1. IKERKUNTZA PROIEKTUAHEZKUNTZARI APLIKATURIKO TEKNOLOGIA BERRIAKLeire GorostidiGurutze GarayLide ZubizarretaOihana Goikoetxearightcenter <br />AURKIBIDEA<br /> TOC quot;
BAT;1;TEKN2;2;TEKN22;2quot;
1.SARRERA PAGEREF _Toc262906587 3<br />Gaiaren aurkezpena PAGEREF _Toc262906588 3<br />Helburuak PAGEREF _Toc262906589 3<br />Irakasgaiarekin duen lotura PAGEREF _Toc262906594 4<br />Bibliografia PAGEREF _Toc262906595 4<br />2.DEFINIZIOA eta MOTAK PAGEREF _Toc262906596 5<br />3.OINARRIZKO OSAGAIAK ETA OSAGARRIAK PAGEREF _Toc262906597 6<br />Osagaiak PAGEREF _Toc262906598 6<br />Osagarriak PAGEREF _Toc262906599 9<br />4.FUNTZIONAMENDUA PAGEREF _Toc262906600 10<br />5.EZAUGARRIAK PAGEREF _Toc262906601 10<br />6.ABANTAILAK IRAKASLEENTZAT PAGEREF _Toc262906602 12<br />7.ABANTAILAK IKASLEENTZAT PAGEREF _Toc262906603 13<br />8.ONDORIOAK PAGEREF _Toc262906604 14<br />UKIPENEKO MAHAI INTERAKTIBOAK PAGEREF _Toc262906605 16<br />ARBELA DIGITALA<br />SARRERA<br />Gaiaren aurkezpena<br />Taldean eztabaidatu ondoren, eta gure praktiketan bizitako esperientzietan oinarrituz, arbela digitala aztertzea erabaki dugu.<br />Hainbat eskoletan arbela digitala dagoela ikusi ahal izan dugu, baina, honen inguruan dagoen ezjakintasuna nabaria da. Nahiz eta eskura eduki, praktikan jartzeko orduan, irakasleen aldetik beldurrak, arazoak, segurtasun eza, etab. bezalako jokabideak dira nagusi. Hau dela eta, horrenbesteko inbertsio ekonomikoa eskatzen duen arbela honi ez zaio erabilpenik ematen. <br />Arazo hau ikusita, gai honen inguruan gehiago sakontzea interesgarria eta beharrezkoa iruditu zaigu. Beharbada, lan munduan barneratzen garenean honelako teknologiekin egingo dugu topo eta honen inguruko aurrezagutza eraikitzea garrantzitsua da.<br />Bestalde, iritzi kritikoa garatzea ere ezinbestekoa izango da. Garbi eduki behar dugu baliabide honen neurrizko erabilpena nola egin, ahalik eta etekin handiena atereaz baina horretara soilik mugatu gabe.<br />Helburuak<br />Gai honen azterketa oinarrian dagoela, gaur egun modan dagoen tresna honen bitartez nola lan egin daitekeen ikertu nahi dugu, honako helburu nagusi hauek landuz idazlan honetan:<br />Arbela digitala ezagutaraztera ematea.<br />Arbelaren funtzionamendua aztertzea.<br />Lanerako tresna bezala, eskaintzen dituen abantailak bilatzea.<br />Baliabide honek pedagogikoki ematen ditzakeen aukera berriak identifikatzea.<br />Irakasgaiarekin duen lotura<br />Burutzen ari garen irakasgai honetan, Haur Hezkuntzan egin daitekeen teknologiaren aplikazioaz aritu gara. Ikasgeletan ordenagailuaren erabilera erabat barneratuta dago eta normaltzat jotzen dugu dagoeneko. Bestalde, azken urteotan poliki-poliki sartzen ari den arbela digitala dugu, hau da, ordenagailu batera konektatzen dugun arbela. Beraz, argi gelditzen da teknologia berritzaile baten aurrean gaudela.<br />Baina ikerketa lan honen helburua ez da arbela digitalaren aurkezpen soila. Gehiago sakontzeko asmoz, baliabide honen onura eta berrikuntza pedagogikoak bilatzen saiatuko gara. Tresna transmisore hutsa izan beharrean (ohiko arbelaren ordezko berria), orain arteko irakaskuntza hobetu eta osatuko duen funtzioen bila abiatuko gara, arbela honen sarrera ikasgeletara burua erabiliz egin dezagun.<br />Bibliografia<br />Ikerkuntza proiektu hau burutu ahal izateko honako informazio iturrietatik abiatu gara:<br />http://es.wikipedia.org/wiki/Pizarra_Interactiva<br />http://www.slideshare.net/pilaretxebarria/gaitasun-digitala-ikasgelan<br />http://peremarques.pangea.org/pdigital/es/propuest.htm<br />http://peremarques.pangea.org/pdigital/es/pizinteractiva.htm<br />http://peremarques.pangea.org/pdigital/es/exito.htm<br />http://www.peremarques.net/pizarra.htm<br />DEFINIZIOA eta MOTAK<br />Arbela digitala, bideo-proiektagailu batera konektaturiko ordenagailua da. Ordenagailu horren irudia gainazal liso eta zurrun batean proiektatzen da. Gainazal honetatik ordenagailua kontrolatu, proiektaturiko irudi baten gainean oharrak idatzi, gorde, inprimatu, edota emailez bidaltzeko aukera izango dugu.<br />Azken batean, arbelaren funtzioa, gainazal horren bitartez ordenagailua kontrolatzea izango da; boligrafo, behatza kasu batzuetan, edota beste gailu baten bitartez. Azken hauek, ordenagailuko saguaren eginkizun bera izango dute. Hauek izango dira imajinarekin elkar eragiteko aukera emango digutenak, eta arbela normal batengatik ezberdinduko duena (ordenagailua + proiektorea).<br />Arbela digital mota ezberdinak:<br />PDi (formatu handiko arbela digital interaktiboa)<br />Arbela mota hau erabiltzean, ohar guztiak gainazalaren gainean proiektatzen dira. Ordenagailu batera konektatua egongo da eta hau bideo-proiektagailu batera. Arkatz interaktibo baten bitartez, funtzio guztiak bete ahal izango ditugu. Eredu batzuetan, behatza erabili ahal izaten da. Indukzio elektromagnetikoaren bitartez eginiko teknologia darabil.<br />PDi-ak duen abantailarik handiena, arbelean bertan idatzi daitekeela da, betiko arbeletan bezalaxe. Honek erraztasun handia suposa diezaioke edozein irakasleri.<br />PDiP (Arbela digital interaktibo eramangarria)<br />Nahiz eta, PDi-a leku batetik bestera mugitu daitekeen gurpildun euskarri bati esker, PDI bat eramangarria dela esatean, honako funtzioak betetzen ditu: <br />Gela batetik bestera mugitzeko erraza da: gainazal zurrun bati gehitutako osagarri batez hitz egiten ari gara.<br />Klasea, gelaren edozein tokitik eman daiteke eta proiektatzeko edozein gainazal erabili daiteke: ordenagailuari bluetooth-aren bitartez konektatutako PDI- az ari gara. Honi esker, zenbait ikaslek lan berdinean elkarrekin aritu ahal izango dute. Gainera, ordenagailua edozein tokitik kontrolatu daiteke, baita oharrak egin ere. Bestalde, kasu honetan bideo-proiektagailua monitore edo telebista lau batengatik ordezkatu daiteke.<br />PDiP-a edozein tokitara mugitu daiteke. Honi esker, irakasleak bideo-proiektagailuaren beharrik gabe, bere etxetik edo bulegotik lan egin ahal izango du, ondoren klasean erabiltzeko. Bestalde, mugimendu arazoak dituzten pertsonentzako ere baliagarria izan daiteke, edozein ariketa egin baitezakete bere eserleku bertatik. <br />OINARRIZKO OSAGAIAK ETA OSAGARRIAK<br />Osagaiak:<br />Ordenagailua<br />Elementu oinarrizkoena da eta eramangarria edo mahaikoa izan daiteke. Ordenagailu hauek disko barruan gordetako informazio multimediak erreproduzitzeko gai izan behar dira. Ordenagailuak uneoro pantailan duen edukiarekin egiten da lan, askoz ere tamaina handiagoan, honela, taldeak hobeki ikusteko eran eta ikasleek interaktibitate handiagoz lan egiteko eran. <br />Proiektagailua <br />Proiektagailuaren egitekoa ordenagailuko irudia neurri handietan erakustea da (arbelean edo paretan). Oraindik ere askotan eta askotan mahai baten gainean ipintzen bada ere, sabaian esekitzea gomendatzen dute proiektatutako irudian itzalak saihesteko. Hainbat seinale-sarrera ditu proiektagailuak:<br />- S- Bideo sarrera.<br />- Bideo osatuaren sarrera.<br />- VGA sarrera. PC edo HDTVrako (ordenagailuko irteera grafikoari edo definizio altuko telebista seinale bati konektatzeko).<br />- Audioa (dakarten bozgorailu txiki baten bidez konektatutako gailuak sortutako soinua entzuteko).<br />VGA konexioa erabiltzen da gehien ordenagailuari atxikitzeko, eta bideo osatuarena kamera edo DVDa konektatzeko.<br />Audio konexioa ez da erabiltzen normalean, bideo-proiektagailuak anplifikazio indar txikikoak izaten baitira; horregatik soinua kanpoko bitarteko baten bidez anplifikatzeko aukera dago, hala nola, bozgorailu preanplifikatuak edo Hi-fi ekipo bat erabiliz.<br />Oinarrizko sistema, beraz, ordenagailua bideo-proiektagailuari konektatua litzateke. Ordenagailu horrek Interneterako sarbidea behar du hartara gaitasun guztia aprobetxatu ahal izateko.<br />Sistema honen bidez, ondoko irudian ikus daitekeen bezala, proiekta dezakegu azalera handi batean ordenagailuaren pantailan ikusten dena, eta, hortaz, pertsona talde ugariari eman diezaiokegu klasea baliabide honen bitartez.<br /> <br />Pantaila interaktiboa <br />Pantailan proiektatzen diren edukien euskarria da. Pantaila batzuetan elementu proiektuak maneia ditzakegu arkatz baten bidez eta beste batzuetan hatzaren bidez (modeloaren eta fabrikatzailearen arabera). Irakasleak zein ikasleek edozein dokumentu ikusteaz gain, hau, ordenagailuan dugunarekin edo sarean topatzen dugunarekin elkar eraginean jar daiteke. <br />Arbela digital interaktiboaren Softwarea <br />Arbel bakoitzak software propioa du fabrikatzaileak jarria. Honek, etekinik handiena ateratzeko tresnak eskaintzen dizkigu.<br />Konexio bideak <br />Honen bidez, ordenagailua eta arbela elkar konektatzen dira. Gure konexioa hiru eratakoa izan daiteke: bluetooth bidezkoa, kablezkoa (USB, paralelo) edo irrati-frekuentzia bidezkoa.<br />Osagarriak:<br />Arkatzak edo erakusleak<br />Arbela batzuetan hatzez idatzi eta elkar eragin daiteke, beste batzuetan, aldiz, erakusle edo arkatz digitalaz idatzi behar izaten da. Kolore ezberdineko arkatzak erabili daitezke; oinarrizkoenak: gorria, berdea, urdina eta beltza.<br />Ezabagailua<br />Elementu okerrak edo nahi ez direnak ezabatu ahal izatea errazten duen ezabagailu elektronikoa.<br /> Arkatzen euskarriak<br />Lapitzak edo erakusle elektronikoei eusteko balia daitezkeen tresnak …<br />Lurreko idulkia<br />Altuera neurgarriko idulki gurpilduna, ADIa bertan eseki eta batetik bestera eramateko baliagarria.<br />Bluetooth-a<br />Ordenagailuaren eta pantailaren artean kable gabeko konektibitatea ematen duen antena.<br />Arbela interaktibo eramangarriak<br />Kable gabeko taula gelako edozein tokitatik ere ADIarekin elkarreragitea ahalbidetzen duena.<br />WebCam-a<br />Internet bidez eratutako bideokonferentzietan erabiltzeko bideo-kamara.<br />Soinua anplifikatzeko sistema<br />Maneiatzen diren baliabideen entzungarritasuna hobetzeko sistema. <br />FUNTZIONAMENDUA<br />Hasteko, arbela interaktiboak ordenagailu eta proiektore bati konektatuta daude. Irakasleentzat oso erabilgarria da, honela, informazioa kontrolatu eta aldatu ahal duelako, adibidez puntero bat erabiliz. Sistema honen bidez, materiala gorde, inprimatu edota berrerabili daiteke.Lehenengoz, ordenagailuan informazioa garatu egiten da. Ondoren, proiektorera bidali eta arbelean islatzen da. Sistema honekin, irakasleek mota askotako edukiak irakatsi ditzakete eta denbora errealean manipulatu daitezke. Adibidez, azpimarratuz, iruzkinak gehituz...<br />EZAUGARRIAK<br />Arbela digitalaren ezaugarrien parametroak, ondorengo puntuetan labur daitezke:<br />Erresoluzioa<br />Irudien dentsitatea pantailan, lerroak-pulgadako neurrian agertzen dira (i.e.: 500 lpp). Teknologia ezberdinen arabera erresoluzioak ezberdinak izan daitezke baina orokorrean 65 lpp eta 1.000 lpp tarteko erresoluzioak eskaintzen dituzte. Nahiz eta bideo-proiektorea izan ikusten den irudiaren kalitatea definitzen duena, arbelaren erresoluzioa geroz eta hobeago izan, orduan eta hobeagoa izango da edozein irudiren kalitatea. <br />Eremu aktiboa <br />Arbela digitalaren marrazketa eremua da, hau da, lanabesak antzematen diren lekua. Gainazal honek ez du erreflexurik sortu beharko eta garbitzeko erraza den materialezko aizan beharko du.<br /> <br />Konexioak<br /> Honakoak dira arbela digitalek eskaintzen dituzten konexio motak: kable (USB, serie), RJ 45 kablea (edo sarekoa), kablerik gabeko konexioa (Bluetooth) edo irrati-frekuentzietan oinarritutako teknologiak.<br /> <br />Erakuslea<br />Erabiliko den arbelaren arabera, behatzarekin idazteko aukera, saguaren funtzionalitate berdina duen arkatz elektronikoa (saguaren ezker eta eskuin botoien funtzioa simulatzen dituen botoiak ditu) edota lehorrean ezabatzen diren errotulatzaileak erabiltzeko aukera edukiko dugu.<br />Softwarea<br />Arbel guztiek, Windows 98, 2000, NT, ME, XP, Vista, V7; Linux(modeloaren arabera) eta Mac (modeloaren arabera) programekin lan egiteko aukera eskainiko digun softwarea dute barnean. Software hau ahalik eta hizkuntza gehiagotan egotea komenigarria den bezala, ondorengo aukerak ere jasota edukitzea lana kasko erraz ditzake: <br />Eskuzko idazketa eta teklatuzkoa pantailan antzematea. <br />Lanabes pedagogikoak: erregela, angeluen garraiatzailea, Matematika, Fisika, Kimika, Geografia, Musika… gaiak jorratuko dituen irudien galeria. <br />Inportatzeko eta gordetzeko gaitasuna honako formatu hauetan: JPG, BMP, GIF, HTML, PDF, PowerPoint…<br />Inportatzeko eta esportatzeko IWB, formatuan. <br />Errekurtso didaktikoak formatu ezberdineko eremuetan (HTML, Flash, …). <br />Errekurtsoak sortzeko gaitasuna. <br />Kanpo aplikazioekin integrazioa. <br />ABANTAILAK IRAKASLEENTZAT<br />Irakasleen estrategia edo metodologiak praktikan jartzeko errekurtso malgu eta moldagarria: <br />Irakats metodo ezberdinetara moldatzen den errekurtsoa da. Talde lana sustatzen duen bezala, lan indibiduala ere lantzeko balio du. Eta bi lan metodo hauen elkarreragina bultzatuko du. <br />Arbela digitala hezitzaile konstruktibistarentzat instrumentu ezin hobea da, ikaslearen pentsamendu kritikoa garatzen laguntzen baitu. Arbelaren erabilpen sortzailea, ikasleen eta irakasleen irudimenari soilik dago mugatua.<br />Arbelak, irakaslearen malgutasuna eta berezkotasuna sustatzen du.<br />Errekurtso ezin hobea da irrati-frekuentzietan oinarritzen diren sistemekin lan egiteko. Horrela, komunikaziozko lanabesen bidez, elkarlanean oinarritutako heziketa sustatuz.<br />Arbela digitalak irakasleen interesak piztu ditzake estrategia pedagogiko berriak erabiltzeko, eta ondorioz, IKTak indartuz, eta hauen garapen profesionala sustatuz.<br />Berrikuntzarekiko eta garapen profesionalarekiko interesa:<br />Arbela digitalak irakaslearen berrikuntzarekiko eta honen garapen profesionalarekiko duen interesa pizten du. Bestalde, teknologia berri honen erabilerak aldaketa pedagogikoa suposatuko du.<br />Irakasleak bere ikasleak aztertzeari eta hauen beharrei erantzuteari denbora gehiago eskaini diezaioke.<br />Irakaslearen motibazioa areagotuko da: baliabide gehiago erabil ditzake, ikasleen erantzun positiboa jasoaz.<br />Irakasleak saio erakargarriagoak eta dokumentatuagoak presta ditzake. Osatuz doan material berria egokitu dezake eta hurrengo urtetan berrerabili daiteke.<br />Denboraren aurrezpena:<br />Arbelak grabatzeko, inprimatzeko eta emandako eskolaren berrerabilpena egiteko aukera ematen du, honen berrikuste eta azterketa erraztuz eta erabili beharreko denbora murriztuz.<br />Orokorrean, arbelari lotuta doan softwareak grafiko, txantiloi eta diagramen sarrera ahalbidetzen du. Saioen prestaketa egitea sinpleagoa eta eraginkorragoa izango da, eta ondoren, saio hauek gorde eta berrerabili ahal izango dira.<br />ABANTAILAK IKASLEENTZAT<br />Motibazioa eta ikaskuntzaren areagotzea:<br />Motibazioa eta ikasleen interesa areagotuko da, saioak erakargarriagoak eta koloretsuagoak egiteko eskaintzen duen aukerari esker, gainera, irakaslearen azalpenak errazago jarraitzen dira.<br />Ikasleen parte-hartze aktiboa sustatzen du. Irakasleari ez ezik, edozein ikasleri ere aukera ematen dio egindako lanak erakusteko.<br />Elkarlana eta eztabaidak bultzatzeko lagungarri izango da teknologia hau, ikasleek aurkezpen ikusgarriagoak egin ahal izango dituzte, autoestimua, konfiantza eta gaitasun sozialen garapena indartuz. <br />Ulermena errazten da, batez ere, kontzeptu konplexuen aurrean baldin bagaude, azalpenak bideoak, simulazioak, irudiak, etabarrekin osatu baitaitezke (eta baita hauekin interakzionatu ere).<br />Ikasleek edozein momentutan jasotako kontzeptuak errepasatu ditzake, emandako azalpenak posta elektronikoz bidaliak izan baitaitezke. <br />IKTen gerturatzea minusbaliotasunen bat duten ikasleei:<br />Ikusteko zailtasunak dituzten ikasleentzako onuragarriak izan daitezke arbela hauek. Tamaina handiagoan ikusi ahal izango dira testuak, irudiak, etab., eta hauek manipulatu ahal izango dituzte.<br />Entzuteko zailtasunak dituzten ikasleentzat ere mesedegarri izan daiteke teknologia hau, aurkezpenak bisualagoak izango dira eta, aldi berean, zeinu hizkuntzaren erabilera egin daiteke.<br />Abilezia psikomotore urriak eta idazketa prozesuaren hastapen garaian dauden ikasleentzat onuragarria izan daiteke teknologia hau.<br />Mugimendu arazoak dituzten ikasleek errazago idazten dute “pantaila handian” ordenagailuan baino.<br />Arazo kinestesikoak dituzten ikasleekin arbelarekin kontaktua eskatzen duten ariketak presta daitezke.<br />(Etimologikoki bere esanahia honakoa da: Mugimenduaren sentipen eta hautematea. Hitz honen bitartez gizabanakoak bere gorputzaz eta honek egiten dituen mugimenduez duen sentsazioa adierazten da, eta batez ere, honek burutzen dituen mugimenduena)<br />Bestelako heziketa-behar bereziak dituzten ikasleentzat ere aproposa izan daiteke arbela, hala nola, portaera eta arreta arazoak dituzten ikasleentzat. <br />ONDORIOAK<br />Gure aitona-amonen garaia bizi izan bagenu teknologia faltaz kexatuko ginateke, baina garai teknologiko honetan bizi garela, prest al gaude hainbesteko aurrerapena barneratzen joateko? Egunero agertzen dira aurrerapen teknologikoak eta oso zaila da erritmo hori jarraitzea.<br />Egungo gizartean, non kontsumismoa eta konforta gure helmugara iristeko bidelagunak diren, teknologien izugarrizko eragina jasaten dugu. Alde guztietan aurki ditzakegu, mugikorra, ordenagailuak, GPS, aparatu elektronikoak..., eta beraienganako izugarrizko dependentzia sortu da. Gauza guztiek bezala, alderdi onak eta txarrak dituztela esan liteke, egin beharrekoa gauza positiboak negatiboen gainetik jartzea da, probetxua ateratzeko. Alabaina, orokorrean, egia da bizitza erosoagoa bihurtu digutela: harreman sare berrien sorrera, ingurukoekin komunikazio aukeren ugaritzea, ekintza kulturalak zabaltzeko bide berriak, informazioa trukatzeko bidea, metodologia ezberdinen sorburu (esaterako, on-line ikastaroak), ...<br />Teknologiaren aurrerakuntzak abantaila ugari eskaini dizkigu, hala ere, hezkuntzaren kasuan, hauenganako dependentziak norberaren abilezien kaskartzea ekar dezake. Teknologiek umeengan duten eragina handia da. Askotan, gurasoek lan egun amaigabeak burutzen dituzten bitartean umeek kultura internetetik, bideo-jokoetatik edo telebistatik jasotzen dute. Hori dela eta, eskolan ere teknologiarekiko menpekotasuna sustatu behar al dugu gehiegizko baliabide berritzaileak erabiliz? Oraingo umeek aspaldiko umetako jolasak alde batera utzi dituzte teknologia hauen zirrarak bultzaturik. Eskolan ere betiko material aberasgarria material teknologikoarengatik ordezkatzen dugu (liburuak ipuin multimediengatik, puzzleak, dominoa, mahai jolasak, etab. Bideo-joko edota software berriengatik). Honi buelta ematea ezinbestekoa dela uste dugu, haurrei teknologien erabilgarritasuna transmititu behar diegu, hauen erabilpen egokia eta neurrizkoa eginez, baina dependentzia ekidin behar dugu kosta ala kosta.<br />Arbela digitalari dagokionez, argi dago, erosotasun eta berehalakotasun handiko tresna dugula. Ikasgelarentzat informazio multimedia eta interaktiboaren iturri agorrezin azkarra dugu. Irakasleak ez ditu ikasleak begi bistatik galduko eta zuzenean ukipen-pantailan idazteko aukerak lana asko errazten du. Halaber, ikerkuntza ezberdinen arabera, heziketa premia bereziak behar dituzten ikasleei laguntza emateko bereziki eraginkorrak dira tresna digital hauek.<br />Hala ere, arrazoi hauek guztiek nahikoa pisua al dute errentagarritasuna ateratzeko horrelako tresna garestiari? Ez al dira interes ekonomikoak atzetik bultzaka datozenak? Irakaskuntza metodologiaren eta irakaskuntza/ikaskuntza prozesuaren berrikuntzaren aurrean gaude ala irakaslearentzat erosoagoa izango den transmisio modu baten aurrean al gaude soilik? Gaur egun bizi dugun gizartearekin bat datorren ikasketa esanguratsuago bat lortzeko bidea al da? <br />Bestalde, ez dugu ahaztu behar irakaslerian sor daitekeen arazoa. Irakasle asko eta asko ez daude horrelako teknologiak erabiltzera ohituta eta ez dute formakuntza egokirik hauek erabiltzeko. Beraz, aparailu berriak erabiltzeko egiten den inbertsioari irakasleriaren formakuntzari dagokiona gehitu beharko genioke.<br />Amaitzeko, Haur Hezkuntzako irakasle izango garenez, Arbela digitalak ziklo honetan duen aplikazio mailari egingo diogu erreferentzia orain, zuzen-zuzenean. Izango ditugun ikasleen adinei begiratuz gero, ez diogu zentzu handiegirik aurkitzen baliabide honi eskolako txikienen ikasgelan. Lan handia dago haur hauekin egiteko, bestelako arloetakoa, hain zuzen ere, eta nahikoa ikusten dugu ordenagailua eta honek eskaintzen dituen aukera ezberdinenak gure ikasleak poliki-poliki IKTen mundura gerturatzeko.<br />UKIPENEKO MAHAI INTERAKTIBOAK<br />Arbela digitalari lotuta, bitxikeria gisa, Ukipeneko Mahai Interaktiboak aurkitu ditugu.<br />Haur Hezkuntzan aplikatzeko asmatutako teknologia baten aurrean gaude. Talde lana sustatzeko asmoarekin egina dago eta edozein heziketa-softwarea onartzen du. Mahaia gainontzeko unitate periferikoekin konektatzen den ordenagailu batek osatzen du. Erabilera errazeko tresna da, ukipen pantaila sakatzea besterik ez baita behar ekintza ezberdinak burutzeko.<br />Honakoak dira ezaugarri nagusiak:<br />3771900100330Ikasleen lanaren administrazioa eta kontrola.<br />Moodle eta Scrom-en garatutako edukiekin bateragarria.<br />Cuadernia-rekin garatutako edukiekin bateragarria.<br />Mahai guztien arteko konexioa, elkarren artean ekintzen eta dokumentuen trukea ahalbidetuz.<br />Web orrialdeen zerbitzaria.<br />Beste zentroetako mahaiekin wifi konexioa, hauekin elkar lana ahalbidetuz.<br />Ikasle bakoitzaren erabilpen estatistikak.<br />Taldeko edo bakarkako frogen eraketa eta ebazpena.<br />Mahai interaktiboarentzat garatutako berariazko edukiak.<br />Cancha 2.0 –ren edukiekin bateragarria.<br />Videostreaming eta bideokonferentzien zerbitzaria.<br />