Presentación empregada no obradoiro "Como se fai unha película" do Centro Ágora.

1. Como se fai unha película
Deseño de produción

2. Deseñador de produción (Prodution designer)
Adaptado do Art Directors Guild
O deseñador de produción crea e desenvolve o aspecto xeral e a atmosfera na
que sucede o relato. Consulta principalmente co director a concepción e creación
de escenarios e a selección e alteración de localizacións e fondos. Tamén
colabora co equipo de efectos visuais e proporciona os deseños necesarios para
manter a coherencia do material no proceso de produción, filmación e
posprodución.
O equipo do deseñador de produción inclúe polo usual un director de arte e/ou
un axudante do director de arte que traballan no desenvolvemento técnico dos
conceptos de deseño para producir os escenarios finais.
*A miúdo se manexan de forma intercambiábel os conceptos “deseño de produción” e
“dirección de arte”.
Fonte: http://www.adg.org/?art=about­the­guild

3. Deseñador de produción (Prodution designer)
Adaptado do Art Directors Guild
As funcións que lle corresponden ao deseñador de produción son:
­Colaborar co director e produtor para interpretar o guión, elixir localizacións e
decorados e decidir o estilo e achegamento visual do filme á historia.
­Escoller o director de arte e/ou axudante do director de arte e supervisar o seu
traballo.
­Traballa de forma estreita con moitos departamentos, en particular os de
fotografía, vestiario, maquillaxe e peiteados, etc, na procura dun deseño visual
xeral coherente.
­Traballa de forma coordinada co equipo de son no que atinxe á situación dos
micrófonos nos diferentes decorados; e cos de efectos visuais para asegurarse de
que os decorados se adaptan ben aos cromas.
Fonte: http://www.adg.org/?art=about­the­guild

4. Director de arte (Art director)
Adaptado do Art Directors Guild
A principal función do director de arte é apoiar e proseguir os conceptos visuais
da produción segundo o especificado polo deseñador de produción e o director.
Iso implica poñer en práctica habilidades creativas e de xestión.
Ademais, o director de arte é o máximo responsábel de diversos equipos da
produción: o departamento de arte, os que se encargan da construción e
equipamento do decorados, localizacións, efectos especiais, etc.
Axudante do director de arte (Assistant art director)
Os axudantes do director de arte traballan co coordinador de construción,
capataces, pintores, xeseiros, traballadores do metal, persoal de obradoiros,
construtores de efectos mecánicos, greenspeople, etc.
Tamén é responsábel da adquisición de materiais necesarios para a produción,
da investigación precisa para o deseño de época e contemporáneo e en axudar
ao deseñador de produción e director de arte no que sexa preciso.
Fonte: http://www.adg.org/?art=about­the­guild

5. Oficios relacionados co deseño de produción
Adaptado do Art Directors Guild
Deseñadores de decorados: elaboran planos técnicos para construír ou
modificar os decorados, localizacións, vehículos e sinais.
Decoradores: visten os decorados con mobles e accesorios, incluídos os
elementos téxtiles (cortinas, alfombras, etc).
Ilustradores: crean ilustracións 3D, debuxos e bocetos que se empregan na
preparación e produción dos elementos artísticos do filme.
Artistas gráficos: crean todos os elementos gráficos precisos, incluíndo sinais,
libros, carteis, etc. empregados na escena.
Modelistas: crean modelos dos decorados propostos.
Coordinadores do departamento de arte: ofrecen apoio loxístico e
investigación necesaria para o traballo de arte.
Fonte: http://www.adg.org/?art=about­the­guild

6. Oficios relacionados co deseño de produción
Adaptado do Art Directors Guild
Xefes de localización e buscadores de localizacións: localizan posíbeis lugares
de rodaxe e xestionan os permisos e necesidades que correspondan.
Atrezzista (Propery Master): proporciona calquera obxecto que vaia ser
empregado durante a rodaxe. En inglés chámase props aos elementos móbiles ou
portátiles da escena (fóra dos decorados, vestiario, equipamento eléctrico, etc).
Coordinadores de construción: dirixen o traballo dos obreiros, pintores, artistas
escénicos, greenpersons... na construción de decorados
Equipo de efectos visuais: incluídos artistas de matte painting, modelistas, etc.
Equipo de efectos especiais: deseñan, producen e integran os efectos físicos e
mecánicos en coordinación co departamento de arte.
Coordinadores de vehículos: escollen vehículos axeitados para a acción e os
fondos.
Fonte: http://www.adg.org/?art=about­the­guild

7. Matte painting en Raiders of the Lost Ark. O almacén gobernamental ao final do filme foi
pintado sobre cristal por Michael Pangrazio (de Industrial Light & Magic) e mesturado
con imaxes reais dun actor empuxando un cargamento polo corredor central.