Luisa e Roxelio tentan encherlle as horas mortas aos nenos con entretementos sinxelos, para o que lles aprenderon a facer barcos, avións, paxariñas e outras cousiñas con papel que tiveron remates sorpresa.

1. avións
COUSIÑAS FEITAS NA CASA

2. Outra tarde na casa é outra ocasión
para armar algo novo, desta volta... avións!

3. Como os máis sinxelos xa saben facelos
hoxe van a tentalo con novos modelos

4. E para animalos a afondar no traballo
van facer un concurso para comparalos,

5. Ver cal vai máis lonxe,

6. …cal aguanta máis voando,
cal é o máis orixinal, e o mellor decorado.

7. Ademais de “ter mans”, para poder gañar,
hai que acertar co modelo que se vai armar.
Antes de comezar infórmanse ben.
Ven imaxes, libros, planos... para escoller.

8. Cos avións listos van facer os lanzamentos,
seguindo unhas normas, explícallas Roxelio

9. Para valorar cal voa mellor
lanzan todos á vez en tres ocasións.
O que máis tarde en pousar será o gañador.
E o que máis voe en dous lanzamentos,
será o campión, o que leve o premio.

10. Para a proba de distancia tamén lanzan tres veces
e será campión o que máis lonxe chegue

11. Un dos ratiños ten un mal deseño
e queda detrás en dous lanzamentos

12. Xa non ía gañar, tíñao moi claro.
Fixo unha bola co avión e lanzouna, anoxado.

13. Non pode crer o que ven os seus ollos...

14. …O seu envurullo fixo o voo máis longo!

15. Non será o mellor facendo avións,
pero o seu “OVNI” foi o campeón!

16. Hai premios para todos,

17. …pero xa está armada.
Queren repetir outra vez as tiradas!

18. O que empezou sendo cousa de enredo,
pasou a competencia e traballo en serio.

19. E xa quedaron, na data e no sitio,
con avións novos, para repetilo.
Volverán as probas. Mudarán resultados
e logo quererán repetir de contado.