1. Grupo Parlamentario
Á Mesa do Parlamento
O Grupo Parlamentario dos Socialistas de Galicia, a través do seu
portavoz, e ao abeiro do disposto no artigo 112 do Regulamento da
Partido dos Cámara, presenta ante esa Mesa a seguinte emenda á totalidade, con
Socialistas petición de devolución, ao Proxecto de lei de modificación da Lei 13/2006
de Galicia
do 27 de decembro, de horarios comerciais de Galicia (doc. núm. 2625).
O texto remitido polo Goberno debe ser devolto, en base as seguintes
consideracións:
O proxecto de lei tivo un proceso de tramitación interno da Xunta de
Galicia que durou case que medio ano, con departamentos da
Administración autonómica que tiveron varios meses para a
realización dos seus informes, ao ser unha cuestión con múltiples
consideracións e matices de índoles legais e sociais, polo que non se
comparte o criterio de lectura única co que tentase aprobar cuestións
tan relevantes, cun trámite parlamentario total inferior a unha semana
soamente.
Segundo o Regulamento do Parlamento de Galicia, a lectura única
pode realizarse para un proxecto de lei “cando a súa natureza o
aconsellar ou a súa simplicidade de formulación o permitir". Non
compartimos o criterio que o proxecto mereza o cualificativo de
"simple", xa que ademais terá unhas consecuencias importantes para
o sector que regulará.
Imposibilita ademais aos grupos parlamentarios á formulación de
emendas parciais, co que se dificulta - cando non directamente
impide - o necesario debate e formulación de propostas concretas
que posibilitarían, no seu caso, o poder chegar a acordos,
constituíndose nun obstáculo que na práctica terá como consecuencia
o rematar co consenso que existía ata este momento nestas materias.
O proxecto de lei basea a súa formulación no mandato dunha
normativa aprobada a nivel xeral para toda España, pero cunha
incidencia directa sobre un área competencial claramente exclusiva
Rúa do Hórreo, s/n Parlamento de Galicia. Tfno: 981 551 530 – Fax: 981 551 418 · 15702 SANTIAGO DE COMPOSTELA gp-socialista@parlamentodegalicia.es
2. Grupo Parlamentario
da Comunidade Autónoma, sendo incerta a facultade do Estado para
poder establecela.
O proxecto de lei é obxecto de desacordo por parte de múltiples
Partido dos asociacións e axentes sociais do sector, especialmente dos
Socialistas representantes do pequeno comercio, sen que estea baseada a
de Galicia
formulación prevista en criterios obxectivos e claros, nin exista unha
mínima valoración sobre os seus efectos futuros para Galicia.
Constitúe un paso atrás cara á mellora das condicións sociais dos
traballadores e autónomos dos establecementos comerciais, xa que
incrementa a súa xornada laboral como consecuencia dun maior
número de horas de apertura, dificultando a necesaria conciliación da
súa vida familiar e laboral.
A modificación introducida respecto á superficie dos
establecementos comerciais, na súa consideración respecto á
desafección do réxime xeral de horarios e aperturas de domingos e
festivos, carecen de fundamento que poida constatarse.
Existe unha desproporción evidente entre as contías das sancións
agora propostas e as existentes, cunha rebaixa do 97,5 % sobre as
mínimas e un aumento do 66,7 % sobre as máximas, cando habían
sido obxecto de acordo na normativa vixente.
Pazo do Parlamento, 11 de febreiro de 2013
Asdo.: Abel Losada Álvarez
Portavoz do G.P. dos Socialistas de Galicia
Rúa do Hórreo, s/n Parlamento de Galicia. Tfno: 981 551 530 – Fax: 981 551 418 · 15702 SANTIAGO DE COMPOSTELA gp-socialista@parlamentodegalicia.es
3. Grupo Parlamentario
Asinado dixitalmente por:
Abel Fermín Losada Álvarez na data 11/02/2013 16:30:18
Partido dos
Socialistas
de Galicia
Rúa do Hórreo, s/n Parlamento de Galicia. Tfno: 981 551 530 – Fax: 981 551 418 · 15702 SANTIAGO DE COMPOSTELA gp-socialista@parlamentodegalicia.es