Presentación Proxecto Investigación Educación para o Desenvolvemento, CPI Virxe da Cela

1. PROXECTO: INVESTIGANDO A DIMENSIÓN GLOBAL DA EDUCACIÓN PARA O DESENVOLVEMENTO. UN
PROXECTO PILOTO DE INVESTIGACIÓN-ACCIÓN COLABORATIVA NO CENTRO EDUCATIVO CPI
PLURILINGÜE VIRXE DA CELA DE MONFERO.
QUENES?
Trátase dun proxecto de investigación colaborativa subvencionado pola Dirección Xeral de Cooperación
Exterior da Xunta de Galicia, na que estamos a participar 3 entidades: o CPI Plurilingüe Virxe da Cela, a
ONGD Solidariedade Internacional de Galicia e un equipo multidisciplinar experto en investigación da
Universidade da Coruña.
PARA QUE?
Con este proxecto pretendemos fomentar entre o alumnado e o profesorado do CPI Plurilingüe Virxe da
Cela os valores dunha cidadanía global, activa, crítica, participativa e sensibilizada sobre as problemáticas
mundiais como a inxustiza, desigualdade e pobreza partindo do contexto local do concello de Monfero e
empregando como fío condutor a Educación para o Desenvolvemento e para a transformación social.
QUE?
É un proxecto integral inmerso de xeito transversal nas distintas etapas educativas e materias do centro
que conten con profesorado interesado en participar no mesmo. A oportunidade como docentes é moi
ampla, posto que permite traballar moitos contidos, valores, habilidades e actitudes cos nenos e nenas
dende as propias materias cumprindo a programación didáctica das mesmas. Como o gran Freire dicía,
esta educación transformadora pretende contribuír a cambiar ás persoas que van a cambiar o mundo.
CANDO E COMO?
Para elo implementaremos ao longo do presente curso escolar un PLAN DE ACCIÓN INTEGRAL (deseñado
o curso pasado de xeito colaborativo entre o profesorado do CPI, a Universidade da Coruña e
Solidariedade Internacional de Galicia e que sempre está aberto a todo tipo de ideas novas, adaptacións e
cambios). O que faremos será implementar un micro proxecto en cada trimestre. Os microproxectos
denominámolos plans didácticos, os cales abordarán os contidos da educación para o desenvolvemento
(Dereitos Humanos, pobreza, desigualdade, interculturalidade, medio ambiente, interdependencia Norte-
Sur, xénero...) relacionados cunha temática central do contexto local de Monfero, que é o sector lácteo-
gandeiro, dada a súa importancia para esta vila.
Resumo dos plans didácticos:
PLAN DIDÁCTICO I: EXPLOTACIÓNS GANDEIRAS (Primeiro trimestre)
Neste plan traballaranse os contidos e coñecementos, valores e actitudes sobre a produción do leite
tendo en conta o contexto local galego, vinculándoo con outros sistemas de produción doutros produtos
e doutras partes do mundo (café, cacao e azucre), a globalización e interdependencia, as multinacionais
fronte ao produción local, o papel das mulleres nos sistemas de produción etc. incorporando así os
contidos transversais da ED. O borrador do Plan didáctivo I. Explotacións Ganderias contén todas as
actividades incluídas neste bloque temático explicadas e asociadas cos contidos da dimensión global da
ED así como vinculadas a cada materia, a cada etapa educativa, a cada profesor/a que o vai levar a a cabo,
así como a súa relación co curriculum das correspontes etapas (infantil, primaria e secundaria).

2. O persoal de SIG e da UDC visitaremos o centro educativo cando menos 1 vez ao mes (é dicir, alo menos 3
veces no trimestre) para darlle apoio e axudar aos docentes coa súa implementación. Por outra banda, o
profesorado irá recollendo información sobre as accións postas en práctica nun diario de campo,
seguindo a plantilla-modelo elaborada coa axuda do equipo de SIG-UDC. Isto permitirá ir documentando
o proceso da implementación do plan e revisar despois os datos.
PLAN DIDÁCTICO II: O LEITE (Segundo Trimestre)
Neste plan traballaranse os contidos e coñecementos, valores e actitudes sobre o leite como alimento
básico da dieta galega, nutrición e alimentación, tipos de leite, derivados do leite etc. vinculándoos con
outros estilos de dietas doutras partes do mundo, o consumo responsable, o comercio xusto, o
medioambiente, tipos de vacas no mundo, etc. incorporando así os contidos transversais da ED. O
borrador deste plan contén todas as actividades incluídas neste bloque temático explicadas e asociadas
cos contidos da dimensión global da ED así como vinculadas a cada materia, a cada etapa educativa, a
cada profesor/a que o vai levar a a cabo, así como a súa relación co curriculum das correspontes etapas
(infantil, primaria e secundaria).
PLAN DIDÁCTICO III: MUNDO E SOCIEDADE (Terceiro trimestre)
Neste plan traballaranse os contidos e coñecementos, valores e actitudes sobre a publicidade, os medios
de comunicación, a importancia da imaxe nos medios de comunicación de masas, os estereotipos, a súa
influencia no pensamento social e como actuar de modo crítico ante as mensaxes visuais, a
contrapublicidade e a literatura como fonte de expresión e difusión do conflito. Todos estes aprendizaxes
se vincularán coa dimensión global da ED dando traballando as problemáticas en diferentes países
relacionadas con temas como: a propiedade da terra; produtos transxénicos; tratados internacionais TTIP;
a xestión da auga e outros.
Tamén se traballarán contidos transversais da ED como por exemplo globalización e interdependencia,
xustiza social e desenvolvemento, pensamento crítico e creativo, cidadanía global e identidade,
responsabilidade social, medio ambiente, habilidades comunicativas, intelixencia emocional e traballa
cooperativo. O borrador do plan contén todas as actividades incluídas neste bloque temático explicadas e
asociadas cos contidos da dimensión global da ED así como vinculadas a cada materia, a cada etapa
educativa, a cada profesor/a que o vai levar a a cabo, así como a súa relación co curriculum das
correspontes etapas (infantil, primaria e secundaria).
A DESTACAR
 É un proxecto pioneiro na nosa comunidade autónoma, xa que ningún outro centro educativo está a
traballar desta maneira e podemos ser un referente de boas prácticas no futuro para outros centros
educativos e entidades sociais.
 O profesorado participante no proxecto recibirá un certificado como membro participante na
investigación, expedido pola universidade da Coruña.
 O profesorado recibirá formación completamente gratuíta en educación para o desenvolvemento e
cooperación por parte da ONGD, co seu conseguinte certificado.
 O profesorado terá a opción de participar na publicación de artigos e/ou comunicacións que se fagan
sobre a experiencia do proxecto.
 Imos a deseñar xuntos/as o Premio Galego de Educación para o Desenvolvemento CPI Plurilingüe Virxe da
Cela de Monfero (tomando como referencia o Premio Vicente Ferrer).
ANÍMATE A FORMAR PARTE DA FAMILIA DESTE PROXECTO!!!!!!!!!!