1. Matrikulazioa zabalik Oarsoaldeko AEKn
• Abian da 2022-2023 ikasturterako matrikulazio-kanpaina
• Oiartzungo Intxixu AEK-k egoitza berria estreinatuko du ikasturtean zehar
Oarsoaldeko AEK-ko lau euskaltegietan (Lezoko Oroitzene AEK, Oiartzungo Intxixu AEK,
Oreretako Xenpelar AEK eta Pasaiako Txirrita AEK) 2022-2023 ikasturterako matrikulazio-
kanpaina abiarazi dugu. Ohi bezala, eskolak urrian hasiko dira; urriaren 3an, zehazki.
Eskaintza egokia aurkituko dute ikasleek gurean ikasturte berrian ere: euskalduntze-
ikastaroak, mailak egiaztatzekoak, C2 , autoikaskuntza, merkatarientzako eta gurasoentzako
ikastaroak, langabetuentzako trinkoak, mintza-taldeak, eskualdeko irakasleentzako formakuntza, C1
mailako azterketa prestatzeko eskolak ikastetxeetan... Eta urtero bezala, bekak eskuratu ahal
izango dituzte, asistentzia ona izaten badute.
Joan den ikasturtean berreskuratutako kanpo-ekintzak (txangoak, tailerrak, HABEren
ahozko azterketak prestatzeko saio bereziak...) indartuko ditugu, erabileran oinarritutako
metodologia delako gurea. Pasa den ikasturtean, besteak beste, Albaola eta Oiartzungo Arizmendi
etxea bisitatu genituen eskualdeko ikasleek eta irakasleok. Euskara ikasi edo hobetuko dute gurera
datozenek, baita mailak egiaztatu ere; baina horretaz gain, euskara gehiago erabiliko dute,
dudarik ez izan.
Gurean izena emanez gero, urritik ekainera, irakaslea izango dute bidelagun ikasleek.
Irakasleak, ikasleekin batera, AEKren altxorrik garrantzitsuenak dira; beste modu batean esanda,
ikaslearen pertsonarik hurbilenak. Uste dugu ikasleek nahi edo behar duten euskara mailaraino
iristeko AEK-ko irakasleok bidelagun onenak garela. Izan ere, gai gara ikasleak ikasprozesuan
aurrerantz egin dezan, eta bestetik, euskaraz bizi denaren pasioz, nahi dugulako euskaltegian
matrikulatzen den pertsonak ikas dezala. Bide guztiak omen doaz euskarara... eta bideetako batzuk
atseginagoak eta eraginkorragoak dira. Hori dela eta, herritarrak euskara ikastera animatu nahi
ditugu AEKren bidean. Oarsoaldeko AEKn eskarmentu handiko lan-taldea dugu. Ikasturte
honetan gainera izango dugu zer ospatua; alde batetik, ez dezagun ahantz Euskaraldia izango dugula
udazkenean, eta bestetik, gauzak ondo, Oiartzungo Intxixu AEK-k egoitza berria izango du
udaberrian, Mendiburu 14 eraikinean.
Zatoz Oarsoaldeko AEKra, gertuen duzun euskaltegian zure zain izango gara.

2. Iraileko bulego-ordutegia:
Lezoko Oroitzene AEK:
Telefono zenbakiak: 607598871 / 943 519144
Eposta: lezo@aek.eus
10:00-13:00
16:00-19:00 (ostiral arratsaldeetan itxita)
Oiartzungo Intxixu AEK:
Telefono zenbakia: 607534263 / 943 493957
Eposta: oiartzun@aek.eus
10:00-13:00
17:00-20:00 (ostiral arratsaldeetan itxita)
Oreretako Xenpelar AEK:
Telefono zenbakiak: 607 569200 / 943 340233
orereta@aek.eus
09:00-13:00
17:00-20:00 (ostiral arratsaldeetan, itxita)
Pasaiako Txirrita AEK:
Telefono zenbakiak: 607545381 / 943 525545
Eposta: pasaia@aek.eus
10:00-13:00
17:00-20:00 (ostiral arratsaldeetan, itxita)
Oarsoaldeko AEK euskaltegiak
Oiartzunen, 2022ko irailaren 2an