2. ¡ Hola collacios! llámome Casín y soi un llobu vieyu del Parque de Redes .
3. Entovía recuerdo aquella mañana de mayu cuando salí por primera vez colos mios hermanos a esplorar alredor de la mio madriguera. ¡Qué alcordances d’esi momentu!
4. Mio ma esplicónos que tábemos nos montes de Casu . Al nuestru alredor too yera verde , anque tamién podíemos ver un escarpáu relieve col Picu Torres (2.140 m) y el mineru ríu Nalón .
5. Na midida que díbemos medrando, ma enseñónos más coses del llugar ónde tábemos y la verdá ye que la viesca paeciónos muncho más grande y con munches coses por descubrir… Un día ma presentónos a un vieyu fayéu que dicía yera’l más vieyu del llugar y que-y prestaba cuntar histories.Yeren histories perguapes de fueyes y d’aire , d’agua y vida, de lluches y d’amor. Pero la que nun nos gustó muncho foi la historia de cómo camudaron les viesques porque dende va cuantayá los humanos tresformen los paixases cola tala.
7. Munchos díes tamién facíemos escursiones y nuna delles baxábemos pela Falla de Ventaniella ; caminábemos cerca d’un regatu cuando una llóndriga xuguetona blincaba delantre nosotros y díxonos: ¡Viníi p’acá! Voi enseñavos dalgo perguapo qu’enxamás olvidaréis.
8. Siguímosla al llau del agua con cuidáu de nun cayer cuando de sópitu aquel regatu pequeñu y estrechu convirtióse nun ríu grande que cada vez se facía mayor y mayor. -Estes agües son mui importantes pa estes tierres y pa toles especies que vivimos nelles -dixo la llóndriga. El ríu Nalón naz equí, na fonte La Nalona xunto al pueblu de Tarna y llega a la mar dempués d’atravesar montes y praos. Los homes aprovéchenlu tamién recoyendo les sos agües en pantanos pergrandes como los de Tañes y Rusecu .
9.
10.
11. Xabalinos, llebres, robezos y corzos buscaben onde pasar la nueche, qu’anque’l tiempu serondiegu nun ye mui fríu, ya presta tar al abellugu hasta que llegue la mañana seliquino y entame’l nuevu día. Los mios hermanos y yo nun pudimos dormir en tola nueche, los venaos berraren enforma; despertónos un osu qu’ente la fueya seco caminaba pa buscar dalgún miruéndanu pa desayunar
12. L’iviernu llegó y nosotros siguíemos colos xuegos y descubrimientos. La ñeve taba cerca y los picos de los montes empezaben a cubrise de ñeve. Cuando teníemos fríu metíemosnos na Cueva ‘l Devoyu y escalecíemos abondo pero anque la ñeve diba baxando lo que más nos prestaba yera siguir coles escursiones que nos llevaben a sitios tan guapos como La Ruta L’Alba .
13.
14. Aquel paisaxe yera ablucante, enxamás viéremos tanta ñeve. Corríemos, blincábemos pero paramos al oyir un ruíu que provenía d’una espinera qu’había nun oteru. _¿Qué ye eso?Paez un xatu. _¿Un xatu perdíu? Mio ma que yera perllista díxonos qu’aquellos gritos yeren como los d’un ”uro” pero que ya nun esistíen. Asina que solo podría tratase d’un gallu montes. _¡Ye verdá, ehí ta!_ El gallu montes caminó ente la ñeve enchipáu y díxonos:
16. Comprendimos enseguida que taba un poco alloriáu. Taba perlloñe de los fayeos, los carbayos y los abedurios que ye onde él vive. Y anque tamién pue vivir en zones de montaña y pradera yera dificil qu’alcontrare una fema nestos meses d’iviernu. -Tengo que topar una moza y poner munchos güevos, yá nun queden munchos como yo_ ¡Asina que ayudámoslu a volver a casa!
17. Cola ayuda del aigla y el frangüesu enseguida topemos una ruta, la ruta del Tabayón que nos llevaría al llugar onde quedaría ‘l faisán. L’osu ayudónos tamién a caminar ente la ñeve. Pasu ente pasu la primavera llegaba y el camín facíase más llevaderu. Tábemos acercándonos a una zona de fayeos, abedurios y carrascos. La ñeve derritióse y una cascada, el Tabayón del mongayu, apaeció delantre de nosotros. Nes sos agües nalaba una antigua amiga nuestra la llóndriga, que tamién-y prestó venos.
18.
19. Colos díes soleyeros too empezó a cambiar… Entamaba una nueva etapa pa estes agües, estos montes, estos animales y estes viesques del Parque Natural de Redes y pa nosotros tamién supondría un cambiu, el cambiu que nos ofrecía la vida.
20. Estáu llegal : Declaráu por Llei 8/96. Superficie : 378.03 km2 Llocalización : Conceyos de Casu y Sobrescobiu Accesos : Dende Uviéu, pela Carretera Rexonal AS-17. Dende l’Infiestu, pela Carretera Comarcal AS-254 Vexetación representativa : Fayeos. Fauna representativa: Robezu, corzu, venáu, gallu montés cantábricu y aves rapaces. Otres figures de protección : Declaráu llugar d’importancia Comunitaria de Redes. Declaráu Zona d’ Especial Protección pa les aves de Redes. Declaráu Reserva de la Biosfera de Redes. Inclúi los Monumentos Naturales : Cueva Devoyu, el Tabayón de Mongayu y la Ruta l’ Alba. + volver
