4. PELÍCULA INVICTUS Invictus é unha película de 2009 baseada na vida de Nelson Mandela no 1995 en Sudáfrica. Foi dirixida por Clint Eastwood e protagonizada por Morgan Freeman no papel do entón presidente de Sudáfrica, Mandela e Matt Damon como François Pienaar, o capitán do equipo sudafricano de rugby. A película conta os primeiros anos vividos en Sudáfrica tras a abolición do sistema segregacionista do apartheid. Tras ser liberado de prisión en 1990, o líder activista negro Nelson Mandela logra chegar anos despois á presidencia de Sudáfrica, e desde ese posto disponse a construír unha política de reconciliación entre a maioría negra que foi oprimida no Apartheid, e a minoría branca que se mostra medorenta dun posible revanchismo por parte do novo goberno. Para tal fin Mandela fixa a súa atención no seleccionado sudafricano de Rugby, coñecido como "os Springboks". Este equipo non pasa por un bo momento deportiva e os seus fracasos acumúlanse; ademais non conta co apoio da poboación negra, que o identifica coas institucións do apartheid. Mandela convoca ao capitán do equipo, François Pienaar, e xuntos empéñanse nunha cruzada por cambiar a mentalidade do pobo sudafricano e orientala cara á unidade nacional.