2. Partykeer is ek sommer lus
vir niks!
Anderkeer kan ek berge
versit!
Partykeer is ek in
oorwinning!
Anderkeer is die gat so diep
donker!
3. Partykeer wil my lewe draaie
loop wat my nie aanstaan
nie.
Anderkeer wil ek draaie loop
wat die Here nie aanstaan
nie!
Partykeer help Sy Hand en
ander kere los Hy my om my
kop te stamp!
Meestal as ek luister dan kom
dinge reg!
4. Partykeer is die lewe so
onverstaanbaar en
onaanvaarbaar!
Anderkeer kan die stroom
so kalm en rustig
voortvloei oor my
lewensakker!
5. Partykeer is my huis vir
my ‘n veilige hawe –
Anderkeer kan dit ‘n
aansluitingslyn in hierdie
gejaagde lewensstasie
word, wat net wind naja!
6. Here, hoe’s dit dan partykeer,
dat U teenwoordigheid so
kosbaar en innig is en anderkeer
kruip ek vir myself en vir U weg?
Waar U woord ‘n lig en U
leiding ‘n kierie vir en op my pad
moet wees, voel dit partykeer
asof die donker doolhof van my
lewe mank gaan aan die lig en
die kierie?
Anderkeer kan ek rustig op ‘n
bank in die park sit en die mense
dophou wat verby loop – hulle
wat swaarder kry as ek, en ek
kan so gelukkig voel dat my vel
wil oopbars!
7. Partykeer is my liefde vir U
so vaal en ontoereikend!
MAAR – Elke keer is U Liefde
so groot, wonderbaarlik en
alomteenwoordig!
U liefde is oorwinnend, dit
loop nie draaie nie, dit los my
nooit, help my altyd – saggies
– reg,
Laat my nooit gejaagd voel
nie, laat my nooit verdwaald
voel nie, laat my altyd met ‘n
gevoel van menswaardigheid!