3. Դանիա
Դանիացիները կեսգիշերին սեղանին են դնում բրնձե քաղցր
շիլա։ Այն ևս անակնկալով է։ Շիլայի առանձնահատկությունն
այն է, որ այնտեղ թաքնված է ընկույզ կամ նուշ։ Այս
ավանդույթը հատկապես դուր է գալիս չամուսնացած
աղջիկներին։ Եթե նրանցից որևէ մեկին բաժին հասնի ընկույզ,
ապա Նոր տարում ամուսնությունից խուսափել այլևս չի լինի։
Ամուսնացածների համար շիլայի անակնկալը խոստանում է
պարզապես հաջող տարի։ Դա ևս վատ չէ։
5. Լեհաստան
Լեհաստանում պետք է մատուցվի 13 ճաշատեսակ: Տոնական ընթրիքն
սկսվում է ձկան ապուրով կամ սնկի արգանակով, ապա կաղամբ՝ սնկով,
կարկանդակ մրգահյութով և վերջում՝ թարմ մրգեր:
7. Չինաստան
Չինաստանի հարավում Ամանորին բնակարանը նախընտրում են զարդարել ծիրանի ծաղկող
ճյուղերով։ Ծիրանի ծաղիկները պետք է ունենան ուղիղ հինգ թերթիկ: Բացի այդ, Հարավային
Չինաստանի բնակիչները սեղանին են դնում ձմերուկ, որի կարմիր և քաղցր միջուկը
հաջողություն է խորհրդանշում գալիք տարում։
9. Գերմանիա
Գերմանիայում Ամանորի սեղանին անպայման մատուցվում է չամիչով, խնձորով ու ընկույզով
պատրաստված թխվածք, որի յուրաքանչյուր բաղադրիչ ունի իր նշանակությունը: Օրինակ՝ ընկույզը
կյանքի դժվարությունները հաղթահարելու իմաստն ունի, իսկ չամիչը՝ խորհրդանշում է առատություն:
10. Ֆրանսիա
Ֆրանսիայում ամանորյա սեղանին դրվում է հատուկ պատրաստված հնդկահավ՝ կոնյակով և
սերուցքով, ինչպես նաև սեղանին դրվում է շագանակ, պաշտետ, ոստրեներ, ապխտած սաղմոն և
տարբեր տեսակի պանիր: Որպես աղանդեր՝ մատուցվում է սերուցքային տորթ, իսկ խմիչքներից՝
շամպայն և չոր գինիներ:
11. ԱՄՆ
Ավանդական ամերիկյան ամանորյա ուտեստ է հնդկահավը:
Ի տարբերություն անգլիական հնդկահավի, ամերիկյան հնդկահավը լցոնում են սառնարանում
մնացած մթերքներով՝ պանիր, սխտոր, խնձոր, կաղամբ, լոբի, սունկ, սալորաչիր և համեմունքներ:
12. Իսպանիա
Իսպանիայում Սուրբ ծննդյան երեկոյին պատրաստում են խորոված, հնդկահավ, կաթնային խոզ և
ծովամթերքներով ուտեստներ: Որպես աղանդեր մատուցում են նուգա՝ սերուցքով և ընկույզով,
մարցիպան՝ մեղրով, ինչպես նաև շաքարով նուշ:
13. Բրազիլիա
Բրազիլիան համատեղում է շատ ժողովուրդների ամանորյա ավանդույթները: Տոնական սեղանի
հիմնական ճաշատեսակներից են ձկան կամ խոզի միսը, բազմազան գարնիրը՝ գունավոր բրինձը,
մրգային աղցանը և ընկուզեղենը:
14. Իտալիա
Իտալիայում ընդունված է մատուցել խաղող, պնդուկ, ոսպ՝ որպես
երկարակեցության, առողջության և բարեկեցության խորհրդանիշ:
15. Իրան
(Պարսկաստան)
Որպես ամանորյա ավանդական ուտեստ իրանցիները պատրաստում են յոթ բաղադրիչներից
կազմված ուտեստ, քանի որ յոթ թիվը համարվում էր աստվածային, դեռևս հնագույն պարսիկների
մոտ: Եթե ուտեստի մեջ կան բոլոր 7 բաղադրիչները, ուրեմն նոր տարում Ձեր բոլոր ցանկությունները
կիրականան: Այդ յոթ բաղադրիչներն են ոլոռ, նուշ, պնդուկ, չամիչ, ծիրանի չիր, պիստակ և բրինձ: