1. LECTIO IV VECTURA ET URBS
Lege textum et interrogā id quod nōn intellegās:
Vērum an fālsum:
1. Plerīque Rōmānī in itinere maritimō nāvibus ūtuntur.
2. In raedā tantum ūnus homō portārī potest.
3. Raeda velox est.
4. Raeda est vehiculum Italicum.
5. Raeda duās rotās habet.
6. Saepe decem equī raedam trahunt.
7. Raeda duōbus equīs trahitur.
8. Raeda est vehiculum incommodum in itineribus longīs.
9. In parte interiōre carrucārum lectus est.
10. Peregrīnātōrēs dormīre in raedīs possunt.
58
Plerīque Rōmānī raedīs iter faciunt; nam veterēs Rōmānī, cum
peregrīnātiōnem aliquam incipiunt, in terrestrī itinere raedīs ūtuntur, in
marītimō itinere navigiīs. Inter multa et varia vehiculōrum genera, māximē
aptae raedae sunt, quod celeriter trahuntur et plūrēs hominēs ūnā raedā
commodē vehuntur.
Raedārum ūsus, ut omnium ferē vehiculōrum, ā Galliā in Italiam
invectus est. Quattuor rotārum vehiculum raeda est et plerumque duae
mulae eam trahunt; sed agiliōrēs raedae quaternīs, vel ōctonīs, perrārō denīs
equīs vehuntur. Sed nōn tantum commoditātis raedae praebunt, hōc modō,
si quis plūrimōs diēs in itinere cōnsūmit, diuturnae iactatiōnis causā,
membra languida ac dēfatigāta erant et ossa, ut ita dicam, paenē confracta.
Posterius quia peregrīnandī necessitātem longiōra itinera in cruciātus
vertere nōlēbant, Rōmānī ‘dormitōriīs carrucīs’ ūtī coeperunt. In interiōre
parte lectulus aptātus est et sic peregrīnātōrēs iacere et dormīre possunt.
Nūllum vehiculōrum genus carrucā sumptuosius est et eam dormitōriam
vocant.
6.4.