Unlocking the Power of ChatGPT and AI in Testing - A Real-World Look, present...
Omsendbrief 2
1. OMSENDBRIEF
EERSTE KWARTAAL 2019
Geagte CAB maats
Op, Sondag 02 Desember 2018, het ons afskeid geneem van Ds en Juffrou Van Rooy. Ons wil
die VGKSA Rynse gemeente bedank vir u gasvryheid en dat ons die afskeidsdiens in die
gemeente kon hou. Groot dank en waardering word uitgespreek aan ons voorsitter, Br Wilfred
Pietersen wat aan die voortou was van elke reëling. Dit was puik soos altyd. Aan elke CAB
maat wat geen onkoste ontsien het om die dag met ons mee te maak nie, baie baie dankie. Sonder
u sou die dag nie suksesvol gewees het nie. Ds en Juffrou van Rooy sal nog steeds lede van die
CAB wees, en betrokke wees. So kyk gerus uit vir hulle. Aan Ds en Juffrou, weerens baie dankie
vir u onbaatsugtige diens aan die Here en aan die CAB. Mag u die rus geniet en u sal altyd in ons
gebede bly.
2. Photos van die afskeid. Al die photos is beskikbaar op die CAB Facebook page.
1. GEBIEDSKONGRES
Dis weer tyd vir ons verskeie Gebiedskongresse. Daar is tans 6 Gebiedskongresse wat in 2019
sal plaasvind. Gebiede wat na aanmekaar geleë is, maak ‘n gebiedskongres uit. U kan self ‘n
beplanning kommitee kies om die kongres te reël. Gelde word ook self deur die Gebied hanteer.
In gevalle waar u graag wil hê dat die gelde inbetaal moet word by hoofkantoor, moet u kennis
neem dat daar ‘n 10% heffing fooi verbind sal wees. Die tema van die Gebiedskongres is Die
trauma wat afhanklikheid veroorsaak. Ons vra dat u so spoedig moontlik u datums deurstuur.
Die volgende datums is alreeds bekom van Gebiede :
Streke 2,3,4,16 : 20-22 September 2019
Streke 10,11,18,19,24 : 27-29 September 2019
Ons vra dat u so ver moontlik nie u gebiedskongres reël op bogenoemde datums nie. Ons wil
ook by hierdie geleentheid ‘n Gebiedskongres dankoffer die Sondag opneem. Daarom vra ons
3. dat waar die Erediens sal wees, dat u ‘n reëling tref met die Kerkraad dat die offer ook
opgeneem sal word. Hierdie is deel van een van ons fondsinsamelingspoging vir die jaar. In ons
laaste omsendbrief het ons aangedui dat ons ‘n te kort van R157 000 gaan het vir die jaar. Ons
maak staat op u samewerking.
2. SKOON MAAK PROJEK 2019
Ons herinner u ook van ons skoon maak projek. Onderaan is photos van die stand van sake by
die kantoor. Ons wil graag ons kantoor ‘n bietjie mooier maak, en doen ‘n beroep op enige een
wat graag wil donasies skenk of finansiële bydrae wil maak. Die hele projek insluitend arbeid
gaan ons R31 350.00 kos. Hier is die uiteensetting :
BESKRYWING GROOTE KLEUR HOEVEELHEID PRYS
Tradepro sb
primer
20L Wit 3.00 R2 265.00
Plascon Wallsesal 20L Pastel 3.00 R3600.00
Tradepro
Brill.Sheen
20L Pastel 2.00 R1670.00
Lacq.thinners 5L 2.00 R282.00
Alcolin
paintersmate
260ml Wit 4.00 R126.00
Duram Rainkote 5L Grys 1.00 R240.00
Duramesh
Membraan
200mm 2.00 R130.00
Ons beplan ook ‘n skoonmaak dag, en sal u in kennis stel van die datum. Ons maak staat veral op
die nabye takke om ons te help. Daar kort veral gordyne en ‘n yskas. Ons benodig ook die vrye
dienste van ‘n elektrisiën en ‘n timmerman wat vir ons ingeboude kaste kan insit . Ons het
alreeds ‘n mikrogolf oond as skenking gekry en ons sê aan die egpaar baie dankie daarvoor.
Enige navrae in verband met enige skenking, kan u vir Winnie of Ds Williams kontak.
7. Indien u taknaam nie hier verskyn nie, kontak die kantoor sodat ons u gegewens kan kry. Ons
moedig takke aan wat uitstaande is, om so spoedig u gelde in te betaal. Sluitingsdatum is 31
Maart 2019. Die tak heffing gelde is R300 en lede gelde is R20 pp. U kan dit en enige kollektes
of donasies in die volgende rekening betaal :
Naam van rekening : Christian Dependency Ministry
Bank : Standard Bank, Worcester
Rekeninng nr : Tjek rekening 083397698
Tak kode : 050-407
Baie dankie ook aan almal wat hul pledges betaal het asook takke wat geld geskenk het.
Vind aangeheg 2017/2018 Jaarverslag vir takke wat nog nie hul verslag ingehandig het nie,
asook die nuwe verslag vir 2018/2019.
4. Kommunikasie
Takke word aangemoedig om photos van u werksaamhede op die CAB se Facebook page te
plaas of u kan dit whatsapp na 071 261 4595 of 082 558 9321 met ‘n kort beskrywing van wat u
gedoen het. Neem ook kennis van die volgende kommunikasie gegewens :
Facebook page : CAB
Kantoor : 023 3486369 / epos : cab@toevlug.org
Faks nommer : 0865994307
Ds Williams : 082 558 9321 ( Ds Van Rooy se ou nommer)/ epos : cwilliams@cabcdm.co.za
Web page : www.cabcdm.co.za
Vind ook ingesluit ‘n vorm wat in gevul moet word van elke lid ,horizon kids ingesluit, van u
CAB tak. Hierdie gegewens het ons nodig vir ons databasis maar ook om onsself te registreer as
diensverskaffer by maatskaplike dienste. Ons vra dat u so spoedig moontlik die vorm voltooi en
kantoor toe stuur.
Takke word ook aangemoedig om u datums veral Eredienste vroegtydig aan die kantoor te stuur
indien u gebruik gaan maak van Ds Williams as prediker.
8. ‘n Paar photos van die afgelope Streekopleidings. Meer photos is beskikbaar op die Facebook page.
5. Die pad vorentoe
Soos ‘n Josua van ouds, moet ek in die voetspore van iemand loop wat meer as 40 jaar met hart
en siel die CAB gedien het en die werk van God gedoen het tot die beste van sy vermoë, met
vele opofferinge. Dis met nederigheid en totale afhanklikheid aan God dat ek die werk gaan
aanpak. Dalk nie op dieselfde wyse waarop my voorganger dit gedoen het nie, maar ek kan u
belowe, dit sal met dieselfde passie en toewyding wees. Ek het begin in die CAB as finale jaar
student, want ons moes in ons praktiese jaar werksaam wees in die gemeente. Ek het die CAB
gekies omdat ek daar gesien het mense wat gebroke is, maar wat met liefde en deernis met
mekaar werk. Ek het daar kom leer van pragtige jongmense wat vasgevang is in die euwel van
drank en dwelmmisbruik en dis daar waar ek ‘n verskil wou maak : in mense se lewens.
9. Behalwe my afhanklikheid van God, gaan ek ook die ondersteuning en gebede van u as CAB
maats benodig. Laat ons mekaar se hande omhoog hou in die verwoestende tyd waarin ons leef.
Die geveg is nie met mekaar nie,maar teen die euwels in ons samelewing. Mag ons hierdie nuwe
pad aandurf saam mekaar, en saam ons lewendig God wat ons tot hierdie roeping gelei het.
Mag u in 2019 die lig wees in iemand se donker lewe, mag Hy u staande hou as die versoekings
kom, en mag ons die versekering het : “ Ek self gee jou die opdrag : Wees sterk, wees vasberade.
Moenie skrik nie, moenie bang wees nie, want Ek, die Here jou God, is by jou oral waar jy
gaan.” Josua 1 : 9
CAB Groete
Ds Claudette Williams