1. ENTENDENDO O ECOSISTEMA
A PARTIR DO HORTO
No horto da nosa escola fomos creando un pequeno
ecosistema no que o chan, o clima, a flora e a fauna atoparon
equilibrio.
A súa observación permítenos entender as relacións que se
dan entre os seres vivos e o seu medio, o que nos fará reflexionar
sobre a enorme capacidade que ten o ser humano para introducir
modificacións no medio natural.
No desenvolvemento do horto inciden directamente aspectos
ambientais e fenómenos climatolóxicos, que convén ter en conta á
hora de organizar as actividades que se vaian a levar a cabo nel.
Para entender a importancia que ten o ser humano no
coidado do ecosistema será moi importante ter sempre próxima a
referencia de como era o horto antes de traballar nel, o que nós
permitirá comprobar a capacidade do ser humano para coidar e
protexer o medio.
2. Deste xeito, ao longo deste bloque temático, o alumnado
poderá achegarse a diversos elementos que é imprescindible ter
en conta, para o desenvolvemento do noso horto, como son o
clima, a auga, a terra, a luz e o vento.
A TERRA
É un elemento moi importante da natureza, fundamental
para que medren as plantas.
O chan é o órgano que
nutre as plantas, é o espazo vital
onde estas se desenvolverán.
O chan está vivo e a súa
función básica é a de albergar
vida, polo que hai que
consideralo como un ecosistema
onde se desenvolven unha serie
de seres vivos interdependentes,
entre os que se atopan as
hortalizas e as verduras que
cultivamos.
O que coñecemos como
terra está composto de
fragmentos de rocas, minerais,
restos de plantas e animais
mortos, bacterias, auga e aire.
Diferéncianse distintos tipos de terra en función do seu tacto
e contido de elementos, tal como nós ensinou Roberto , o día que
visitou a nosa escola.
Neste senso teremos que aprender a corrixir a nosa terra, ata
conseguir que sexa franca, o cal beneficiará aos nosos cultivos.
3. FAUNA
Os nenos poderán comprobar cal é a fauna do horto, e cales
son as medidas que favorecerán a
súa vida. Pasiño a pasiño iremos
analizando o papel que teñen as
miñocas, as bolboretas, as
xoaniñas...favorecendo o
funcionamento do ecosistema.
Tamén descubriremos:especies en
perigo de extinción, a fauna dos
muros da escola e as medidas
ecolóxicas para protexer e respectar a cada especie.
VENTILACIÓN E VENTO
A ventilación regular dos espazos é vital, pois asegura a
renovación correcta do aire e o control da humidade.
A osixenación das raíces das plantas
tamén é moi importante para o adecuado
desenvolvemento das mesmas, polo que é
preciso remover a terra do horto de cando en
vez , por iso se consideran moi útiles as
miñocas nos hortos.
O vento moi forte adoita ser prexudicial
para moitas plantas ao crebar os seus talos ou
ramas, deshidratándoos...
O vento moderado, e sobre todo algúns ventos fríos, exercen
unha acción desinfectante das plantas, eliminando pulgón e
inhibindo condicións de desenvolvemento de fungos.
Os ventos siberianos ou do norte, poden xear ou queimar as
partes máis sensibles da planta.
No noso horto comprobaremos como lle afecta o vento ás
verduras e ás hortalizas , e teremos en conta a súa orientación
para descubrir que cultivos serán os idóneos.
4. A AUGA
Abrimos unha billa e sae a auga. Pechamos a billa e deixa de
saír auga.
Non pensamos
na auga nin na
importancia que ten na
nosa vida.
A Terra é un
planeta acuoso. A auga
e o xeo cobren o 70%
da superficie
terrestre. Sen embargo
existen moitos lugares
do planeta onde non
hai suficiente auga
para lavarse ou para beber.
97% da auga da Terra é salgada e por tanto non potable, un
2%, está xeada nos glaciares e icebergs; e só un 1% permanece
nun estado no cal a podemos utilizar e beber.
Mediante o traballo de rega no horto, o alumnado poderá
comprender o papel que xoga a auga na natureza e a importancia
que ten o seu coidado.
5. Para sensibilizar á comunidade educativa coa
necesidade de aforrar
auga iniciaremos a
campaña : Deixa correr o
aforro!!!
Na que a nosa mascota
Narigota (feita por unha
nai da comunidde
educativa), visitará os
fogares dos nosos nenos
levándolles consellos para
aforrar auga.
