DEBAIXO DA
TERRA
LABORATORIO

DEBAIXO
DA TERRA
HAI ...
NOVAS PROPOSTAS: ANTÁRTIDA,
PLANTACIÓN (XARDÍN ETERNO)

EXPOSICIÓN
SOBRE A
ANTÁRTIDA

PROPOSTAS
Minimundo "A Antártida"
Pintura con xeo
Experimento "Pescamos xeo"
Plantación Xardín Eterno
Arte efémero con xeo (esculturas de xeo)
Experimento "Facemos fósiles con xeo"
Pobos asolagados
Debuxo dos animais da Antártida

MINIMUNDO DA ANTÁRTIDA
Con bloques de xeo de diferentes formas e tamaños e
con animais representativos da fauna da Antártida,
creamos un minimundo experimentando, xogando,
tocando ... o xeo, e sentindo as súas características:
dureza, frío, cambio a estado líquido co paso do
tempo...

PINTURA CON XEO
Experiencia artístico-sensorial de pintura con xeo de
cores.

ARTE EFÉMERO CON XEO
(ESCULTURAS DE XEO)
Que ocorre se pintamos o xeo?
Para sabelo probamos a pintar pequenos bloques de
xeo con témpera líquida. Observamos que a pintura
escorregaba polo bloque. Así foi como descubrimos
que botando sal primeiro e pintando despois
obtiñamos unhas preciosas esculturas de xeo efémeras.
E así foi tamén como descubrimos que o sal fai que
baixe o punto de conxelación da auga e se vaian
facendo fendas no xeo que permiten que a pintura se
filtre formando preciosas esculturas.

EXPERIMENTO "PESCAMOS XEO"
Podemos pescar xeo?
Fixemos un primeiro intento e decatámonos de que o
cordel escorregaba no xeo.
E se botamos sal? Que acontece?
Botando sal ... pescamos xeo! (a explicación é a mesma
que para as esculturas de xeo: o sal fai que baixe o
punto de conxelación da auga e o cordel pode
engancharse nas fendas sendo capaces así de pescar
xeo).
E rematamos deixando rexistro de todo o proceso.

EXPERIMENTO "FACEMOS FÓSILES DE XEO"
No xeo tamén se poden atopar fósiles.
Fixemos fósiles de xeo empregando globos, animais en miniatura
e auga.
Metemos o animal no globo, enchémolo de auga pero... como
facer que se convirta en xeo para ter un animal fosilizado? Pois
metendo os globos no conxelador.
Agardamos un día e xa tiñamos os fósiles de xeo listos.
Entón xurdiu outra dúbida: como sacamos os fósiles do xeo?
Fóronsenos ocorrendo distintas hipóteses: metelos nunha tixola,
botarlle auga quente, deixar que se derretan, petarlle cunha
tesoira, petarlle cun martelo, tiralos contra o chan, que o calor do
sol os derreta ... Probamos algunhas delas:
-botarlle auga quente derrete o xeo pero é algo lento
-petarlle cunha tesoira non funciona
-petarlle cun martelo si funciona
-deixalos car ao chan tamén funciona
Pero aprendemos que @s científic@s non fan nada disto porque
teñen ferramentas e maquinaria axeitadas para o estudo dos
fósiles.
O último paso da experiencia foi rexistrala.

PLANTACIÓN XARDÍN ETERNO
Na zona da natureza creamos xardíns eternos.
Na Antártida, aínda que hai xeo, tamén hai vexetación: liques, musgo, algas ... Pero non hai
ninguén que coide esta vexetación, que lle bote auga, que a transplante cando medra... e así
xurdiu a idea de facer un xardín eterno ou ecosistema pechado que non requira coidados. Un
ecosistema autosuficiente no que as plantas poidan sobrevivir co único contacto da luz ambiente
que entra a través do vidro e que lle dá enerxía ás plantas para que poidan autoalimentarse.

DEBUXO COLECTIVO
Logo de esocitar o silencio e o vento da Antártida, cunha música suave de fondo, fixemos un
debuxo dos animais da Antártida.

POBOS ASOLAGADOS
Facendo aproveitamento do concepto de desxeo (que está a sufrir a Antártida), como isto aumenta o nivel
do mar, que consecuencias pode ter ... relacionámolo cunha exposición feita con anterioridade sobre os
pobos asolagados por mor da construción de embalses e plantexamos unha proposta que consistía niso: en
construir un pobo debaixo da auga. Empregamos diferentes pezas de construción como mármore e pedras
e démoslle forma ás nosas cidades asolagadas. Aquí tedes a nosa reprodución do embalse de Belesar e a
aldea de Portomatrín.

Seguiremos compartindo
propostas do proxecto
"Debaixo da Terra".
Estade atent@s ao blog!