Komunikasyon-Kahulugan at Uri

1. KOMUNIKASYON

2. Kahulugan
Ayon kay Webster, ang
komunikasyon ay pagpapahayag;
pagpapahatid o pagbibigay ng
impormasyon sa mabisang
paraan; isang pakikipag-ugnayan
at pakikipag-unawaan.

3. Mula kay Atienza et al. “Ang
komunikasyon ay isang sining at agham;
isang sistema ng pagbibigay-kahulugan at
pag-unawa sa anumang pahayag sa
pamamagitan ng senyas, sagisag, tunog,
wika at iba pang paraang teknikal. Agham
sapagkat binubuo ng mga panuntunan sa
pagtuklas ng katotohanan; at sining
sapagkat nagbibigay sa tao ng
pagkakataong maipahayag ang niloloob at
maisakatuparan ang anumang naisin sa
paraang karapa-dapat”.

4. URI NG KOMUNIKASYON
KOMUNIKASYONG BERBAL (Verbal)
- tawag sa uri ng komunikasyong
ginagamitan ng wika, pasulat man o
pasalita na siyang kumakatawan sa
mga ideya at saloobin ng isang tao.

5. KOMUNIKASYONG DI-BERBAL
(Non-Verbal)
- tawag naman sa uri ng
komunikasyong ang pangunahing
gamit ay senyas, ekspresyon ng
mukha, simbolo at iba pa. Sa ilang
pagkakataon, hindi nakakasapat
ang wika lamang upang
maipahayag ang ating mensahe.

6. KONSIDERASYON
SA
MABISANG
KOMUNIKASYON

7. 1. Setting – (Saan nag-uusap?)
2. Participants – (Sino ang kausap at nag-uusap)
3. Ends – (Ano ang layon ng usapan?)
4. Act Sequence – (Paano ang takbo ng usapan?)
5. Keys – (Ano ang estilo o speech register?
Pormal ba o di pormal?)
6. Instrumentalities – (Pasalita ba o pasulat
ang pagpapahayag ng kaisipan?)
7. Norms - (Ano ang paksa ng pag-uusap?)
8. Genres – (Ano ang uri ng pagpapahayag?
Pasalaysay, Paglalarawan,
Paglalahad o Pangangatwiran?)

8. 1. Setting – (Saan nag-uusap?)
Sa pakikipagkomunikasyon, ang
pook o lugar kung saan nagaganap ang
usapan ay dapat isaalang-alang. Ang
paraan ng pagpapahayag, ang mga
salitang ginagamit, ang tono at tunog ng
pagsasalita ay nag-iiba ayon sa lokasyon
na pinangyayarihan ng salitaan.

9. 2. Participants – (Sino ang kausap at
nag-uusap)
Dito isinasaalang-alang ang tao o
mga taong kasangkot sa komunikasyon.
Ang pag-uugali, katauhan, damdamin,
maging estado sa buhay, katungkulan,
hanapbuhay, gulang, kasarian,
paniniwala at piliosopiya sa buhay ay
nakakaimpluwensiya sa daloy at paraan
ng pagpapahayag ng nagsasalita at ng
kanyang kausap.

10. 3. Ends – (Ano ang layon ng usapan?)
Sa component na ito ang interaksyon
ay ayon sa layuning nais matamo sa
pakikipagkomunikasyon: pagpapahayag o
pagbibigay ng impormasyon, pag-uutos,
pakikiusap, pagpapahiwatig,
pagpapakahulugan, pagmumungkahi,
pagbabahagi ng damdamin, pangarap o
paglikha.

11. 4. Act Sequence – (Paano ang takbo ng
usapan?)
Ito ang tumutukoy sa pagkakaugnay
ng usapang nagaganap sa uri ng
pangyayari. Halimbawa sa pagtitipan
(date), inaasahang masuyo at malambing
ngunit kapag may mga bagay silang
pinagtatalunan maaaring magbago ang
ayos ng usapan. Ito ay maaaring
magresulta sa di pagkikibuan o away.

12. 5. Keys – (Ano ang estilo o speech
register?
Pormal ba o di pormal?)
Ang estilo o speech register ay
inaangkop sa sitwasyon, layunin,
pook o lokasyon at lalo na sa uri ng
participants

13. 6. Instrumentalities – (Pasalita ba o pasulat
ang pagpapahayag ng kaisipan?)
Sa komponent na ito maaaring
isaalang-alang ng mga sumusunod:
 Kalagayan o Sitwasyon
 Layunin
 Kagustuhan ng mga taong
nakikipagkomunikasyon
 Availability ng tumatanggap ng mensahe

14. 7. Norms- (Ano ang paksa ng pag-uusap?)
Ang paksa ng pag-uusap ay kahit ano
depende sa participants na maaaring batay
naman sa kanilang layunin, interes o hilig,
pangangailangan at maging ayon sa kasarian
(babae / lalaki). Ang paksang karaniwang
pinag-uusapan ng mga abogado ay maaaring
kaugnay sa batas, pamahalaan, kriminalidad
samantalang sa mga doctor naman ay ukol
sa kalusugan, sakit at iba pang kaalaman o
paksang saklaw ng medisina.

15. 8. Genres – (Ano ang uri ng pagpapahayag?
Pasalaysay,Paglalarawan,
Paglalahad o Pangangatwiran?)
Sa component na ito, isinasaalang-alang ang
layunin ng participants.:
A.Pagsasalaysay - magkwento ng isang
pangyayari
B.Paglalarawan - magpakita ng anyo,katangian,
hugis, at kulay ng isang bagay,
tao, pook, pangyayari at
damdamin.

16. C.Paglalahad - magpapaliwanag at
magbigay ng impormasyon.
D.Pangangatwiran - maghikayat o
magpatunay at pagbulaanan ang
opinyon, katwiran, at paninindigan ng
iba, ang paraan ng pagpapahayag.

17. URI NG
KOMUNIKASYONG
DI- BERBAL

18. 1. ORAS (CHRONEMICS)
Ang paggamit ng oras ay itinuturing
na komunikasyong di-verbal. Ang
paggamit ng oras ay kaakibatan ng
mensahe.
Hal. Ang pagdating na huli sa isang
job interview ay maaaring iinterpret na
kakulangan ng disiplina. Ang “Filipino
time” ay may negatibong kahulugan
sapagkat nahuhuli sa takdang oras ng
pagdating.

19. 2. ESPASYO (Proxemics)
Ito ang tawag sa distansya sa
pagitan ng mga taong nag-uusap na
nagpapakita ng ugnayan na namamagitan
sa kanila.
Ito ay nauuri sa apat:
 Espasyong Personal (personal
distance) na para sa magkakaibigan o sa
mga taong may higit pang malapit na
relasyon.

20. • Espasyong Pantapatang-loob
(intimate distance) na ang mga nag-
uusap ay may higit na mahinang tinig at
ang paksang tinatalakay ay madalas na
isang lihim.
 Espasyong Pampubliko (public
distance) na ang ugnayan ay pormal.
 Espasyong Sosyal (social distance)
na angkop sa mga talakayan,
pagpupulong at mga pagtitipon.

21. 3. KATAWAN (Kinesics)
Tinatawag ding body language at
maging ang ating pananamit, tindig at
kilos ay maaaring may mensahe rin.
Ang galaw at kumpas ng kamay ay
isa ring pinanggagalingan ng mensaheng
di-berbal.

22.  Regulative – kumpas ng pulis sa
pagpapahinto ng sasakyan sa daan
o kumpas ng isang guro sa
pagpapatahimik ng mga bata.
 Descriptive – kumpas na maaaring
maglarawan ng laki, haba, layo,
taas at hugis ng isang bagay.

23. Emphatic – nagpapahiwatig ng
damdamin tulad ng paghampas ng
kamay sa mesa, sabay na pagtaas
ng dawang kamay, pagkuyom ng
mga palad at pakikipagkamay.

24. 4. EKSPRESYON NG MUKHA
Marami ang nagsasabi na nababasa sa mukha
ang iniisip o nadarama ng isang indibidwal. May
iba’t-ibang ekspresyon na may taglay na
kahulugan : tuwa, lungkot, galit, inis at iba pa.
Masasabing kaugnay ng ekspresyon ng mukha nag
damdamin ng tao.
Ito ay maaaring makikita sa ating mga mata.
Anu-ano ang posibleng kahulugan ng umiiwas na
tingin at papikit-pikit na mga mata? Sa mukha,
maaaring makita kung ang isang tao ay masaya,
nahihirapan, may suliranin, umiibig, malungkot,
nagagalit o di-kaya’y nag-iisip.

25. 5. PANDAMA (HAPTICS)
Ang paggamit ng “sense of touch”.
May iba-iba tayong tawag sa paraan ng
paghawak sa ibang tao o bagay at
bawat paraan ay may kanya-kanyang
kahulugan.

26. 6. SIMBOLO (ICONICS)
Ang mga simbolo (icons) na
makikita natin sa ating paligid ay
ginagamit bilang komunikasyong di-
berbal. May iba’t-ibang simbolong
makikita sa kalsada o daan, simbolo ng
bawal manigarilyo, para sa mga may
kapansanan, bote ng lason at iba pa.

27. 7. KULAY
Ang mga kulay ay mayroong ding
taglay na kahulugan na nagagamit natin
sa pagpapahayag ng isang mensahe. Sa
larangan ng sining, bawat kulay ay may
tiyak na kahulugan at nagagamit natin
sa pang-araw-araw na pamumuhay.
back…