1. Bizkaitarrentzat, gazte eta nerabeentzat bereziki, eta mundu osoko euskaldun guztientzat, AZKUE fundazioak produktu digital erakargarriak eta erabilgarriak eskaintzen ditu euskara modu berritzailean sustatzen duelako teknologia berriak erabiltzen dituelako,eta lan-sare zabala duelako inguruan elkarlanean www.azkuefundazioa.org

2. AZKUE fundazioa jaio da euskararen erabilera modu ezberdin eta berritzailean sustatzeko. Berrikuntzaren bidetik joko duen proiektu bat da eta horretarako, teknologia berriak erabili eta landuko ditu. Irekia, partehartzailea eta bizia izango da AZKUE fundazioa, era librean berdin partekatzeko creative commons filosofia jarraitu eta bultzatuko duena. Hainbat egitasmo sustatuko ditu Fundazioak, alde batetik dagoeneko sarean jada dauden ekimenak bultzatuz eta bestetik, aplikazio, zerbitzu eta lanabes berriak abian jarriz. AZKUE fundazioaren helburua “EUSKARA 21” ekimenean zehazten den 13. lehentasun ildoarekin bat dator.. Hau da, euskararen garapenerako IKT informazio eta komunikazioaren teknologiak baliatzea, sarerako euskarazko edukiak sortzea eta komunikaziorako sare birtualak era egokian baliatzea, euskararen normalkuntza eta erabilera aukeren mesedetan. Euskarak informazio eta komunikazioaren teknologiez baliatu behar da, hizkuntza guztiz garatua izatera iristeko. Helburu hauek lortzeko bidean AZKUE fundazioak ekimen bereziak bultzatuko ditu eta horiek aurrera eramateko ezinbestekoa du zure laguntza eta partaidetza. Aurkezpen bideoa http://www.youtube.com/watch?v=GD0C8efvl64

31. Horregatik, izan zaitez munduko jakintzaren parte baten idazle. Lagundu ezazu Wikipediako artikulu berriak sortzen eta doitzen. Egin zaitez WIKI-BITXI . Eta hasi euskara sarean josten gurekin. AZKUE fundaziotik jakintza librea bultzatu nahi dugu. Ezagutza guztirako sarrera librea duen tresnarik ezagunena gaur egun Wikipedia dela esan daiteke. Mundu osoko bolondresek parte parte hartzen ari dira beren ezagutza Wikipedian plazaratuz, eta gure hizkuntzan erabiltzaile euskaldunok egiten ez badugu, nork egingo du? Eman diezaiogun presentzia zabalagoa eta baliagarritasun handiagoa euskarari sarean. Eta ez diezaiogun mugarik jarri gure ezagutzei. AZKUE fundaziotik Euskarazko Wikipedia elikatzera animatzen zaitugu. 2001.urtean sortu zenetik, 46.000 artikulu baino gehiago bildu ditu gaur egun arte, baina guztion ezagutzaz eta elkarlanaz, baietz 70.000 sarreratara iritsi 2011rako. Baietz 35 postura iritsi lana gogoz egiten badugu. Egizu sarrera bat. eu.wikipedia.org Munduko entziklopedia erraldoiena da Wikipedia. Edozein gai kontsultatzeko erreferente sahiestezina Interneten. Eta euskarazko bertsioa 47. postuan dago. Ez da txantxetarako emaitza orain arte lortutakoa, baina euskarazko Wikipedia zabalago bat lortu nahi dugu, jakina. Zuk bezala.

32. AZKUE fundazioak Jakintza librea bultzatu nahi du. Hau da, euskarazko edukiak, hala nola musika, filmak, liburuak, argazkiak, datuak, zientifikoak, historikoak, edo beste edonolakoak libreki banatzea guztien eskura egon daitezen. Benetako jakintza librea eman dadin, ezinbestekoa da guztion elkarlana. Eta horretarako, parte-hartze eremuak izan behar dituzte eskura gizarteko eragile eta norbanako guztiek. AZKUE fundazioak lan ildo hau jarraitzen duten egitasmoak bultzatuko ditu, betiere jendearen parte-hartzea eta emaitzaren kalitatea bermatuz. Filosofia honek honako baldintzak bete behar ditu: sortutako lanak baimenik gabe banatu ahalko dira, era librean; eta guztion elkarlanaren bidez sortutako lanen gainean doiketak eta hobekuntzak egin ahalko dira, datu eta zehaztasun berriak gehituz, osagarritasuna eta etengabeko berrikuntza helburu. Gurekin bat zatoz? AZKUE Fundazioak Jakintza librea helburutzat duten tresna libreak eta euskarazkoak bultzatu eta ezagutarazi nahi ditu eta horretarako tresna horien inguruko informazioa biltzen duten edukiak (gidaliburuak, bideoak…) argitaratuko ditu atal honetan. JAKINTZA LIBREA

33. Azkue fundazioa webgunearen berezko edukiak Creative Commons lizentziapean daude. Azkuefundazioa.org-en Aitortu-PartekatuBerdin 3.0 aukeratu dugu. Lizentzia honekin, edukiak kopiatu, banatu eta erakutsi zein lan eratorriak egin ahal izango dituzu, ondorengo baldintzak beteaz: - Edukiaren jatorrizko egilea aipatu behar duzu. - Edukiaren aldaketarik egiten baduzu, edo lan eratorri bat sortzen baduzu (erabilpen komertzialak barne), hura saldu edo banatzekotan, honako lizentzia honen baldintza beretan egin beharko duzu. Era berean, lizentzia honek Approved for Free Cultural Use etiketa darama, Erabilpen Kultural Librerako Baimendua. Etiketa hau Creative Commons erakundeak aukeratutako termino bat da, Wikipediarekin eta eduki libreen munduarekin bateragarria den edukia zehatz definitzeko sortua. The Open Knowledge Foundation delakoak argitaratutako Jakintza askearen definizioan ere (testua euskaraz) sartzen da gure lizentzia. Copyright sinboloa duten testuen kasuan, berriz, eskubide guztiak egileenak dira.

34. JKLIK (IKAS MATERIALA) Irakaslea zara? Ordenagailu bidez landu nahi dituzu irakasgaiak? Erabili JKlik eta sortu itzazu, bakarrik edo taldean, zure ikasgaien inguruko aplikazio didaktikoak. JKik software libreko aplikazio-multzoa da, mota ezberdineko hezkuntza-jarduera multimediak sortzeko balio duena: buru-hausgarriak, elkarketak, testu-ariketak, gurutzegramak, letra-sopak eta abar. Java plataformaren gainean garatuta dago eta Windows, Linux, Mac OS X eta Solaris sistema eragileetan funtzionatzen du. GNU GPL lizentziapean banatzen da. JKlik proiektua Klik 3.0 programaren garapena da, 10 urtetik gorako garapena izan duen multimedia aplikazio didaktikoak sortzeko baliabidea. Tarte horretan hezitzaile askok erabili izan dute haur-hezkuntzatik hasi eta bigarren hezkuntzara bitarteko kurrikulumetako prozedurazko hainbat alderditarako jarduerak sortzeko. AZKUE Fundazioak euskarazko Jklik aplikazioak bildu eta zabalduko dituen gunea sortu nahi du sarean. Hau da, Jklikaren inguruko euskal komunitatea eratu nahi du. Parte hartu nahi? Klik egitasmoaren webgune ofizialerako sarbidea. http://clic.xtec.cat/

35. Ordenagailua euskaraz erabili ahal izateko tresnak gizartearen eskura jartea da AZKUE fundazinoaren helburuetariko bat eta horregatik Xuxen B bizkaierazko zuzentzailea sustatu nahi izan dogu. XUXEN B zuzentzaile automatikoaren helburua da bizkaieraz idatzitako testuetan akats ortografikoak detektetea eta zuzentzea, ahal danik eta modurik erosoenean eta eraginkorrenean. Tresna hau sortzeko Labayru Ikastegiak atondutako bizkaiera estandarraren ereduari jarraitu deutsagu. Bizkaierarako zuzentzaile ortografiko honek XUXENen gainerako bersioak lez funtzionetan dau. Ezagutzen ez dituan berbak gorriz azpimarratzen ditu, eta erabiltzaileari ordeko berba egokiak eskintzen deutsaz. Halanda guzti be, XUXEN Bk bizkaierazko testu baten berben itxura ona zein dan adierazoten dau, horixe besterik ez. Esaterako, ‘tradizio’ euskerazko hitz jatorra izanda be, XUXEN Bk gorriz azpimarratuko dau, eta ‘tradizino’ ordean emongo dau, idazkera taiuzkotzat. Euskera baturako XUXEN eta bizkaierarako XUXEN B, programa berean eta era berean erabili ahal izango dira, hau da, ez da bata desinstalau behar izango besteagaz balietako. Dana dala, hori zelan egin eta osterantzeko zehetasunak be eskuliburuan daukazuz. XUXEN B Eleka Ingeniaritza Linguistikoak, EHUko IXA taldeak eta Labayru Ikastegiak garatu dabe eta AZKUE fundazioaren bitartez dohain banatu eta guztiontzako eskuragarri izango da sarean. www.xuxen.com

36. AZKUE fundazioaren Euskararen Etxeko lehenengo solairuan dago Euskararen Interpretazio Zentroa . Tren geltoki baten antza du, eta erakusketa elkarreragile baten bitartez, euskararen historia eta bilakaera azaltzen ditu denboran zehar egindako bidaia azalduz Erakusketa osotzen duten gune ezberdinen artean, batzuk bereziki interesgarriak dira: 1. trena: “Euskara bat eta asko” 2. trena: “Atzo eta gaur” Nasa: “Mithridates jokoa eta Plazaola aldizkari digitala” Itxaron gela: “Euskara bidaiari ” EUSKARAREN INTERPRETAZIO ZENTROA

37. MEDIATEGIA Helburua honako hau da: orain arte euskaraz argitaratu den material guztiarekin artxibo multimedia bat osatzea (CD, disketeak, DVD). Gainera, bildutako materiala Mediategian bertan ikusiko da, horretarako beharrezkoak diren sistema eragile, hardwarea eta bistaratzaile jakin batzuen bertsioak (Quicktime, soinu eta bideo txartelak, etab...) eskura egongo dira, nahiz eta horietako batzuk merkatutik at egon. Honela jokatzeko dagoen arrazoi nagusienetako bat hau da : gisa honetako materialak ez direla sistematikoki bildu ez biblioteketan ezta inongo gune kulturaletan ere, eta beraz, ez litzatekeela harritzekoa horietako asko eta asko jada betirako galduak izatea, eta beste kasu batzuetan berriz, ale bakanak bakarrik gelditzea erabiltzeko moduan jabe partikularren eskuetan. Mediategia, ikertzaile eta , oro har, euskaldunentzat pentsatuta dago, baina gizarte osoari zabalik dago. http://www.euskararenetxea.net/mediategia/euskara/principal.php

38. UNIBERTSITATE LIBURUTEGIA Euskarazko Unibertsitate Liburuen Gordailua, EIRE ( Unibertsitateko Euskal Irakasleen Elkartea ) eta Euskararen Etxearen arteko lankidetzari esker sortu zen. Gordailu honetan, 1990tik egundaino argitaratutako unibertsitate liburuak daude. EIREren definizioaren arabera, “euskarazko unibertsitate liburua unibertsitateko irakaskuntzan eta ikerkuntzan erabiltzen den argitalpena da, jatorriz euskaraz idatzi eta sortua, edo beste hizkuntza batetik euskarara itzulia”. Hori eskuetan, Batzorde Zientifiko batek onetsiko ditu gordailuan egongo diren liburuak. Gordailua 2. solairuko Liburutegian kokatuta dago eta liburuak bertako apaletan erakusgarri egongo dira beti, ikasle, irakasle eta gizarteari zabalik, baina ezin izango dira bertatik atera, edo maileguan utzi. Liburuen katalogoa interneten, AZKUE Fundazioaren webgunean ikusgai dago, kontsulta bibliografikoak egin ahal izateko. http://www.euskararenetxea.net/liburutegia/euskara/principal.php

39. GEUREA JASO ETA ZABALDUZ! Proiektu honen helburu nagusia Euskal Herriko ahozko ondarea eta herri hizkerak katalogatu eta hedatzea da. Hau da, gure herrietako adineko jendea elkarrizketatu eta euren euskara eta bizipenak jasotzea eta herritarren artean zabaltzea. Hau ez da hutsetik hasitako proiektua. Dagoeneko martxan daude Euskal Herriko ahozko ondarea bildu nahi duten zenbait ekimen. Ahotsak.com -en, hainbat udal, elkarte eta ikerlarirekin ari dira elkarlanean , denon artean ahalik eta proiektu sendo eta biziena lortu ahal izateko. Eta AZKUE fundazioa horietako bat da. Egitasmo honen helburua, 2012. urterako Euskal Herriko udalerri guztietako lekukotasuna jasotzea da, herri bakoitzean, gutxienez, elkarrizketa bat eginez. Horrela, herri bakoitzeko hizkera eta memoria historikoa jasota izango dira. Bizkaian lan honetan Ahotsak.com eta Labayru elkar lanean jardungo dute. Euskal Herri osoko datuak bilduko dira, beti ere tokian tokiko egoera kontuan hartuta. Informazioa herrika, gaika eta euskalkika antolatuko da. Jasotako guztia librea izango da, CC lizentziapean zabaldua. Proiektu irekia da eta interesa duen orok har dezake parte, betiere proiektuaren oinarriekin bat eginez gero. Dagoeneko 55 erakundek, udalek, elkartek eta ikerlarik egin dute bat proiektuarekin. http://www.ahotsak.com

40. EUSKARA BIDAIARI _______ Euskara hizkuntza bidaiaria izan da. Horren froga bizia munduan zehar topa daitezkeen euskararen testigantzak dira. XVI. Mendetik Amerika aldera abiatu diren euskaldun gehienek, bertako gizarteetan txertatu arren, euskalduntasunaren garra eta beren nortasunari eustekotan, elkarrekin topatzeko zentroak eraiki dituztelako, Euskal Etxeak, askotan euskara ikasteko gune aproposak. Gaur egun munduko zenbait unibertsitatetan ere euskara irakasten da eta gero eta gehiago dira guru hizkuntzarekiko zaletasuna erakusten dutenak. Bestalde, Euskarak beste kultura batzuengan ere eragina izan du eta hor daude Ternuako eta Islandiako euskal Pidginen adibideak. Hau guztia, Mapamundi elkarreragile baten bidez azaldu nahi izan da. http://www.euskararenetxea.net/euskaramunduan.php

42. AZKUE fundazioaren Webgunean parte-hartzeko bide berriak izango dituzu. Parte-hartzearen kontzeptutik abiatu den webgune honetan subjektu pasiboa izatetik agente aktiboa izatera pasako zara iruzkinak publikatuz, foroetan parte-hartuz, “Zer berri” ataleko albisteak komentatuz eta euskararekin zerikusiren bat duten irudiak eta bideoak gurera ekarriz eta partekatuz. www.azkuefundazioa.org Zerbitzu guztiak klik bateanMundu berrirako webgune berria Azkue jarioa sare sozialetan Lan tresnak (hiztegiak, arauak, …) Esteka interesgarriak Blogroll-a Euskarazko softwarea deskargagarri Iragarkitxoak

43. Youtube : http://www.youtube.com/user/AzkueFundazioa Euskaltube http://euskaltube.com/memberprofile.php?uid=2389 Flicker http://www.flickr.com/photos/azkuefundazioa/ Facebook http://www.facebook.com/pages/Azkue-Fundazioa/169440806666 Twitter https://twitter.com/AzkueFundazioa BAT EGIN GUREKIN! AZKUE JARIOA SARE SOZIALETAN Jada 606 jarraitzaile

45. PUBLIZITATE KANPAINAREN IRAGARKIAK

46. PUBLIZITATE KANPAINAREN IRAGARKIAK