1. 18 aizu! 446 / 2020ko apirila
Nolatan iritsi zinen euskarara?
Orain dela ia bi urte etorri nintzen Pa-
sai Antxora bizitzera, mutil lagunarekin
(hura euskalduna da),eta orduan erabaki
nuen ikastea.
Zergatik erabaki zenuen euskara ikas-
tea?
Euskal Herrian nago,eta Euskal Herri-
ko hizkuntza euskara da;niretzat,bizileku
berriko ohiturak, hizkuntza eta kultura
garrantzitsuak ziren. Uste nuen zailagoa
izango zela,baina aitortu behar dut muti-
laren bitartez euskarazko musika entzu-
ten nuela hona etorri baino lehen, eta
horrek asko laguntzen du: Berri Txarrak,
Mikel Laboa…
Nolako prozesua izan duzu?
Mundu guztiak dio azkarra izan dela,
baina nire ikuspegitik nahiko normala izan
da. Nire ustez poliki-poliki eta ingurukoen
iritziz azkar-azkar hasi nintzen ulertzen eta
hitz egiten. Nire aitona-amonei gertatuta-
koa dut buruan:Frantziara joan ziren lanera,
eta bi egunean frantsesez zenbatzen ikasi
zuten.Batzuetan,lanetik atera eta euskalte-
gira etortzea gogorra izaten da, baina tira.
Pentsatzen nuen askoz gogorragoa izango
zela!
Zer izan da zailena zuretzat?
Maila altuagoan nago orain, eta ez dut
nahi beste denbora etxean ikasteko. Hala
ere, Internet bidez, elkarrizketak, saioak eta
beste ikusten ditut. Beharbada, ohikoa da
nor-nori-nork zaila izan dela esatea, baina
nire kasuan ez da bereziki zaila izan.
Eta errazena?
Euskal Herria bera,Euskal Herriko kultu-
ra eta giroa bizi izatea izan da samurrena1
.
Hizkuntza bat kultura bat da. Esate batera-
ko, sagardotegi batean gauza pila ulertzen
duzu. Horrez gain, niretzat iaz Korrikan par-
te hartzea itzela izan zen.Ez nekien ezta zer
zen ere! Xalotasun osoz bizi izan nuen. Le-
kukoa hartu behar nuen tokian marra lu-
rrean ikustean hasi nintzen urduri jart-
zen; azkar-azkar hasi nintzen korrika egi-
ten, furgonetari pega-pega eginda, eta
konturatzerako pankarta oso atzean ut-
zia nuen!
Une barregarriak ere emango zizkizun
ikasprozesuak...
Hitzak eta aditzak asmatu egin ditut,
eta nahaste-borrasteak izan: gazta, gatza,
gazte. Bestalde, Iparraldera joan nintze-
nean,“untsa”entzuten nuen, eta ez nuen
ulertzen; akaso ‘hutsa’ esan nahi zuela
pentsatzen nuen…
Erabiltzen duzu?
Egunero, esnatzen naizenetik; euskara
nire hizkuntza bihurtu da.Pena dut gura-
soak urrun daudelako eta ez direlako ja-
betzen noraino iritsi naizen, eta zein ga-
rrantzia duen euskarak.
Gustuko hitza edo esamoldea?
Harridura azaltzeko, ‘Hara!’. Baserri gi-
roan entzun izan dut, eta hitz samurra iru-
ditzen zait. Haize eta ortzi2
ere asko gus-
tatzen zaizkit.
Trikimailuren bat?
Gogoa oso garrantzitsua da, eta euska-
rari gaztelaniarik ez balego bezala heltzea
ere bai. Pazientzia ere behar da. Hanka
sartzeko beldurra alde batera utzi behar da,
eta kontuan hartu behar da euskaldunok
hor gaudela laguntzeko. Pentsa, nik neuk
neure burua euskaldunen multzoan ikus-
ten dut dagoeneko!
RAUL PEREZ MARTINEZ
Zelan euskaraz?
Re Lozanok bigarren ikasturtea du Pasaiako Txirrita AEKn.
Hasiera-hasieratik hasi zen, eta B2ko taldean ari da gaur egun.
Joan den urtean, lekukoa eraman zuen Korrikan.
Laura Re Lozano
(Murtzia, Espainia, 1995)
“Euskara egunero
erabiltzen dut, esnatzen
naizenetik”
“Neure burua euskaldun artean
ikusten dut dagoeneko”
1.Samur:goxo,leun.
2.Ortzi:zeru.