1. VI RASTRO SOLIDARIO E OPERACIÓN QUILO 2014
Queridas familias:
Como xa é toda unha tradición no noso centro, un ano máis Monferosolidario solicita a vosa
colaboración para levar a cabo o VI Rastro Solidario. Esta actividade centrada na educación en valores
e educación para o desenvolvemento ten como obxectivo fundamental sensibilizar ao alumnado e en
xeral a toda a comunidade educativa. Este ano, en lugar de utilizar “cartos” para realizar as compras, o
faremos mediante un troco con alimentos non perecedeiros, e deste xeito efectuaremos tamén a xa
tradicional “Operación Quilo”, en colaboración coa “Cociña Económica de Ferrol”.
O alumnado, profesorado e familias poderán aportar os obxectos para o Rastro.
Tipo de materiais: libros, cds, dvds, xoguetes, bisutería, obxectos decorativos... que estean
en boas condicións, sen deterioro.
O prazo para entregar os obxectos é o luns 7 de abril de 2014.
Os obxectos estarán expostos á venda no VI Rastro Solidario que terá lugar o venres 11 de
abril de 2014, en horario lectivo, nos corredores do edificio de secundaria.
Cada grupo visitará o Rastro co seu titor/a, seguindo un horario previamente establecido,
podendo efectuar compras (non esquecer levar alimentos se queredes facer o troco).
As familias poderán participar na actividade, visitando o rastro e realizando compras.
Dende a Asociación de Pais de Alumnos, tamén queremos animar a todos a participar
intensamente nesta gran idea que xurde nun momento de gran necesidade. Estamos ante unha época nas
que as cociñas económicas non paran de crecer en número de persoas e estamos ante unha ocasión
marabillosa para aportar o noso grao de area. Pedímosvos dende aquí unha contribución masiva, tanto de
artigos para vender como de alimentos non perecedeiros para realizar as compras, para que o día 11 de
abril, poidamos recorda-lo como un novo momento histórico da contribución do colexio, por medio dos
profesores, pais, nais, nenos, nenas, membros do colexio e os que formamos parte de esta APA a
aqueles familias que teñen tantas dificultades para comer cada día.
Agradecemos unha vez máis o voso compromiso e participación.
Monferosolidario: construíndo un mundo mellor
CENTRO PÚBLICO INTEGRADO “VIRXE DA CELA”
O XESTAL – MONFERO – 15315 A CORUÑA
TFNO: 981 – 777606 FAX.: 981 – 793044
Correo E.: cpi.virxedacela.monfero@edu.xunta.es
Enderezo web: www.centros.edu.xunta.es/cpivirxedacela