useful

1. Илуудэл жингээ хаяад эргэж таргалахгуй байх нууцаас
Бидний ихэнхи нь жингээ хасахыг хичнээн хичээгээд ч бүтэлгүйтэж аргаа барсан
үетэй тулгарч үзсэн байдаг. Турах гэж оролдоод бүтэлгүйтсэн хүмүүс ихэвчлэн жин
хаяж чадна гэдэгт итгэхээ больж, хоолны дэглэм барьсан ч ямар ч үр дүнгүй гэж
шантрах нь элбэг тохиолдоно. Гэвч удаан хугацаанд оролдоод хүрч чадаагүй
амжилтандаа хүрэхэд туслах жижиг боловч үр дүнтэй аргууд байдаг гэдгийг та
мэдэх үү? Үүний нууц нь өөрт тааламжтай аргуудыг сонгож, төлөвлөгөө гарган,
тураах дэглэмтэй холбоотой төөрөгдлүүдээс сэргийлж, эрүүл бөгөөд илүү
тааламжтайгаар жингээ хасахад суралцах явдал юм. Илүүдэл өөх биеийн аль
хэсэгт илүүтэй хуримтлагдах нь мөн эрүүл мэндэд нөлөөлнө. Гуя, өгзөгний
хэсгээрээ бус хэвлийгээрээ таргалах нь эрүүл мэндэд илүү сөрөг нөлөөтэй байдаг.
Бэлхүүсний таргалалт нь хэвлийн хөндийн эрхтнүүд болон элгийг өөхөн эд
бүрхэснийг илэрхийлэх таргалалт бөгөөд, энэ хэлбэрийн таргалалттай хүмүүст
чихрийн шижин, зүрх судасны эмгэгтэй болох эрсдэл өндөр байдаг.
ЭРҮҮЛ, ЗӨВ АРГААР ЖИНГЭЭ ХАСАХ ГОЛ УЧИР
Хүний биеийн жин зарцуулсан энерги болон хооллолтоор авч буй энергийн
(илчлэгийн) хоорондын тэнцвэрээр тодорхойлогдоно.Хэрвээ таны эрхтэнүүдйин
үйл ажиллагаа болон булчингийн идэвхит байдлаар зарцуулах энергийн хэмжээ
хоолноосоо авах илчлэгээс бага байвал таны жин нэмэгдэнэ. Хоолны илчлэг
зарцуулсан энергийн хэмжээнээс бага байвал таны жин хасагдана.
3500 ккал илчлэг нь ойролцоогоор 450 гр өөхтэй тэнцдэг. Тиймээс өдөр бүр хоол
хүнснээс авах илчлэгийн хэмжээгээ 500 ккал-оор бууруулахад, таны жин 7 хоногт
дунджаар 450 гр хасагдах болно. (500 ккал х 7 хоног = 3500 ккал)
Үүн дээр үндэслэн дараахь удирдамжийг хэрэгжүүлээрэй:
Түр хугацааны хоолны хатуу дэглэм барихын оронд амьдралын хэвшлээ
өөрчлөөрэй. Дахин таргалахгүйгээр, жингээ зөв хасахад дан ганц хоолны
дэглэм хангалтгүй. Үүний оронд амьдралын хэв маягаа өөрчлөх нь эрүүл
мэндэд илүү ач холбогдолтой байдгийг ухамсарлаарай. Олон төрлийн
богино хугацааны хоолны хатуу дэглэмийн оронд насан туршийн амьдралын
эрүүл хэв маяг, зөв хооллолтыг сонгох нь илүү үр дүнд хүргэнэ.
Аажим багаар хирнээ тогтмол турах нь эргэж таргалахгүйн баталгаа болно.
7 хоногт 450-900 гр жин хасах нь эрүүл мэндэд сөрөг нөлөөгүй. Эсрэгээрээ
богино хугацаанд их жин хассанаар таны бие болон оюун ухаан ядарч
сульдан өвчилнө. Үүнээс гадна богино хугацаанд их жин хасахад хүний бие
дэх өөх тосноос илүүтэйгээр булчингийн эд болон ус алдагддаг.
Зорилгодоо хүрэхийн тулд өөрийгөө өдөөж идэвхжүүлэх хэрэгтэй. Зун
болохоос өмнө хүссэн хувцсандаа таардаг болтол яаралтай турах гэсэн
зорилго ихэнхдээ биелдэггүй. Харин түүний оронд турснаар би өөртөө
итгэлтэй болно, ажлын амжилт гаргана, эрүүл байж хүүхдүүддээ түшиг
болно гэсэн том зорилгууд таныг илүү зоримог байлгаж чадна. Илүүдэл
жингээ хаяж чадахгүй шантрах үед эрүүл мэндийнхээ төлөө амьдралын хэв
маягаа өөрчлөх зорилгоо хадгалах нь чухал.
Тэмдэглэл хөтлө. Хоолны тэмдэглэл хөтөлж, биеийн жингээ тогтмол
хэмжиж, хассан жин болон бэлхүүсний тойргийн хэмжээгээ тэмдэглэн
дүгнэлт хийж заншаарай. Энэхүү тэмдэглэл нь таны хичээл зүтгэлийг илтгэх
бөгөөд танд урам өгнө.Хувь хүн бүрийн биеийн онцлог болон сонирхдог
хоолны сонголтонд тохирох хоолны дэглэм ялгаатай байдаг тул өөрт таатай

2. хирнээ илчлэг багатай хоолны сонголт хийхийн тулд олон төрлийн хоол
амсаж нэлээдгүй туршилт хийх хэрэгтэй гэдгийг санаарай. Хамгийн чухал нь
та сэтгэл хангалуун байж, дэглэмээ урт хугацаанд хадгалах явдал юм.
Хэрвээ таны сонгосон хоолны дэглэм үр дүнгүй байвал дахин өөрийг
оролдоод үзээрэй. Жин хасах маш олон аргууд бий. Гэхдээ зөвхөн өөрт
тохирох зөв аргаа олох нь амжилтын нууц юм.
ЖИН ХАСАХ ЗӨВЛӨМЖҮҮД
1. Хурдан тураадаг хоолны хатуу дэглэм барих, тураах эм уух зэрэг яаралтай арга
хэмжээ нь дараах шалтгаануудын улмаас ихэнхдээ бүтэлгүйтдэг:
• Ядарч сульдах. Бодисын солилцоонд чухал үүрэг гүйцэтгэдэг нүүрс ус, өөх
тосыг бүр мөсөн хэрэглээнээсээ хасах нь шим тэжээлийн тэнцвэргүй байдалд
хүргэдэг. Хамгийн гол нь тэдгээрийг тохирсон хэмжээгээр, зөв харьцаатай
хэрэглэдэг байх нь чухал.
• Хоол хорьсны дараа эргэж жин илүүтэйгээр нэмэгддэг. Хэрвээ хоолоо огцом
сойвол бодисын солилцоо удааширдаг. Улмаар хоолны хэвийн дэглэмдээ эргэн
ороход бодисын солилцоо хэвийн хэмжээнд хүрэх хүртэл жин нэмсээр байдаг.
2 . Сэтгэл хөдлөлөөр идэхээ зогсоо.
• Урт өдрийн төгсгөлд хоол идэхийн оронд, өөрийгөө сэргээж, стресс тайлах зөв
аргыг олоорой. Дуртай номоо унших, аагтай ургамлын цай ууж, халуун ваннад
орох эсвэл сайхан зүйлсийг харж сэтгэлээ сэргээ.
• Үдээс хойш эрч хүч бууран, залхуу хүрсэн үедээ хоолноос өөр сэргээш
хэрэглээрэй. Гадуур алхах, цоглог хэмнэлтэй хөгжим сонсох, сунгалтын болон
үсрэлтийн хялбар дасгал хийх гэх мэт олон сонголт бий. Мөн 30 минут орчим дуг
хийх нь өөрийн ач холбогдолтой байдаг.
• Ганцаардсан, сэтгэл санаа тавгүйтсэн үедээ хөргөгч рүү алхахын оронд өөр
зүйл хий. Таныг инээлгэдэг найз руугаа утасдах, салхинд гараад ирэх, кино үзэх,
дэлгүүр явах зэрэг олон нийтийн газар очиж болно.
• Стрессд орсон үедээ хоол идэлгүй өөрийгөө тайвшруулах эрүүл арга
хэрэглээрэй. Дасгал хөдөлгөөн, иог, бясалгал, амьсгалын дасгал хийж болно.
Стресстэй асуудлыг шийдвэрлэхийн тулд стрессийн эх үүсвэрийг өөрчлөх эсвэл уг
асуудалд хэрхэн хандах үйлдлээ өөрчил.
3. Хоолондоо анхаарлаа төвлөрүүлж сур.
• Идэж байхдаа анхаарлаа төвлөрүүлж, орчноо мэдэр. Удаан бөгөөд идэж буй
зүйлийнхээ амт, үнэрийг мэдэрч, таашаал ав.
• Идэж байхдаа өөр зүйлд сатаарахаас зайлсхий. Ажлаа үргэлжлүүлэх, зурагт
үзэх, ном унших, компьютерийн ард суух, жолоо барьж байхдаа идэхгүй байх нь
зүйтэй. Учир нь энэ тохиолдолд хэтрүүлж идэх эрсдэл өндөр байдаг.
• Хоолоо сайтар зажлах. Хоолоо залгихаасаа өмнө 30 удаа зажлах хэрэгтэй. Энэ
нь хоол идэх хугацааг уртасгаж, идэж буй хоолныхоо хазалт бүрээс таашаал авах
боломжийг олгоно.
• Идэж байхдаа анхаараа төвлөрүүлэхэд дөхөм болох зүйлсийг ашигла.
Сэрээний оронд савхаар хоол идэх, эсвэл буруу гартаа халбага, сэрээгээ барин
хооллож болно.
• Цадатлаа бүү ид. Бидний тархинд хангалттай идсэн гэх дохио очтол хугацаа
шаардлагатай. Тавгаа хоосортол идэхээс зайлсхийгээрэй.
4. Жимс, хүнсний ногоо, үр тариа түлхүү хэрэглэ.
Тогтуун Хорвоо 39

3. • Бүдүүн ширхэгтэй үр тариа, хүнсний зүйлүүд хэмжээгээр том байдаг учраас
хурдан цатгадаг. Мөн удаан зажлагддаг тул цадсан гэсэн дохиоллыг хурдан
хүргэдэг. Ширхэглэг ихтэй хоол шингэхдээ илүү уддаг тул өлсөхгүй удаан байж
чаддаг. Хүнсний ногоо, жимс жимсгэнийг хүссэн үедээ, хүссэн хэмжээгээр
идэхэд хорих зүйл байдаггүй бөгөөд илчлэгийн хэмжээг нь тооцох
шаардлагагүй.
5. Бага хэмжээгээр хирнээ таашаал авдаг хоол иддэг байх
• Хоолны цэсээ эрүүл хүнсээр баяжуул. Та өөрийн идэх дуртай
мөхөөлдөс, чипс, бялуу, шоколад зэрэг илчлэг өндөртэй хүнсний
бүтээгдэхүүнүүдээ хэрэглэсээр байж болно. Хамгийн гол нь бага
хэмжээгээр, бусад илчлэг багатай хоол хүнстэй хамт хэрэглэх
хэрэгтэй. Жишээ нь, мөхөөлдсөндөө гүзээлзгэнэ хийж, чипсээ
лууван, эсвэл өргөст хэмхтэй хамт идээрэй.
• Дуртай амттанаасаа татгалзалгүй гэхдээ тодорхой хэмжээгээр идэх хуваарь
зохио. Жишээ нь, оройн хоол болгоны дараа шоколадны жижиг дөрвөлжин иддэг
байх, эсвэл баасан гараг бүрийн орой зүсэм бялуу идэх гэх мэт. Хэрвээ та тогтмол
цагт, хуваарийн дагуу дуртай амттанаа идэж заншвал, бусад үед нь амттанд
хорхойтхоо зогсооно.
• Хүссэн хоолоо илчлэг багатай болгож иддэг байх. Дуртай хоол, зуушандаа тос
болон сахарын хэмжээг нь багасгаж хэрэглэ. Гэрийн нөхцөлд өөрөө нарийн боов,
хоол хийдэг бол цөцгийн тосны орцыг 2 дахин багасгаж, элсэн чихрийг бага хийж,
оронд нь ваниллын охь, шанцай түлхүү хэрэглээрэй.
• Амтлах мэдрэхүйн хамтаар бусад мэдрэхүйгээ хамт ажиллуул. Ямар ч утга
учиргүй идэхийн оронд удаан идэж, таашаал ав. Сайхан зассан ширээн дээр лаа
асаан, хөнгөн хөгжмийн аялгуунд зоог барих нь таны зоогийг илүү онцгой болгоно.
6. Хооллох зарчмаа зөв зохицуул.
• Өглөөний цайгаа заавал уугаарай. Өглөөний цайгаа тогтмол уудаг хүмүүс
уудаггүй хүмүүстэй харьцуулахад илүү эрүүл бөгөөд бага жинтэй байдаг. Эрүүл
өглөөний цайгаар шинэ өдрийг угтсанаар таны бодисын солилцоог
эрчимжүүлж, өдрийн үлдсэн хугацаанд хэтрүүлж идэхээс сэргийлэх болно.
• Хоолоо өдрийн турш бага хэмжээгээр ойр ойрхон идэх нь оройд хоолоо
хэтрүүлэн идэхээс хамгаална.
• Хоолны порцоо багасгаж жижиг хэмжээтэй аяга, таваг хэрэглэдэг болох. Жижиг
аяга дүүрэн хоол танд цадсан мэдрэмжийг илүү өгнө.
• Ямар хоол хийж идэхийг урьдчилан төпөвлөж төлөвлөгөөндөө тохирсон хүнс
дэлгүүрээс ав. Төлөвлөөд бэлдсэн хоол зууш байхад өөр төрлийн хоолонд
татагдахаа болино.
• Өлссөн үедээ хүнсний дэлгүүр бүү яв. Худалдаж авах ѐстой зүйлсээ
жагсаагаад, түүнийгээ хатуу баримтал.
• Хараанд тусахгүй бол, сэтгэл үгүйлэхгүй. Хорхой хүргэсэн идэх зүйл гэрт чинь
байхгүй байхад тэвчилгүй идээд суухгүй. Хэрвээ та хоолны дэглэм барьдаггүй
хүмүүстэй хамт амьдардаг бол илчлэг ихтэй хүнсний бүтээгдэхүүнүүдийг
нүднээсээ далд хадгал.
7. Амьдралын хэв маягаа өөрчлөх
• Хангалттай унтаж амар. Нойрны дутагдал нь өлсөх, хэтрүүлэн идэх, жин
нэмэхэд нөлөөлдгийг судалгаагаар тогтоосон. Мөн ядарч, сульдах нь таны
хоолны сонголтонд сөргөөр нөлөөлдөг. Шөнө бүр ойролцоогоор 8 цаг
сайхан амрахыг хичээгээрэй.
• Зурагтаа унтраа. Та унтаж байхдаа зурагт үзсэнээсээ илүү илчлэг шатааж
байдгаа мэдэх үү? Хэрвээ та дуртай нэвтгүүлгээ үзэхгүй байж тэвчихгүй бол
Тогтуун Хорвоо 39

4. хажуугаар нь хөнгөн дасгал хийгээрэй. Суулт, алхалт, резинэн татуурга,
гантелтай дасгал хийх нь тохиромжтой.
• Олон төрлийн дасгал хий. Дасгал хөдөлгөөн бол жингээ хасахыг хүсэгчдийн
хамгийн сайн найз юм. Дан ганц илчлэгийг шатаахаас гадна хүний биеийн
бодисын солилцоог эрчимжүүлдэг. Өдөрт 3 удаа 10 минутын турш дасгал
хийх нь нэг удаа 30 минутаар дасгал хийсэнтэй ижил үр дүнтэй. Хэрвээ энэ
нь үр дүнгүй мэт санагдвал хоолоо хийхдээ идэвхтэй байж, утсаар
босоогоороо ярьж, цахилгаан шатны оронд энгийн шат ашиглаарай.
• Шингэн их хэрэглэ. Кофе, согтууруулах ундаа, хийжүүлсэн ундааг цэвэр
усаар орлуулснаар өдөр тутмын илчлэгийн хэмжээг хялбархан багасгаж
болно. Мөн цангах мэдрэмж нь өлсөхтэй адил мэдрэмж төрүүлдэг. Тиймээс
илүү их ус ууснаар илүүдэл илчлэг авахаас зайлсхийж, идсэн хоолыг
задлахад тусална.
ХЭЗЭЭ ЖИН ХАСЧ ЭХЛЭХЭД ХАМГИЙН ТОХИРОМЖТОЙ ВЭ?.
• Биеийн жингээ өөрийн хүссэн хэмжээнд амжилттай хүргэж чадсан хүмүүсийн
ихэнхи нь зөвхөн идэх хоол, дасгал хийх арга барилаа өөрчилснөөр зорьсон
жиндээ хүрч чадсан байдаг. Хэрвээ та үнэн сэтгэлээсээ жингээ хасахаар
шийдсэн л бол тулааныхаа хагаст ялалт байгуулсантай адил амжилт гэж үзэж
болох юм.Учир нь илүүдэл жингээ хасах шийдвэр гаргасан л бол сэтгэлзүйн
асар хүчтэй даваа туулж чадсан байна гэсэн үг юм.
• Сонирхолтой нь жилийн зарим улиралын үед илүүдэл жингээ хасахад илүү
хялбар байдаг байна. Өвлийн улиралд нүүрс усны хэрэгцээ оргил үедээ хүрдэг.
Өвөл нарны гэрэлд байх хугацаа богино байдаг нь серотонины хэмжээ ихсэхэд
нөлөөлнө. Энэ нь хоол идэх дуршлыг өдөөдөг. Мөн түүнчлэн Д амин дэм болон
мелатонины хэмжээ багасч, кортизолын хэмжээ ихэссэнээр өвлийн улиралд
жингээ хасахад илүү хүндрэлтэй болдог. Өвлийн улирал нь тэс хүйтэн байдгийн
улмаас дасгал хөдөлгөөн хийх боломж хомс орны хүмүүс өвлийн улиралд
ихэнхдээ идэвхгүй болдог. Ихэнх хүмүүс цасаар бүрхсэн гудамжинд хэдэн
тойрог хийхийн оронд дулаан газар ном уншихыг илүүд үзнэ.
• Тиймээс та шинэ жил гарангуут бус, хавар эхлэхийн өмнөхөн жингээ хасч
эхэлбэл илүү үр дүнд хүрэх магадлалтай. Яагаад гэж үү? Учир нь 4,5-р
саруудад өдөр уртасч, нарны гэрэлд байх хугацаа нэмэгдэж, нүүрс ус болон
бусад эрүүл бус хоол хүнсний хэрэглээг бууруулахад тусалдаг.
• Үүнээс гадна ихэнх хүмүүс өдөр уртасч, цаг агаар дулаарахад илүү их эрч
хүчтэй болдог. Дулааны улиралд гадуур гарах, аяллаар явах, агаарт гарах
боломж илүү их байх болно. Ялангуяа өвөл нь хүйтэрдэг орны хүмүүс хавар,
зуны улиралд илүү их идэвхтэй байдаг.
Бид яагаад целлюлитэд өртдөг вэ?
Хүний биеийн арьсан доорхи өөхлөг давхрага жигд бус, товгор болж хувирснаас
арьсан гадаргуу бэржгэр харагддаг болох өөрчлөлтийг целлюлит гэж нэрлэдэг.
Ихэнхдээ гуя, өгзөг, гар болон гэдэсний доод хэсгээр тархалттай байдаг.
Целлюлит нь гадаад үзэмжиндээ их анхаардаг өнөөгийн мянга мянган
эмэгтэйчүүдийн санааг зовоох асуудлуудын нэг болсоор байгаа.
Целлюлит нь маш түгээмэл тохиолддог зүйл. Нөхөн үржихүйн нас давсан
эмэгтэйчүүдийн бараг 90 хувьд целлюлит ажиглагдах ба уг биений арьсны
гадаргуун өөрчлөлт нас ахих тусам улам гүнзгийрч харагддаг болно. Целлюлит
үүсэхэд илүүдэл жин тэр болгон гол шалтгаан болдоггүй. Целлюлит нь эрчүүдэд ч
Тогтуун Хорвоо 39

5. мөн адил тулгарах бөгөөд энэ нь маш ховор, ихэвчлэн их хэмжээгээр бэлгийн
дааврын тэнцвэр алдагдсанаас үүсдэг байна.
Целлюлит үүссэнийг гэрчлэх өвөрмөц шинж тэмдэг бол арьс бэржгэр болж
хонхойх явдал юм. Цэх зогсож байхад арьсны гаднах төрх жигд бус бэржгэр
харагдахад целлюлит байгааг гэрчилнэ. Целлюлитыг оношлох өөр нэг шинж нь
цусан хангамж удааширсан байдагаас целлюлиттэй хэсгийн арьсны дулаан
харьцангуй хүйтэн тэмтрэгддэг бөгөөд илүү цайвар харагдана, энэ хэсэг нь наранд
шарахад бараг борлодоггүй байна.
Целлюлитэд өртсөн хэсгийн арьсыг гараараа чимхэж үзэхэд ус хэт их нэвчсэнээс
илүү удаан тэнийдэг нь ажиглагдана. Усархаг шингэний нэвчилт нэмэгдэх тусам
өөхөн давхарга улам хатуурч бэржгэр болж эхэлдэг. Целлюлит хатуурах тусам
түүнийг эмчлэх илүү бэрхшээлтэй болдог. Иймээс аль болох эрт хугацаанд
целлюлитээс ангижрах арга хэмжээ авч эхлэх хэрэгтэй.
Целлюлит байгаа гэдэг нь таны бие хор хуримтлуулж байгааг баталж байгаа
бөгөөд таны биед "цэвэрлэгээ" хийж, хорыг гадагшлуулах цаг болсныг илтгэх нэгэн
дохио болдог байна.Целлюлит үүсэх эх үүсвэрт буруу хооллолт, стресс, хортой
эмийн зүйлс, байнгын суугаа ажил болон маш их хэмжээний цай, кофе, архи тамхи
хэрэглэх, цусны эргэлтийн удаашрал, тунгалгын тогтолцооны зогсонгишил зэрэг
багтана.
Целлюлитын анатомийн
Өөхөн эд өөртөө их хэмжээний ус шингээснээс болж целлюлит үүсдэг гэж ойлгож
болно. Улмаар их хэмжээний ус шингээсэн өөхөн эд нь хавагнан ойролцоох
холбоос эдүүдээ дарж эхэлдэг. Холбоос эд үүний хариуд өөхний бөөгнөрөлийн
томролтыг хязгаарлахын тулд нягт эд ялгаруулдаг нь цусны эргэлтэнд саад болж
эхэлдэг. Ингэх үед арьсан доор овгор товгорууд бий болно. Заримдаа цусны
эргэлт саатсаны улмаас овгорууд нь үрэвсэн хөндүүртэй болдог. Насанд хүрсэн
хүний өөхөн эсийн хэмжээ нь харьцангуй тогтвортой байдаг гэж үздэг. Иймд өөх
хуримтлагдах буюу таргалах нь өөхөн эсийн тоон хэмжээ нэмэгдэх бус, харин
эсүүдийн хэмжээ томорсонтой холбоотой юм. Таргалалтын хэмжээ болон өөрийн
онцлогоос шалтгаалаад өөхөн эс нь 30-40 дахин томорч чаддаг.Целлюлит бий
болох явц тодорхой үе шаттайгаар явагддаг. Эхний шатанд целлюлит нь нүдэнд
бараг харагддаггүй. Хүний биеийн илүүдэл хор шүүдэг тунгалагийн тогтолцооны
урсгал удааширснаас хаван хуримтлагдан жин нэмсэн төдий харагддаг ч арьсны
гадаргуу хэвийн жигд, гөлгөр байна. Хоѐр дахь шатанд цусны хураагуур (венийн)
судасны тогтолцоо нь биед хэт их хэмжээгээр хуримтлуулсан ус, хаванг
гадагшлуулах ачааллаа даахаа больж биед шингэн хуримтлагдсаар хураагуур
судсыг боож, шингэний гадагшлах цорын ганц боломжийг хаадаг. Ингэснээр өөхөн
хуримтлал нь илүү нягт болж ирнэ. Судас боогдсоны улмаас хүчилтөрөгч орж
ирэхээ байхаар холбогч эд сорвижилтийн эд төст торлог үүсгэн тархаж эхэлнэ.
Энэ шатанд арьс гөлгөр мэт харагддаг ч чимхээд татаж үзвэл жүржийн хальс шиг
бэржгэр болсон нь харагдана. Холбогч эд нэг талаараа арьсанд, нөгөө талаараа
булчинд бэхлэгддэг болохоор целлюлитийг эмчлэхэд түвэгтэй болсон байдаг.
Өөхний эсүүд нь усжин, хор тээдэг бөгөөд тус хортой хэрэггүй зүйлсийг энгийнээр
арилгах амаргүй болдог байна.
Целлюлит үүсэх шалтгаанууд
Целлюлит үүсэх шалтгааныг яг нарийн тодорхойлоогүй ч, үүнийг тайлбарлах хэд
хэдэн онол байдаг. Үүнээс заримыг нь тайлбарлавал:
Даавраас шалтгаалах хүчин зүйлс.
Тогтуун Хорвоо 39

6. Дааврын өөрчлөлт нь целлюлитэд өртөхөд томоохон үүрэг гүйцэтгэдэг байна.
Эстроген, инсулин болон норадреналин даавар, бамбай булчирхай зэрэг нь
целлюлит үүсгэх явцын нэг байж болзошгүй.
Генетикийн нөлөөлөл: Зарим ген целлюлит үүсгэх явцын мэдээлэл
агуулдаг байж болзошгүй. Цусан хангамжийн дутагдал, арьсны доорх
өөхлөлтийн тархалт, бодисын солилцооны удаашрал, бэлгийн даавар зэрэг
целлюлиттэй холбоотой онцгой шинж чанарт генүүд нь нөлөөлөх
магадлалтай.
Хооллолт: Өөх тос болон нүүрс ус, давс их хэрэглэдэг бөгөөд хоолныхоо
орцонд жимс ногоо, арвай, буудай зэрэг ширхэглэг ихтэй хүнс хэрэглэдэггүй
хүмүүс целлюлитэд ихээр өртдөг байна.
Амьдралын хэв маягтай холбоотой хүчин зүйлс Тамхи татдаг, дасгал
хийдэггүй, идэвхигүй, суугаа байдалд удаан хугацаагаар ажилладаг хүмүүст
ихээр зонхилдог байна.
Хувцаслалт: Өгзөг гуяны цусан хангамж хязгаарладаг бариу резинэн дотуур
хувцас нь мөн целлюлит үүсгэх хандлагатай байдаг.
Целлюлит нь гол төлөв эмэгтэйчүүдийн санааг зовоосон асуудал байдаг.
Эмэгтэй хүний бие махбодид эстроген дааврын нийлэгжил ихсэх тусам
биедээ шингэн илүүтэйгээр хуримтлуулдаг тул целлюлитид өртөх хандлага
нэмэгдэж байдаг. Целлюлитын өөрчлөлт эмэгтэй хүний дааврын
түвшингийн хамгийн тогтворгүй байдаг насанд хамгийн ихээр үүсэх
эрсдэлтэй байдаг. Эмэгтэйчүүд дааврын хэлбэлзэл хамгийн тогтворгүй
байдаг үе болох бэлгийн бойжил эхлэх, жирэмслэх болон цэвэршилтийн
насанд эрүүл амьдралын хэв маяг сахих нь хамгийн чухал юм. Өнөө цагийн
эмэгтэйчүүдийн биеийн тогтолцоо хувьсан өөрчлөгдөж байгааг дагаж
эстроген дааврын түвшин дундаж хэмжээнээс арай өндөр байдаг нь
тогтоогдсон. Үүнд зохицохын тулд бие организм нь илүүдэл эстроген
дааврыг чухал эрхтнээс холдуулан хязгаарын эд болох өөхөн давхрагад
хадгалснаас өөхөн эсийн бүтэцийг өөрчлөн целлюлит болон хувирдаг байх
магадлалтай.
Целлюлит нь эрүүл мэндийн байдлыг тодорхойлогч нь байдаг. Целлюлиттэй
байна гэдэг нь маш их стресстэй, буруу хооллолтой, дасгал хөдөлгөөний
дутагдалтай, бие махбододоо маш их хордлоготой, түүнийгээ гадагшлуулж
чадахгүй байгаагийн илрэл юм.
Целлюлиттэй хүн ямарваа зовиургүй байдаг нь бие махбодь өөрөө
хордлогын шингэнийг амин чухал эрхтэнүүдээс холдуулан хязгаарт хадгалж
чаддагтай холбоотой. Харин эрчүүд хордлогын шингэнийг биеийнхээ төв
хэсэг болох хэвлийн эргэн тойронд хадгалснаас элэг, зүрх, гол судсанд илүү
их ачаалал өгөх аюултай байдаг.
Дүгнэн хэлэхэд, целлюлит байна гэдэг таны биед цусны эргэлтийн
зогсонгишил байгаагийн илрэл бөгөөд таны тунгалагийн систем болон
цэвэрлэх систем өөрийн үүргээ гүйцэтгэж чадахгүй байгаагийн илрэл юм.
Целлюлитээс хэрхэн гүйцэт ангижрах вэ?
Эмэгтэйчүүдийн 70 хувиас илүү нь целлюлиттэй байдаг бөгөөд энэ нь тэдний
гадаад үзэмжинд сөрөг нөлөө үзүүлдэг хэмээн ойлгож явцгаадаг байна. Энэ
байдлаасаа болж тэд өөрийн биенээсээ санаа зовж, өөртөө итгэх итгэлээр дутуу,
жүржийн хальс шиг болсон арьсныхаа эмчилгээнд маш их цаг болон мөнгө
зарцуулдаг байна. Харин яг үнэндээ целлюлитийн эмчилгээ харьцангуй хялбар
бөгөөд эмчилгээний аргын талаархи зөв бөгөөд үндэслэлтэй мэдээлэл ховор
байдаг. Юуны түрүүнд, нэгэнт целлюлиттэй болсон бол энэ нь огт арилдаггүй,
тийм болохоор үүнтэйгээ эвлэрэн амьдрахаас өөр аргагүй гэсэн ташаа мэдээлэл
бол үндэслэлгүй юм. Целлюлит нь зөвхөн арьс өөхөн давхаргын эргэшгүй
өөрчлөлт хэмээн ойлголгүй, бие махбодийн олон нөхцөл байдал нийлж үүсгэсэн
бөгөөд биеийг бүхэлд нь - сэтгэл санаа болон амьдралын хэв маягийг зөв
Тогтуун Хорвоо 39

7. тэнцвэржүүлж чадсан байхад целлюлитийн үр дагаварыг бүрэн гүйцэт эмчлэх
бололцоотой юм. Өөрөөр хэлбэл целлюлит бий болсон шалтгааныг сайн ойлгож,
түүнийгээ үгүй хийх зөв арга хэмжээ авах нь чухал. Жишээ нь, та жингээ хасаж
целлюлитээс ангижрахын тулд зөвхөн жин хаях биш харин ямар аргаар жин хаях
нь илүү чухал. Богино хугацаанд тураах эм, хоол хорих, мэс заслын арга хэрэглэх
нь арьсны үзэмжийг улам хүндрүүлнэ.
Үүний оронд өвчлөл эмгэгийг тодруулан амьдралын дараахь тохиромжтой
хэвшлийг бий болговол целлюлитээс бүрэн гүйцэт ангижирч чадна.
Дасгал хөдөлгөөн: целлюлит үүссэн суурь эд эс болох өөхөн давхрагын
хэмжээ болон үүссэн холбогч эдийн хэмжээг багасгахын тулд зүрх болон
цусан хангамжийг идэвхжүүлдэг дасгалын төрлийг сонгон идэвхтэй хийдэг
болох. Зүрх судасны дасгалыг өгзөг хөлний дасгалтай хавсарч бага жинтэй
гантельтэй олон давтамжаар өргөх, гүйх, алхах зэрэг дасгалуудыг
хослуулан хийх нь нэн үр дүнтэй.
Хооллолт: Өөх тосгүй, хор тайлж, гэдэс цэвэрлэдэг хирнээ өөртөө
тааламжтай хоолны төрлийг сонгон, ус шингэний хэмжээг ихээр хэрэглэдэг
хоолны дэглэмд орох хэрэгтэй. Хоол хүнс нь загас, тахиа, буурцаг, жимс,
хүнсний ногоогоор баялаг байвал сайн. Илүүдэл хэмжээний архи, кофе,
халуун ногоотой амтлагчууд өөхний эд эсэнд хуримтлал үүсгэхэд хүргэнэ.
Арьс, өөхөн давхрагын цусан хангамж сайжруулах
эмчилгээ: иллэг массаж болон гэрийн нөхцөлд тогтмол
арьсны багсаар (щѐткаар) иллэг хийдэг байхад хэсгийн
цусан хангамж идэвхжин целлюлитийг багасгахад тусална.
Хуурай багс хэрэглэж байгаарай. Гэрийн нөхцөлд багсан
массажийг 7 хоногт 3 удаа тогтмол хэрэглэхийг заншил
болгоорой. Хуурай багсан массажийг хөлний төгсгөлөөс
эхлээд бүх биеийг хамруулж тойрсон хөдөлгөөнөөр зүрхэн
өөд чиглэсэн байдлаар хийж байх нь зүйтэй. Иллэг нь
стрессийн түвшинг бууруулахаас гадна тунгалагийн суваг,
цусны эргэлтийг нэмэгдүүлэн, холбогч эдийн судлуудыг
задлах тустай байдаг.
Нэмэлт тэжээл: эрүүл мэнд, цусан хангамжийг идэвхжүүлдэг байгалийн
гаралтай аливаа нэмэлт тэжээл, амин дэм нь целлюлитээс ангижрахад
туслаад зогсохгүй бүх л биеийн эрүүл мэндэд сайнаар нөлөөлөх тул нэмэлт
тэжээл хэлбэрээр хэрэглэх нь зүйтэй. В витамин нь бодисын солилцоог
нэмэгдүүлэх, глюкозамин нь арьсны давхрага бүрийг нөхөн сэргээх, лецитин
нь эсүүдийг бэхжүүлэх бөгөөд анти-оксидант бүхий витамин С болон усан
үзмийн үр зэрэг нь чөлөөт радикалаас шалтгаалсан хор хөнөөлийг
бууруулах чадалтай байдаг.
Гоо сайхан: гоо үзэсгэлэнгээ спа эмчилгээ, гоо сайхны тосон түрхлэг,
бүтээгдэхүүн болон бусад ашигтай эмчилгээгээр гүйцэтгэх боломжтой
байдаг. РСА-натри болон гиалурон зэргийг агуулсан тосон бүтээгдхүүн нь
арьсны өнгөн хэсгээр нэвчин целлюлитээс хамгаалахад тустай. Мөн
түүнчлэн чийгшүүлэгч тосыг 7 хоногт 2 удаа хэрэглэх нь таны арьсыг
чийгшүүлэн амраана.
Эмчилгээний зориулалттай эмийн хэрэглээг анхаарах. Зарим
тохиолдолд нойрны эм, хаван хөөх эмчилгээ нь целлюлитийг ихэсгэх талтай
байдаг. Эстроген даавар агуулсан жирэмслэлтээс хамгаалах эмийн
шаардлага болон тунгийн хэмжээг эмчтэйгээ ярилцаж өөрчлөхийг бодоорой.
Архи, тамхи, каффеин хэрэглэдэггүй, зөв хооллодог эмэгтэйчүүд
целлюлитэд өртөх нь ховор байдаг. Илбийн аргаар арилгах мэт өндөр
үнэтэй гоо сайхны тос үйлдвэрлэгч нарын амлалтанд бүү өртөөрэй.
Хичээл зүтгэл гарган, төлөвлөгөөтэй эмчлэхэд целлюлит нь хялбархан
арилдаг зүйл юм.
Тогтуун Хорвоо 39

8. Та үнэтэй тос болон үйлчилгээнд мөнгөө үрэхээсээ илүү стрессгүй зөв
амьдралын хэв маягтай байж чадвал эрүүл чийрэг сайхан байхын үр
шимийг хүртэх болно.
Хоолны зөвлөмж
Таны хоолны тавагны хэмжээ таныг таргалуулаад байна уу?
Жингээ хасах болон жингээ барихын тулд идэх хоолны хэмжээг тохируулах нь
чухал байдаг хэдий ч хэт нарийн жигнэх, илчлэгийг тоолох зэргээр өөрийгөө
албадлагын байдалд байлгах шаардлагагүй юм. Жин нэмэхгүйн тулд дургүй хоол
хүчээр идэхээс илүү хүссэн хоолоо гэхдээ бага хэмжээгээр иддэг байвал
гэмшилгүй, хоол идсэн таашаал илүү авах болно. Хэрэглэх хоолны төрөл болон
өөрт тохирох хэрэгцээг зөв тооцож хардаг л байхад хангалттай.Зарим өдрүүдийг
бид хөдөлгөөн ихтэй өнгөрүүлдэг учраас илчлэг ихтэй хүнс тэжээл биднийг эрч
хүчээ сэлбэхэд тусалдаг.
Харин хөдөлгөөн багатай өнгөрүүлдэг амралтын өдрүүдэд та хоолныхоо илчлэгийг
багасгаарай. Хамгийн чухал нь өөрийнхөө хэзээ өлсөж байгаагаа, цадсан эсэхээ,
юу идэхийг хүсэж байгаагаа мөн хэзээ идэхээ зогсоох зэргээ бидэнд өгч буй
биенийхээ дохиогоор сонсож, мэдэрч сурах хэрэгтэй. Өөрийнхөө хэрэглэвэл зохих
хоолны хэмжээг тодорхойлохдоо таны ходоодны хэмжээ, таны өөрийн атгасан
гарын хэмжээтэй байдгийг ойлгох хэрэгэтэй.
Ихэнхи хоолны газар, ресторануудын хоолны порц үүнээс 2, бүр заримдаа 3 дахин
хэтэрсэн хэмжээтэй байдаг. Мөн буфет хэлбэрээр өөрөө өөртөө үйлчилдэг газар
хоолловол ходоодны хэмжэээнээс бараг 6 дахин илүү хоол идэхэд хүргэдэг.
Хэрвээ та жингээ хасахыг зорьж байгаа бол нэг удаа идэх хоолны хэмжээ болон
төрлийг зөв зохицуулвал маш хурдан зорьсондоо хүрч чадна.
Хоолныхоо хэмжээг зөв тохируулая гэвэл дараахь гаран баримжааг ашиглаж
болно:
• Атгасан гар бол нэг аяга (стакан) хоолны эзлэхүүнтэй тэнцэхүйц хэмжээтэй
байдаг. Өөрөөр хэлбэл нэг атга гарны хэмжээтэй болгосон гоймон, будаа,
жигнэсэн ногоо, жимс нь байвал зохих порцын нэг байдаг.
• Нэг удаа хэрэглэх махны хэмжээ таны дан алганы хэмжээнээс хэтрэхгүй байх
ѐстой.
Хоол амтлах зориулалтаар хэрэглэх майонез, масло, салатны тосон амтлагчууд
нэг порцонд эрхий хуруунаас хэтрэхгүй хэмжээтэй байвал зохистой.
Харин хүссэн хоолоо иддэг хирнээ жингээ яаж хасаж болох вэ? Өөх тос багатай
загас шувууны мах нь таны тавганы дөрөвний нэгийг, нөгөө дөрөвний нэг хэсгийг
дан үр тариа болох хар талх, хөц будаа, ширхэглэг гурилан гоймон эзлэх ѐстой.
Харин тавганыхаа үлдсэн хагасыг та хүнсний ногоогоор бүрдүүлээрэй. Өдөртөө
хамгийн багадаа 220 грам жимсийг өдөр бүр хэрэглэвэл таны жин мэдэгдэхүйц
багасч эхэлнэ.
Дараагийн удаа танд том таваг дүүрэн хоол таарвал доорхи хэдэн хялбар дүрмийг
санаж хэрэгжүүлвэл таны бэлхүүсний хэмжээг мэдэгдэхүйц багасгаж байгааг
мэдрэх болно.
Хоолныхоо хэмжээг
ХЯНАХ 10 АРГА:
1 . Хооллолтоо онцгой үйл явдал болго,
ширээнийхээ ард суугаад зөөлөн хөгжим тавих, лаа
Тогтуун Хорвоо 39

9. асаах зэрэг таатай орчин бүрдүүлж, яаралгүй
хоолныхоо амтыг таашаалж хооллож суу.
2. Тавгаар бүх хоолоо нэг дор аягалж идэж байснаас
олон төрлийн багаар бэлдсэн бүх хоолоо
олуулаа дундаа тавьж жижиг тавган дээр бага багаар өөрөө аягалж идэж байх.
Тавган дээр тасалж авч идэх хоолны хэмжээг бага хэмжээгээр аягалан, шаардлага
гарвал нэмж авч байх.
3. Удаан зажилж идэх ба зажилж дуустал хутга сэрээгээ ширээн дээр буцааж
тавьдаг байх. Хоол идэж байхдаа түр завсарладаг байх. Цадаж буйгаа мэдэрч
эхэлсэн тэр дороо идэхээ зогсоох.
4. Хооллох үер болголгүй шууд идэж болдог ногоо жимсийг ширээн дээрээ
харамгүй бэлдэж тавьж байх. Хоолны порцны хэмжээ багасгасан тохиолдолд
тархин дахь цадаагүй мэдээллийг унтартал хэрчсэн лууван, огурцы, улаан лооль
зэрэг ногоог үргэлжлүүлэн идсээр байж болно.
5. Жижиг аяга, таваг хэрэглэвэл тархи бага идэх хэмжээнд дасан бэлтгэгдэнэ
6. Хоол үлдээж болохгүй гэдэг ээжийнхээ хэлдгийг март! Тавгандаа хоол
үлдээхээс бүү ай. Үлдэгдэл хоолоо дараагийн хоол бэлдэхэд оролцуулан хооллох
эсвэл хөргөгчиндөө зөв хадгалаад маргаашийн зуушинд хэрэглэж болно.
7. Хоолны дараа шокалад амттанаас татгалзаж чадахгүй байна уу? Тэгвэл
найзтайгаа хуваачих. Амттан болгоноос зөвхөн амтыг нь авч таашаал аваад
найздаа өгвөл шаардлагагүй калорийн зөвхөн талыг нь хэрэглээд өнгөрнө.
8. Том савлагаатай хоолнуудаас татгалз, эсвэл өөртөө шаардагдах хэмжээг
тасалж авч идээд ногоо жимсний төрлийн хоолыг нэмж хэрэглэж болно.
9. Хоолоо болвол гэрийн нөхцөлд шинээр өөрөө бэлдэж хэрэглэж байхыг зорих
хэрэгтэй. Олон удаа дахин боловсруулсан бэлэн хоолнууд ихэвчлэн хэтэрсэн
хэмжээний өөхтос, давс, элсэн чихэр орсон байх бөгөөд илчлэг өндөр хүнсийг
хэрэглэн бэлтгэгдэх нь элбэг. Та гэртээ өөрөө хоол хийж идэх нь хамгийн чухал .
Мөн нэг цагийн турш хоол бэлтгэх явцад та 100 -аас илүү калор шатаах болно!
1 О.Гэртээ зочид урьсан үедээ, эсвэл гадуур хооллож байхдаа зууш, үндсэн хоол,
амттануудын хооронд түр завсарлаж, яриа өрнүүлэн, хоол шингэх боломж гаргаж
өгөөрэй.
ХООЛНЫХОО ПОРЦЫГ ЗӨВ ТОХИРУУЛЖ БАЙГААГ ХЭРХЭН МЭДЭХ ВЭ?
Байвал зохих жижиг порцоор хооллож чадаж байгааг тодорхойлох хэд хэдэн арга
бий. Юуны түрүүнд таны жин хасагдаж байгаа эсэхээр мэдрэгдэнэ. Хоолны
хэмжээнд мэдэгдэхүйц өөрчлөлт оруулж байхад ямар нэгэн өөрчлөлт гарахгүй
байвал та аль нэг зүйлийг буруу хийж байна гэсэн үг юм.
Зөв хооллож байгааг илтгэх дараагийн нэг шинж гэмдэг бол та идэж буй
хоорондоо сэтгэл хангалуун, хоолноосоо таашаал авч байгаа эсэх мэдрэмж. Бага
порцтой хирнээ хоолныхоо хэсэг болгоны амтыг мэдэрч чаддаг байх хэрэгтэй.
Таарвал зохих хоолны бага порцонд хангалуун байх, хоолны амтыг бүрэн
мэдэрдэг байх нь таны сайн зуршил болж үлдэх ѐстой
Тогтуун Хорвоо 39

10. Хоолноос таашаал авах нь. Та бага порцоор зөв хооллож байна гэдэг нь
хоолныхоо жинхэнэ амтыг мэдрэх боломжийг өөрөө өөртөө гаргаж өгч байна гэсэн
үг. Их хэмжээний хоол урьд тань байхад та их л идэхийг бодно уу гэхээс
хоолныхоо амтыг мэдрэх бололцоогүй байдаг. Хоол их хэмжээгээр иддэг зуршил
нь хоолны амтыг мэдрэх бололцоогүй болгодог. Та жижиг порцоор салат, үндсэн
хоолнууд болон амттанаа идэхдээ дунд нь завсарлага авснаар хоолныхоо
жинхэнэ амтыг илүүтэйгээр мэдэрч тархинд тань цадаж байна гэсэн дохио хурдан
очих болно.
Үлдэгдэл хоол. Таныг бага порцоор зөв хооллож буйг илтгэх хамгийн сүүлчийн
зүйл бол тавган дээр нь үлдсэн үлдэгдэл хоол. Тавгандаа хоол үлдээх нь муу зүйл
биш, үлдсэн хоолыг дуусгах гэж өөрийгөө хүчлэх хэрэггүй юм. Үлдэгдэл хоолоо
хөргөгчиндөө хийж үлдээгээд дараагийн хоолондоо хэрэглэ. Ингэснээр та мөнгөө ч
хэмнэж чадна шүүдээ.
Тогтуун Хорвоо 39