1. Educational
Technology 101
Prof. Ferdinand B. Pitagan, PhD. | 51827 EDTECH 101

2. Course Objective
Gain comprehensive knowledge and develop skills in instructional media
resources integration into the lesson plan.
Course Information
Course: EDTECH 101
Schedule: Tue & Thur 1:00 – 2:30 PM MITC
Credit: 3 units
Medium of Instruction: English and Filipino
Course Duration: June 19, „12 – Oct. 4, ‟12
UVLE: Edtech101 1S SY2012-13

3. Course Overview
This course discusses the philosophical, sociological, and psychological
foundations of and cultural and societal issues on the use of technology for
education with focus on the analysis, design, development,
implementation, and evaluation of instructional media resources.
General Objective
Gain comprehensive knowledge and develop skills in instructional media resources
integration into the lesson plan.

4. Instructor Information
Name: Ferdinand B. Pitagan, PhD
Email: eidrefpitagan@yahoo.com / fbpitagan
@upd.edu.ph
Webpage:http://iskwiki.upd.edu.ph/index.php
/Ferdinand_Pitagan
Twitter: http://twitter.com/eidreflicious/
Office: MITC
Consultation Hours: Tue & Thu / 10:30 –
12:00PM / 4:00 – 5:30PM
Contact Number: 981-8500 loc 2810 /
0928 2929 650

5. A. Introduction – The Student
Isang mainit at malugod na pagbati sa lahat, higit sa ating iginagalang na
guro at pangalawa sa aking mga kamag-aral sa kursong ito.
Ako po si Victorio J. M. Quindara, ngunit maaari rin akong tawaging Victor.
Kabilang ako sa mga kumukuha at nangangarap magtapos ng kursong
Sining Komunikasyon sa Filipino. Ako ay ipinanganak at lumaki dito sa
Maynila ngunit ang aking mga magulang ay kapwa nagmula sa lalawigan
ng La Union. Mahilig akong maglakbay at mamasyal sa iba't ibang lugar
kasama ang aking mga mahal sa buhay. Ako ay pinalad nang makarating
sa mga karatig bansa sa Timog-Silangang Asya at maging sa ilang bansa sa
ibabang bahagi ng ating globo. Ngunit pangarap ko ring marating ang
marami pang sulok sa ating bansa. Ako ay pinagsama-samang isang mag-
aaral, isang maalalahanin at mapagmahal na katuwang sa buhay, isang
masayahing ama, isang mabuting kaibigan, at isang masikap na
manggagawa (ako po ay isang "freelance airline ticketing agent" at
namamahala rin sa isang maliit na "tutorial center").
Manindigan at manaig ka, Iskolar ng Bayan!

6. A. The Course
Mga inaasahan
1. Sa Kurso - Batay sa nilalaman ng kursong ito na ipinamahagi sa mga
mag-aaral, inaasahan ko ang mabunga at malamang talakayan na
gagabay sa bawat isa upang mailakip ang malaki at malawak na
potensiyal ng teknolohiya bilang isang mahalagang kasangkapan o
kagamitan sa larangan ng epektibong pagtuturo.
2. Sa Guro - Walang pag-aalinlangang inaasahan ko ang sariling
pamamaraan at di- matatawarang kakayahan ng ating guro upang
maitawid sa kanyang mag-aaral ang mga dapat matutunan sa mabisang
paghahatid at pagpapakalat ng kaalaman.
3. Sa Mga Kamag-aral - Inaasahan ko ang pakikipagtulungan at
pakikibahagi ng bawat isa sa kanilang pangkat na sasaniban upang
maging magaan at maayos ang bawat gawain na itatakda ng guro.
4. Sa Aking Sarili - Umaasa akong sa pagtatapos ng kursong ito ay may
mahahalagang kaalaman akong natutunan na aking magagamit sa
pagsusulong ng wastong pamamaraan ng pagtuturo.

7. B. Class Syllabus
CONTENT ACTIVITIES REFLECTIONS
SCHEDULES OTHERS

8. C. Topics
ROLES OF TEACHERS AND
WHAT IS EDUCATIONAL
LEARNING THEORIES COMPUTERS IN
TECHNOLOGY
EDUCATION
ISSUES AND TRENDS IN
INSTRUCTIONAL MEDIA REFLECTIONS
THE USE OF COMPUTERS
RESOURCES
IN TECHNOLOGY

9. What is educational technology?
Educational technology is learning through the use of audio-visual
tools such as computers, projectors, slides, and other electronic
devices. Unlike the conventional method of instruction where the
teacher uses a blackboard, illustrations, and other graphics,
educational technology provides a more creative presentation of
lessons in a way that it encourages a more active class
participation.
The state of educational technology in the Philippines is below
standard. Whereas most of our schools, whether public or private,
do not have a basic computer facility or even an outdated vcr or
any other video machine, many schools in first world countries
provide digital textbooks for the use of their students.
As a future educator I would rally our government officials,
especially those in the education department and our legislators, to
prioritize the need for information and communication technology
skills enhancement of students by providing training programs and
facilities for them to be globally competitive.

10. Instructional Media Resources
Ang mga impluwensiya ng media technology
Sa aking buhay
Ito ay nagbibigay sa akin ng maayos at madaling paraan upang
makipag-ugnayan sa aking mga mahal sa buhay, kaibigan, kakilala, at
mga kamag-anak na nasa malalayong lugar. Sa pamamagitan ng
media technology ay nalalaman ko ang kani-kanilang kalagayan, at
gayundin sila sa akin. Kami ay nakakapag-kumustahan, nakakapag-
plano ng maraming bagay, nakakapagpalitan ng saloobin, at marami
pang iba.
Bilang mag-aaral
Sa buhay mag-aaral ay malaki ang naitutulong ng media technology
sa dahilang maaari kong gawin o tapusin kung anuman ang itakda ng
guro sa malinaw at malikhaing paraan.
Bilang guro sa hinaharap
Sa pagbabahagi at paglinang ng kaalaman, ang media technology
ay may isang malaking papel na ginagampanan lalo na sa mga
nagnanais maging guro. Kung noon ay simpleng pisara lamang ang
pangunahing gamit ng isang guro sa pagtatawid ng
kaalaman, ngayon ay mayroon nang iba‟t ibang makabagong
kagamitan tulad ng computer, LCD, projector, at iba pang kauri.

11. Learning Theories
Ang learning theory na sinusunod ko sa aking personal na pamumuhay
ay ang constructivism theory. Ang aking pagkatuto at pagdagdag ng
kaalaman ay ibinabatay ko sa mga nagdaang natutunan at karanasan.
Sa pagsusuri sa mga ganitong sitwasyon ay naiiwasan kong maulit ang
isang bagay na hindi maayos ang bunga dahil na rin sa napag-aralan ko
na at napagdaanan ko ito at naihahanda ko ang kaukulang pagbabago
ng mga hakbangin upang maiwasan at di na maulit ang isang bagay na
di umayon sa aking kagustuhan.
Sa aking pag-aaral, ang teoryang sinusunod ko ay ang cognitivism
theory. Ito ay sa dahilang naniniwala ako sa lakas at kakayahan ng isip
upang tumanggap ng gaano man karaming impormasyon o kaalaman
upang matuto ang isang mag-aaral. Ito ang pangunahing kasangkapan
ng isang estudyante upang maunawaan ang iba‟t ibang bagay o aralin
at maging mapanuri kung ang dulot ba nito‟y pakinabang o kabaliktaran
sa kanyang buhay-estudyante.

12. Issues & Trends in the Use of
Computers in Technology
Digital divide – Upang lunasan ang problemang ito ay nangangailangan ng
sama-sama at seryosong pagkilos ng iba‟t ibang sektor ng lipunan magmula
sa pamahalaan, sa mga pribadong kumpanya at organisasyon, sa sektor ng
edukasyon, at maging sa bawat indibiduwal.
Dapat pangunahan, bigyang pansin, at paglaanan ng sapat na pondo ng
mga kinauukulan at hikayatin din ang mga nasa pribadong sektor na
makibahagi sa isang makabuluhang layuning ito upang itaas ang antas ng
kaalaman sa teknolohiya sa mas nakararami nating mamamayan. Sa
ganitong paraan ay makakasabay ang ating bansa sa modernisasyon at
mabilis na pagsulong ng teknolohiya.
Internet addiction – ang pagkahumaling sa internet ay may iba‟t ibang
dahilan. Marami rito ang nahihilig sa panonood ng mga pelikula, pag-
“download” ng musika, paglalaro, pagsasaliksik, pagpapalawak ng
kaalaman, atbp. Para sa akin, kung ang pagkahumaling sa internet ay may
magandang pakinabang, lalo na sa isang mag-aaral, ay dapat itong
hikayatin.

13. Ngunit kung ang pagkagumon dito ay nagdudulot na ng pagkasira ng
katinuan sa dahilang dulot ng mararahas, maseselan, at malalaswang
materyales, maging ito man ay laro, artikulo, o palabas, ay
nangangilangan nang ipaalam sa magulang ng mga kabataang
apektado nito upang mabigyan ng tamang atensiyon at mabaling sa
kapaki-pakinabang ang kanilang panahon at konsentrasyon.
Plagiarism / copyright issues – Ang pag-angkin sa gawa, likha, o akda
ng iba ay isang kawalang paggalang at pagkilala sa pinaghirapan ng
iba. Napipilitan ang maraming estudyante at indibiduwal na gumawa ng
ganito at ito ay maaaring dala ng kakulangan ng kaalaman o di kaya‟y
katamaran sa pagsisikap na makagawa ng isang bagay gamit ang
sariling talino. Upang maiwasan ang ganitong bagay ay dapat na patuloy
na magdagdag ng maraming kaalaman at maging malikhain ang isang
tao upang magamit at mabihasa ang kanyang angking talino.
Cyber bullying - Ang isang tao ay nagiging matapang at marahas sa
iba sa paniniwalang siya ay nakaaangat o nakalalamang dito. Ang
maling pag-uugaling ito ay nagsisimula pa sa pagkabata at may iba‟t
ibang kadahilanan na anu‟t anuman ay maaaring umani ng kahihiyan at
pagkainis sa taong gumagawa nito.

14. Maiiwasan ang ganitong pangyayari kung mula pa sa pagkabata ay
huhubugin na sa kagandahang-asal ang isang tao. Kapag ang isang
bata ay namulat sa masayang kapaligiran na may pagbibigayan at
pagkilala sa karapatan ng iba ay malayong mangyari ang isang uri ng
pang-aapi tulad ng “cyber bullying”.

15. Roles of Teachers & Computers in
Education
Ang teknolohiya ay isang mahalagang kasangkapan sa pagtuturo at
maging sa pag-aaral ng isang estudyante. Ngunit anumang taas ng antas
ang abutin ng teknolohiya kung walang may sapat at wastong kaalaman
tungkol dito na maaring magpakalat nito, ito ay balewala rin. Dito
pumapasok ang mahalagang papel ng isang guro bilang eksperto at
may malawak na kaalaman sa teknolohiya. Sa kanyang pagtuturo ay
kailangang makita na siya ay may malaking kakayahan, mataas na
kaalaman, at handang sumabay sa pagbabago ng teknolohiya upang
hindi maiwan sa mabilis nitong pagsulong. Kinakailangan ding maging
huwaran siya ng responsableng paggamit ng teknolohiya sa edukasyon,
tulad ng internet, upang hindi ito makasira ng kabutihang asal at
moralidad sa kabila ng napakaraming mararahas at malalaswang
materyal na lantad na makikita rito.
Ang isa pang mahalagang tungkulin ng isang guro ay ang pagbibigay
ng “human touch” o aspeto ng damdamin upang maiparating sa
kanyang estudyante na sa kabila ng pag-angat ng teknolohiya ay tao pa
rin ang dapat mangibabaw at magkontrol sa teknolohiya at hindi ang

16. D. Reporting
TEXT MEDIA MOTION MEDIA MULTI-MEDIA
AUDIO MEDIA PEOPLE MEDIA REFLECTIONS
VISUAL MEDIA MANIPULATIVES

17. Text Media
Mahalaga ang text media sa maraming larangan ngunit para sa akin,
mas mahalaga ito pagdating sa edukasyon. Ito ang isa sa pangunahing
pamamaraan upang maiparating ng guro ang kaalaman sa kanyang
mga mag-aaral. Sa paaralan, maraming anyo ng text media ang
pantulong sa mga estudyenate tulad ng mga aklat, babasahin,
pahayagan, atbp. Sa pamamagitan nito ay nabibihasa sila sa
kakayahang bumasa at umunawa sa nilalaman ng anumang paksa
artikulo.
Bilang isang guro, bibigyan ko ng sapat na oras ang mga mag-aaral
upang kilalanin at suriin ang maraming anyo ng text media at gamitin ang
mga ito nang ayon sa pagkakataon.
GROUP PRESENTATION: Delivery – 10, Content – 10, Teamwork - 10
HANDOUT: Content – 9, Graphics and Layout - 9

18. Audio Media
Sa aking pananaw, malaki ang nagagawa at kontribusyon ng audio media
sa pag-aaral ng larangan ng musika. Nagbibigay ito ng iba‟t ibang emosyon
sang-ayon sa tema ng tugtugin o awitin. Bukod dito, malaki rin ang
nagagawa nito sa iba pang aplikasyon tulad ng komunikasyon, pagbabalita,
at iba‟t ibang pagtitipon. Ang mga nabanggit ay walang kahihinatnan kung
walang audio media na umaagapay sa kanila. Sa mga ganitong
pagkakataon, ang audio media ay may kakayahang makapag-isa. Ngunit sa
isang banda, mas malaki ang kapakinabangan nito kung ilalapat kasabay ng
visual media dahil mas nauunawaan ang isang bagay, punto, o paksa kung
magtutulong sa pagbibigay paliwanag ang dalawang uring ito ng media.
Ang audio media ay maaari kong magamit sa pagtuturo upang ilahad ng
mas malinaw ang katangian ng bawat wikang ginagamit sa ating bansa.
Gamit ang araling nakasalin sa audio cd, iparirinig ko sa klase kung paano
binibigkas ang mga salita pati ang punto nito (accent) at ang kaibahan at
pagkakatulad ng mga ito sa isa‟t isa sang-ayon sa lugar o rehiyon. Sa
ganitong paraan ay higit na mauunawaan at pahahalagahan ng mga mag-
aaral ang aspetong ito sa kultura ng ating bansa.
Group Presentation: Delivery – 8, Content – 8, Teamwork – 9
Handout: Content – 8, Graphics and Layout - 8

19. Visual Media – Our Group Report
MEMBERS:
1. Victor Quindara 4. Goldey Malabanan
2. Kevin Bandalaria 5. Tricia Rodriguez
3. Gelli Pinon
Malaki ang naiaambag ng visual media sa edukasyon. Ito ay nagbibigay ng
malinaw na paglalarawan ng alinmang bagay o paksang tinatalakay sa loob ng
silid-aralan. Ang mga guro ay nagiging malikhain sa kanilang pagtuturo sa dami
ng kagamitang maghahayag ng kaalaman at pinupukaw rin nito ang pagiging
matuklasin ng isang mag-aaral upang magsaliksik sa kanyang interes tungkol sa
isang bagay.
Sa dami ng bilang ng visual media na magagamit ngayon sa pag-aaral at
pagtuturo, ang kinakailangan na lang ay ang pagiging malikhain upang maging
epektibo ito sa loob ng paaralan.
Group Presentation: Delivery – 8, Content – 9, Teamwork – 9
Handout: Content – 9, Graphics and Layout - 8

20. Motion Media
Ang motion media ang isa sa mga mabisang paraan ng paglalahad ng
leksyon sa loob ng silid- aralan. Bukod sa nakakaagaw agad ng atensyon
ng mga estudyante, nagbibigay din ito ng sigla upang maging aktibo sila
sa interaksyon at partisipasyong hinihingi sa klase. Bukod dito mas
nagbibigay paliwanag ito sa isang paksa kaysa sa simpleng paraan ng
pagtuturo na nagiging daan upang madaling maunawaan ng mga mag-
aaral ang kanilang pinag-aaralan.
Madali kong magagamit ang motion media sa aking mga estudyante
sa pamamagitan ng maiikling palabas tungkol sa kaibahan at
pakinabang ng paggamit ng tuwid sa ating wika kaysa sa paggamit ng
pabalbal nito, na hindi kaila sa atin ay masyadong laganap lalo na sa
mga kabataan ngayon.
Group presentation: DELIVERY – 10, CONTENT – 9, TEAMWORK – 10
Handout: CONTENT – 9, LAYOUT - 9

21. People Media
Sa lahat ng media resources, ang People Media ang masasabing
frontliner. Sila ang nag-iisip, nagpaplano, at nagpapahayag tungkol sa iba
pang media resources. Sa People Media umaasa ang lahat ng ibang
media resources sa dahilang sila ang pangunahing operator at sa kanila
umaasa ang pagpapakalat ng mga ito.
Sa edukasyon, malaki ang ginagampanan ng People Media at kabilang
dito ang mga guro, mga akda ng aklat na gamit sa paaralan,
mamamahayag, mga siyentipikong tumutuklas ng makabagong
teknolohiya, at marami pang iba. Sila ang tulung-tulong sa pagbibigay ng
maraming kaalaman sa mga estudyante at pati na rin sa pangkalahatan.
Bilang Filipino major ang pakinabang ng People Media ay magagamit
ko sa classroom sa pamamagitan ng pag-iimbita sa mga taong may lubos
at malawak na kaalaman sa ating sariling wika upang magsalita at
bigyang-linaw ang kahalagahan nito sa ating pambansang
pagkakakilanlan na dapat ingatan at ipagmalaki.
Group Presentation: Delivery – 9; Content – 9; Teamwork – 9
Handout: Content – 9; Graphics and Layout - 8

22. Manipulatives Media
Ang manipulatives media ay isang paraan upang maging malikhain ang
mga mag-aaral sa kanilang mga gawaing pampaaralan. Malaki ang
naitutulong nito sa mga estudyante sa paghikayat na gamitin ang sariling
kakayahan sa paraang maging aktibo ang kanyang partisipasyon sa
alinmang proyektong kanyang isinasagawa.
Sa pagtuturo, malaki ang maiaambag ng manipulatives media dahil
mabibigyan nito ng kalayaan ang mag-aaral na gumawa ng naaayon sa
kanyang sariling disenyo upang bigyang-diin at paglalarawan ang isang
mahalagang paksa, tulad halimbawa ng pagtalakay sa pinagmulan ng
baybaying Pilipino.
Ang ika-anim na pangkat ay nakapaglahad ng maliwanag. Bagama‟t
may ilang kasapi na mahina ang pag-uulat, sa pangkalahatan ito ay
naging maayos at puno ng impormasyon.
Group Presentation: DELIVERY – 8, CONTENT – 8, TEAMWORK – 9
Handout: CONTENT – 8, LAYOUT & GRAPHICS - 8

23. Multi-Media
Ang multimedia ay malaki ang pakinabang na naiaambag sa
edukasyon. Unang-una maraming nakapaloob ditong uri ng media na
makapagbibigay sa guro kung alin sa mga ito ang nababagay na
kanyang gamitin sang-ayon sa partikular na paksang kanyang
tatalakayin. Sa mga estudyante ay maaari din nilang piliin kung alin ang
naaangkop na media ang kanilang magagamit sa anumang takdang
aralin o maging sa pag-uulat. Sa ganitong paraan ay kapwa nabibihasa
ang guro at mag-aaral sa kakayahan at aplikasyon ng multimedia bilang
makabagong pamamaraan sa pagpapalawak ng karunungan.
Sa hinaharap, hihikayatin ko ang aking mga estudyanteng subukan ang
iba‟t ibang aplikasyon ng multimedia upang bigyang daan ang kanilang
pagkamalikhain sa pag-aaral ng mga bagay na may kinalaman sa ating
wika.
Presentation: DELIVERY – 8, CONTENT – 9, TEAMWORK – 9
Handout: CONTENT – 9, GRAPHICS - 8

24. E. Exams - Online Exams
Ang nilalaman ng katatapos na online exam ay malawak. Saklaw
nito ang lahat ng paksang napag-aralan at ang mga tanong ay
inilahad sa iba‟t ibang paraan, tulad ng true or false, multiple
choice, atbp. Sa aking obserbasyon ay may ilan lang katanungan
na parang hindi natalakay, o kung natalakay man ay maaaring sa
klase ito nangyari. Sa oras na inilaan para sa pagsusulit, masasabi
kong sapat lang ito upang masagot ang lahat ng tanong. At hindi
katulad ng karaniwang pagsusulit, hindi napanatili ang katahimikan
na malaking tulong sana upang makapag-isip ng angkop na sagot
sa mga tanong.
Para sa mga hindi pa sanay sa ganitong uri ng eksaminasyon,
mas madali ang pagsagot sa tradisyonal na pagsusulit kaysa sa
online exam sa dahilang mas mabilis magsulat sa papel kaysa
magtipa sa computer.

25. Maaaring irekomenda ang online exam kung gagawin ito ng sabay-
sabay sa loob ng silid-aralan at may maayos ng koneksyon ng internet
upang hindi maantala ang pagsagot at maubos lang ang oras na
inilaan para dito.
Hindi ako magsasagawa ng online exam kung hindi ko matitiyak na
walang mangyayaring pandaraya sapagkat napakadali sa isang
estudyante ang maghanap ng sagot kung siya ay online.
Bagama‟t nasagot naming lahat ng tanong sa pagsusulit, hindi
namin ito naipasa ng kapareha ko sa dahilang nag-hang ang
computer na aming ginagamit bago pa man maubos ang oras na
inilaan para maipasa ito.

26. F. Skills Development - Newsletter
Sa paggawa ng 2-pahinang Newsletter o Liham-balitaan ay nilagom o
tinipon ang lahat ng kaalaman at kakayahan sa pagbuo, aplikasyon, at
pagsusuri ng iba‟t ibang kagamitang pang-media. Dito ay sinubok ang
kakayahan ng mga mag-aaral na makagawa ng maayos at makulay na
liham-balitaan.
Sa aking palagay karamihan, kung hindi man lahat, ng mag-aaral ay
tumugon ng abot sa kanilang sariling husay at nalalaman at nakalikha ng
isang gawaing pasok sa pamantayan at panlasa ng guro.

27. F. Skills Development - ePORTFOLIO
Ang ePortfolio ang pinagsama-samang kabuuan ng kursong Education
Technology. Ito ang kalipunan ng lahat ng kaalaman, kakayahan, at
pamaraang natutunan sa lahat ng aspeto ng iba‟t ibang araling
bumubuo sa kursong ito. Maihahambing ito sa mga proyektong itinakda
ng guro para sa isang asignatura na sa banding huli ay titipunin,
pagsasama-samahin, at ipapasa ng sabay-sabay sa guro bilang
panghuling gawain ng bawat mag-aaral.
Sa paggawa nito ay ilalapat lahat ng kaalaman at kakayahan sa
natutunang mga media bilang patunay na anumang naituro ng guro ay
magagamit ng mag-aaral sa hinaharap, higit sa paggamit ng teknolohiya
sa edukasyon.

28. G. Lesson Plan
Ang paggawa ng Lesson Plan na may sangkap ng teknolohiya ay isang
paraan ng guro upang malaman ang lawak ng natutunan ng mga mag-
aaral sa aplikasyon ng makabagong teknolohiya sa edukasyon. Layunin
din ng guro na bigyan ng matibay na kasanayan ang mag-aaral na
nagnanais maging guro sa hinaharap upang sumabay sa pagsulong ng
mga bagong pamamaraang ito sa pagtuturo na kanya ring maibabahagi
sa kanyang mga estudyante.

29. H. Instructions
METHODOLOGIES UVLe REFLECTIONS
MEDIA OTHERS

30. H. Reflections
Ang mga pamamaraan, teorya, kagamitan, at iba pang pantulong sa
pagtuturo ay mabisang nagamit ng guro upang maunawaan ng mga
mag-aaral ang mga tinalakay na aralin. Sa tulong ng mga nabanggit ay
malinaw na nailahad ang maraming paksa at nagtala ng mataas na
bahagdan (percentage) ng pagkatuto sa kursong ito. Isang patunay na
ang gurong humawak ng asignatura ay may malawak na kaalaman sa
kanyang leksiyon at may kakayahang ibahagi ito sa epektibong
pamamaraan.

31. I. Assessment – Rubrics
Sa pagtaya ng iba‟t ibang nilalaman ng kurso, magmula sa
kabuuang pag-uulat ng mga pangkat, pag-uulat ng bawat isang
kasapi sa grupo, hanggang sa pagtaya sa ilang gawain, ang
anyo ng pamantayan (rubrics) o panuntunan ay akma sa kung
alinman sa mga nabanggit ang minamarkahan.
Ang mga ginamit na rubrics ay nagbigay ng malinaw na
paglalarawan kung anu-anong bagay sa nasabing mga
aktibidades ang dapat pagtuunan ng pansin at bigyan ng
kaukulang antas ng marka.

32. J. Instructor
Sa aking pansariling pananaw at paniniwala, ang guro ng Education
Technology ay may malawak na kaalaman sa kanyang itinuturong
asignatura. Malinaw ang kanyang paglalahad at maliwanag ang
kanyang pananalita. Siya ay may kakayahang pasiglahin ang pagtalakay
sa anumang paksa sa kanyang sariling paraan. Hinihikayat niya ang
partisipasyon ng bawat isa sa klase upang magkaroon ng kasanayan sa
pananalita sa harap ng marami.
Siya ay nagbabahagi rin ng ibang kaalaman at pamamaraang
makakatulong sa mga mag-aaral upang lubos na maunawaan ang mga
talakayan. Higit sa lahat, ginagabayan niya ang kanyang mag-aaral sa
paraang hindi sila mangingiming magtanong tungkol sa mga bagay na
hindi pa lubos na nauunawaan. Ito ay isang pagpapakita ng paggalang
sa limitadong kakayahan ng mag-aaral na umaani rin ng natatanging
paggalang para naman sa guro.

33. K. Recommendation
Para sa akin, ang nagdaang semester ng Education Technology ay
isang karanasang hitik sa kaalaman. Isang mabungang pag-aaral na nag-
iiwan sa mag-aaral ng di-mapapantayang kasanayan sa paggamit ng
teknolohiya sa edukasyon. Idagdag pa na pinalulutang nito ang
kakayahan ng bawat isang maging malikhaing guro sa hinaharap.
Sa aking sariling obserbasyon, ang mga saklaw nitong aralin ay sapat
na upang turuan ang mag-aaral sa pakinabang ng makabagong
pamamaraan sa pag-aaral at pagtuturo. Nailatag ng asignaturang ito
ang pangunahing pundasyon upang ipakita at ipakilala ang malaking
tulong na nagagawa ng teknolohiya sa edukasyon. Ang kinakailangan na
lang ay ang patuloy na pagdaragdag at lubos pang pagpapalawak ng
mga karunungang may kaugnayan dito.

34. L. Outside the Classroom
Experience - Field Trip
Ang lakbay-aral na ginanap kamakailan at kung saan ang mga mag-
aaral sa pangunguna ni Prof. Ferdie B. Pitagan ay nagtungo sa
Knowledge Channel ay isang natatanging karanasan para sa akin.
Dito ay ipinakita ang iba‟t ibang pambatang palabas, mga pambatang
aktibidades, at iba pang materyales na makakatulong sa mabilis na
pagkatuto ng mga bata sa matematika at agham.
Layunin ng lakbay-aral na itong ituro kung paanong epektibong ilapat
ang teknolohiya sa pagtuturo. Hangarin din nitong dagdagan ang
kaalaman, at kakayahan upang lumawak ang pananaw ng mga
kabataan sa papel na ginagampanan ng teknolohiya sa maraming
larangan, kabilang na ang edukasyon.

35. Field Trip – Knowledge Channel
Oct. 1, 2012

36. Field Trip – Knowledge Channel
Oct. 1, 2012

37. EDTECH 101Sem-ender Party
Oct. 11, 2012

38. EDTECH 101Sem-ender Party
Oct. 11, 2012