Idatzizko ulermena-Eskabidea- Santillana egokitzapena

1. EGITEN JAKIN. Santillana ESKABIDEA
Elkarte edo erakunde bati eskatzen diogunean laguntza, idatziz, gutunez edo e-mailez
egiten da eskaera, jasota gera dadin.
Mezu berria
NORK etxebe003uskaraz.eu
NORI Londonbasquesocietymail.com
GAIA Abuztuko jaialdiaren egitaraua
Kaixo, Euskal Elkarteko lagunak:
Ainara Etxebeste naiz, hamabi urte ditut eta Euskal Herritik idazten dizuet, Arabako
herri batetik, Agurainetik hain zuzen ere.
Datorren abuztuaren hasieran, Londresen zenbait egun igaroko ditut nire gurasoekin,
hiria ezagutu eta ingelesa praktikatzeko asmoz. Leku turistikoak bisitatu eta Euskal Etxera
joan nahi dugu. Zuen webgunea arakatzen ibili gara eta abuztuaren 6an jaialdi bat
antolatuko duzuela irakurri dugu. Eta horri buruzko informazioa eskatzeko idazten dizuet,
hain zuzen ere.
Euskal Etxearen webgunean ez dugu egitaraua aurkitu eta zenbait zalantza ditugu: zer
ordutan hasten den jaialdia, han bazkaltzeko aukerarik dagoen... Horregatik jaialdiaren
egitaraua bidali ahal diguzue?
Egia esan, horiek gurasoen kezkak dira. Nire kezka da ea nire adineko gazteentzat
jardueraren bat antolatu duzuen. Aukera ederra izango litzateke, beste gazte batzuekin
egoteko eta ingelesez hitz egiteko eta.
Besterik gabe, zure erantzunaren zain geratzen naiz.
Besarkada handi bat Euskal Herritik.
Laster arte,
Ainara Etxebeste
Londreseko euskaldunei informazio eske

2. EGITEN JAKIN. Santillana ESKABIDEA
1- Aukeratu egia dena.
Ainararen gurasoek lagun batzuei galdetu diete Londreseko leku
turistikoak zeintzuk diren.
Ainarak jakin nahi du ea gazteentzako jarduerarik izango den jaialdian.
Londreseko lagun batek Ainarari Aguraineko informazioa eskatu dio.
2- Erantzun galdera hauei.
 Zer egiteko asmoa dute Ainara eta gurasoek Londresen?


 Nola izan dute Ainara eta gurasoek jaialdiaren berri?
 Zer jakin nahi dute Ainararen gurasoek jaialdiari buruz?
 Eta zer jakin nahi du Ainarak?
3- Zer eskatu die Ainarak Euskal Elkarteko kideei? Aukeratu.
Jaialdietan umeentzako jarduera gehiago egiteko.
Jaialdiaren egitaraua bidaltzeko.
Jaialdiko jarduerak euskaraz izateko.
4- Zer egiten da eskabideetan? Aukeratu.
Zergatik idazten den azaldu.
Pozik ala triste gauden adierazi.
Nor garen adierazi.
Zer eskatzen dugun azaldu.
Hasieran eta bukaeran agurtu.