Convocatoria dunha praza de voluntariado no Programa de Coñecemento da Realidade, incluindo formación inicial, estancia dun mes en Honduras, e devolución trala volta en Galicia até finais de ano. Participarase no campamento da Red Jóvenes por el Clima
1. Convocatoria do Programa de Coñecemento da Realidade - Redes de ESF Galicia 2019
CONVOCATORIA DE PRAZA DO PROGRAMA DE
COÑECEMENTO DA REALIDADE (PCR) REDES DE
ENXEÑERÍA SEN FRONTEIRAS GALICIA (ESF GALICIA),
ANO 2019
1
2. Convocatoria do Programa de Coñecemento da Realidade - Redes de ESF Galicia 2019
1. PRAZA OFERTADA
Tipo de PCR PCR Redes en Honduras
Nome do
grupo
Comisión PCR
País Honduras
Zona Golfo de Fonseca
Prazas 1
Duración Dende o 15 de xuño ao 15 de decembro 2019
(Incorporación desde o 15 de Xuño 2019 a ESF para a
formación previa, estadía en terreo do 19 de agosto
ao 19 de setembro e voluntariado en Galicia de 3
meses trala chegada).
Datas da
estancia*
1 mes entre o 19 de agosto e o 19 de setembro (as
datas da viaxe poden variar 1-2 días)
*A realización da viaxe estará supeditada a que a situación política no país
ofreza unhas condicións mínimas de estabilidade e seguridade.
2
3. Convocatoria do Programa de Coñecemento da Realidade - Redes de ESF Galicia 2019
2. QUE É UNHA PERSOA PCR?
ESF GALICIA organiza o Programa de Coñecemento de Realidade co
obxectivo final de promover unha cidadanía global crítica e solidaria,
potenciando o proceso de aprendizaxe das persoas da nosa sociedade a
través do coñecemento de primeira man das desigualdades entre países.
Quérese con isto que as persoas participantes adquiran conceptos,
procedementos e actitudes como parte do proceso de afondamento nas
causas das desigualdades no mundo e que interioricen nas súas vidas e no
seu entorno actitudes de cambio social para superar a inxustiza social. O
PCR promovido por ESF é un instrumento de Educación para o
Desenvolvemento xa que permite desenvolver nas persoas participantes
coñecementos, valores e actitudes baseados no diálogo, o respecto activo e
a solidariedade. Trátase de facilitar unha experiencia de sensibilización a
pequenos grupos de persoas, que ao ser seleccionadas se converterán en
persoas voluntarias de ESF e participarán no día a día da asociación,
contribuíndo ao seu crecemento persoal e social.
As seguintes características do PCR son importantes tanto para ESF
como para as persoas participantes:
- Coa participación no PCR perséguese fomentar unha formación
integral, é dicir, preténdese o desenvolvemento de capacidades técnicas e
metodolóxicas cun enfoque social global.
- O PCR difúndese principalmente na universidade, pero ser parte da
comunidade universitaria non é un requisito para participar no programa.
- O PCR supón, por unha banda, unha forma de integración de novas
persoas voluntarias e, polo tanto unha vía de apoio á realización de
actividades nas diferentes áreas de traballo de ESF. Por outra banda, supón
unha parte do ciclo formativo do voluntariado dentro de ESF e das súas
actividades, destacando a concepción que ESF ten do voluntariado como
axente transformador dunha sociedade inxusta e con desigualdade de
oportunidades de desenvolvemento para as persoas e os pobos.
2.1. PCR Redes
O PCR Redes consiste na participación de redes de traballo estatais ou
internacionais de incidencia política e sensibilización das que ESF Galicia ou
a Federación Española de Ingeniería sin Fronteras forma parte, ou ben coas
que se quere establecer un vínculo.
O principal obxectivo de participar directamente nestes movementos é a
3
4. Convocatoria do Programa de Coñecemento da Realidade - Redes de ESF Galicia 2019
oferta de formación específica avanzada a través das actividades que se
leven a cabo, xunto con outras persoas e organizacións que conforman a
rede. Ademais, a persoa participante contribuirá á rede, establecendo lazos
con persoas que desenvolven proxectos e campañas noutras rexións
xeográficas.
O traballo levado a cabo durante a estancia pode formar parte dalgunha das
campañas que se estea levando a cabo en Galicia no mesmo ano, sendo
coherente coa temática e os obxectivos do mesmo proceso. Por último, os
coñecementos adquiridos favorecerán o desenvolvemento das actividades
por parte das persoas voluntarias que conforman a asociación.
2.2. Praza PCR Redes 2019
O obxectivo desta praza é que a persoa seleccionada participe no
Campamento da Red de Jóvenes en Acción por el Clima 2019, que terá
lugar en San Lorenzo, Honduras. Esta rede internacional conformouse por
mozas e mozos de Alemania, Bélxica, Nicaragua, Honduras e España, entre
outros, baixo o lema “¿Cales son as túas pegadas neste mundo? No traballo
da rede inclúense os seguintes temas: cambio climático, auga, agricultura
sostible, bosques, consumo responsable, enerxía renovable, migración e
xustiza ambiental.
No campamento de 2019 que terá lugar en San Lorenzo, Honduras,
abordaranse as seguintes temáticas:
• Percorrido e razón de ser da Red de Jóvenes en Acción por el Clima
• Clima e conflitos: situación no contexto do Golfo de Fonseca en
Honduras, análise de conflitos ambientais, transformación de conflitos
ambientais.
• Accións polo clima, intervencións e incidencia política.
• Visitas a lugares que presentan situación de conflitos ambientais.
As tarefas a desenvolver pola persoa seleccionada durante o PCR serán:
• Antes da estancia en terreo:
◦ Formación e autoformación previa á estancia, co acompañamento
de persoas voluntarias e contratadas de ESF (do 15 de xuño ao 19
de agosto). Esta formación será especialmente deseñada segundo o
perfil da persoa participante, e consistirá en lecturas seleccionadas
por ESF para o traballo individual da persoa seleccionada e na
4
5. Convocatoria do Programa de Coñecemento da Realidade - Redes de ESF Galicia 2019
asistencia a unha xornada de formación que terá lugar entre
xuño e xullo (data a concretar entre a persoa seleccionada e o
voluntariado de ESF)
• Durante a estancia en terreo:
◦ Colaboración na preparación do campamento (do 20 de agosto ao 1
de setembro)
◦ Participación no campamento (do 2 ao 13 de setembro)
◦ Peche do campamento e outras accións complementarias a deseñar
de xeito conxunto entre ESF e a persoa PCR (do 13 ao 19 de
setembro)
• Despois da estancia en terreo:
◦ Colaboración ao menos durante tres meses como voluntaria/o
nas actividades de ESF en Galicia vinculadas a Educación para o
Desenvolvemento e Sensibilización en torno a temática de creación
de pontes Honduras-Galicia, redes e temáticas ligadas á defensa do
territorio e medio ambiente.
3. COMPROMISOS DE ESF GALICIA
• Seguimento e xestión do programa a través da “Comisión PCR”.
• Selección da persoa participante.
• Organización da formación precisa para o correcto aproveitamento do
programa.
• Integración da persoa participantes na vida asociativa.
• Transmisión á persoa participante de información detallada sobre os
antecedentes da asociación no eido/zona de traballo.
• Busca de financiamento para os gastos da viaxe e seguro médico que
cubra ás persoas participantes durante a súa estancia.
• Xestión e busca de financiamento no seu caso para o aloxamento da
persoa participante durante a estancia en terreo.
• Organización da viaxe en colaboración coa persoa participante.
• Seguimento durante a estancia por parte da comisión PCR e do persoal
contratado á persoa participante.
• Coordinación coa persoa expatriada de ESF durante a estancia en
terreo.
• Dar seguimento e acompañamento á persoa PCR ao seu regreso,
5
6. Convocatoria do Programa de Coñecemento da Realidade - Redes de ESF Galicia 2019
incluíndo a planificación conxunta de actividades de voluntariado en
Galicia tras a estancia en terreo.
• Avaliación final do proceso xunto coa persoa participante.
4. COMPROMISOS XERAIS DAS PERSOAS SOLICITANTES
• Participación na formación previa á viaxe.
• Firma con ESF do compromiso de PCR antes da estancia, no que se
detallarán todas as condicións do programa.
• Facerse cargo da súa manutención (comida e gastos persoais) durante
a estancia en terreo.
• Participación nas actividades durante a estancia en terreo baixo as
indicacións da persoa expatriada de ESF e das persoas organizadoras
do evento.
• Elaboración dun informe final da experiencia a entregar como moi
tarde dous meses despois da finalización da estancia PCR segundo
modelo facilitado por ESF.
• Informe das actividades na súa estancia a través de redes sociais
(facebook), telegram e correos nas listas.
• Compromiso de permanencia e participación activa como
persoa voluntaria na asociación ao menos tres meses en
Galicia tras a estancia en terreo,
5. PERFIL DA PERSOA PCR
Requisitos imprescindibles
• Ser menor de 30 anos (o campamento está dirixido a mozas/os de
entre 18 e 30 anos)
• Especial sensibilización e motivación en temas relacionados co medio
ambiente, cambio climático, xestión de residuos, consumo
responsable, etc.
• Dispoñibilidade nas datas establecidas para a formación previa e
estancia en terreo.
• Dispoñibilidade para a permanencia e participación activa como
persoa voluntaria na asociación ao menos tres meses en Galicia tras a
estancia en terreo.
6
7. Convocatoria do Programa de Coñecemento da Realidade - Redes de ESF Galicia 2019
• Ofimática e internet a nivel usuario.
Importante: Estes criterios son esixibles; polo tanto deberán quedar
perfectamente explicados e xustificados no CV (os máis obxectivos) e na carta
de motivación (os de carácter máis subxectivo).
Valóranse adicionalmente:
• Capacidade de traballo en equipos multidisciplinares e multiculturais e
capacidade de convivencia e de adaptación a realidades diferentes.
• Flexibilidade, habilidades comunicativas e empatía.
• Experiencia de participación en redes, asociacións ou movementos
sociais, experiencia de voluntariado.
• Formación (formal e/ou informal) en cooperación para o
desenvolvemento e/ou educación para o desenvolvemento.
MÁIS INFORMACIÓN:
● Enxeñeria Sen Fronteiras https://galicia.isf.es/?lang=es
● Blogue asociativo de ESF https://esfgalicia.blogspot.com/
● Blogue de ESF en Honduras https://esfhonduras.blogspot.com/
● Facebook ESF https://es-es.facebook.com/ESFGal/
● Wiki de ESF Galicia http://esf.gpul.org/
● Información da Red de Jóvenes en Acción por el Clima
https://alianzaporelclima.wordpress.com/acerca-de/Jóvenes en acción
por el clima
6. SOLICITUDE DE PRAZA
As persoas interesadas deben enviar, en formato PDF, un breve CV
cos datos máis relevantes para a praza, xunto cunha carta de motivación
tamén en pdf, ao correo info@galicia.isf.es, indicando no asunto o nome
da praza correspondente (PCR-redes).
Os criterios esixibles das prazas ofertadas deben quedar
perfectamente explicados e xustificados no CV (os máis obxectivos) e na
carta de motivación (os de carácter máis subxectivo). A carta de motivación
non debe ser un CV en palabras nin unha defensa da persoa como apta para
7
8. Convocatoria do Programa de Coñecemento da Realidade - Redes de ESF Galicia 2019
ocupar a praza. Ademais, deberase explicar, co detalle en que sexa posible:
1) Se existe o compromiso e dispoñibilidade de participar na formación
previa.
2) Se existe o compromiso e dispoñibilidade para a participación activa no
grupo de voluntariado vinculado ao PCR ao menos tres meses en Galicia tras
a estancia en terreo, así como nas actividades de sensibilización vinculadas
ao programa propostas.
As solicitudes que non inclúan ambos documentos no
formato indicado non entrarán no proceso de selección.
A data límite para a presentación de solicitudes é o 5 de
xuño de 2019, ás 23:59 horas. As solicitudes que sexan recibidas
despois deste momento non entrarán no proceso de selección.
A selección de persoas para a entrevista farase atendendo aos CV e ás
cartas de motivación. A cita para a entrevista concertarase por teléfono, as
entrevistas realizaranse previsiblemente na semana do 10 ao 14 de xuño. As
persoas non seleccionadas para a entrevista serán notificadas vía correo-e.
Ás persoas entrevistadas se lles comunicará por teléfono o resultado da
entrevista.
Se tes algunha dúbida sobre o concepto de PCR, a filosofía de ESF, a
convocatoria ou a túa solicitude podes contactar con info@galicia.isf.es
8