a

1. C O T
BANGHAY ARALIN SA FILIPINO 2
(IKALAWANG MARKAHAN)

2. I. Layunin
Natutukoy ang pangalan ng tao, bagay, hayop, at lugar
II. Paksang Aralin
Ngalan ng tao, bagay, hayop, at pook
Kagamitan
tsart ng maikling talata, larawan ng inang inaalagaan
ang anak na may sakit
Pagpapahalaga
mapagtanto ang kahalagahan ng pagmamahalan sa
loob ng tahanan

3. III. Pamamaraan
A.
Balik-Aral: Natutukoy ang kahulugan ng mga di-kilalang salita.

4. Paghahawan ng mga balakid:
1. nasira ang tiyan - sumakit ang tiyan
2. namatay ang ilaw - nawalan ng kuryente
3. kumulog - isang malakas na ingay na
nagmumula sa kalangitan tuwing umuulan
4. matalim - matalas
5. taimtim - taos puso; ganap na nasa damdamin

6. Pagganyak:
(Ipakita ang larawan ng inang inaalagaan ang anak na may sakit.)
Itanong: Naranasan na ba ninyo na inaalagaan kayo ng inyong ina
kapag kayo ay nagkakasakit? Ano ang inyong nararamdaman?

7. Tukoy-alam
Ikahon ang mga pangngalan na ginamit sa maikling talata sa
ibaba.
Nanghihina si Ruel. Ilang beses na siyang paroo’t parito
sa palikuran. Nasira ang kaniyang tiyan sa ulam na kinain
kahapon. Nagpunta sila sa isang pistahan sa Lungsod ng
Quezon.

8. B. Paglalahad
 Hatiin ang klase sa ilang pangkat. Magbigay
ng mga pamantayan sa pagtatakda.
 Hayaang magtala ang bawat pangkat ng
mga ngalan na makikita sa loob ng silid-aralan.
 Pag-uulat ng bawat pangkat.
 Basahin sa mga bata ang “Nasaan Ka Inay?”
sa Basahin Natin sa LM, pahina 27.

10.  Bakit natakot si Nena?
 Bakit kaya biglang nagdilim ang paligid?
 Paano ipinakita ni Nelia ang kaniyang pagmamalasakit sa
kapatid?
 Ano-ano ang ginagawa mo para sa kasapi ng pamilya?
 Ano-anong pangngalang tumutukoy sa tao, bagay, hayop,
at pook ang iyong napakinggan sa kuwento?

12. C. Pagtuturo at Paglalarawan
Ano-ano ang pangngalan na nasa kuwento?
Alin dito ang ngalan ng tao? bagay? hayop? lugar?
Paano isinulat ang bawat ngalan?
Kailan ginamit ang malaking letra? Maliit na letra?
Hayaang magbigay ang mga bata ng ngalan ng
tao/bagay/lugar o hayop.
Ano ang gagawin mo sa inyong bahay kung naiwan kang
mag-isa?
Ipagawa sa mga bata ang Pahalagahan Natin sa LM, pahina
28.

13. Isulat sa sagutang papel ang tsek (/) kung DAPAT gawin at
ekis (X) naman kung HINDI dapat gawin.
1. Pupunta ako sa kuwarto ni ate kapag malakas ang ulan.
2. Hahanapin ko sa labas ng bahay si tatay.
3. Magtatampo ako kay nanay kapag iniwan niya ako.
4. Mag-aantay na lang ako sa pagdating ni nanay.
5. Iiyak ako nang malakas kapag wala si nanay sa bahay.

14. D. Kasanayang Pagpapayaman
 Sabihin kung ngalan ng tao, hayop,
bagay o lugar ang mga ngalan sa bawat
pangkat.
Pasagutan ang Gawin Natin sa LM,
pahina 29 upang matukoy ang ngalan ng
tao, bagay, hayop, o lugar.

15. Tukuyin ang kategorya ng pangkat ng mga pangngalan sa
bawat bilang. Isulat ang A kung tao, B kung hayop, C kung
bagay, at D kung lugar. Isulat ang wastong letra sa sagutang
papel.
___1. parke silid bukid
___2. ibon baka kalabaw
___3. lapis papel bag
___4. sumbrero kamera telepono
___5. lolo guro ate

16. E. Paglalahat
Ano ang pangngalan? Tingnan sa
Tandaan Natin sa LM, pahina 29.
Ang pangngalan ay tumutukoy sa
ngalan ng tao, bagay, hayop, o lugar.

17. F. Paglalapat
Ipasagot ang Sanayin Natin sa LM, pahina 29 upang
malaman kung natutukoy ng mag-aaral ang pangalan ng
tao, bagay, hayop, at lugar.
Isulat ang T kung ngalan ng tao, B kung bagay, H kung
hayop, at L kung lugar.
____1. basket _____4. lapis
____2. ospital _____5. kalabaw
____3. Benigno Aquino

18. IV. Pagtataya
Gawin sa sagutang papel. Hanapin ang salita sa pangungusap
na tinutukoy ng pangngalang nasa kaliwa. Isulat nang tama
ang sagot.
tao 1. Masarap ang suman na ginawa ni Aling Lorna.
bagay 2. Kulay pula ang damit na binili ko kahapon.
hayop 3. Mabilis tumakbo ang kabayo.
lugar 4. Namasyal ang mag-anak sa Luneta Park kahapon.
bagay 5. Nawala ang lapis na mahaba.

19. V. Kasunduan
*Gumupit at idikit sa kuwaderno ang larawan ng
tao, hayop, pook, at bagay.
*Isulat ang pangngalang tumutukoy sa larawan.