1. ახალციხის 1-ლი საჯარო სკოლის ქართული ენისა და ლიტერატურის მასწავლებლის
მზია ეგიაშვილის ანგარიში ინტეგრირებული გაკვეთილის ჩატარების შესახებ ქართულ
ლიტერატურასა და ისტორიაში
გაკვეთილის ჩატარების თარიღი: 8. 05. 2014 წ.
სკოლა: ახალციხის 1-ლი საჯარო
კლასი: -VIII გ
ინტეგრირებული საგნები და პედაგოგები: ქართული ლიტერატურა-მზია ეგიაშვილი,
ისტორია - ნინო ნადირაძე
ძირითადი თემა: ქართული ლიტერატურა- შატბერდული ხელნაწერები;
ისტორია- ისტორია და წელთღრიცხვა. ქორონიკონი
მისაღწევი შედეგები თავდაპირველი გეგმის მიხედვით:
ქართული ლიტერატურა:
მიმართულება: ზეპირმეტყველება
ქართ. VIII. 1. მოსწავლეს შეუძლია კონკრეტულ საკითხებზე მსჯელობის მოსმენა და საკუთარი
თვალსაზრისის წარმოდგენა აუდიტორიის წინაშე.
მსჯელობს სათანადო არგუმენტაციის მოხმობით და თანამიმდევრულად ავითარებს
თავის მოსაზრებას;
მსჯელობიდან გამოაქვს ადეკვატური დასკვნა;
საკუთარი მოსაზრების გასამყარებლად იყენებს ციტატებს საინფორმაციო წყაროებიდან.
მიმართულება: წერა
ქართ. VIII. 10. მოსწავლეს შეუძლია წერილობით გადმოსცეს საკუთარი თვალსაზრისი,
იმსჯელოს კონკრეტულ საკითხზე სათანადო არგუმენტების მოხმობით.
ფაქტებზე, სტატისტიკურ მონაცემებზე, სხვადასხვა წყაროზე (ენციკლოპედია, ლექსიკონები,
ბეჭდვითი და ელექტრონული საინფორმაციო საშუალებები) დაყრდნობით წერილობით
აყალიბებს მოსაზრებას, შეარჩევს ამ მოსაზრების განმამტკიცებელ არგუმენტებს;
ისტორია:
მიმართულება: დრო და სივრცე
ისტ.VII.1. მოსწავლეს შეუძლია დააკავშიროს ფაქტები და მოვლენები შესაბამის ისტორიულ
ეპოქებთან.
2. შედეგი თვალსაჩინოა, თუ მოსწავლე:
ისტორიულ მოვლენებს გადმოსცემს ქრონოლოგიური თანმიმდევრობით, აკავშირებს
ისტორიულ ფაქტებს ძველი და ახალი წელთაღრიცხის სისტემასთან;
ინდივიდუალურად ან კლასში ჯგუფური მუშაობისას დროის ხაზზე (სკალაზე)
აღნიშნავს ისტორიულ თარიღებს ან ისტორიულ პერიოდებს;
ასახელებს საუკუნესა და ათასწლეულს, რომელსაც კონკრეტული თარიღი მიეკუთვნება;
ადგენს ცხრილს, რომელშიც სახელმძღვანელოში არსებულ თემებთან დაკავშირებულ
მნიშვნელოვან თარიღებს ალაგებს ქრონოლოგიური თანმიმდევრობით და მიაკუთვნებს
მათ შესაბამის ისტორიულ ეპოქას.
საკვანძო მეთოდები/სტრატეგიები:
კითხვა-პასუხის მეთოდი ( მოსწავლეების მოტივაციის ამაღლება, განწყობის
შექმნა)
სწავლების დიდაქტიკური მეთოდი-(მოსწავლეები ჯგუფებში განიხილავენ
ბარათებს, რომელი საწერი მასალა გამოიყენებოდა ეგვიპტეში , შუმერებში,
საქართველოში. შესრულებულ დავალებას დაასაბუთებენ არგუმენტირებულად)
სოკრატული მეთოდი (მასწავლებელი სთხოვს მოსწავლეებს ქორონიკონის
შესახებ გამოიტანონ დასკვნა საკუთარ არგუმენტაციაზე დაყრდნობით,–
მოსწავლეები მუშაობენ ბარათებზე, რომელზეც წარმოდგენილია ამოცანები
ქორონიკონზე და აკეთებენ ამ ნამუშევრების პრეზენტაციას. )
კვლევის მეთოდი (მოსწავლეები წარმოადგენენ თავიანთ შექმნილ გზამკვლევებს
3 შატბერდული ხელნაწერის თავგადასავალის შესახებ)
თვითშეფასების მეთოდი (მოსწავლეები აფასებენ გაკვეთილს, საკუთარ მუშაობას
თვითშეფასების რუბრიკის გამოყენებით.)
ძირითადი სასწავლო რესურსები:
ტექნიკა- ინსტრუმენტები: კომპიუტერი, პროექტორი, ციფრული
ფოტოაპარატი,ციფრული ვიდეოკამერა, DVD დისკი; გამოყენებული მასალა:
ფორმატები, მარკერები, ჭიკარტები, ცარცი, დაფა;
ინფორმაციული წყაროები: მშობლიური ლიტერატურა VIII კლასის სახელმძღვანელო.
ავტორ-შემადგენელნი: ვახტანგ როდონაია (ჯგუფის ხელმძღვანელი), ნინო
ნაკუდაშვილი, ავთანდილ არაბული, მარინე ხუციშვილი.
გამომცემლობა ,,სწავლანი” 2008წ.
3. ისტორია: VIII კლასის სახელმძღვანელო. ავტორ-შემადგენელნი: ელენე მეძმარიაშვილი,
თეიმურაზ პაპასკირი. გამომცემლობა ,, კლიო“.
გაკვეთილის შედეგები
გაკვეთილი ძალიან საინტერესოდ და შინაარსიანად წარიმართა და შედეგიც სასურველი
მივიღეთ. კითხვა-პასუხის მეთოდით მოსწავლეებს მოტივაცია აუმაღლდათ, შეექმნათ
განწყობა გაკვეთილისთვის. მოსწავლეები გაეცნენ ზოგადად ხელნაწერების
მნიშვნელობას, მათ ისტორიას; აუდიტორიის წინაშე წარმოადგინეს პრეზენტაცია
შატბერდული ხელნაწერების თავგადასავალის შესახებ, ამასთან დაკავშირებით
გამოთქვეს თავიანთი თვალსაზრისი; მსჯელობა განამტკიცეს არგუმენტებით; შეძლეს:
ხელნაწერების შესახებ ტექსტების გააზრება- გააანალიზება, მათ მიმართ საკუთარი
დამოკიდებულების გამოხატვა და ახსნა; საკუთარი აზრის წერილობით გამოხატვა
(პლაკატების დაწერა -გაფორმება); მოსწავლეებმა გაიგეს, რას შეისწავლის
ქრონოლოგია. იმსჯელეს, რა მნიშვნელობა აქვს ქრონოლოგიას ისტორიის კვლევის
პროცესში. მოსწავლეებმა შეძლეს ქორონიკონის გამოთვლა, შატბერდისეულ
ხელნაწერებში მოცემული წლები შეუსაბამეს საუკუნეს, მოქცევას.
მოსწავლეებს განუვითარდათ შემდეგი უნარები:
დროსა და სივრცეში ორიენტაცია;
ფაქტებისა და მოვლენების ინტერპრეტაცია;
თვალსაჩინოებების შექმნა და გამოყენება;
ინფორმაციის მოპოვება და ორგანიზება;
შემოქმედებითი უნარი;
ჯგუფში მუშაობა- თანამშრომლობა;
პრეზენტაციისას- ორატორობის უნარ-ჩვევები;
ისტორიული ეპოქის განცდა;
დროის ისტორიული გაგება ;
თვითშეფასების უნარი
გაკვეთილი იყო სამფაზიანი. A ფაზაში (გამოწვევა) მოსწავლეთა გაკვეთილში
ჩასართავად და მოტივაციის ასამაღლებლად გამოვიყენე კითხვა- პასუხის მეთოდი,
მოსწავლეებმა უპასუხეს, რა იცოდნენ ხელნაწერი წიგნების შესახებ? რას ნიშნავს
სიტყვა ,,დედანი”? ისაუბრეს, როგორ ესმოდათ გამოთქმა: ,,წიგნებს თავიანთი ბედი
აქვთ”, რომელი სამი ხელნაწერის თავგადასავალზე აპირებდნენ საუბარს? სად ინახება
ამჟამად ეს ხელნაწერები? რას ნიშნავს ოთხთავი? ,,სახარება”? არის თუ არა
მნიშვნელოვანი ხელნაწერებზე გაკეთებული ანდერძ-მინაწერები და რატომ? და ა. შ.
B ფაზაში (ცოდნის კონსტრუირება) მოსწავლეებმა იმუშავეს ჯგუფებში, რომელი
4. საწერი მასალა გამოიყენებოდა ეგვიპტეში , შუმერებში, საქართველოში, შემდეგ
გააკეთეს პრეზენტაცია ამის შესახებ. შემდეგ მე ჩავატარე მინი ლექცია შატბერდის
შესახებ Power-Point-ის გამოყენებით. ისტორიის მასწავლებელმა კი ახსნა ქორონიკონი.
ამის შემდეგ მოსწავლეთა ჯგუფებმა გააკეთეს პრეზენტაცია წინასწარ მომზადებული
სამი შატბერდული ხელნაწერის თავგადასავალის შესახებ, წარმოადგინეს თავიანთი
დაწერილი პლაკატები და უპასუხეს კლასის კითხვებს.
C ფაზაში (გამთლიანება)-–მოსწავლეებმა იმუშავეს ბარათებზე, რომლებზეც
წარმოდგენილი იყო ამოცანები ქორონიკონზე და გააკეთეს ამ ნამუშევრების
პრეზენტაცია. მოსწავლეებმა იმსჯელეს, თუ რა მნიშვნელობა აქვს ქრონოლოგიას
კვლევის პროცესში. მოსწავლეებმა შეაფასეს თავიანთი აქტიურობა გაკვეთილზე
წინასწარ დარიგებული თვითშეფასების რუბრიკის მიხედვით. პედაგოგები კი
განმავითარებელი შეფასებით შემოვიფარგლეთ.
გაკვეთილი ჩატარდა სამოქმედო გეგმის მიხედვით. ამ გაკვეთილის ხელახლა
ჩატარების შემთხვევაში დავუშვებდი განმსაზღვრელ შეფასებასაც. თვითონ
მოსწავლეებს ამოვარჩევინენდი ყველაზე აქტიურებს და შევაფასებინებდი თვითონვე.
შევცვლიდი მოსწავლეთა დაჯგუფებას, ჯგუფში თანაბრად დავსვამდი ძლიერსა და
შედარებით სუსტ მოსწავლეებს. კლასში იმყოფება 1 სსსმ მოსწავლე, რომლისთვისაც
გეგმით გათვალისწინებული გვქონდა მისი აქტიური ჩართვა საგაკვეთილო პროცესში,
უნდა შეესრულებინა ი ს გ-ით გათვალისწინებული მისთვის შესაბამისი დავალებები,
მაგრამ, სამწუხაროდ, სკოლაში არ გამოცხადდა.
11. 05. 2014 წ.