edu

1. Batxilergoa Bigarren Hezkuntzako azken etapa da, ez derrigorrezkoa. Bi ikasturte
irauten du; normalean, 16 eta 18 urte bitartekoak izaten dira ikasleak. DBHko titulua
edukitzea da sartzeko baldintza bakarra.
Batxilergoak ezaugarri eta helburu hauek ditu:
1. Heziketa orokorra eskaintzen die ikasleei, pertsona sortzaileak, saiatuak eta
helduak izateko garatu daitezen.
2. Prestakuntza, bai unibertsitateko bai lanbide-heziketako ikasketetarako
oinarriak finkatzeko.
3. Orientabidea, ikasleen lehentasunak eta interesak bideratzeko.
4. Batxilergoan, gehienez, lau urte egon daiteke ikasten, araubide arruntean.
Gure ikastetxean:
 Prestakuntza egokia eskaintzen dugu, teknologia berrien erabileran oinarrituta.
 Alderdi praktikoan jartzen dugu nagusiki arreta, irakasgaiak ahalik eta
ulergarrien izan daitezen.
 Ikastetxean, hainbat tailer eta ikasgela ditugu, denak puntako teknologiarekin;
batxilergoak eta zikloak batera ditugunez, aukera daukagu batxilergoko ikasleei
erakusteko, bisiten eta praktiken bitartez.
 Inguruko enpresa eta entitate publikoetara bisitak egiten ditugu, ikasleek
enpresetako eta sektore publikoko dinamika ezagutu dezaten.
 Irteera kulturalak egiten ditugu (sozialak, geografikoak, historikoak…).
 Teknologia berriak erabiltzen ditugu bai ikasgeletan, bai eta erabilera anitzeko
geletan ere (ordenagailuak, arbel elektronikoak, proiektagailuak…).
Harremanetan jartzeko:
Batxilergoko koordinatzailea: Xabier Uriarte

2. ZIENTZIEN ETA TEKNOLOGIAREN BATXILERGOA
Zientzien eta teknologiaren batxilergoa unibertsitatera edo goi mailako ziklo batera
sartzeko bide nagusietako bat da. Euskaraz eta gaztelaniaz eskaintzen dugu.
Gure eskualdearen egitura industriala kontuan izanda, lan-aukera asko ematen dituen
irtenbide bat da, bai unibertsitate-titulu bat lortuta, bai LHUIk eskaintzen dituen ziklo
hauetako bat eginda:
 Sistema Elektrotekniko eta Automatizatuak
 Telekomunikazio- eta Informatika-sistemak
 Automatizazioa eta Robotika industriala
 Mekatronika industriala
 Fabrikazio mekanikoko produkzioaren programazioa
Obabako Lanbide Heziketa Udal Ikastetxean, lanean jarduten dugu etengabe, hainbat
plan eta estrategia garatzen, ikasleek lanpostua erraz aurkitzeko, eta enpresekin
ditugun harremanak gero eta sendoagoak izateko. Enpresekin dugun urteetako
esperientziak bermatzen digu lan-merkatuko bitartekotza eraginkorra izatea.
Amaitu eta geroko aukerak: GOI-MAILAKO IKASKETAK
Behin Batxilergoko titulua eskuratuta, jarraitu dezakezu ikasten:
 Goi-mailako ziklo bat eginez, hainbat lanbide-arlotan.
 Erdi-mailako edo goi-mailako graduko ikasketak eginez unibertsitatean,
bakoitzari dagokion sarbide-proba gaindituta.

3. GIZA ETA GIZARTE-ZIENTZIEN BATXILERGOA
Giza eta Gizarte Zientzien batxilergoa unibertsitatera edo goi-mailako ziklo batera
sartzeko bide nagusietako bat da. Euskaraz eta gaztelaniaz eskaintzen dugu.
Gure eskualdearen egitura industriala eta administrazio-kudeaketan dituen premiak
kontuan izanda, lan-aukera asko ematen dituen irtenbide bat da, bai unibertsitate-titulu
bat lortuta, bai LHUIk eskaintzen dituen ziklo hauetako bat eginda:
 Administrazioa eta Finantzak
 Zuzendaritzari laguntza ematea
Obabako Lanbide Heziketa Udal Ikastetxean, lanean jarduten dugu etengabe, hainbat
plan eta estrategia garatzen, ikasleek lanpostua erraz aurkitzeko, eta enpresekin
ditugun harremanak gero eta sendoagoak izateko. Enpresekin dugun urteetako
esperientziak bermatzen digu lan-merkatuko bitartekotza eraginkorra izatea.
Amaitu eta geroko aukerak: GOI-MAILAKO IKASKETAK
Behin Batxilergoko titulua eskuratuta, jarraitu dezakezu ikasten:
 Goi-mailako ziklo bat eginez, hainbat lanbide-arlotan.
 Erdi-mailako edo goi-mailako graduko ikasketak eginez unibertsitatean,
bakoitzari dagokion sarbide-proba gaindituta.