2. Lycoperdon perlatum = “peidos de lobo” Estamos ante un conxunto de Lycoperdon perlatum, un cogumelo que nace en grandes formacións, formando familias. Coñecido popularmente como "peidos de lobo", entre os que tamén hai que incluir as "scleroderma". É un cogumelo habitual nos nosos montes e é un comestible mediocre, só cando é novo e as esporas aínda non están maduras.
3. Macrolepiota procera = “zarrota, choupín, pan de cobra, ...” Contrapicada espectacular e pouco recurrido neste tipo de idades da parte inferior do sombreiro dunha Macrolepiota procera. É un cogumelo típico, é dicir, ten pé e sombreiro, e neste caso o himenio, a parte inferior do sombreiro, ten láminas. Este cogumelo, con multitude de nomes comúns (zarrota, choupín, pan de cobra, ...) é a mostra evidente de que os galegos consumimos cogumelos desde fai moitos anos. Por que? Pois porque nos lugares nos que é costume consumir cogumelos, esta especie cocíñase dun xeito diferentes segundo a fase de crecemento na que se atope e recolecte.
7. Macrolepiotas proceras Fermosa foto, de composición, luz, encadre, ... Estamos ante outras dúas Macrolepiotas proceras, podendo dar por repetido o comentado anteriormente, a excepción de engadir que estamos vendo un lugar de nacemento pouco habitual para esta especie, como é un monte de piñeiros. Son máis de terreos blandos, traballados e aboados.
9. Trametes versicolor = madeirudo Esta imaxe correspóndese, creo, a un Trametes versicolor, un madeirudo. Forma un abano, semicircular ou en forma de ril, plano e moi delgado, adornado de bandas concéntricas estreitas de diversas cores, alternando pardas, verdes e grises. É un cogumelo non comestible que medra pudrindo a madeira de frondosas e árbores froiteiras.