3. Manuel Lugrís Freire naceu na vila de Sada no
ano 1863. Emigra a Cuba con vinte anos, onde
axiña se integrará na colectividade galega. No
ano 1885 funda e dirixe A Gaita Gallega,
primeiro xornal de América redactado en galego.
4. Regresa a Galicia no
ano 1896 e instálase
na Coruña, traballando
moitos anos na
empresa Aguas da
Coruña. Integrado nos
círculos rexionalistas,
será un dos
fundadores da Real
Academia Galega,
entidade que chegará
a presidir.
5. No 1906 organiza a plataforma agraria Solidaridad
Gallega, e o ano seguinte pronuncia en Betanzos o
primeiro mitin politico en galego.
Con todo o meu corazón quero esta terra mariñana, terra que
defendín aquí i en terras de lonxe, gabándome sempre de sere
paisano voso. Como tamén sobre a fala gallega, que é sagrada
para nós, por ser un herdo dos nosos antepasados, deixaron caer
a súa bulra os estúpidos que renegan do que nin siquera
renegan as feras, quero hoxe, repito, falarvos na nosa fala,
porque é unha fala honrada, na que aínda non se furtóu, na que
non se escribiron os recibos dos consumos, e as notificaciós de
embargo das vasas facendas, nin a declaración de soldados que
arrinca dos vosos lares ós fillos cando vos fan máis falta para o
duro traballo da terra.
6. […] Noutros tempos, no sigro XIII, habia unhos homes poderosos,
condes, marqueses e nobres [...] que se facian donos das vosas
vidas, das vosas honras e máis das vosas terras. Un dia, un poeta
marinán, chamado Patiño, [...] xuntóu a todos os labregos das
Mariñas... e aqueles nobres, condes e marqueses, foron
duramente escarmentados, os seus castelos desfeitos, e a xusticia
cumprida; e de escravos fixéstevos homes libres pola razón da
forza que sempre se encontra na irmandade e na unión […].
Hoxe rexurden aqueles malos homes, que é ben certo que a mala
herba non morre senón arrincándoa de rais e aplicándolle fogo;
hoxe volven a facervos escravos, a roubarvos o direito de homes
libres, e tedes que tornar a xuntarvos fortemente [...].
Seguide, pois, asociándovos; xuntádevos contra dos vosos
enemigos, e seredes fortes, e seredes libres, e faredes libre e
honrada, rica e poderosa, a terra quirida onde todos nacimos.
¡Viva Galicia! ¡Viva a solidaridá!
7. Membro do Seminario
de Estudos Galegos
desde 1923, participaría
tamén na fundación da
Organización
Republicana Gallega
Autónoma e do Partido
Galeguista, do que era
militante nº 1. Foi
membro da comisión
que redactou o
anteproxecto do
Estatuto de Autonomía
de 1932.
9. No ano 1934, Lugrís foi elixido presidente da
Real Academia Galega, e como tal participou
xunto co presidente da República Alcalá Zamora
na inauguración do monumento a Curros
Enríquez na Coruña. Lugrís Freire morreu na súa
casa da rúa de San Andrés no ano 1940.
10. Lugrís Freire, como
escritor, cultivou
todos os xéneros: a
prosa, o teatro, a
poesía, etc. En
moitos casos foi un
pioneiro no uso da
lingua Galega.
Lugrís entendía a
literatura en
ocasións como un
medio para
transmitir o seu
pensamento.
11. A PROSA
Lugrís é autor de
artigos de opinión e de
numerosos contos
asinados co seudónimo
de Asieumedre e que
acadaron unha gran
popularidade na súa
época. Tamén publicou
a novela curta O
penedo do crime,
primeira escrita
integramente en
galego.
12. […] O Cazolo deixara, en boas moedas de prata, máis de doce mil reás […]. Pasaron
moitos días. O Pucheiro non se dispoñía a facer cirimonia algunha polo descanso de
seu pai; e o señor cura da freguesía [...] mandou chamar ao desleigado fillo.
—Viacó, Pucheiro, viacó. Chegou a meu conocemento que teu pai deixouche unha boa
morea de cartos. Si has de cumprir coa túa obriga de bon cristiano e bon fillo, tes que
facere algo polo descanso da súa alma [...]
—Señor cura, como eu son home equitativo, teño dinantes que midir o pro e mailo
contra.
—¡Home equitativo! Xuncras me non leve se non es home perdido […].
—Aténdame e verá. Supoñamos que meu pai, polos seus pecados, si é que os tivo,
está ardendo nos infernos. ¿Pode saír daquel lugar?
—Non, Pucheiro; Deus é xusto, e se o Cazolo estivera naquel lugar [...], xa non tería
remedio.
—¡Moi ben! Agora supoñamos que está na groria: ¿mellorará de condición porque lle
fagamos honras?
—Tampouco: xa che dixen que Deus é xusto e misericordioso, e na groria daríalle o seu
premio. Pero xa me estás amocando coas tuas preguntas, dinas dun mal fillo e de pior
cristiano. ¿E se teu pai está no Purgatorio, que é o mais seguro?
—Daquela, señor cura, que salla polo seu turno, que a min non me gusta facer mala
partida a ninguén, pois xa lle dixen que eu son home equitativo.
“Con polaina e media”, Contos de Asieumedre
13. A POESIA
Lugrís publicou cinco
libros de poesía, o
primeiro, Soidades,
editado en Cuba no
ano 1894, prologouno
Curros Enríquez. A
poesía de Lugrís
combina textos
intimistas con outros
combativos.
14.
15. Queixume dôce e brando
da escura carballeira
en que de noite dormen
as solermiñas meigas;
armonías das hondas
que bican as ribeiras
entoando as cantigas
de groria á natureza;
agarimante música
saudosa e sempre tenra
que fala d' un pasado
y-un gran porvir espera,
e ten pra as saudades
que á nosa y-alma aqueixan
o bálsamo meiguiño
de fada milagreira...
¡esa é a fala garrida e querendosa
onde da patria a redención latexa!
A santa Rosalía
cantou a nosa terra
na melosiña fala
enfeiizada e meiga.
Aos pobres desterrados
que aló na libre América
sentían as saudades
d'unha nativa veigá;
da viuda sin achego,
do Infertunado as queixas,
da terra qu’inda.vive
de libertá sedenta...
de toda a vida nosa
falou de tal maneira
¡que a yalma de Galicia
sinteu a labareda
d'unba nova alborada
de groria e d’enxebrezal
Esa e a fala do escravo
que nos eidos trafega
sufrindo alcume e mofa
das xentes estranxeiras!
¡Ese é o canto docísimo
no que as madres gallegas
no morno berce aos fillos
seu sono protexeran!
iFala da nai quirida!
fala da miña terra...
que por ser d'ela e miña
O sangue meu lle dera!
¡Ouh, Amigos da Fala, irmans quiridos
qu'este verbo nos xunte e nos protexa!
16. O TEATRO
Lugris Freire é un dos
principais dramaturgos
Galegos do século XX. É
o autor de A Ponte,
primeira obra do teatro
galego en prosa.
As obras de Lugrís teñen
un contido reivindicativo e
social, o que fixo que
fosen moi representadas
no seu tempo.
21. No xardín da Terraza na mesma homenaxe:
Lugrís acompañado da súa dona e fillos (entre
eles o pintor Urbano Lugrís), o alcalde de Sada e
Eladio Rodríguez, presidente da Academia Galega