17. Ogeia hondartza Ogeiako hondartzak daukan berezitasuna urtero itxuraz aldatzen dela da, gainaldeak erakusten duen hare kantitatea korronte, marea edo klimatologiaren arabera aldatuz. Bizkaiko Hondartzen KSIan sartu ondoren, ISO 9001 : 2000 Kalitate Ziurtagiria eta Ingurumen arloko ISO 14001 : 2004 Ziurtagiria eskuratzeko aukera izango du Ogeiako hondartzak.
19. Udaletxea Landu bako eta tamainu nahiz forma desberdinetako harriekin altxaturiko eraikina da. Sarrerari lekua emanez, ertz, bao eta arkuetan osotutako harlandu askorekin altxatua da eta bertan herriko taberna kokatzen da. Bere fatxada nagusia hiru zatitan banatzen da eta bertan baoak hiru ataletan. 1817an berreraiki zen. Balkoiko ateburuan inskripzio bat agertzen da: "ISPASTERREKO UDALETXEA BIZKAIKO BOLUNTARIOEN OSPITALE MILITARRA IZATEKO ZUZENDUA 1813AN ARRAZOI HONEGAITIK FRANTSESEK ERREA ETA 1817AN AITATUTAKO ISPASTERREK BERRERAIKIA". Herriko enparantzan kokatua.
27. Ispaster auzoz beteta dago, (beste herri asko bezala). Ispaster 22,62 km2-tan banatuta dago eta metro karratu horietan 12 auzo gutxi gora behera daude, hemen dira gure auzo batzuk: * Arropain: Lekeitioko hirigunearen ondoan kokatua. * Artikas: mendialde batean kokatutako auzune zabala. * Barainka: udalerria Earekin komunikatzen duen mendi-lepo baten kokatua. * Elejalde: Udaletxea eta Eliza dauden Ispasterreko auzoburua. * Gallete: interes handiko baserriak dituen udalerriaren hegoaldean dago. * Kurtxiaga: Lekeitiotik hur, Mendexak eta Amorotok mugatzen dute. * Gardata: XV. mendetik dokumentaturiko auzo bildua. * Kortazar: ibarrean lekukotutako auzo sakabanatua. * Larrinaga : Ogeia eta Elejaldeko hondartzen artean kokatua. * Mendazona: aldats gogor baten dagoen auzo txikia. * Solarte: Iluntzarreko mendialdetik sakabanatutako baserri multzoa. * Soluane: zentrotik hurbil egon arren, Ispasterreko zonalde altuan kokatua, eta gehiago daude...
