1. DÍA MUNDIAL DA RADIO
NAS ONDAS DO ENTROIDO
Ponte...nas ondas! celebra o Día Mundial da Radio acolléndose
á proposta da UNESCO que dedica esta edición á relación dos
xoves coa radio.
Unha das actividades que máis presenza e notoriedade lle teñen
dado á Asociación Cultural e Pedagóxica Ponte...nas ondas foi
a introdución na aulas do traballo activo cos medios de
comunicación, especialmente a radio, por varios motivos:
1. Relativa sinxeleza técnica na montaxe e na manipulación
deste medio.
2. Moderado custe económico das instalacións e do mantemento
das mesmas.
3. Potencia pedagóxica como ferramenta dinamizadora da vida
das escolas.
Ponte...nas ondas! foi pioneira en demostrar as posiblidades
comunicativas da Radio Escolar tanto no Ensino Primario coma no
Secundario e Universitario, podendo constituír un eixo transversal e
vertebrador onde poidan confluír todas as áreas do ensino
complementando e completando dun xeito eficaz o labor realizado
dentro das aulas.
A radio é o medio da oralidade, o medio que máis contribúe a
mellorar a competencia oral e comunicativa. É fundamental que a
xuventude desenvolva estas capacidades na escola, nos medios de
comunicación e nas redes sociais.

2. A UNESCO instituíu o día 13 de febreiro como Día Mundial da
Radio e neste 2015 o tema é “ a xuventude e a radio “. Para
Ponte...nas ondas! é unha unha boa oportunidade para convidar
aos centros educativos da Eurorrexión a participar nesta festa da
comunicación radiofónica.
Coincide ademais co ciclo do Entroido, unha das manifestacións
máis representativas do patrimonio inmaterial galego-portugués que
pretendemos que sexa inscrito na Lista Representativa da
UNESCO. Por esta razón, propomos que a celebración sirva de
ponte entre a radio e o entroido, facendo do día 13 unha data
para reivindicar a radio nas escolas e o noso patrimonio común.
Para iso propómosvos as seguintes actividades:
1. Gravación da noticia que vos gustaría escoitar pola radio. En
galego ou portugués. ( máximo 2 minutos ).
2. Cuña de apoio ao patrimonio galego-portugués para que sexa
patrimonio da humanidade. ( máximo 50 “ ).
3. A radio e ti. Algo máis que unha amizade...A túa experiencia
coa radio. ( máximo 2 minutos ).
4. A radio e os nosos maiores: cal foi o primeiro aparello de radio
que tiveron, que escoitaronn na radio, que lles gustaba, que
nova máis sorprendente oíron ( máximo 2 minutos ).
5. A celebración do Entroido na túa contorna. Cóntao nunha
reportaxe (máximo 4 minutos).
6. Participación no Certame que convocamos no
campUSCulturae (www.campusculturae )
7. Retransmite o entroido: na túa escola, na túa parroquia, no
teu barrio. Disfrázate e conta o entroido. Fai unha reportaxe
que podes divulgar na Web do teu centro e en
www.pontenasondas.org
8. Se tedes alumnado que desexe representar a Ponte...nas
ondas! nalgunha emisora de radio o día 13, mandade as
vosas propostas. Poderán participar nun programa de radio
en directo.
Para participar, inscribirse en:
ondas@pontenasondas.org
+ info:
www.pontenasondas.org https://www.facebook.com/pontenasondas