1.
Ano nga ba ang wika?

2.
Gumuhit ng hugis puso ( ) sa unahan ng bilang kung tama ang
ipinapaliwanag ng pangungusap. Gumuhit naman ng bituin ( ) kung mali ito.
______1. Walang malinaw na konseptong nag-uugnay sa wika at kultura.
______2. Ang wikang pambansa ay batay sa Tagalog.
______3. May masistemang balangkas ang wika.
______4. Dinamiko ang wika.
______5. May pasulat at pasalitang anyo ang wika.
______6. Ang opisyal na wika ng bansa ang dapat na maging pambansang
wika.
______7. Namamatay ang wika kapag namatay ang taong gumagamit o
nagsasalita
nito.
______8. Filipino ang tawag sa kasalukuyan ng mga mensaheng
pambansang

3.
wika ng Pilipinas.
______9. Ginagamit ang wika para
makamit natin ang ating mga kagustuhan.
______10. Binubuo ng mga tunog at
sagisag ng wika.

4.
Panuto: Basahin at unawain ang susunod na paliwanag tungkol sa wika.
Ang Wika
Isang napakahalagang instrumento ng komunikasyon
ang wika. Mula sa pinagsama-samang makabuluhang
tunog, simbolo at tuntunin ay nabubuo ang mga salitang
nakapagpapahayag ng kahulugan o kaisipan. Ito ang
behikulong ginagamit sa pakikipag-usap at
pagpaparating ng mensahe sa isa’t isa.
Nagkakaintindihan tayo, nakapagbibigayan tayo ng ating
mga pananaw o ideya, opinyon, kautusan, tuntunin,
impormasyon, gayundin ng mga mensaheng tumatagos
sa puso at isipan ng ibang tao, pasalita man o pasulat
gamit ang wika.

5.
Ang salitang Latin na lingua ay
nangangahulugang “dila” at “wika” o
“lengguwahe”. Ito ang pinagmulan ng salitang
Pranses na langue na nangangahulugang dila at
wika. Kalauna’y naging language na siya ring
gamit katumbas ng salitang lengguwahe sa
wikang Ingles.

6.
Sa maraming wika sa buong mundo, ang
mga salitang wika at dila ay halos
magkapareho ang kahulugan. Ito marahil
ay sa dahilang ang dila ay konektado sa
pasalitang pagbigkas dahil ang iba’t
ibang tunog ay nalilikha sa pamamagitan
ng iba’t ibang posisyon ng dila.

7.
Kaya naman, ang wika ay may
tradisyonal at popular na
pagpapakahulugang sistema ng
arbitraryong vocal-symbol o mga
sinasalitang tunog na ginagamit ng mga
miyembro ng isang pamayanan sa
kanilang pakikipagtalastasan at
pakikipag-ugnayan sa isa’t isa.

8.
Iba’t ibang kahulugan ng wika ayon sa
maraming dalubhasa sa wika .
• Ayon kay Edward Sapir, ang wika
ay isang likas at makataong
pamamaraan ng paghahatid ng mga
kaisipan, damdamin at mithiin.

9.
Ayon kay Lachica (1993) matatagpuan sa
wika ang mga tanda o simbolo na
nagkakaroon ng kahulugan ayon sa mga
gumagamit nito. Ang mga simbolo o tanda
ay maaring salita, bilang, drowing, larawan
o anumang hugis na kumakatawan sa
konsepto, ideya o bagay

10.
Si Caroll (1964) ay nagpahayag na ang
wika ay isang sistema ng mga sagisag na
binubuo at tinatanggap ng lipunan. Ito ay
resulta ng unti-unting paglilinang sa loob
ng maraming dantaon at nagbabago sa
bawat henerasyon, ngunit, sa isang
panahon ng kasaysayan.

11.
Ayon kay Todd (1987) ang wika ay isang
set o kabuuan ng mga sagisag na
ginagamit sa komunikasyon. Ang wikang
ginagamit ng tao ay hindi lamang
binibigkas na tunog kungdi ito’y sinusulat
din. Ang mga tunog at sagisag na ito ay
arbitraryo at sistematiko.

12.
Ayon naman kay Bram, ang wika ay
nakabalangkas na sistema ng mga
arbitraryong simbolo at tunog na
binibigkas at sa pamamagitan nito’y
nagkakaroon ng interaksyon ang isang
pangkat ng tao.

13.
Ang wika ang pangunahin at
pinakatiyak na anyo ng
simbolikong gawaing pantao ayon
kay Archibald Hill. Malinaw na
tinukoy sa pagpapakahulugan na
ang wika ay pantao.

14.
Ayon kay Henry Gleason, ang wika
ay masistemang balangkas ng
sinasalitang tunog na pinipili at
isinasaayos sa paraang arbitraryo
upang magamit ng mga taong
kabahagi at kasama sa isang
kultura.

15.
Si Brown (1980) ay nagsabi na
ang wika ay masasabing
sistematiko, set ng simbolong
arbitraryo, pasalita, nagaganap
sa isang kultura, pantao at
natatamo ng lahat ng tao.