Aurkezpen laburra.

1. KIRIKIÑO IKASTOLAKO EUSKARA BATZORDEA
Aurkezpena
Kirikiño Ikastolako guraso talde batek osatua dago euskara
batzordea, gure ustea da elkarren indarrak batuz, norabide
berdinean jardunda emaitza hobeak eskuratzen direla. Alegia,
gure ume eta gaztetxoen heziketa eta irakaskuntzan irakasleak,
ikasleak eta gurasoak harreman estuan lan egitea oso
garrantzitsua dela. Helburu nagusia hori delarik aurkezpen
honetan, labur bada ere, gure asmoen berri eman nahi dizuegu,
horretarako azalduko dugu:
•NONDIK GATOZEN
•NON GAUDEN
•NORA GOAZEN

2. NONDIK GATOZ
Geure ikastolakoa ikusi orduko aurreko garaia eta ikastolen mugimendua ezagutu
daiguzan.
•Garaiko giroa
Erdalduntze prozesua XIX. mendean hasi zan, Iparraldean zein Hegoaldean.
XX. mende erdialdean Ikastolen pizkundea hasi zen.
Euskararen aldeko mugimenduak sortu ziran, baina, hasieran elkarren arteko
lotura barik.
•Ikastolen Zergaitia:
Hezkuntzaren garrantziaz jabetuta, haurren heziketaren titularrak gurasoak
zirelarik eta irakasleek eta herritarrek lagunduta 60. hamarkadan hasi zan.
• Zergatiak
Euren seme alabek euskerazko heziketa jasotzeko…….

3. • Garaian ikastolak beste ikastetxeetatik bereizten dituena
Sexu bereizketarik ez.
Herritik eta herriarentzat sortuak
Partaidetza sozialekoa
Pedagogia berritzailea
Euskaraz
• Ikastolak aurrera ateratzeko oztopo nagusiak honako hauek izan
ziren:
Diru eta azpiegitura falta.
Irakasle euskaldun falta
Ikas material gabezia.
Lege arazoak

4. Kirikiño ikastolaren sorrera:
Santutxun ere baziren seme alabak euskara eta euskal kultura ikasi
eta euskaraz ikasi nahi zutenak, hori dena, noski euskaraz bizi ahal
izan daitezen.
1977.eko udaberrian. Apirilak 18an KIRIKIÑO IKASTOLA
kooperatiba sortu zen 190 bazkidegaz. Baeukezan bazkideak,
irakasleak eta ikasleak, baina ekipamendurik ez.
Mª Concepción Azaolak alogera sinboliko batean Torre Gorostizagan
eukan lokala utzi eutson Kirikiño ikastolari, euskera sustatzearen alde.
• 336 ikasle sartu ziran, 1977-78 ikasturtean.
• Eskaintza, 2 urtetik OHOko 8. mailaraino.
• 1977ko urrian, behin-behineko baimena jaso zuen.
• 1979.ko ekainak 21ean emon jakon behin-betiko baimena.

5. Zergaitik Kirikiño (Ebaristo Bustintza) izena?
Idazleak ondo batzen ebazan ikastolaren jaiotza eta sentimendua.
Olerkaria zan, euskararen maitalea, eztabaida zale eta artikulu egile
sutsua, uriko kazetari eta kulturgileen guneetan ibiltzen zana. Euskara
maite eban eta Euskal Herri osoan zabaltzea nahi eban.
Ikastola sortu zuten guraso haiek berdina gura eben. Horrela
bada, Kirikiño Ikastola Santutxu, Begoña, Txurdinaga, Otxarkoaga eta
Bolueta inguruan egoan kokatuta.

6. Hurrengo pausua:
Ikastolak bere lokalen jabe izan behar ebala ikusi eben.
Torre Gorostizaga eta Egoialde ez ziran nahikoak, beraz Gabriel Arestiko
eraikina egiten hasi zan, ekipamenduak hobetuaz. 1983-1984.eko ikasturtean
zabaldu zan.
≈ Ekipamendu hobeak
≈ Ikastola erakunde modura sendotu
≈ Hezkuntza eskaintza zabaldu
≈ Aisialdi eta kirolerako leku gehiago
Kirikiño Ikastolak 1988ko Ibilaldia antolatu eban .
1997an beste eraikin bat zabaldu zan, Zuatzukoa.

7. NON GAUDE
1•Hasierako 336 ikasleetatik gaur egungo 1000 ingurura.
2•Hasierako 190 kooperatibistak 1500 inguru dira.
3•Irakaskuntzako itunpe sarekoa da.
4•Bizkaiko ikastolen elkartekoa.
5•Partaidekoa.
6•Euskadiko Irakaskuntza Kooperatiben Federaziokoa.
7•Europako kooperatiba Federaziokoa.

8. NORA GOAZ
Heziketan eta irakaskuntzan aurrelariak izaten jarraitu nahi dugu eta,
hasieran esan dugun legez, horretarako irakasle, ikasle eta gurasoen
arteko harreman estuan sinesten dugu. Beharrezkoa da denak
norabide berdinean lan egitea. Uste dugu, etorkizuneko emakume
eta gizonak izango direnak irabaziko dutela zeregin honetan asmatzen
badugu.
Euskara irakatsi eta euskaraz irakasteaz gain, gaur egun gehien
nahi duguna geure arteko harremanetan erabilia izatea da, geuk
daukagun ingurutik hasita erabili eta zabaldu. Erabilpenak
ematen bait dio bizitasuna. Ez du axola nolako maila, edo
batzuetan lotsak, ditugun. Uste dugu, egiten dena eta erabiltzen
dena dela euskararik onena.
"Euskararik hoberena egiten dena da, eta txarrena, egiten ez
dena"

9. Kirikiño Ikastolako euskara batzordea garen aldetik, egin dugun apustu berdin
horretan sinesten dugunez, denok euskaraz egitera konbidatu eta animatzen
zaituztegu eta norbaitek euskaraz egiteko ezintasuna, edo zailtasuna, badu
gure laguntza eskaintzen diogu berba egitera ausartu eta errazagoa izan
ziezaion.
Azken hauek anima daitezen ariketa batzuk proposatzen ditugu, egunero
egiteko ariketa soil-soil batzuk dira, jolas antzekoak, baina hasteko oso
garrantzitsuak.
Era berdinean beti ere euskaraz egiteko helburuarekin, urtean zehar gure ume
eta gazteek, baina familia giroan, parte hartzeko ekintzak ere antolatuko
ditugu.
Norbaitek bestelako gauzaren bat nahi baluke gurekin harremanetan jarri
daiteke euskerabatzordea@gmail.com Baita ere, batzarrera etorriz egin
dezakezu edonolako ekarpenak, hilero elkartzen gara, hileko hirugarren
eguenetan kiroldegi aurrean, arratsaldeko 6etan.
"Hizkuntza bat ez da galtzen ez dakitenek ikasten ez dutelako, dakitenek
hitz egiten ez dutelako baizik“
Irabazteko duzunak merezi du, anima zaitez!