LP FOR KATUTURAN AT LIMANG TEMA NG HEOGRAPIYA

1. Espeleta St. Buli, Muntinlupa City
“Nurturing Minds, Empowering Lives.”
BANGHAY ARALIN SA ARALING PANLIPUNAN 8
KATUTURAN AT LIMANG TEMA NG HEOGRAPIYA
I. PAMANTAYAN
Pamantayang Pangnilalaman Pamantayan sa Pagganap
Naipamamalas ang pang-unawa sa
interaksiyon ng tao sa kaniyang kapaligiran
na nagbigay-daan sa pag-usbong ng mga
sinaunang kabihasnan na nagkaloob ng
mga pamanang humubog sa pamumuhay
ng kasalukuyang henerasyon.
Ang mga mag-aaral ay nakabubuo ng
panukalang proyektong nagsusulong sa
pangangalaga at preserbasyon ng mga
pamana ng mga sinaunang kabihasnan sa
Daigdig para sa kasalukuyan at sa susunod
na henerasyon.
Pamantayan sa Pagkatuto
AP8HSK-Id-4 - Nasusuri ang katangiang pisikal ng daigdig a. anyong lupa at anyong
tubig; b. klima; c. yamang likas
II. LAYUNIN
Matapos ang talakayan, ang mga mag – aaral ay inaasahang:
1. Nasusuri ang katuturan at limang tema ng heograpiya;
2. Natatalakay ang malaking bahagi na ginampanan ng heograpiya sa paghubog ng
pamumuhay ng tao mula pa noong sinaunang panahon; at
3. Nakapagpapakita ng iba’t ibang gawain tungkol sa limang tema ng heograpiya.
III. NILALAMAN
A. Modyul I: Heograpiya at Mga Sinaunang Kabihasnan sa Daigdig
Aralin 1: Heograpiya ng Daigdig
Paksa:
I. Katuturan at Limang Tema ng Heograpiya
- Lokasyon
- Lugar
- Rehiyon
- Interaksiyon ng Tao at Kapaligiran
- Paggalaw
B. Mga Kagamitan:
Araling Panlipunan Modyul, MS PowerPoint, telebisyon, laptop, lapel, speakers,
biswal, flaglets, score board para sa kanilang presentasyon, rubriks, peace crane paper,
yeso, pisara at awiting Heal the World ni Michael Jackson
C. Mga Aklat at Iba Pang Sanggunian:
Kasaysayan ng Daigdig Araling Panlipunan Gabay sa Pagtuturo, pahina 5-6
Modyul ng Mag-aaral Araling Panlipunan Kasaysayan ng Daigdig, pahina 10 – 15
Kayamanan Kasaysayan ng Daigdig nina Celia D. Soriano et.al, pahina 6-9
IV. PAMAMARAAN
A. Panimulang Gawain
1. Panalangin
2. Pagsasaayos ng silid – aralan / Pagtala ng liban sa klase
3. Trivia at Balitaan
Paglalahad ng mga trivia at napapanahong balita sa loob o labas ng ating bansa.

2. Espeleta St. Buli, Muntinlupa City
“Nurturing Minds, Empowering Lives.”
4. Pagsasanay
I BELIEVE….
- Ang guro ay magpapakita ng jumbled letters sa PowerPoint. Ang salitang
nabuo ay bibigyan ng kahulugan ng napiling mag-aaral na sasagot, na
sisimulan niya sa I believe….
- Limang mag-aaral ang sasagot para sa larong ito na ang mga salita ay may
kaugnayan sa nakaraang aralin.
(KASAYSAYAN NG MUNTINLUPA)
SAGOT SA JUMBLED
LETTERS
POSIBLENG KASAGUTAN SA I
BELIEVE…
1 JAMBOREE LAKE I believe ito ang pinaka-maliit na likas na lawa
ng bansa.
2 MEMORIAL HILL I believe isa itong maliit na burol sa loob ng
'reserbasyong' Bilibid na kung saan
matatagpuan ang isang lumang 'kanyon' ng
Pangalawang Digmaang Pandaigdig.
3 DIRECTOR'S QUARTERSI believe ito ang 'opisyal' na tahanan ng
tagapangasiwa ng Bilibid
4 JAPANESE GARDEN
CEMETERY
I believe dito nakalibing si punong hukbo
Tomoyuki Yamashita na naging tanyag
noong pananakop ng mga Hapon sa bansa.
5 NATIONAL BILIBID
PRISON
I believe ito ay kilala bilang pambansang
bilangguan
5. Balik – Aral
IBANDILA NA YAN!
Ang bawat isa ay may dalawang flaglets na hawak na gagamitin nila sa
kanilang pagsagot sa tanong ng guro. Kapag tama ang isinasaad ng
pangungusap itataas ng mga mag-aaral ang ( ) asul na bandila samantalang
( ) pulang bandila naman kapag ito ay mali.
1. May sampung barangay ang Muntinlupa.
2. Naging ganap na lungsod ang Muntinlupa taong 1995.
3. Ang lungsod ng Muntinlupa ay matatagpuan sa timog Kalakhang Maynila.
4. Ang Buli ang pinakamayamang barangay sa Muntinlupa.
5. Binubuo ng apat na distrito ang Muntinlupa.
B. Panlinang ng Aralin
1. Pagganyak
Magbigay ng mga salita na nagsisimula sa mga sumusunod na letra na may kinalaman sa
kasaysayan.
E O R A G A I Y H P
Pagkatapos mabigyan ng mga salita ang bawat letra, ang mga mag-aaral ay mabubuo
ang salitang HEOGRAPIYA at sasagutin ang mga sumusunod na mga katanungan:
✓ Ano ang ibig sabihin ng heograpiya?
✓ Sa iyong palagay, bakit mahalagang pag-aralan ang heograpiya?
✓ Paano nakaapekto ang heograpiya sa pag-unlad ng mga sinaunang
kabihasnan sa daigdig?

3. Espeleta St. Buli, Muntinlupa City
“Nurturing Minds, Empowering Lives.”
2. A. Gawain
MAGPANGKAT-PANGKAT TAYO!
Ang buong klase ay hahatiin sa apat (4) pangkat. Ang bawat pangkat ay
magpapakita ng isang maikling dula-dulaan tungkol sa paksang naiatas sa kanila sa
loob lamang ng dalawa hanggang tatlong (2-3) minuto. May rubrik na gagamitin ang
guro at bawat pangkat para sa pagbibigay ng iskor sa nasabing presentasyon.
Unang Pangkat – Lokasyon at Lugar
Ikalawang Pangkat – Rehiyon
Ikatlong Pangkat – Interaksiyon ng Tao at Kapaligiran
Ikaapat na Pangkat – Paggalaw
B. Karagdagang Gawain: Sagutan ang Gawain 3: Tukoy-Tema-Aplikasyon at mga
pamprosesong mga tanong sa Modyul ng Mag-aaral Araling Panlipunan Kasaysayan
ng Daigdig, pahina 14-15.
RUBRIK SA PAGMAMARKA NG PANGKATANG GAWAIN
3 puntos Pinakamahusay, pinakamalikhain, pinakatamang
pagpapaliwanag, pinakatamang interpretasyon
2 puntos Mahusay, malikhain, tamang pagpapaliwanag, tamang
interpretasyon
1 puntos Hindi gaanong mahusay, hindi masyadong
malikhain, hindi kumpleto ang paliwanag at hindi
maayos ang interpretasyon.
3. Pagsusuri
ANG MAHIWAGANG MUNDO NG KATANUNGAN, TANONG MO NA YAN!
Matapos mapanood at mapakinggan ang
presentasyon ng bawat pangkat, ang guro ay tatawag ng
mag-aaral na sasagot sa mga sumusunod na katanungan na
nakadikit sa pisara sa may malungkot na mundo at bago niya
ito sagutin, ang kanyang mga kamag-aral ay bibigkasin
muna ang salitang “Tanong mo na yan!”
1. Alin sa limang tema ng heograpiya ang higit na
nakaimpluwensiya sa daloy ng kaunlaran? Bakit?
2. Paano naiuugnay ang mga tema ng heograpiya sa daloy ng kasaysayan?
Ipaliwanag ang sagot.
3. Paano nakatutulong ang mga temang ito sa iyong pag-unawa sa heograpiya ng
mga bansa?
4. Paglalahat
DUGTUNGAN MO!
Ang heograpiya ay _______________________________________________
kaya naman dapat itong
_________________________________________________________________.
https://images.app.goo.gl/DsTt8uxgHHWTsoFq7

4. Espeleta St. Buli, Muntinlupa City
“Nurturing Minds, Empowering Lives.”
5. Paglalapat
ISABUHAY NATIN!
#KapayapaanTungoSaMapayapangMundo
Ang mga mag-aaral ay susulat sa peace crane paper ng isang pangako na
nagpapahayag ng paninindigang isasabuhay ito, kung ano ang magagawa nila upang
makatulong na mapanatiling maayos at responsable sa ating mundo?
Ako si ___________________ (pangalan) ay nangangako na ___________________
____________________________________________________________________.
*Habang ang mga mag-aaral ay nagsusulat ang guro ay magpapatugtog ng isang
awiting pinamagatang “Heal the World” ni Michael Jackson.
V. EBALWASYON
Panuto: Isulat ang titik ng pinakatamang sagot.
1. Alin sa mga sumusunod ang hindi kabilang sa tema ng heograpiya?
A. lokasyon C. paggalaw
B. lugar D. topograpiya
2. Ano ang tawag sa pag-aaral tungkol sa pisikal na katangian ng mundo?
A. Pilosopiya C. Kasaysayan
B. Heograpiya D. Agham
3. Alin sa mga sumusunod ang hindi kabilang sa saklaw ng heograpiya?
A. flora at fauna C. Absoluto at relatibong lokasyon
B. klima at panahon D. anyong lupa at anyong tubig
4. Ano ang tawag sa tema na bahagi ng daigdig na pinagbubuklod ng
magkakatulad na katangiang pisikal o kultural?
A. rehiyon C. lokasyon
B. lugar D. paggalaw
5. Ano ang tawag sa tema na may kaugnayan ng tao sa pisikal na katangiang
taglay ng kanyang kinaroroonan?
A. paggalaw C. lugar
B. interaksiyon ng tao at kapaligiran D. rehiyon
VI. TAKDANG-ARALIN
A. Gumawa ng advocacy campaign gamit ang social media tungkol sa ating Inang
Kalikasan. Gawing gabay ang sumusunod na tanong:
1. Bilang isang mag-aaral, ano ang maaari mong magawa para mapapanatiling maayos
ang ating Inang Kalikasan? Ipaliwanag ang sagot.
2. Paano mo maipapakita ang pagmamalasakit sa ating Inang Kalikasan?
B. Itala sa kuwaderno ang mga mahahalagang impormasyon tungkol sa Katangiang Pisikal
ng Daigdig.
*Sanggunian: Modyul ng Mag-aaral Araling Panlipunan Kasaysayan ng Daigdig sa pahina 15-
17 o internet
Inihanda ni:
Gng. Precious Sison-Cerdoncillo
Teacher II, Araling Panlipunan
SEKSYON 5 4 3 2 1 0