Shqipëria është e përgatitur në mënyrë të moderuar në fushën e tatimeve. Janë bërë disa përparime, veçanërisht për sa i përket përafrimit te legjislacionit me acquis mbi tatimin mbi vlerën e shtuar (TVSH ) dhe akcizat. Performanca e të ardhurave në vitin 2014 është rritur, si pasojë e rritjes së taksave dhe përmirësimeve në administratën tatimore, por në vitin 2015 nuk u rrit sipas planifikimit buxhetor. Kapacitetet menaxheriale dhe ato të mbledhjes së të ardhurave duhet që të rriten për të siguruar pajtueshmërine me ligjin dhe për të parandaluar ndryshime në mëtejshme të të ardhurave

1. Law. Tax. Transparency
PROGRES RAPORTI I KOMISIONIT EUROPIAN PËR SHQIPËRINË, 2015
KAPITULLI 16: TATIMET
Shqipëria është e përgatitur në mënyrë të moderuar në fushën e tatimeve. Janë bërë disa përparime,
veçanërisht për sa i përket përafrimit te legjislacionit me acquis mbi tatimin mbi vlerën e shtuar (TVSH )
dhe akcizat. Performanca e të ardhurave në vitin 2014 është rritur, si pasojë e rritjes së taksave dhe
përmirësimeve në administratën tatimore, por në vitin 2015 nuk u rrit sipas planifikimit buxhetor. Në
vitin e ardhshëm, vendi duhet në veçanti të fokusohet në:
→ zbatimin e legjislacionit të ri të TVSH-së në mënyrë efektive, çka përfshin rritjen e ndërgjegjësimit te
bizneset dhe trajnimin e punonjësve tatimorë;
→ zbatimin në mënyrë rigoroze të masave për parandalimin e borxheve të reja të TVSH-së dhe
adresimin e ankesave të bizneseve për vonesat e rimbursimit të TVSH-së ;
→ sigurinë se sistemi i ri IT është efektiv në reduktimin e praktikave arbitrare, mashtrimin dhe
korrupsionin, si
dhe përmirësimin e shkëmbimit të informacionit .
Mbi tatimet indirekte, ligji i ri i tatimit mbi vlerën e shtuar dhe legjislacioni zbatues hyri në fuqi në janar.
Ligji kërkon harmonizimin me Direktivën e TVSH-së, por ende përmban përjashtime (normat zero %), të
cilat nuk janë në përputhje me acquis. Ai përcakton afate të qarta për pagesën sipas kërkesave të
rimbursimit të TVSH-së. Janë marrë masa për të rimbursuar pothuajse të gjitha detyrimet e
prapambetura të TVSH-së.
Legjislacioni për TVSH dhe për procedurat tatimore u ndryshua në Korrik duke siguruar ngritjen e një
njësie qendrore në Drejtorinë e Përgjithshme të Tatimeve, e cila do të përpunojë kërkesat e rimbursimit
të TVSH në bazë të një modeli rrisku, me synimin per të shkurtuar kohëzgjatjen e procedurës. Disa
udhëzimeve mbi disa procedura te përjashtimit nga TVSH u miratuan gjithashtu në Qershor.
Ligji i akcizës u ndryshua në Dhjetor, duke rritur akcizën në produktet e duhanit dhe duke bërë
ndryshime të akcizës për pijet energjetike dhe heqjen e akcizës për bitumin natyror. Eshtë e nevojshme
që të punohet në vijimësi lidhur me përafrimin e normave të akcizës me acquis .
Mbi tatimet direkte, norma e tatimit mbi të ardhurat personale e aplikueshme mbi të ardhurat nga
aksionet, nga dhënia me qira e pasurise se paluajtshme dhe nga të drejtat e autorit është ngritur në
15%, ndërsa të ardhurat që rrjedhin nga skemat vullnetare te pensioneve u përjashtuan. Hapa të
mëtejshëm janë të nevojshme për të përmirësuar transparencën dhe konsultimet publike në hartimin e
legjislacionit fiskal.
Për sa i përket bashkëpunimit administrativ dhe asistencës reciproke, Shqipëria është pjesëmarrese në
programin e Fiscalis 2020 të BE-së, që nga Janari. Administrata tatimore është duke bashkëpunuar me
agjencinë italiane të të ardhurave në çështjet e transferimit të çmimit sipas programit të OECD-së
"Inspektorët tatimorë pa kufij “. Janë përfunduar marrëveshjet për shmangien e taksimit të dyfishtë dhe
parandalimin e evazionit fiskal me Islandën dhe Federaten Zvicerane.

2. Law. Tax. Transparency
Për sa i përket kapaciteteve operacionale dhe informatizimit, një sistem i ri u instalua dhe po zbatohet
në administraten tatimore, që prej Janarit. Deklarata e tatimit mbi të ardhurat personale mund të bëhet
tani nëpërmjet paisjeve elektronike. Problemet teknike fillestare të hasura nga tatimpaguesit tashmë
janë zgjidhur.
Koordinimi në mes të administratave tatimore dhe doganore është forcuar, duke arritur që sistemet e
tyre të IT të jenë të ndërveprueshme. Janë marrë masa për të luftuar evazionin fiskal në tregun e
karburanteve. Drejtoria e Përgjithshme e Tatimeve ka forcuar bashkëpunimin me Inspektoratin e Lartë
të Deklarimit dhe Kontrollit të Pasurive dhe Parandalimit të Konfliktit të Interesit.
Kapacitetet menaxheriale dhe ato të mbledhjes së të ardhurave duhet që të rriten për të siguruar
pajtueshmërine me ligjin dhe për të parandaluar ndryshime në mëtejshme të të ardhurave.
®NENTOR 2015