1. GeZZren iritzia, udal gobernuaren prentsa-oharra dela eta.
Getariako udal gobernuak berriki prentsara bideratu duen adierazpenaren harira , Getaria
Zero Zabor taldeak balorazio oso positiboa egiten du, zero zabor bidean urrats sendoak
emateko erabakia hartu duelako. Gaur egungo ereduaren ondorio larriez jabetuz, eta
Europatik datozkigun zuzentarauei jarraituz, hondakinak murriztu, berrerabili eta
birziklatzearekin dator irtenbidea.
Horretarako, gaikako bilketa eraginkor bat ezartzeari lehentasuna eman behar zaio, prozesu
parte-hartzaile bat garatuz, herritar bakoitzak egin behar dugun esfortzu txiki hori ondo ulertu
eta indartzeko. Era berean, herritarrei informazio oro helarazteko kanpaina berehala
abiaraztea eskatzen diogu Getariako Udalari.
Instituzioek ezin dute ordea bide hau bakarrik egin. Getariako eragile eta norbanakoei ere dei
egiten diegu, informazioa jaso eta egoeraz jabetuz, prozesu honetan parte hartzeko. Irtenbidea
denon ekarpenekin soilik iritsiko da, iritzi ezberdinak elkarbanatuz eta guztiontzako egokiak
izango diren irtenbideak aurkituz. Horrela lortuko dugu hondakinen kudeaketan ere Getaria
herri eredugarria izatea.
Gure ustez,hondakinen kudeaketa aldatzea eta bilketa egoki bat burutzea ukaezinak dira eta,
beraz, eztabaidatik kanpo daude. Gure ingurumena eta osasuna errespetatuko duen bilketa
egoki bat egitea nola bermatu, horretan datza eztabaida.
Azkenik, Getaria Zero Zaborrek eragile zein norbanakoekin elkarlanean aritzeko prestutasuna
agertzen du, aipatutako helburuak lortzeko. Baita ere, herritarrei informatzen jarraituko dugu,
zuzenean gure blogaren bitartez eta aldizka, ekitaldi ezberdinak programatuz.