nadal

Os nenos de Luisa están incomodados.

É achegarse o Nadal e andar amolados

porque na escola hai controis (chega a avaliación)

e logo preparar adobíos,

panxoliñas,

actuacións...

Non lles dan as horas para tanta ocupación!

Mais o peor ven despois...

días de vacacións!!

-Vai ser moi “divertido” estar sen facer nada.

Pai e nai a traballar... e quedar metidos na casa.

Van gastar os sillóns, aburrirse de xogar,

sorprenderse co que duran as horas,

e ver “tele” ata fartar.

E a ver se teñen sorte e as tardes están boas

para saíren á rúa, cos pais, a dar unha volta,
-aínda que nestas datas a volta sexa pequena
porque xa se fai de noite antes da hora da merenda...-

E aos que lle falan de festas, luces, agasallos, animación...

dinlle que “en cuestión de gustos cada un ten a súa opinión”.

Que é importante facer festas, cando hai que celebrar,

mais saber tamén, que o que a uns lle importa

a outros tanto lle da.

Que cada un é como é, e non todos pensamos igual.

mais, aos que o celebren, deséxanlle… un Bo Nadal!!