Princess Jahan's Tuition Classes, a story for entertainment
Zindagi nmd shayari
1. Javed Akhtar’s Shayari recited by Farhan Akhtar
in
Zindagi Na Milegi Dobara
Compiled by Krishnan
2. Ik baat honton tak hai jo aayi nahin,
Bas ankhon say hai jhaankti,
Tumse kabhi, mujhse kabhi,
Kuch lafz hain woh maangti,
Jinko pehanke honton tak aa jaaye woh,
Aawaaz ki baahon mein baahein daalke ithlaye woh,
Lekin jo yeh ik baat hai,
Ahsas hi ahsas hai,
Khushboo si hai jaise hawa mein tairti,
Khushboo jo be-aawaaz hai,
Jiska pata tumko bhi hai,
Jiski khabar mujhko bhi hai,
Duniya se bhi chupta nahin,
Yeh jaane kaisa raaz hai.
Compiled by Krishnan
3. Jab jab dard ka baadal chaya,
Jab gham ka saya lehraya,
Jab aansoo palkon tak aya,
Jab yeh tanha dil ghabraya,
Humne dil ko yeh samjhaya,
…Dil aakhir tu kyun rota hai,
Duniya mein yunhi hota hai,
Yeh jo gehre sannate hain,
Waqt ne sabko hi baante hain,
Thoda ghum hai sabka qissa,
Thodi dhoop hai sabka hissa,
Aankh teri bekaar hi nam hai,
Har pal ek naya mausam hai,
Kyun tu aise pal khota hai,
Dil aakhir tu kyun rota hai.
Compiled by Krishnan
4. Pighlay neelam sa behta hua yeh samaan,
Neeli neeli si khamoshiyaan,
Na kahin hai zameen,
Na kahin aasmaan,
Sarsaraati huyi tehniyaan, pattiyaan,
Keh rahi hain ki bas ek tum ho yahaan,
Sirf main hoon meri saansein hain aur meri dhadkanein,
Aisi gehraiyaan,
Aisi tanhaiyaan,
Aur main sirf main,
Apne honay pe mujhko yaqeen aa gaya.
Compiled by Krishnan
5. Dilon mein tum apni Betaabiyan leke chal rahe ho,
Toh zinda ho tum,
Nazar mein khwabon ki Bijliyan leke chal rahe ho,
Toh zinda ho tum
Hawa ke jhokon ke jaise Aazad rehna sikho,
Tum ek dariya ke jaise Lehron mein behna sikho,
Har ek lamhe se tum milo,
Khole apni baahyein,
Har ek pal ek naya samha,
Dekhen yeh nigahaein Jo apni aankhon mein,
Hairaniyan leke chal rahe ho Toh zinda ho tum,
Dilon mein tum apni Betaabiyan leke chal rahe ho,
Toh zinda ho tum.
Compiled by Krishnan