas en lawsonita

Cantís e furna no seo dos Muíños

LUGAR DE INTERESE XEOLÓXICO GM019. Rasas cuaternarias en Cabo Santo Hadrián.
(Pendente de descrición e delimitación definitiva)
Interese: xeomorfológico
Diversos niveis de rasa, con depósitos asociados como areíscas ferruxinosas e niveis de conglomerados.
Na zona abondan as furnas e furados. As rochas máis interesantes son os gneis glandulares e as lousas.
Hai varias lugares onde se poden observar micropregres
Punta Salgueira

Furnas no cabo de Santo Hadrián. Pódense observar os sedimentos sobre a base de rochas.

Punta Salgueira
O Cabo Santo Hadrián ten unha grande diversidade litolóxica (gneis, xistos, diques básicos, areíscas,
conglomerados...) e de formacións xeolóxicas (fallas, pregues, cantís, coídos, furnas ...)

Gneis glandular no cabo de Santo Hadrián

Micropregue nas rochas do Portiño. A
tradición popular ve nel a imaxe da serpe
que esmagou o Santo Hadrián, para librar a
zona dunha praga destes animais (para
poder vela hai que ir coa marea baixa).

LUGAR DE INTERESE XEOLÓXICO GM018. Cizalla de Malpica-Lamego, nas praias de Esteiro e
de Seaia (Malpica). Pendente de descrición e delimitación definitiva.
Interese: Tectónico
Pódese observar a deformación dos xistos, granitos, e neis con presenza de milonitas.
Praia de Seaia

VALOR BIOLÓXICO
No litoral de malpica podemos atopar una grande variedade de ecosistemas e hábitats, en
especial os asociados aos cantís expostos á ondada e o vento.
Liques e gaivotas

Mexillóns, percebes e corvos mariños

A vexetación de cantís está moi especializada e pódense atopar numerosas especies e
subespecies endémicas da zona. En canto á fauna hai que destacar o número de aves
acuáticas, en especial nas Illas Sisargas.
Leucanthemum corunnense

Fento mariño (Asplenium maritimum) nunha cova na praia das Riás

Percebe, mixote (Pollicipes pollicipes)
Un crustáceo que vive apegado ás rochas.
É obxecto de captura e ten un importante
valor económico.

Nas Illas Sisargas aniñan varias
especies de aves acuáticas: gaivota
tridáctila (un dos poucos lugares de
cría de Galiza), gaivota crara, gaivota
sombría, corvo mariño cristado...
En 1948 criaban 330 parellas de arao
dos cons, hoxe practicamente
extinguido.
Gaivota tridáctila, garrucho
(Rissa tridactyla), aniña nas Illas
Sisargas desde 1974

LIC/ZEC “Costa da Morte”
A Costa da Morte é unha grande área litoral de cara ao Atlántico, de morfoloxía moi diversa,
na que se alternan grandes areais e marismas, illas e elevados cantís, con espazos expostos
e protexidos.
É unha área de enorme valor biolóxico que acolle unha importante flora e fauna con
numerosas especies pouco comúns. É unha importante área de pesca e marisqueo e
recentemente tamén de grande interese turístico.
Na Costa da Morte os protagonistas son as rochas (maiormente granitos), o mar e o vento.

LIC/ZEC Costa da Morte: comprende o litoral desde
Cabo Fisterra (Laxe de Corveiro) ata Arteixo (punta da
Cancela), agás a maior parte da ría de Camariñas e as
zonas próximas á áreas urbanas. É o espazo de maior
distribución territorial costeira do país.

USOS/APROVEITAMENTO
-Pesca, marisqueo
-Turismo, lecer e deportes

A lonxitude e variedade da costa do concello de
Malpica e o seu interese permite facer varias rutas.
Podemos facer un primeiro achegamento en coche,
una 75 km lineais, en dúas xornadas, tendo como
referencia a vila de Malpica.
1-Desde Malpica. O percorrido en coche son uns 20
km desde a praia dos Riás, 7 máis se nos
achegamos á praia das Torradas por Aviño e 9 km
chegar de Malpica a Cambre.
1-Desde Malpica aos Riás.
O percorrido en coche son uns 20 km ata a praia dos Riás,
7 máis se nos achegamos á praia das Torradas por Aviño e
9 km chegar de Malpica a Cambre.

2-Desde o porto de Malpica a
Punta Nariga. Percorremos uns 35
km (lineal). Para volver a Malpica
(por Mens) facemos 11,5 km (en
total: 46,5 km)

PROBLEMAS/AGRESIÓNS
-Construcións na liña de costa,
dragados, recheos
-Presión humana nos espazos
naturais e sobre as especies
-Especies invasoras
-Contaminación

Adela Leiro, Mon Daporta
Xaneiro 2021

Malpica, A Costa

Recomendados

Recomendados

Mais conteúdo relacionado

Mais procurados

Mais procurados (19)

Semelhante a Malpica, A Costa

Semelhante a Malpica, A Costa (20)

Mais de monadela

Mais de monadela (20)

Último

Último (20)

Malpica, A Costa