1. EDITORIAL
Teño a sensación de que aínda foi onte, pero xa pasou todo un curso, non foi
un curso calquera, ningún o é, foi un curso cheo de contido, un curso moi
importante, un curso que vai deixar moitos recordos en todos nós.
Cando o día 1 de setembro do ano pasado, chegamos ao colexio Bergantiños
o equipo de docentes, tiñamos as pilas ben cargadas despois das tan merecidas
vacacións, e estabamos cheos de alegría por encontrarnos de novo cos
compañeiros e compañeiras xa coñecidos do ano anterior e con moitas gañas de
coñecer aos que se ían a estrear neste colexio. Todos moi ilusionados por
emprender un novo curso, que se presentaba cargado de moitos proxectos e novas
expectativas.
Tamén foi un día non menos esperado por todo o profesorado o xoves 10
de setembro, pois esa era a data na que nos reencontrabamos cos antigos
alumnos, iso si, un pouco máis bronceados e bastante máis altos, e ao mesmo
tempo tamén nos enchía de ledicia verlles as caras aos de nova incorporación ao
centro, sobre todo aos máis cativiños, que ao tempo que ían chegando, era toda
una aventura para eles, para todos nós e para as súas mestras. Non podo deixar de
agradecerlles a gran labor realizada por todas elas, dándolles a eses meniños e
meniñas tanta confianza e conseguindo que en moi pouco tempo se sentiran
completamente integrados neste colexio coma nunha gran familia.
Outro día que non esqueceremos foi o inicio das actividades
extraescolares, destacando o importante traballo realizado pola APA coa súa
presidenta Encarna , e polo seu coordinador José Barca. Entre todos e con grande
dedicación conseguiuse que un fantástico equipo de monitores e monitoras
sacaran adiante un proxecto complicado dunha maneira tan doada e ben
organizada.
E como non, xa que de agradecementos estou a falar non quero de ningún
xeito deixar de recoñecer o bo funcionamento e organización de todas as
comisións que funcionaron ao longo deste curso. A dedicación , entrega e
colaboración de todo o profesorado do centro, conseguindo así poder sacalo a
diante e rematalo cos obxectivos cumpridos. Todo isto viuse reflectido nos dous
importantes premios que nos foron outorgados , un deles acadado pola comisión
de Normalización Lingüística: “Proxecto de Innovación en Normalización Lingüística
“Casas de aquí e de acolá”, e outro pola comisión de Consumo: “Xogando a mercar
aprendemos a xantar”.