1. BELARRI BERO, BAI ESAN?
KRITIKA
Xenpelar AEK-ko B2 mailako arratsaldeko ikasleak
IRITZIA
Janet, Maite, Joseba eta Rosa
Orokorrean, astelehenean ikusi genuen saioa oso polita eta interesgarria iruditu zitzaigun. Gure
ustez, “Belarri bero, bai esan?” emakumeen egoerari buruzkoa da, eta, noski, protagonistak lau
emakume dira. Bat bulegoko nagusia da eta besteak langileak, linea erotiko batekoa! Ia egunero
deitzen die bezeroren bat eta denak, bat izan ezik, gizonak dira. Sei atal ditu websailak.
Horretaz gain, guri iruditzen zaigu euskara ikasteko ere balio duela, izan ere, protagonisten
hizkuntza garbi samarra da.
Hala ere, aipatu nahi dugu azkenerako luzeegia izan dela, eta azken hamabost minutuak sobratzen
direla pentsatzen dugu.
Dena den, nahiz eta luzea izan, gomendatuko genuke, ondo pasatuko duzulako, eta, gainera,
euskaltegi batera joaten bazara, “belarri beroek” laguntza polita emango dizute euskara hobetzen.
IRITZIA
Jaione, Feli, Angel eta Manu
Martxoaren 7an websail bat ikustera joan ginen: “Belarri bero, bai esan?” Telefono erotiko bat da,
protagonistak lau emakume dira eta hamabost minutuko sei atal ditu.
Asko gustatu zaigu, halaber, euskara ikasleak garenok gustura ikus dezakegu, euskara argia
erabiltzen dutelako.
Gauza txar bakarra aipa dezakegu: luze samarra izan zen guretzat. Agian, sei atalak jarraian ikustea
gehiegizkoa da.
Hala ere, dudarik gabe gomendatuko genuke, jakina. Beraz, anima zaitezte hurrengo emanaldiak
ikustera, euskara ere beroa izan daitekeelako.