o estanque
Mon
Daporta
COUSIÑAS FEITAS NA CASA
OS NENOS DA RATA LUISA

Despois de veren un, na casa duns amigos,
queren un estanque.

Non paran de pedilo!!

Luisa e Roxelio tentaron convencelos
de que da moito traballo... que custa mantelo,

Que podían, mellor, ter un acuario,
que pode ter máis peixes e máis variados.

Os nenos apoñen que é diferente,
que fóra poden ter ras... e non gastan “corriente”.

Prometeron axudar a facelo,

e coidalo.

E tanto teimaron... que acabaron gañando.

Porque Luisa e Roxelio, despois de darlle unhas voltas,
pensaron que enfeitaba o xardín e aprenderían cousas novas

Nun recanto, ao sol, fixeron o furado,

Acolchárono con area, e tenderon o plástico,

Carrexaron pedras para fixar a “tea”,

e botáronlle auga ata que estivo chea.

Foron buscar plantas para armar o ambiente,

e agardaron uns días para que todo asente.

Mercaron os peixes.

Trouxeron as ras,

e alí botaron horas sen pestanexar.

Non saían, para nada, da beira da auga
Quéreno ver todo e anotan o que pasa:
O que fan os peixes, como cantan as ras,
e contan os bechos que veñen e van.

Mais ao pouco tempo, nin se achegan a velo...

e aténdeno e cóidano... Luisa e Roxelio.

Luísa, Roxelio
e máis os ratiños
agardan que vos gusten
estes seus contiños.
Abur!