XXVII. Euskarazko txiste eta pasadizo idatzien lehiaketan irabazle izandako hiru txisteak.

1. XXVII. EUSKARAZKO TXISTE ETA PASADIZO
IDATZIEN LEHIAKETA
1. SARIA
LOROAREN MINGAIN LUZEA
Emakume batek loro bat erosi nahi du. Dendara joan da eta
momentu horretan loro bakarra dutela, esan dio. Gainera loro
horren aurreko jabea putetxe bat kudeatzen zuen Madam horietako
bat zen ondorioz, ikasitako hitz guztiak nahiko itsusiak ziren.
Emakumeak berdin diola esan du eta loroa etxera eraman du.
Etxean kaiola desestali bezain pronto, loroa hitz egiten hasi da:
- Etxe berria, Madam berria!
Andreak irribarretxo bat egin eta alaben zain geratu da. Alabak
eskolatik etxera iritsi direnean:
- Etxe berria, Madam berria eta prostituta berriak!
Alabak barrezka hasi dira eta guztiak aitaren zain geratu dira:
- Etxe berria, Madam berria eta prostituta berriak, baina bezero
berberak...
Gabon Joxe Mari!
Gautxori taldea
2. SARIA
MATRIKULA
- Zientzia politikoetan matrikulatzera etorri naiz.
- Oso ondo! Tori sobrea!
- Joño, ze azkar!
- Hau, zure matrikula betetzeko da, leloa!!!
Auskalo taldeko Ana Merino

2. 3.SARIA
BASERRITARRAREN BEHIA
Baserritar bat bide bazterrean zegoen, bere kamioneta gainean
behi bat zuela. Azokara zihoan bere behirik onena saltzera, baina
kamioneta matxuratu eta bide bazterrean zegoen. Ordu batzuen
ondoren, Mercedes batekin gazte bat agertu zitzaion:
- Zer gertatzen zaizu baserritar? Laguntzarik behar duzu?- galdetu
zion tente-potente.
- Azokara nindoan behia saltzera baina kamioneta matxuratu zait
eta hementxe nago...
- Nahi baduzu behia kotxeari lotu eta eramango dugu!- erdi barrez.
- Bale! Kotxeko bola baduzula ikusten dut, beraz, lotu hortxe behia
eta goazen!- baserritarrak.
- Nire kotxeak abiadura handia hartzen du, e?
- Zu lasai! Nire behia oso azkarra da!
Kotxea martxan jarri eta gazteak erretrobisoretik begiratzen dio
behiari, eta honek ttor-ttor martxa jarraitzen du. Gaztea azkartzen
hasten da eta aldamenean, baserritarra lasai zihoan. Bosgarren
martxa sartzean behiak mihia atera zuela ikusi zuen eta gazteak
baserritarri:
- Zure behiak mihia atera du.
- Zein aldetara atera du, eskuinera edo ezkerrera?
- Ezkerrera!
- Orduan utzi pasatzen, pasoa eskatzen ari zaizu-eta!
Auskalo taldeko Gorka Gorrindo
GOIZTIRI
EUSKALTEGIA