3. BIOGRAFÍA
Rosalía de Castro naceu en Santiago no ano 1837. Era filla de María Teresa de Castro e de Xosé Martínez
Viojo. Os seus primeiros anos pasounos no mundo rural ao coidado dunha tía paterna, en Castro de Ordoño.
Con quince anos vai vivir a Santiago con súa nai e alí estuda. Catro anos despois marcha a Madrid, onde publica
“La flor”. Rosalía e Manuel Murguía coñécense e a autora reside en diferentes lugares fóra de Galicia por mor
do traballo do seu home. Padeceu moitos problemas, pero eses anos foron de gran produtividade literaria
porque escribiu: “Cantares Gallegos”, “Follas Novas” e a maioría das súas novelas en castelán.
Regresou a Galicia en 1871 e residiu na Coruña, en Santiago e finalmente en Padrón, onde escribirá “En las
orillas del Sar”. Morre o 15 de xullo de 1855 por un cancro.
4. OBRA
A obra poética de Rosalía está formada por dous libros: “ Cantares Gallegos” e “Follas Novas”.
➢CANTARES GALLEGOS:
A publicación deste libro foi o 17 de maio de 1863. Pola seguinte razón, a Real Academia Galega escolleu esta
data para celebrar o “Día das Letras Galegas”.
Este libro consta de 36 poemas. Estes poemas son glosas de cantares populares, que Rosalía desenvolve ao
longo dos seus versos.
• Os obxectivos principais do libro son:
- Dignificación e exaltación de Galicia.
- Denuncia das inxustizas e da marxinación que padece.
- Defensa do galego.
5. TEMÁTICA CANTARES GALLEGOS
Os poemas deste libro podémolos agrupar en varios temas:
❖ TEMÁTICA COSTUMISTA:
Poemas que describen paisaxes, crenzas, tradición, costumes…
❖ TEMÁTICA AMOROSA:
Poemas que nos falan da maneira de vivir o sentimento amoroso en distintas circunstancias e personaxes.
❖ TEMÁTICA INTIMISTA:
Poemas nos que a autora expresa os seus sentimientos.
❖ TEMÁTICA SOCIAL-PATRIÓTICA:
Poemas que tratan a razón e as consecuencias da emigración en Galicia.
6. OBRA
➢FOLLAS NOVAS:
Este libro publicouse en 1880, aínda que os poemas foron escritos vinte anos atrás, cando Rosalía vivía en
Simancas.
O ton optimista de “Cantares Gallegos” dá paso agora a una temática máis grave e pesimista.
O libro divídese en cinco seccións. Outro mérito de “Follas Novas” é a orixinalidade métrica.
7. TEMÁTICA FOLLAS NOVAS
Diferenciamos dous temas:
❖ TEMÁTICA INTIMISTA:
Rosalía presenta as súas inquietudes persoais. Utiliza un ton amargo e pesimista.
❖ TEMÁTICA SOCIAL:
Fala das inxustizas que padecen o noso país e os seus habitantes, que son causa da emigración dos mozos
galegos. Nestes poemas continua a reivindicación do libro anterior.