Boletín nº 17 (febreiro 2010) do ENDL do CEIP de Randufe de Tui, censurado pola dirección do centro. Maio 2010. Máis información: cousasminhas.blogaliza.org/

1. Boletín do Equipo de Normalización e Dinamización Lingüística
CEIP de Randufe Nº 17 febreiro de 2010
Non me sinto menos galego por non falar galego. Falando cas-
telán son tan galego como calquera que fale galego.
Un galego non deixa de ser galego por falar inglés ou
francés ou moitas máis linguas. Non, é un galego políglota.
Pero un galego que falase en Galicia todo o día e con todo o
mundo en francés sería estraño. Se un grupo de galegos fa-
lase todo o día entre eles e con todo o mundo en francés en
Galicia serán un grupo de snobs ou friquis ou modernos ou
curiosos ou o que sexa, pero non deixarían de ser galegos.
Agora ben, se un galego non fala galego (polo motivo
que sexa: inercia noutra lingua, preguiza, prexuízos etc.),
pero tampouco respecta a quen o fala, nin defende o uso
público do galego, nin defende o xusto equilibrio e normali-
zación de usos entre as linguas oficiais, nin quere que os
seus fillos falen ben tamén o galego, menospreza a quen
usa o galego e non toma partido pola lingua do país desfa-
vorecida e asoballada (xustiza, sanidade etc.) segue sendo
un galego, pero un galego renegado que padece a síndrome
de Michael Jackson, o negro que non quería ser negro, que
renegaba dos seus, que quería ser branco e derivou nun
triste androide.
Do libro 55 MENTIRAS SOBRE A LINGUA GALEGA.
Dirixido por Xosé -Henrique Costas, Edicións Laiovento
Do nº 24 (febreiro-marzo de 2010) da revista de humor RETRANCA

2. GRANDE ou GRAN? SANTO ou SAN?
O día de SAN Telmo será unha GRANDE ocasión para pasalo ben.
A romaría de SANTO André é unha GRAN festa do verán.
É moi doado saber cando temos que usar unha ou outra opción: Sempre que a palabra que veña a continua-
ción comece por vogal hase poñer a forma rematada en vogal, se a palabra seguinte comeza por consoante
tense que poñer a forma rematada en consoante.
VOGAL + VOGAL CONSOANTE + CONSOANTE
POST ou POS?
A miña avoa foi á escola canda a POSGUERRA. Matías levou moi ben o POSTOPERATORIO.
Tampouco é difícil saber cando empregar un ou outro; só hai que seguir a seguinte regra:
POS + CONSOANTE POST + VOGAL
A igrexa de San
Domingos é unha gran
construción do gótico das
ordes mendicantes en
Galiza.
E os espazos do
convento son unha
grande oportunidade
para facer un museo en
Tui.