The manifesto of Venetian Indipendentism, analisis and philosophical implications. The first of its kind and completely written in Venetian Language. The work is anonymous because of italian censorship and oppression of Venetian People, their language and culture.

2. - 2 -
Checo Ronchiti
LLiibbaarrttàà ee IInnddiippaannddéénnssaa
LLòòttaa ee RRiissccòòssaa
LENGOA VENETA
Edisiòn

3. - 3 -
A no ghe xè copyrights e tute łe parte de sta
publicasiòn a łe poł èsar copià o invià co tuti i mexi,
eletroneghi, mecaneghi, fotocopie, rejistrasiòn, e
anca ła pol èsar imagaxinà sensa parmeso scrito de
ł’autor o dea caxa editora, chi ca el ve dimanda schèi
pa na idèa el xé on ladro.
stanpà in Croasia 1° Edisiòn 2008
ŁENGOA VENETA Edisiòn

4. - 4 -
Ghe dèdico sto lìbro a chi ca gà capìo ca la
Libartà la xé na conchista e ca pa verla a se gà
da oxàr!
"Ma gavì vardà le bandierete italiane ca li mete fora
so le piase de le sità. I xè costreti portàr i puteli de
le scòle co la bandiereta e la banda de vecioti pa fàr
la festa de la "Vittoria". Vitoria? Ma xelo el nome
de na toxatà?
Le xé sène pietoxe e decadenti de na italieta
ridicola e rente la so fìn.
No stè disparàr. Xè i i pochi ca cànvia el mondo. Le
màse le méte fora la bandierèta del momento.
Cavà chei coàtro buròcrati bòni da gnente, voja de
fàr gnente, e i soliti mersenàri in onifòrme, de italia
resta l'odòr de la pìsa e basta.
Gavì da sognàr
Gavì da oxàr
Gavì da parsevaràr"

5. - 5 -
NOTE DE SCRITURA
Łe regołe grafeghe, łe xè fasiłi e imedià, el ségno “C” a
se lèxe [K] frente a o/a/u par exenpio : “acua“, “anca”.
Frente a e/i par exenpio se lèxe invése fà : “ciào”,
“céxa”. La “CH“ tipega se lèxe fa in taliàn, par exenpio :
“schei”, “Chéco”. Serte olte la “CH” la se scrìve ànca co
“K” : “skèi”, “Kéko”
A “S” a vién doparà fà na sorda, par exenpio : “Go masa
mistieri pa a testa”.
A “X” a xè doparà fà na sonora, par exenpio : “caxa” o
“xé”.
A “Z” a ga isteso vaeor fonetego de a “X”, par exenpio :
“caza”, “A xè fasie tàxer”, el se podarìa scrivar anca : “ A
zè fasie tàzer”.
La “J” la sostituise la scritùra gi/ge, par exènpio :
“projèto”, “Jijéto”; la “J” la se pol lèxar fa la “J” de “John”
in inglexe o ànca fa in “yes” inglexe.
A “Ł” tajà a raprexenta do varianti foneteghe, parchè ghe
xè parti de el Veneto ca dixe : “A gaina magna e erbe” e
altri invese dixè “La gaina la magna le erbe”. Cusita, pa
respetar e do varianti serte volte xè scrivesto : “Ła gaina
la magna łe erbe”. Mi, bona parte de le òlte dopàro la “L”
normàl, asàndoghe el letòr l’opsion de lèxarla o mànco.
E dòpie in Veneto no łe ghe xè.
No go vołesto èsar pedante fà on acadèmego, vanti tuto
parchè go senpre vardà co sospeto chi ca el ghe
insegna st’altri parlar puito, e pò parchè na lengoa ła ga
da èsar descrivesta fa ła vien parlà e inte el modo pi
fasie par tuti. Penso ca in stì oltimi sento ani, chi ca el ga
festo pì mal a ła nostra lengoa, a xè stà a nostra

6. - 6 -
prexunsiòn masa granda. El me parèr el xè de scrìvar,
parlar e pensar in Veneto, no vargognarse, e mołargheła
de scrìvar sol ca poexie e memorie de sti ani. In Veneto
podimo parlar de matemadega, de fiłoxofia, de storia,
atuaità e de połitega...El letòr el podarà vèdar ca el testo
el xè stà trà xò doparando dea nostra Lengoa varietà
nove, vecie, e de parte difarenti de el Veneto, parchè a
richesa de na lengoa a xè propio inte a so diversità; in
sto modo a grafìa a xè sta doparà co libartà pròpio pa
rèndar sta diversità. In sti oltimi àni, partìr da on sciàpo
de xente, gà scuminsià la rivinsita e la riapropriasiòn de
la nostra Lengoa, storia e coltùra. A semo drìo
riapropiarse de la nostra identità e dignità de Pòpolo, ca
a xè pi inportante ca fàr schèi.. I schèi va e vién, ma
l’identità na olta perdesta a xé finìa.

7. - 7 -
INTRODUSION
Cosa de mejo ca la Lengoa dei oprèsi pa esprìmàr la nostra
condisiòn e aspirasiòn?
Sto librèto el xè na racolta de pòster e discusiòn afrontà
rento i fòrum, de lètare invià a figùre politeghe, letàre
publicà so i jornali etc......
El tema sostansiàl a xè "Le Venesie, la nostra vòja de
indipandensa e libartà".
Xè anca on dei prìmi scrìti de politega in Lengoa Vèneta,
parchè fin deso i teoloji del Venetixmo, i filoxofi buratini de
l'italia li se xè esprimesti altro ca inte la Lengoa dei
opresòri. A semo fin costreti publicàr anòneme le nostre
òpare, pa scòndarse dal rasixmo e opresiòn italiàn.
Bòna letùra e coràjo!
Checo Ronchiti

8. - 8 -
Me despiaxe càro Soldà, ma purtropo el popolo Veneto
el ga asetà de vèdar ciamà "dialeto" la so Léngoa. El ga
asetà de farse dar de l'inbriago, de l'ignorante, de ladro,
de bon da gninte e le so fèmane de farse ciamàr putàne.
E pexo a xe stà asetàr lesiòn de siviltà da xente, fà i
italiani, ca altro no li xe se no buratini viliachi in jaca e
oniforme.
Caro el me soldà :
LA LIBARTA LA SE CONCOISTA E LA SE CONSERVA
OGNI DI', CO LA SANGOE E CO LA SPADA!

9. - 9 -
IDENTITÀ
EL SCOPO DEI ITALIANI A EL XE CHEL DE FARNE PERDAR LA STIMA DE
NALTRI
Primo Lèvi el dìxe ca la pexo ròba ca ghe xè tocà a la xente de Auschwitz a
xèra de ver pardù l'amor propio, la dignità, la fieresa, l'identità. A xé pa sta
raxòn ca i italiani a li sèvita difamarne so i jornàli, scola, inte la tilivixiòn, cusì a
sarèmo naltri stesi i pì rasìsti verso i Veneti, verso de nàltri. A sto muò a semo
drìo molàr la nostra identità e stòria Veneta pa chela ridìcola e falsa italiàna.
AUTOSTIMA E DISISTIMA
Ve sìo mai dimandà parchè i Singani e i Ebrèi pa on mùcio de secoli, mejari de
ani, a li xè sta boni conservàr le tradisiòn e la léngoa? E gnisòn, gnanca Hìtler,
a xè sta bòni de fàr fora sta identità colturàl e lengoistega? Ve faso naltra
dimanda : A lo savìo coal ca xè el fìn dela torturà? Ve do anca la risposta :
“Piegàr la volontà del sojeto torturà” pa farghe fàr chel ca se vol.
E sa xéla la tecnega pa cavàr la identità? Se ghe fa pèrdar l’autostima.
Insultelo, ridighe drìo, fèlo vargognàr de chel ca xè, privelo del sono, dele so
ròbe, dei so afèti…... El se vargognarà cusì ca el se coparà da lù lù sol. El se
vargognàrà fin de exìstar.
Par cosa credìo ca co ghe xè na goera la tilevixiòn e i jornali, li dìxe senpre ca
va tuto ben e el nemigo xè drìo pèrdar? Parchè la xente no perda autostima. A
cosa pensèlo ca a serve i bonbardaminti ca gà festo Hitler, Churchill, i Mericani
partìr dal 1941? Li xè servì a piegàr el moràl dela xente, l’orgojo de la
popolasiòn! Ghe xè Primo Levi e anca Eli Wiesel ca inte i so conti de la
permanensa a Auschwitz Birchenau, lì dìxe ca la pèxo roba ca ghe xè tocà a
tuti i internà, xè stà chela de vèr perdù l’autostima, la dignità, el rispeto par se
stesi. Par cosa penselo ca i puteli ca vìve rento i orfanatrofi li inpara parlàr tardi,
li se màla, i va màl scola etc…? No i gà raixe, gninte storia, gninte propietà,
deridesti da tuti, sensa identità!

10. - 10 -
Rento na caxerma, credìo ca el nonixmo el serve fàrve deventàr òmani? Bàle!
El serve sol ca piegàr la vostra volontà de ribalarve, de èsar òmani! Xè cusì ca
se crèa i vèri sciài. Vardè i mòri ca xè stà deportà da l’Afrega e forsà laoràr inte
le Amereghe : despojà, deportà, sradegà, insultà, difamà, derìdesti…….
Mortificasiòn, privasiòn, derixiòn, deportasiòn, …….. No ste vèr prèsa, ca ghe
rivèmo….. De olta ai nostri Singani. Ma lo savìo ca i Singani li xè orijinàri de
l’India e pàr ca li fèse parte de na casta de alto ràngo? Lori inte la so léngoa, li
sepàra i eseri omani in : Rom (omani vèri) e Gaji (mexe seghe). Naltri par lori
sèmo “mèxe seghe”, anca se ghemo schèi, màchine, fàbriche, nave e
astronave…….par lori xè “Gaji” tuti cheli ca no xè singani, tuti i omani fòra ca
lori! Ma lo savì ca i ebrei li se consìdara el popolo eleto da Javè, e ca vol dìr ca
li se sente supariori a tuti chealtri?
Pa scurtàr tuta sta solfa, vol dìr ca ebrei e singani, li xè sopravisù a tute le
parsecusiòn parchè li gà na concesiòn granda de lùri.
In Veneto de dìxe : “AUTOSTIMA”. Dèso, demoghe na ocià a la situasiòn de
naltri Veneti e la nostra storia partìr da l’anesiòn a la italia.
Li ne gà esproprià de la nostra tera (statalixasiòn de l’italia de tute le tere
boschive).
Li ne gà privà dele propietà co na politega fiscàl delinquensiàl.
Li ne gà deportà o costrinxesto scanpàr.
Li ne gà sciaixà rento na oniforme militàr e 2 goere vargognoxe.
Li ne gà ridesto drìo.
Li ne gà festo vargognàr de èsar Veneti.
Li ne gà festo vargognàr de fa ca parlemo.
Li ne gà dà de contadini inbriagoni boni da gninte.
Li ne gà sconto e distrujesto la nostra storia glorioxa.
Li ne gà strapiantà e sradegà de tuto el nostro pasà.
Li ne gà inpiturà fà xente sensa sensibilità e coltura.
Li gà sminuio senpre la nostra laborioxità.
Li gà inputà ai miracoli la nostra richesa economega.
Li ne gà dà del rasista.
Li ne gà definesto tacàgni.
Li ne dixe ca ndemo màl e li ne sconde ca a sèmo l’economìa pì forte del
mondo.
Li gà ciamà co naltro nome i nostri artisti, scritòri, atleti, esploradori…….
Li ne gà batù sento volte pì forte de chealtri co ghemo levà su la testa.
……………………………………………………………………….
Tùto pa na ròba, fàrne perdar la stìma de naltri stesi.
LA CHISTIÒN MORÀL
La chistiòn moràl la xè inportante e pa sta raxòn a ghemo da delibararse dài
falsi dèi, da la credulità rento le nostre mènti dal prejudìsio; e na robeta ca a
gavarisi da tignìr inamente : a sémo drìo rivàr a on consèto de Venetisità ca no

11. - 11 -
xè pì el monolito catolego-laoradòr-ciàro de pele.......Tanti de naltri a gà da
svejàrse ghe sarà pluralità de ràse, de relijòn, de idee
A PAURA DE ÈSAR VENETI
A me sento de scrìvar so sto argomento parchè a me so inacorto ca ghe xè stà
na sutìl politega de intimidasiòn e terorixmo ca le istitusion itajàne gà fésto
contro i Veneti, a penso ca la partisipasiòn a la manifestasiòn contro la bàxe
Mericana de Vicensa el sìpia stà on exenpio de sto terorixmo, dimandeghe a la
xente parchè no li xé ndà : dopo na cònsa de scùxe, li ve rispondarà a dinti
strènxestii e co vargogna, ca li gheva paura.
Sensa màsa preanboli teoreghi a ve fàso on fià de dimande e riflesiòn :
1)Fa ve sentìlo co vedì na oniforme dei carabinieri?
Ma a lo savì ca ncòra intél 2007 inte na Europa democratega i carabinieri li se
mete in ogni cantòn col mìtra spianà e el colpo in càna? Ste ròbe no le se vede
in gnisòna parte del mondo! Ma xè pa difendarse o pa terorixàr la xente? Co i
foresti a li vien da mì catarme e li vede sti spetacoli vargognoxi de carabinieri
co i mitrà spianà, li me dimanda cosa xè ocoresto; e mi ghe rispondo ca i
carabinieri li gà el mìtra spianà pa terorixàr la popolasiòn e se on no se pàra
anca pa sbajo a on posto de blòco, li ghe xbàra condanandolo a morte sensa
proseso.
2)Gavìo o no gavìo paura de dìr la paroleta : "nero", co sì drìo parlàr co i amighi
pa strada? A me inacorxo mì ca tuti sbàsa la òxe co parla de fàr del nèro; e lo
savìo parchè? Parchè i itajàni li ne gà costrinxesto fàr el nero pa sopravìvar, in
sti òltimi àni li xè drìo criminalixàr anca el nostro pàn goadagnà co suòr, cusì ca
a rivèmo vèr paura de parlàr de fàr nèro. Xè l'italia ca gà da vargognarse de
sta situasiòn e no naltri. Naltri a semo le vìtime de la represiòn economega de
l'italia e el nero el xè la consegoensa de on pòpolo oprìmesto.
3)Dimandèghe a la xente de mètar fora la nostra bandiera Veneta, na fràca no
la se vargogna, ma gà paura parché li vegnarìa discrimenà da i itajàni e ciamà
rasisti! Parchè? La verità xè ca el goerno, i jornali e tilivixiòn li gà criminalixà
anca el ségno pì picenìn de la nostra identità parchè no se conforma a la
dotrina del "semo tuti itajàni".
4)Ghemo paura fìn parlàr o scrìvar in Veneto. Se scrivémo in Veneto li ne
sensura, no inporta el valor de chel ca a scrivémo, no inporta se i nostri
pensieri, se le nostre parole le xè juste. Dìr la verità in Léngoa Veneta xè on
crìmine e dìr le buxìe in itajàn xè na bela roba. Tùti i documinti ofisiali li vien
filtrà dal solito segretario, maresialo, notàro, buròcrata ca traduxe la nostra
Lengoa in itajàn e no parmete ca gninte de Vèneto el finìsa so i documinti.
Semo vìtime de on silensioso etnosìdio.
Sto sentimento de paura de scrìvar in Veneto el ne xè inculcà fìn da picenìni da
le maestrine a l'axìlo o a le limentari, le ghe proibise e rinpròvara i puteli ca
parla o scrive Veneto. El pèxo crìmine ca on putelo de 5 o 6 àni el pòsa fàr, el
xè chel de mètar dei Venetixmi so i temi ca ghe fà fàr a scòla. No inporta saver

12. - 12 -
fàr anca le equasiòn de terso gràdo, ma mètar na paroleta Veneta so on tema
vol dìr èsar on mùso, vol dìr èsar on mixaràbile.
5)Li ne fà vargognàr fìn de la nostra economìa dixendone ca a xè el fruto de el
sfrutamento e de l'avidità Veneta. E ògni ciàpafià li ne dìxe ca a semo drìo
deventàr poareti co naltri Veneti a produxemo na richesa suparior a la Svìsara
intièra e a la major parte dei stati d'Euròpa oltre ca del mondo.
6)Li ne sconde tuta la nostra storia glorioxa e co i ghe ne parla li ne conta altro
ca : "soto Venesia a se viveva soto el teròr" e ca sol ca gràsie a i itajàni a
ghemo tacà stàr mejo, tanto da contarne balote fin l'oso so : "na olta a se patìa
la fàme", ma li se desmentega de contarne ca xè stà propio pa colpa de i itajàni
ca ghemo dovesto scanpàr da la nostra tera e morìr da fàme. Le deportasiòn
fasiste inte le paludi drìo Ròma, el jenosìdio de Istria e Dalmasia, le emigrasiòn
de màsa in Braxìl a fin del 1800, la fùga de mejari de inprendituri, le xè tùte
consegoense de la colonixasiòn e opresiòn italiana.
7)Li ne ridicolixa e umìlia in tuta la leteratura, filmografìa e comediografìa
itajàna, e li ne dà dei ignoranti e inbriagòn, cusì ca ghemo fìn paura de parlàr la
nostra Lengoa e ghemo on sentimento de inferiorità ca ne fà fìn vargognàr dele
nostre orìjini.
8)Li xè rivà fìn farne vargognàr e ver paura de parlarghe Veneto ai nostri fiòli
co scuxe e balote del tipo : chi ca parla sol ca itajàn el fà pì strada inte la vìta.
9)Li ne gà terorixà fìn dixendone de no consumàr acoua e corente eletrega co
el Veneto el produxe el dòpio dela corente eletrega ca consuma e par de pì in
modo 100% ecosostenibile (idroeletrega).
Ma a lo savì ca el Veneto el xè el pì gràn serbatojo de àcoa dolse d'Europa? Sì
càri siori, naltri Veneti ghemo acqua potabile ca vien xò da le nostre montagne
e soto i nostri pìe a ghe xè on làgo col fondo de crèa inpermeabile! Fè on bùxo
a ndò ca volì e cate àcoa da bévar e da regalàr!
10)A se vargognemo de no èsar bastansa jenaroxi e penseve ca semo la
risorsa finansìpiaria pì granda dela cèxa catolega romàna. El pì gràn serbatojo
de donatori de òrgani e sàngoe, de volontarìa (i misionari ca mòre in volta pal
mondo li xè tuti nostrani).
11)I nostri inprenditori Veneti, i nostri òmani d'afàri ca li podarìa sponsorixàr
l'atività politega, ca li podarìa partisipàr a la vìta politega, li gà paura de le
ritorsiòn dei militari itajàni ca òcupa el Veneto: la goardia de finansa e i
carabinieri.
12)La risposta dei bulldog servi itajàni (majistrati, procuradori, carabinieri) la xè
stà ciàra in ocaxiòn de l'ocupasiòn dei Serenisimi. Prexòn speciàl e 41bis,
condàne a dièxe àni, tratà pexo de coalsiasi criminàl. Copè, robè, inbrojè, ma
ricordeve ca no ghe xè pì gràn crìmine de on Veneto ca leva sù la testa e se
ribela ai criminàli itajàni e el stàto opresòr. Teròr, anichilimento, umiliasiòn
costante, calunie, denigrasiòn......... Tuto finalixà a desfàr ogni mìnimo
sintimento identitàrio e de autostìma.
I Veneti a li vol morti! A semo tratà fa i mori ca deventéa sciài o i indiani ca ghe
vegnea espropià i so teritori.

13. - 13 -
OGNI SCUXA LA XE BONA PAR TIRAR FORA I NOSTRI COLORI
Ve ricordelo l'ano pasà co la scoadra del balòn de el stato italian la ga vinsesto
i mondiali?
Xeri o no xeri tristi? Ve lo ricordelo ca sventolio de bandiere italiane? E valtri
sarà su caxa pensar e roxegarve el stomego : e pensavi "ca stronsi sti chi far
caxoto".................... Ca rabia vero?
E invese savio mi cosa ca a go fésto e anca naltro me amigo? A semo ndà fora
in piasa sventolar la bandiera Veneta! E tuti a xera contenti isteso.
Ve faso naltro exenpio : se el presidente de el stato italian o Prodi li vignese in
vixita Vicensa o a far comisio.....no saria na bela roba ca ndasimo farghe
"festa" co le bandiere Venete?
A le partie del balon, a le manifestasion sportive, ndemo co la nostra bandiera.
Vardé ca i Baschi, i Catalani, i Scosexi, i Irlandexi ..... sta storieta i la conose da
secoli. Ogni olta ca rivava el colonixador, lori tirar fora o metar so le finestre i so
colori o vestirse co i so colori pa rimostransa.
Se vinse naltra olta i mondiali o vien vixite de personaji politeghi italiani, ndemo
fora co le nostre bandiere. Co i fa festa lori, femo festa anca naltri, ma femoghe
vedar le nostre bandiere. E se i ve dimanda parché rispondighe ca : inte la
scoadra ghe xe senpre na bona parte de Veneti...........................
Invese de sararse co tristesa, verxemose al mondo co alegria rivendicando la
nostra identità.
OGNI SCUXA LA XE BONA PAR TIRAR FORA I NOSTRI COLORI
Serchemo de vedar na oportunità a favor nostro so ogni roba, invese de
sararse rento co rabia.
VENETI : LA DESGRASIA DE VER PASAPORTO ITALIÀN
A xé ora de dirlo ciàro, ghe xè xente ca de mestièr li fà i difamatori dei Veneti
co i so libri e le so trasmisiòn televixive. Naltri Veneti a no semo contadini,
imbriagoni, ignoranti, stupidoti, rasisti.................
Basta rasixmo contro i Veneti. Sti mersenari del rasixmo itajàn a ghemo da
emarjinàrli e darghe indrìo chel ca li se mèrita. Naltri ghemo ona dele storie pì
onorevoli, se distingoemo intél mondo pa operoxità, injegno, educasiòn,
intraprendensa, onestà. A xè ora de molagherla co sta storia e ste imajìni de
Veneti contadini e barxeletieri. Dixemo invese ca i Veneti i xè Esploradori,
Pitori, Muxisisti, Scultori, Architeti, Inventori, Siensiati, Inprenditori, Litarà.
Dixemo ca el Veneto xè tera de imigrasiòn de popoli ca vien da tute le parte e
ca varda càxo li vien tuti chì e no li và a insediarse in italia a ndò ca ghe xè i
veri rasisti, la mixèria, l'ignoransa, el prejudìsio. El modelo itajàn el xè Totti : on
vero boaroto semianalfabeta sol ca bon far sesti volgari, dir parolase, spuarghe
in fàsa ai coleghi de laoro e darghe scarpà a na bàla! Bel exenpio inteletuàl pa i
puteli. Naltri Veneti a ghemo altri modeli : laoro, onestà, profesionalità,

14. - 14 -
educasiòn. Tuti valori ca i itajàni no li conose e lo savemo puito ogni volta ca
ghemo da fàr vèdar el pasaporto co scrìvesto sù : italia, e la xente ne rìde drìo
de colpe ca gà i itajàni e no naltri Veneti. No xè colpa nostra se a ghemo
pasaporto itajàn.
L'ÈSTARO FÒRA DA LE VENÈSIE A RESTO VÈNETO
A so stà in America e : A l'aeroporto de Chicago ghe xèra i soliti itajàni ignoranti
ca no a capìva on H de Inglexe e vedevo ca li volea dimandarme calcosa e li
me dìxe : “sei italiano?” e mi ghe rispondo “no, a so Veneto”. Lì sol momento li
xé resta de merda ma dopo ghe gò dà le spiegasiòn xontandoghe : “ma parlo
anche il dialetto toscano”. A la dogana, la polisiota la me dimanda : “Where are
you from” e mi ghe rispondo : “I come from Venetia land” e ghe xontava :
“which is a colony of italy at the moment”. Co la xente me dimandava : “what
are you?” mi ghe risponda : “I have italian passaport but i am Venetian, we
hope to be independent soon” E co li me dimandava : “where do you live?” Mi a
ghe dixea : “I live in Venetia which is under italian domination”. Ai Mericani ghe
piaxe ste robe parché li gà on senso de la libartà e ghe piaxe la xente ca
conbate pa la so libartà. Tuti i me dixea ca i itajàni li xé boni sol ca ciacolàr,
magnàr, fàr pizza e màfia. E mi ghe gò spiegà ca tuto el ben ca li vede ca se
ciama italia, no xé italia ma Venetia. Me racomando. Fè senpre cusì e la xente
se costumarà riconosarve Veneti e Veneto. Dapartuto a l'estaro (fora Veneto) li
sà ca no sò itajàn e tuti no li dìxe pì italia ma Venetia!
NO IDENTITY NO CRIME
A ve spieghe el titolo : “gninte identità, gninte crìmene”. Tachémo da la
tradusiòn : “gninte identità, gninte crìmine”. Cosa vol dìr? A vol dir ca se na
parsona o on popolo no gà pasaporto, storia, Léngoa etc..... tuti i crìmini ca
faràve contro sto individuo o Popolo no li xè crìmini. Se la Lengoa Vèneta no la
xé na Lengoa, no xé on crìmene proibirla. Se mì a copo na parsona e brùxo el
corpo, fa fali incriminarme pa omisìdio? In tuti i jenosìdi e etnosìdi on dei
fondaminti xè chel de privàr el popolo persevità de la so identità e de scòndar
le pròve de el jenosìdio e etnosìdio. La privasiòn de on statuto juridego gà la
funsiòn de parmétar ogni tipo de crìmene. Imajinè co on oparaio el laora in
nero, fa fàlo a rivendicàr diriti salariali, sindacali etc...? Sa a no existiso, fa
fàsoli ver diriti? Se naltri Veneti no ghemo na Léngoa riconosù, no ghemo on
pasaporto, no ghèmo na tèra nostra, fa xè ca fèmo bàtar càsa a la banca dei
dirìti? Vojo dìrve ca el laoro de costrusiòn de l’Iso, Wikipedia, Corte dei Diriti de
l’Omo, Riconosimento de la Léngoa de Vicensa e Treviso...... li xè pasìti
fondamental pa tiràr sù piàn pianelo i presuposti pa vantàr senpre pì dirìti in
modo CUMULATIVO. Pì grando xè el cùmulo de sertifegà e pì gràndo sarà el
crìmine ca l'italia la fà contro de naltri e par contro la reasiòn nostra e mondiàl

15. - 15 -
contro l'italia. A xè fa costruìr na sorta de piràmide : el primo livel no finise mài,
ma piàn pianelo pì liveli ca se fà e pì fàsile deventa ndar in alto. Se volì naltro
exenpio, a me ricordo co me tocava vèrxar bùxi intél calsestruso co la màsa e
el pìco. I primi diexe colpi no se moveva gninte, pò tacava spacarse dele
frègole e pian pianelo tuto deventava pì fàsile......... Xè cusì ca se demolise
l’arogansa, l’ignoransa e criminalità nasionalista de l’italia e dei itajàni, e a xé
cusì ca rivaremo a l’Indipandensa.
La Libartà, vanti tùto, a ghemo da verla rento de naltri.
VANTI TUTO LA LIBARTÀ RENTO LE NOSTRE MENTI
Vardé ca la prima forma de indipandensa rivemo costruirla rento la nostra
mente, sa no, a femo la fìne dei Leghisti e Lighisti ca li và fora sventolàr la
bandiera itajàna co segna Totti e i fioli no li parla ne Lombard, ne Furlàn, nè
Veneto, ne Sisiliàn, ne Sardo! Mà pèxo, itajàn co asento romàn.
La prima libartà la xè rento le nostre menti.
La Léngoa la xè el fondamento de tuto.
PARECIÈMO LE COSIENSE
El senso de on movimento, par mì el xè chel de pareciàr la cosiensa de ribeliòn
e autogoerno ca sarà posibile instauràr co el sistema italia cròla. La situasiòn
economega la xè insostenibile :
L'inps falise (tuti sensa pensiòn). El dèbito el xè insostenibile, L'italia gà perdù
el poder de stanpàr schei. I Bot no li sarà solvibili. No ghe sarà gnanca i schei
pa pagàr i stipendi. L'Europa la mòla la barca miga la pol pagàr i debiti dei
bot/pensiòn; e l'òltima manovra la sarà chela de stanpàr da nòvo le lìre, co na
svalutasiòn da òrbi e consegoente perdita de tuti i sparàgni pa i pòri
sparagnadori sitadini itajàni ca gà i euro in banche itajàne (fa a ghe xè tocà a
l'Arjentina e tuta l'ex-Oniòn Sovietega). In sto potensial contesto de crìxi o
coalsìpiasi altro contesto de crìxi istitusionàl, economega, politega, a ghemo da
èsar parecià e oxàr; chela volta Modena bastava tiràr xò i canseli de la prexòn
e li ghe xèra coaxi, ma Bossi gà vù paura. Bastava oxàr. Naltri semo pì fiàchi
de lora, ma l'italia la sarà pì fiàca asè e ghemo da pareciarse. In tute le
rivolusiòn ghe vol on colpo e se gà da oxàr al momento justo. No crèdar ca el
poder el sìpia cusì infranjìbile. No stè ver paura de le forse militari e polisia, li
sarà i primi a èsar inrabià e stàr col canbiamento. Co no ghe xè pàn pa gnisòn
no ghin xé gnanca par lori. Ghe xè on gràn malcontento jeneralixà e fàr naltra
republica itajàna no gà senso. La Libartà e Indipandensa la xè l'ònega vìa. Sa
fèghe on referendum ai emigrà-foresti ca vìve in Veneto sa ghe và ben stàr
soto dominasiòn itajàna e vedémo cosa ali dìxe. Li sarà i primi votàr la
indipandensa.

16. - 16 -
I TABÙ DEI VÈNETI
Fin deso rento la Liga, rento PN, rento la Lega no se xèra mai discutesto de :
anticlericalixmo, omosesualità, comunixmo, tuti tabù. Rento tute le forse cusì
dìte filo Venete a ghe xèra sostansialmente onanimetà de vixiòn. E invese pa
almanco 30 àni se xé sarà la porta a mejàri e pì de Veneti ca se sente fenoci,
ca se sente lexbeghe, ca se sente comunisti, ca se sente anarcheghi, ca gà la
pièl e i oci de naltro colòr, o Veneti ca ghe piaxe "inmasciarse" co altre colture,
a Veneti ca xè a favor de l'aborto, a favòr de la proeta, a favòr de la
manipolasiòn jenetega......
Xè ora de dirlo : se pol èsar Vèneti e tute ste ròbe insieme e no vol dìr no èsar
Vèneti. In Catalunya a ghe xè Catalani de tuti i colori ca li se fà bataja fra de
lori, ma co xé ora, tuti, e propio tùti li sà puito chi ca xé el nemigo comùn :
Madrid, Spagna. E naltri co xè ora, a ghemo da dìr tùti onìì contro on nemigo
comùn, opresòr, libertisìda, rasista, etnosidiator, discriminadòr, sfrutatòr,
criminàl.. ca el se ciàma : italia, roma.
Poisato, Salbego, Jiji, Vecio soldà, Felsineo i xè lontàni dal me mòdo de vèdar
el futùro Vèneto ma sa ghe fùse el referendum pa l'indipandensa, cosa
votarìsi? So na ròba a ghemo da èsar onìì : la libartà. Pal resto ricordeve ca on
mondo sensa pluralità el xè on mondo de pòricàn. No imajinè gnanca ai tinpi de
Venesia coanta diversità e toleransa ghe fùse rispeto al resto del mondo rento
le Venesie. Rento le Venesie a se podea stanpàr : Bibie, Coràni, Copernico,
Galileo, Talmud, conti pornografeghi, fenocerie, testi relijoxi de tute le
sòrta............. e vardè ca sol ca a Amsterdam ghe xèra sta libartà!
MADE IN ITALY NO GRÀSIE
La stòria gà demonstrà ca discùtar co Roma a no serve : vardè la fìn ca gà
fésto la Life e tute le rivendicasiòn de protesta fiscàl. I gà doparà la màn
pexante anca co i Serenisimi.
Gnisòna consesiòn de tìpo Economego, Colturàl o Politego. Insoma co Roma a
no se pol tratàr e la stòria del stàto itajàn lo demonstra. Ròma, anca se se fa
pàti, la tradirà, la voltarà fàsa etc…
La xè na repùblica sud Mericàna, de buratìni….. Manca, in concluxiòn, de
credibilità. Altra premesa xè ca i raporti de forsa militàr li xè tùti a favòr de
Roma e cusì xè inproponibile ogni tìpo de lòta armà o contrapoxisiòn fìxega.
Manca anca consenso da parte de parte de la popolasiòn ca la xè fésta de
foresti meridionali o extracomunitari e de Vèneti privilejà ca se xè bèn oniformà
al rejìme. Ne resta do punti e no xè pòco : coltura e economìa.
1)Tute le rivendicasiòn lengoisteghe o relijoxe le vinse a longo ndàr. La storia
ne lo insegna.
Ghemo partanto el dovèr de sevitàr lotàr omilmente e co insistensa pa la nostra
Léngoa Vèneta e stòria, e ghe ne vedarèmo dele bèle. I sud Tirolìxi ne fà scòla.

17. - 17 -
2)Lo conosì el pònto debole Economego de tùti i stàti?
El raporto fra schèi ca và fòra e schèi ca vien rento.
Roma sti àni la meteva tuto a posto stanpando schèi e cusì se jutava le
esportasiòn, cusì se stanpava schèi pa pagàr le pensiòn, pa pagàr i Bot e
Cct….. Dal 2002, Roma no pol pì stanpàr schèi, no controla pì i ofìsi de cànvio
parché ghe xé l’euro. E no xè poco. Dèso ghe xè na sèrie de robe ca ghe
parmete ai stàti de fàr entràr schèi da fora : Turixmo, Export de materie prìme,
export de lavorasiòn, entrade de xente imigrà, emisiòn de tituli de stato, vendite
de patrimoni de stàto, Tàse/Imposte, vèndar l’oro de la banca sentràl (sa ghe
ne xé). La situasiòn de el stàto itajàn la xè la segoente : Inte el stàto itajàn no
ghe xè materie prime. No se pol pì esportàr lavorasiòn parchè el sistèma italia
no xè competitivo : tase e gnisòna inovasiòn, reserca sientifega. No ghe xè
imigrà fa i àni 50/60/70 ca paràva i schèi càxa. Tàse : aumentarle de pì no se
pol.
In concluxiòn la richèsa ca ghe xé rèsta a el stàto itajàn, a xè ncora el turixmo
ma el xé drìo calàr fòra ca in Vèneto. I turisti li và védar Venesia pitosto ca
Ròma o Nàpoli. El stàto italiàn el pol vèndar ncòra chele poche propietà ca ghe
xè restà. Stanpàrà tìtuli de stàto ca sicuramente li gavarà pòca credibilità. Pèxo
ca te pèxo, el stàto itajàn no gà gnanca enerjìa e gà da cronparla fòra co schèi
vèri conpagno de tuto el resto de materie prìme : legno, plastega, fèro,
marmo…..
L’economìa del stàto itajàn la xè destinà a la banca ròta. E ricordeve ca la crìxi
economega xè el scominsio de la desfàta de on sistèma politego, colturàl,
etc…. Fa xè ca podemo naltri cooperàr pa jutàr el stàto itajàn a fàr banca ròta?
Xè sènplise e ciàro fa l’acqua. Portè fòra da el stàto itajàn e investì fòra le
vostre risorse monetarìe, conosense, tecnolojìa. Cavèli da le banche de el stàto
itajàn! Ciapè intaresi pì alti in tùti chealtri posti. Oltre a sta raxòn de caràtare
militante, ghe ne xè nanfra de caràtar economego. Se investì fora da el stàto
itajàn i schèi i crèse e le atività economeghe le và mejo. Sol ca i mone investìse
inte l’economìa italia, ma le stese banche ca ve vende fondi, i schèi vostri li
mète fora. Le ve ciavarà o le ve gà xà ciavà. E el stàto itajàn, ve ciàva o no ve
ciàva ogni dì? Cronpè tèra, cronpè càxe, xughè inte la borsa èstara (ma da na
banca èstara), bruxèli. Co vè crònpar, cronpè ròbe ca no le gàbie el màde in
Italy.
A XÉ LA COLTURA CA A FÀ L’ÒMO, CIAMELI MEMI SE VOLÌ
Se analixèmo in profondo la chistiòn identitària no ne resta ca in màn on valòr
comùn e xè la coltura. Femo on exenpio :
Par valtri on omo sensa ganbe xelo on òmo?
Par valtri on omo sensa ganbe e sensa brasi xelo on omo?
Par valtri on omo sensa ganbe, sensa brasi, sensa oci, sensa dinti, sensa
stomego, xelo ncora on omo?
Penso ca fin chìve me dixì tuti de sì.

18. - 18 -
Ndemo vanti :
Hawking el gràn siensiato el gà on corpo totalmente paralixà, e sol ca la so
mente la funsiona, colegà co na serie de aparati eletrobiolojisi ca i ghe parmete
de scrivar libri, e comunicàr. In concluxiòn : a produr MEMI. Vardè ca anca
cusì, Hawking el produxe idee da premio nobel, poexie da farve lagremàr e
sorìdar.... Xelo on òmo o no xelo on òmo? E se, visto e considarà, ca el so
corpo el xè on rotàme, sa a ghe costruìsimo dele man artifisiàl e brasi, e ganbe
etc... sarìselo senpre lù? In sto càxo, a gà senso parlàr de colòr dela pièl? Gà
senso parlàr de tràti somateghi?
Ma si boni capirlo, ca a la fin fin chel ca conta a xè le idee/i memi?
El conseto de Vèneto no el xè rasiàl! El xè colturàl!
A XÈ LA COLTURA LA VERÀ RIVOLUSIÒN
I jèni li xè acoa pasà, ròba vècia, ramài a semo drìo delibararse del patrimonio
jenetego pa deventàr paròni del nostro còrpo e tuta sta ròba gràsie ai mèmi, a
la coltura.
El patrimonio coltural el xè drìo sostituìr e delibararse da la sciaitù del
patrimonio jenetego. Co la conosensa 100% dela jenetega a podaremo
modifegàr le nostre senbianse e la vèra rivolusiòn la xè e sarà chela colturàl.
Chel ca restarà de naltri a sarà conosensa pùra e resto altro no sarave ca
ricanbi, pròtexi...
I TABÙ DEI VENETI
A xé propio chìve el ponto dolente. Fin deso l’atejamento de serti Veneti el xè
stà intolerante verso la diversità e tanti Vèneti ca àma la so tera li gà ciapà le
distanse dal Veneto propio parchè a li vedeva na sorta de discriminasiòn da
parte Veneta a serti temi : comunixmo, omosesualità, anticlericalixmo,
anarchìa.... Mi a digo le porte le xè verte a tuti conpagno ca in Catalunya e i
Paìxi Baschi
Esar Vèneti no vol dìr èsar : de cexa, ortodosi, laoradori e basta. La porta verta
a la Venetisità la ghe xè par tùti.
Chi ca capise capise e chi ca no capise el ghe pense sòra
“SIAMO TUTTI ITALIANI”, FÒRA CA MÌ
Ma Dante xerelo itajàn? Vivaldi? Galileo? Lionardo? Marco Polo?
Archimede? Jotto? Caxanòva? Goldòni? Sa a lexì la storia ca i scrìve, a pàr ca
i sìpia tuti itajàni. E co vè in Austria o Slovenia pa laoro o fèrie cosa dixìlo?
“torno in italia!” Ma se tornè in Veneto, parchè no dixì, “torno casa in Veneto”. E
co sì al telefono ca ciamè on ca vive in Catalunya o in Irlanda etc... e el ve

19. - 19 -
dimanda : “fa xelo el tenpo da tì?”, e valtri ghe rispondì : “Chi in Italia névega”
Mì invese digo sempre : “Chi in Veneto nèvega”. Se parlè de on Veneto e i ve
dimanda sa el xè itajàn ghe dixì : “sì el xè dei nostri itajàn!” Mi invese a ghe
dìgo : “el xè nostràn Veneto”. Co parlè de “imigrà e extracomunitàri”, no gavìo
senpre in boca : Maròchi, Pachistàni, Mòri? Vardè ca i Marochi e i Pachistani i
gà salva i Romani, i Pulitàni ca deso i xè deventà dei “nostri”. Pàr mì, sempre
foresti i xè : Marochi, Tunixini, Congolexi, Afghani, Itajàni........ Insoma anca co
parlemo, serchemo de no doparàr e fraxe a parole ca i ne mete in boca ala tele
o so i jornali o a scola : “Siàmo tutti italiàni “. Mì a so Vèneto e no gò gninte da
spartìr co l’italia ca a mì no me dà gninte e la me tol tuto e ca sensa de mì a và
in banca rota E vardè ca el meo no el xè rasixmo, no xè discriminasiòn. Xè
rasista chi ca se ingrasa so la me pele e ca pretende de darme lesiòn de siviltà,
chi ca me oprìme e sfrùta.
I TOCHI DE CARTA ITAJANI
A xè bastansa de moda fra i meridionali ver do làuree (tanto le se cronpa al
marcà!) inte le solite materie stronse : leje, letare, storia, filoxofìa, a ndò no se
pol mexuràr co struminti matemadeghi se le robe funsiona! Tuta xente
parasitaria ca vìve de fumo e produxe fùmo, boni da gninte sol ca parasitàr el
nostro suòr.
Dixemo italiani e a ghemo dìto tuto e co sta roba no vojo dir ca no sìpia belo
studiàr la storia e la filoxofia.
Mi par exenpio a vegno in parte da sti stùdi e me xè servìo ciapàr cosiensa e a
mexurarme co sti pòri italiani mentecati ca gà pasà el raxentamento del sarvelo
e ca riproduxe se stisi.
L'asurdo penseve a xè ca la leje inte i concorsi la privileja senpre i laureà e
spesialmente i laureà in leje. Penseve ca a on concorso pa informateghi rento i
comuni, pol partesipàr anca i laureà in leje e concorar a la pàri co i laureà in
informatega.
Sta chi la xè l'italia, ma naltri Veneti dixemo basta italia! Chi ca sà ciacolàr
(notari, carabinieri, avocati, procuradori, jornalisti, profesori de letare......) li fà
strada, e invese chi ca fà i sateliti e prosesori a gà da scanpar vìa da la so tera
parchè a no catarìa gnanca laoro fa bidelo rento na scola limentàr!
Penseve ca rento tante dele nostre scole a ghe xè le maestrine italiane (tute
maridà col solito carabiniere o statàl) e i bideli laureà Veneti!
LA BANDIERA VENETA AI RADUNI DEI ALPINI
Mi a digo, ndè ai raduni dei Alpini e co sfilé tirè fora la bandiera Veneta. Basta
sensure, basta rasixmo contro la nostra bandiera. Anca sa xe raduno nasional
dei Alpini, se i Alpini xe Veneti o padani, o Tirolixi li ga el l'obligo de sfilar co la

20. - 20 -
bandiera dela so tera Veneta, Tirolexe, Sarda.........Xe ora ca i ghe la mole de
discriminar le nostre bandiere. Italiani rasisti.
I NOVI MERSENARI
La chistion dela sitadinansa ca i italiani li xe drio distribuir a tuti i foresti la xe on
segno de debolesa e in pi la ga la funsion de crear na nova jenerasion de xente
fedele a l'italia. A me spieghe mejo : Se mi a ghe do la sitadinansa a on ca vien
dal Pakistan o dal Maroco, a sto chi no ghe par vero de far el statale co
l'oniforme da carabinier........ A xente ca la vien da posti a ndo ghe xe ncora
manco diriti omani, no ghe ne frega gninte de far i laori onti. Se mi a ghe do la
sitadinansa, vol dir darghe el poder de vegner fora da na sorta de infariorità
politega e rivalerse so chela stesa xente ca prima li xera vedesti fà dei privilejà.
A sto propoxito a me ricordo ca co xero a la scola limentar, i puteli pi' poareti e
bandonà li dixeva senpre ca da grandi li volea far i carabinieri pa farghela pagar
a la maestra.Xe la stesa roba. Varde par exenpio i italiani finansieri ca ferma le
machine o ne fa sarar botega chive inte la nostra tera Veneta? Ma sta xente se
parmetela de dimandar el scontrin in Calabria o in Canpania? Varde ca baso
Livorno l'economia la xe tuto nero fora ca i statali ca tanto no paga mai. Vedi'
l'ipocrixia dei italiani. Bravi masacrar el popolo Veneto, bravi darne del rasista e
po ipocritamente a colonixarne fiscalmente. A xe lori i veri criminali.
De olta a chel ca dixea; darghe la sitadinansa a on, vol dirghe farghe credar ca
deso el pol goder l'Eldorado. El tacarà verxar la partita Iva, el farà el mutuo, el
leasing pa la machina o la caxa.......Insoma naltro muso da ciavar, e pa capirlo
el ghe metarà na diexina de ani e de sicuro el vegnarà da la nostra, ma drio de
lu ghe sarà naltro porocan parecià ciapar la divixa e far el laoro sporco de
l'italian... In concluxion dar la sitadinansa vol dir dar l'iluxion ai oltimi rivà parche
i Veneti i la ga capia e no li se fa pi' mincionar dai italiani, dale banche italiane,
dai politeghi italiani, da sta banda de criminali bianco roso verdi. Dar la
sitadinansa xe fà dar la carta de credito. Dixemo anca paro' ca no tuti i la vol la
sitadinansa italiana, ansi sol i pì desgrasià.
NORMALIXASIÒN, L’EXENPIO CATALÀN
Tanto pa capirse vardemo fa a gà fésto i Catalani!
Mi 20 ani fà a so nda vivar in Catalunya. Miga li me ga tratà mal, miga li
discriminava. Li me ga ofresesto gratuitamente dei corsi de Catalan, li me ga
spiegà ca lori li se sentiva Catalan e ca i Spagnoli ghe proibiva de parlar la so
Lengoa, ca li gheva discriminà, ca li ghe portava via la richesa, la coltura, la
identità. Mi a go inparà el Catalan (e anca el Spagnol), go inparà le raxon de on
e de st’altro e sercà de capirle. Sa na parsona la me parlava in Catalan a ghe
rispondevo in Catalan e se ona la me parlava in spagnol a ghe rispondevo in
Catalan pa farghe capir ca el xera in Catalunya. I Catalani li me ga verto el cor

21. - 21 -
e tute le porte. Se on moro el vien in Veneto, se on Croà, se on Musulman.....e
inpara la me Lengoa e capise le me raxon, mi a lo rispeto e onoro! Ma
ricordeve ca vanti tuto ghemo anca naltri par primi da farghe capir sta xente
(sensa modi rasisteghi e discriminatori) e insegnarghe ca a ghe xé i Veneti, ca
li ga na storia e na Lengoa... Se ciama proseso de NORMALIXASION. Mi a
me par invese ca tanti a ghe basta ca on el sipia moro, xalo, albanexe, pa
darghe doso. E a mi a xe propio sta roba ca no me va xò. Ghe ne go inpiena le
bale de sti discorsi dele super-rase, dell'arianexemo e stronsade de antegoera,
antisemitixmo....... Varde ca i criminali, i stupratori, i ladri............. li ghe xe
dapartuto e a xe ora de molarghela de darghe del criminal a tuti i foresti ca
vigne laorar o vivar in Veneto. Invese de ciaparli a insulti, difamasion, stereotipi,
linciaji.... serchemo de portarli da la nostra. Parsonalmente a crede ca i foresti
ca no i xe italiani, li xe gran pi verti dei foresti italiani, parche no li ghe ga fésto
el lavajo del sarvelo co la scola italiana. Vojo dirve : portemoli dala nostra e
femoghe scola, invese de farghe la goera. Xe isteso discorso dela bandiera,
invese de sararve co odio e rabia, verxive e pesché omani. Vostro Siòr el ve
gavarìa dito cusì.
I NOSTRI ATLÈTI VENETI
Ma lo savìo parchè i atleti Vèneti no li se figùra gnanca de sventolàr la nostra
bandiera co li vinse le medaje? Da 30 àni i corpi de l'exersìto itajàn li gà tacà
monopolixàr i atleti, co la stòria del servìsio militàr obligatòrio li te dixéva : "vuto
sevitàr fàr l'atletà, naltri te dèmo la pagheta (1500 euri+pensiòn e prèmi) i gràdi,
e ti te sèviti alenarte e te resti rento la nostra strutùra". E secondo valtri chi xé
ca gà ciapà i mèjo atlèti? I carabinieri (fiàme òro) naturalmente. I atleti li fà
pàrte de le "fiamme oro". Ma la finansa (fiàme vèrdi) no voleva èsar da manco
e gnanca le goardie carseràrie (fiame axùre), l'exersìto invese ca no podeva
parmetarse de pagàr e ca no fàva el lavajo del sarvèlo nasionalistego, el gà
senpre vù i pèxo atlèti, i vèri diletanti. Sti atlèti li fà tùti el corso ufisiàli e in tre
mìxi li vien metù in rìga e pò se li xè bràvi li pol ver la pagheta a vìta co pensiòn
8dopo 18 ani de servisio) sensa fàr màsa ròbe. Xè sufisiente ca li fàsa i atlèti,
ca li bàxe la bandiera e ogni tànt li vaga a la téle in oniforme sorìdar e fàr la
rèsita del bràvo italiàn. E se on el se parmete de pensàr a la bandiera Veneta a
la so tera, a la represiòn ca i italiàni xè drìo fàr, beh, lora gnìnte pagheta, no
ocòre l'espulsiòn dala federasiòn sportìva, parchè vojo vèdar fa ve alenè sa no
li ve pàsa la pagheta mensìl. E pò rento el Còni, la Fìfa ghe xè tùti sti amighi de
amìghi racomandà e bòna parte vien propio da chei rànghi de l'exersito ca
ghemo nominà; conpagno dei maresiali in "pensiòn" de paexe ca entra rento le
aministrasiòn comunali. Desmentegàvo ca sto sistema de sponsorixasiòn ca fà
l'exersito el xè bastansa estexo in tùta Euròpa. Deventa na ròba automadega
pa on atleta bràvo, o li te fà lori la proposta xà co te ghè 17 àni, li te òfre schèi,
struture, suporto a 360 gràdi......... Pò dèso co le tòxe ca pol fàr le carabiniere,
ànca lore le xé tùte al servìsio de el nasionalixmo fanadego italiàn e

22. - 22 -
indiretamente le suporta la represiòn silensioxa e sotìl de le minoranse
Lengoisteghe. In cànvio te ghe da versàr coatro lagremete co sòna l'ino de
tùrno e fàr fìnta de èsar italiàn. Ma vé sìo mài dimandà parchè cusì poche
intervìste ai atlèti Tirolìxi? A propoxito, ma lo savèvi ca Roberto Bajo el gheva
dimandà pasaporto Arjentìn pa no xugàr pì so la nasionàl dei italiani? Gò naltra
amiga a alti livèli olinpisi ca la gà festo dimànda de sitadinansa Ostriàca. In
entranbi i càxi, el goerno italiàn el gà festo presiòn terìbili so Fìfa e Còni pa
ritardàr o inpedìr ca sti atlèti li portàse altri colòri minasando de boicotàr
olinpiadi e canpionà del mondo! Se la rejòn finansiàse i nostri atlèti, le ròbe
canviarìa e vedarìsimo sventolàr altro ca Liòni, stele Sinexi e Mericàne!!!!
NALTRI A NO SEMO ANTI-ITALIANI
Naltri a no semo anti italiani ma a ghemo el dirito de difendarse da l'etnosidio
ca i italiani li xe drio atuàr contro la Nasion Veneta e anca difendar i diriti
identitari de tuti i popoli e Nasion ca i italiani li xe drio discriminar e oprimar. Xe
inportante on conseto dela nostra bataja : naltri no semo prejudisialmente
contro i itajani.
Xe lori ca li xe rasisti e fanateghi e in sto so fanatixmo e opresion inte i nostri
confronti li ne costrinxe a lotar contro de lori, ma asolutamente no ghemo da
esar anti-italiani. Se i italiani rispeta i Veneti mi no go gninte contro de lori. Se i
italiani no ne reprime fiscalmente, militarmente, li ne asa parlar e scrivar la
nostra Lengoa mi li rispeto. Sto conseto el xe gran inportante, parche no
ghemo da esar fa lori : rasisti e discriminadori. Naltri volemo sol ca respeto e
libartà. No volemo esar colonixà e gnanca sfrutà. Volemo el rispeto de la nostra
coltura, lengoa, onomastega, toponomastega, storia... identità.
Parche gonti da rispetar la so bandiera co i carabinieri e majistrà rasisticamente
i rifiuta de esporla fora da le so caxerme e procure?
Parche gonti da scrivar e parlar la so Lengoa co lori li ne proibise de scrivar la
Lengoa Veneta in tute le sedi ofisiali?
Parche gonti da darghe el 95% de la richesa ca produxo?
Parche scola le maestrine le proibise el Veneto?
Parché semoli discrimenà sol posto de laoro?
Mi a no so prejudisialmente anti-gnisòn, vojo esar respetà.
Naltri veneti a semo on Popolo ca ga senpre respetà, no ghemo a le spale
jenosidi organixà, no ghemo mai fésto parsecusion de masa e jenosidi fa ca gà
fésto i italiani contro i Croà e Sloveni, contro i Libisi, contro i Somali e Etiopi,
contro i Ebrei, contro i sud-Tirolixi, contro i Sardi. Ma cosa gali sti italiani,
viliachi co i potenti, e aroganti e criminali co i pasifeghi, co i deboli!
SCRIVÌ LETARE DE CONPLIMINTI E DE PROTESTA

23. - 23 -
A xe oro sa a ghesimo i indirisi mail pa conplimentarse. Credime, varde ca
scrivar letare de conpliminti a vol dir insentivar ste inisiative
mi scrive senpre dapartuto e serve e asé, conplimentarse, a vol dir :
DARGHE CORAJO A STE INISIATIVE, CUSI STA XENTE NO LA SE
VARGOGNA PI DE PARLAR VENETO, VOL DIR INCORAJAR.
I puteli li va incoraja parlar Veneto se no a li se sara e li se autosensura, isteso
fa el mondo dei grandi, ghemo l’òbligo de verxar le cosiense e inibir sta forma
de autosensura ca el rasixmo e discriminasion italiana gà creà e alimenta ogni
dì. No ghemo da vargognarse de parlar e scrivar Veneto; corajo, a semo i
pionieri de na rivolusion coltural ca li metarà in xenocio. Ghemo da far trend,
coltura, ghemo da lotar, e se deso a ve par stran, fra 20 ani i ne vedarà fà dei
precursori, semo drio vivar on momento ca semo drio costruir le baxi de la
nostra libarta da l'opresion itajana.
STA STORIA DEI EXTRACOMUNITARI
Xe na forma fà naltra pa crear nasionalixmo italian.
Ricordate ca co ghe xera le Venesie, esar foresto xera on onor, cusì forte ca a
se ghe dava carghe rento l'aministrasion. L'ospitalità Veneta no la ga
conparasion co Ebrei, Armeni, mori, Mericani.....
Xe la italianità ca la discrimina, la xe rasista, la xe fanatega criminale, ca la ga
masacrà sentenari de mejari de omani in Libia, Etiopia, Istria, Dalmasia,
Veneto....................
I NASIONALIXMI DE L’800 A LI XE SMÀRSI
El problema el deriva da i stati e nasionalismi de l'europa dell'1800
e ncora deso sti sistemi statali veci e sorpasà, a li sevita far del mal a le spinte
autonomiste e indipandentiste de popoli ca xe stà reprimesti par secoli : Baschi,
Catalani, Scosexi, Irlandesi, Veneti, Furlani, Tirolixi, Sardi, Siculi...................
Dixemolo a gran oxe, ca i nasionalixmi de l'otosento li ga la mufa a xe ora de
molarghela co sti stati fésti inte i oltimi 200 ani. Italia, Fransa, Spagna,
Jermania, li xe dele organixasion asurde inte na Europa ca in tuto l'est la se xe
xà framentà. In sta Europa de l'ovest a xe ora de molarghela co sti nasionalixmi
ca ga la grosta : li xe nasionalixmi ca li serve sol ca mantignir i privileji de serte
categorie e serte aree jiografeghe. Varde la ex-Jugoslavia, a ghe xera i Serbi
ca tigniva soto tuti st’altri e se te xeri Serbo te favi cariera politega, scola.... e se
no lorar inte i canpi e capanuni. Dimandeghelo ai Croà e Sloveni cosa ca ghe
ga toca de patir. Conpagno de naltri Veneti co i italiani. Mi a no capiso ca mal
ghe xe se na parte de on stato la deventa autonoma o indipandente. Ma ca mal
ghe fali a st’altri? Co la Cechia e la Slovachia li xe deventà indipandenti, cosa
gali fésto de mal? Ca mal fali i Tirolixi, i Sardi co i so statuti autonomi? Falo del
mal el stato de San Marin o chelo de la Cexa?

24. - 24 -
Ma parche sti desgrasia de italiani li sarìa parecià copàr la xente ca vol la so
autonomia o libarta? Ver l'autonomia o la libartà no vol miga dir copar chi ca no
xe Veneto, ansi, a vol dir pi schei, pi salute, pì ospedali, pi servisi, pi ecolojia, pi
scole... par tuti? Sa po ai itajani ghe toca de laorar e finise la magnaria de
mejari de privilejà : carabinieri, finansieri, notari, avocati, politeghi, majistrà,
procuradori............ tuta xente fedele miga ala costitusion ma al poder e ala
pension!, beh, ca li vaga laorar anca lori na bona olta e basta farse mantignir
da chi ca laora in Veneto (ca no nesesariamnete el xé Veneto). Lori li crede ca i
foresti li voja la italia, ma li se sbaja, i lo ga capio fa ca funsiona e co li podarà
votar a li sarà tuti da la nostra. Basta sfrutamento del Veneto e dela nostra
operoxità, e mi a ve scrive da la Bosnia, a ndo me gà tocà de emigrar pa
scanpar da la opresion e rasixmo fiscal italian.
ITALIANI CONIGLI VILIACHI
I italiani in tuto l'est Europeo li xe vedesti fà dei gran viliachi, li vigne ciamà :
coneji/conici/gevri/lievori.....
I italiani li ga la reputasion de esar xente buxiara, ca no sa mantignir la parola,
ca canvia bandiera, ca tradise, ca no sa tignir fede ai acordi, ca canvia fasa. I
ga gràn raxon!
Gavi' capio ca naltri Veneti invese a no semo cusi' e a ghemo e tignimo fede e
onoremo i nostri acordi e i italiani li dopara la nostra operoxità, onestà, serietà,
pa farse beli in volta pal mondo e dir : "i italiani li sa far", e purtropo tante
axiende nostrane le ghe casca e co le va fora Veneto a l'estaro li dixe
injenuamente : "sono italiano", e drio a spiegarghe ca no xe on mafioxo, ca no
el xe on viliaco, ca no el xe on bandonaro, ca no el xe on traditor, ca no el xe
on bon da gnìnte, ca no el xe on coroto....... in concluxion el ghe dixe ca no el
xe italian!
Dixighelo al mondo ca no semo italiani, li ne obliga sol de ver el so pasaporto
co la forsa dele arme, co la paura, col terorixmo, co la represion e opresion
fiscal, co l'etnosidio.
BASTA PARLAR MAL DEI MERIDIONALI
Serchemo de no doparàr sto termino (teroni) ca ne ga metù in boca el rejime
italiàn. Ciamemo i parasiti co on termino : "italiani"
"italiani" vol dir = parasiti, ladri, traditori, boni da gninte, racomandà, rasisti,
buxiari, insolventi, viliachi. Ricordeve ca in meridion a ghe xè on fràco de brava
xente ca la lota contro la italia pa la so libartà e ca tignirli oprimesti a xé i
italiani. E ricordeve anca ca inte el nord a ghe xe purtropo on mucio de xente
del nord ca la se conporta da italiana.
Ghemo pitosto da discriminàr frà "italiani" e “brava xente” = Veneti, Siculi,
Sardi, Tirolixi..............

25. - 25 -
Esar italiani la xe na coltura e no na chistion jenetega. Italian el xe chelo ca trà
la carta par tera sol parco drio càxa. Italian el xe chel lì ca no se pàra frente el
stop o le strise pedonali. Italian el xe el coroto. Italian el xe el notaro e avocato
parasita. Italian el xe el majistra e politego ca no fa gninte e tol pal da drio la
pora jente. Italian a xe el carabinieri e finansiere ca va in pension a 38 ani e fà
el parasita el resto de la vita. Italian el xe el statal asenteista e ca co va al laoro
e l varda altro ca l'orolojo.................. Me gavì capìo?
Ve invito a parlàr de : italiani. Basta sta parola pa dir tuto. I lo sa puito anca in
Tirolo. Xé i italiani el mal dei pòpoli italeghi.
OMANI DE PRESTÌJO NA STORIA E ON PREXENTE GLORIÙXI
Sensa parole : Goldoni, Casanova, Canova, Galileo, Vivaldi, Palladio,
Palestrina, Caravaggio, Carpaccio, Tiepolo, Mantegna, Da Ponte, Catullo,
Canaletto, Giorgione, Veronese, Sansovino Tiepolo, Tintoretto, Bellini, Albinoni,
Pergolesi, Salgari, Baseggio, Buzzati, Zanzotto, Ruzzante, Marco Polo,
Pigafetta, Caboto......................
E deso : inprenditori, màrche, atlèti, stilisti de fàma mondiàl.
CÒSA CA A TÌGNE IN VÌTA ON STÀTO?
Ca a tìgne in vìta on stàto altro no xe ca chi ca a ghe crède. Xè isteso
mecanixmo ca tìgne in pìe i marcà asionàri fin ca no sciòpa le bòle e cròla le
bòrse. I speculadòri e fàlsi profeti de l’italia altro no xé ca cheli ca fà fìnta de
crèdarghe el stàto ma ca drìo le spàle li investe l’estaro. I teoloji opinionisti fa
Santoro, Vespa e tùta sta banda de vendù altro no li fà ca costruìr xùghi
conplicà de parole pa farve restàr rento la gàbia, el resinto ideolojìco italia. La
scola obligatòria, i libri de testo e didatega obligatòrie le ga la funsiòn de
rinforsàr e mantignìr sta fidùsa ca podemo ciamàr col so nome : “consenso”.
El xe on vèro e propio brainwashing (raxentamento del sarvelo).
Sa la xente no ghe crède pì, pian pianelo resta in piè on palco co i sonadòri
destinà eròdarse col tenpo. El nasionalixmo altro no xe ca crèdarghe a on stàto
a na pàtria. Co on el dìxe : “io sòno italiano” altro no fà ca resitàr on àto de
fede.
ON NOVO CONSETO DE STÀTO
La situasiòn de la Boxnia e de altri stàti o teritòri politeghi la me ga portà fàr na
riflesiòn : Sarìselo posìbile ridefinìr el conseto de stàto? Coali xeli i eròri dei
statalixmi de stànpo otosentesco (italia in prìma lìnea)?

26. - 26 -
Ca a definise on stàto a xe : on teritorio geogràfego, na forsa militàr interna e
agresiòn esterna, on sistema scolastego bastansa sentralixà ca funsiona da
sistema propagandistego nasionalista, na sèrie de monopoli o signoraji
(stanpàr schei, enerjìa, risorse, tabaco, ......), na raprexentansa politega co tuto
on sistema juridego, el riconosimento internasionàl de chealtri stàti. Ma col
tenpo a pàr ca na fràca de stàti a li sìpia drìo rinunsiàr a serti privileji.
Deso, vardando on fià in volta pal mondo se inacorxemo ca a ghe xé stati ca
gà molà el monopolio de stanpàr schèi (italia), de prodùr enerjìa (Stati Onìi
d’Amerega), de ver na forsa militàr de agresiòn (San Marìn), o na polisìa
interna (Stato Vategàn). Se pò vardemo, ramai xe driò cascàr conpletamente el
monopolio tilivixivo statàl in tuto el mondo. Internet a ghe fà le scarpe a tùti,
anca sa no xe dìto ca i stàti li fàsa màrsa indrìo sensurando de brùto el web. Le
scòle le xe ncòra controlà ma pian pianelo ghe scanpa anca chelo e se rìva a
privatixàr l’istrusiòn. In bona parte dei stàti ghe xe el bilengoixmo e cusì no xe
pì o tràto escluxìvo.
El conseto de stàto el và riformà. Fin deso na carateristega comùn la xé chela
de ver on teritorio jiogràfego delimità da confini, xé par chelo ca a se parla de
carte jiogràfeghe politeghe. Fòrse a xé l’ònega real carateristega xontà a chela
de le tàse e la polisia/exersito. Cavemo tàse, exersito, tera e de on stàto a no
resta pì gninte. La me dimanda la xé :
Sa a cavémo la tèra cosa resta? Resta sol la forsa militàr, parche tanto co le
tàse a no se se pìca pì so gninte.
Donca a pararìa tùto ciàro. E invese no. Coaxi tuti i stàti de l’otosento e anca
dòpo, no li gà tignù conto de la ròba pì inportante :
“el pòpolo”, el spìrito identitàrio................
In altre paròle : “COSA CA ON EL CREDE DA ESAR”. Sto conseto el xe
inportante asé parchè el xe el vero e ònego fondamento de on pòpolo. Purtropo
i nasionalixmi tradisionàli altro no li xé ca inpoxisiòn da l’alto ca gà calpestà el
vero spìrito identitàrio dei pòpoli ca vivèa in determinà àree. Le consegoense le
xe ncora vixìbili : i Vèneti, i Catalàni, i Croà, i Baschi, i Sardi..........li xe ncòra
vìtime de sto crìmine ca xé stà el nàsar dei stàti tradisionali.
Le consegoense le xe ca in futùro la definisiòn de stàto, de pòpolo, de
nasionalità,.............. la vegnarà svincolà da conseti de tìpo teritoriàl. Ve fàso
on exenpio :
Imajinèmo ca on dì la sentral atomega in Armenia la se ronpe e pa sbajo la
salta par ària. La sentràl la inquina cusì forte ca tùta la popolasiòn de Armenia
la gà da scanpàr in volta pal mondo e pì gnisòn el podarà vìvar inte on teritorio
incuinà (Chernobyl el xe on exenpio, co la difarensa ca l’Armenia la xe grànda
fa el Vèneto). Inte on càxo cusì, se existe la materia prìma (la identità) ghe xe
tùto. Problemi de comunicasiòn deso no li ghe xé, co le nòve tecnolojìe xe drìo
cascàr i confini spasiàl ca li gheva conotà i stàti tradisionàli.
E pò savèmo ca a ghe xè storgamente dei pòpoli bastansa nòmadi e no
sedentarixà (i Sìngani, Beduini, Tuareg.....).

27. - 27 -
La concluxiòn de tuto sto inchiostro, a la xè ca el conseto identitàrio el xe on
fràco pì inportante fà conseti tìpo : pasaporto, confìni. Xe pa sta raxòn ca i
mèmi li xe fondamentàl e i mecanixmi de consenso drìo de lori.
ON POPOLO EL SE RICONOSE DA LU LU SOL
Se on italiàn el ve dìxe : "voi Veneti non siete on pòpolo". Valtri a gavì da
rispondarghe : "On Popolo el se riconose da lù lù sol e no gà de bexogno de
gnisòn ca a ne diga chi ca a semo e cosa ca a ghemo da èsar". I italiani no li gà
gnisòn dirito de dirne chi ca a semo, fà naltri a no ghemo el dirito de dirghe chi
ca a xe lòri.
Naltri a se autolejitimemo, xe par chelo ca no ghemo da tratàr co i italiani.
MI LA LIBARTÀ A ME LA DO DA MI MI SÒLO
La libarta a se la demo da naltri soli, a no ne la regalarà gnisòn.
A no ghemo de bexogno de riconosiminti italiani, costitusionali italiani Pa esar
popolo e sovrano a basta autolejitimarse, el resto el vegnara da lu lu sol. Staltri
stati a li ne riconosarà par forsa e vànti de l'italia. Ma penselo ca Belgrado el
gabia mai riconosesto la Croasia se no dopo ca i lo gheva fésto tuti st'altri?
La nostra lota a la se fa inte la Venesia e a l'estaro a ecesiòn de el stato italian.
I nostri opresori sarà i oltimi darne calcosa. No perdemo tenpo co lori. Xe sta
sto chi on dei sbali dei oltimi 30 ani de lote. Xe asurdo asetar conpromesi co i
to opresori fin ca li xe drio oprimarte.
I NOVI CAPO' (THE NEW SELF HATRED VENETIANS)
Cosa ca a vol dir „capò'“. A ghe xe on bel film de Gillo Pontecorvo co sto titolo. I
„capo' a li xe storegamente chele figure ca rento i canpi de consentramento
naxisti, li fava da goardie interne. Varde ben ca i capo' no li xera soldà, ne
todeschi, ne ukraini, ma li xera ebrei ca controlava i ebrei rento Auschwits. No
judico deso la cativeria de sta xente, anca lori li gheva fame, paura e li ga ciapà
el tren ca ghe xera. Ma vojo dir ca i naxisti li ga creà sta figura de agusin
doparando i stesi ebrei e metendoli on contro chealtro. La xera na tatega sutil
pa raxentarse le man frente la storia. Ebrei contro ebrei. A ghe xe on termino
Anglosasone : self-hatred jew, self hatred afro-american…….. Se intende
chele parsone ca le fa parte de on grupo etnego-coltural e ca le riva a odiar le
propie raixe storeghe, colturali, lengoisteghe. Cosa sentrela sta storia co el
Veneto? Sentra e asé.
Cosa a ghe ne dixio de na maestrina Veneta ca la ghe proibise ai nostri puteli
de scrivar e parlar la Lengoa Veneta scola? Cosa ghe ne dixio de on

28. - 28 -
carabiniere ca el parla Veneto e ca el ve proibise de metar fora la bandiera
Veneta? Cosa ghe ne dixio de on finansier Veneto ca el ve tortura fiscalmente?
Fin ca ne rivava el Calabrexe rento l'uficio de colocamento, o la maestrina
pulitana, sta forma de colonixasion la xera ciara a tuti. Ma in sti ani propio sta
xente italiana rento le scole, rento i ofisi, la ga creà na nova clase dirijente
Veneta ca la se autosensura, ca la odia le propie raixe, ca la discrìmena se
stesa.
Mi a li ciamo i novi „capo'“.
MI A SO VENETO E LORI LI XÉ ITALIANI
A me càpita on fraco de olte sentir ca i Veneti dìxe : “Soto Livorno no li xe
italiani”. La pararìa na roba da poco, ma la verità la xe ca sta tiritera, a la ga
metù in sircolasiòn el rejime pa pò dàrne el panin parecià : “siamo tutti italiani,
non facciamo discriminazioni”. In sto mòdo, i Veneti li fava on àto de fede e
dixea, “mi a so on vero italiàn”, (se alimentava cusì el patriotixmo). Cusìta ne
pasava vìa da la mente la idea de dìr : “Mi a so Veneto, e lori li xe italiani”.
Li ne ga metù in boca on ato de fede, cusì ca naltri ghemo sovraponesto a la
nostra vera identità la forma italiana. La sostansa Veneta co el nome italiàn.
Xe par chelo ca tuti i inprenditori, fabriche, made in Veneto.... li se ciama :
“made in italy”. E a semo cusì mone fin da metar fòra la bandiera de m.... dei
italiani dai nostri capanoni.
La verità la xe invese ca a xe tuto made in Veneto. Cusì li ne gà smisià a mafia,
spagheti, pisa e corusiòn, parche savemo puito ca i italiani li sa sol far da
magnar mal e metarse le oniformi del poder drio na scrivania. On dito dìxe :
“on alto e on baso a li fa on goalivo”. El bon nostro el xe Veneto, e fora dai
nostri capanoni ghemo da metar la bandiera Veneta. Asemo ca li meta fora da
le caxerme chela italiana i nostri colonixatori, i veri rasisti antiveneti. Mi sa a
vedo na bandiera italiana fora da on capanon, no ghe do gnanca la roba e ghe
lo digo oltre a no cronparghe gninte.
Riapropriemose de la nostra identità e dixemolo : “naltri a semo Veneti, no
semo italiani”. Italia = mafia, ladri, buxiari, traditori, rasisti, discrimatori, viliachi,
oportunisti, coroti. Lucky Luciano, Al Capone li xera i veri italiani. Naltri ndavimo
laoràr in Canada, Braxile, Ostralia.
NALTRI
Te vorè dir ca li ride dei italiani, no de "naltri Veneti"!
Mi a no me piaxe mia màsa sto "NOI"
A no so italiàn, so sol costreto ver el so pasaporto, pagarghe l'obolo.
MADE IN VENETO

29. - 29 -
Volemoli ver el coràjo de fàr, fà a xe drìo fàr i Catalani, i Scoséxi?
Ghemoli el coràjo de tacàr parlàr de MADE IN VENETO e rendarse conto ca la
italia la gà sòlo doparà la nostra oparoxità pa farse bèla frente el mondo. La
italia la gà doparà la nostra stòria, i nostri artisti, i nostri siensiàti, i nostri
scritòri, i nostri eròi, le nostre strutùre, la nostra onestà, el nostro injenjo, le
nostre risorse........... pa farse beli inte el mondo e scòndar la vèra fàsa viliaca
oportunista ca xe tipega dei italiàni. Li gà vivesto al nostro posto parasitandone
e parmetendone e obligandone prodùr imajine italiana fà dei carseràti rento i
nostri capanòni. Ve rendìo conto. Na vera sciàitù totalixànte.
Ribelemose e tiremo fòra el coràjo de dir : MADE IN VENETO
Basta doparàr el MADE IN VENETO pa farse bèli a le nostre spàle.
MADE IN VENETO, MADE IN VENETIA, FESTO INTE LA VENESIA.
VENESIE E VENESIÀN
El tèrmino Vèneto el xè on surogà de el vèro tèrmine VENESIAN ca a vol dìr :
"abitante de le Venesie". In sto senso Marco Polo, Vivaldi, Caboto, Caravajo,
Canova, Palladio.... li xè Venesiani, e no nesesariamente nasesti inte la sità de
Venèsia. Xè stà i italiani ca li gà sensurà e modifegà el termine, cusì da creàr
anbigoetà. De consegoensa, Pigafeta e Paladio a li xè Venesiani anca se
nasesti Vicensa. Vènesiàn xera conpagno de : " sitadìn de le Venesie".
Pa Venèsie a se intende el teritòrio dela Republica de Venèsia.
La propaganda italiana la gà festo de tùto pa desfàr ogni riminesenza de la
nostra identità, stòria, coltura, Lengoa. In sto projeto de etnosìdio ca el xe on
mùcio sconfinà in jenosìdio contro i Vèneti (Agropontino, carestie, deportasiòn,
prelievo fiscàl e alimentàr, goere coloniàl), xèra fondamentàl pa i italiani
sensuràr ogni fòrma ca la podese jeneràr on spìrito identitàrio Venesiàn
/Vèneto. Sterminàr na popolasiòn, vol dìr, vanti tùto fàr tàbula ràxa de tute le
espresiòn identitàrie. Ricordemo anca ca la Republica Venesiana/Veneta no la
gà mai festo de el nasionalixmo el cavàlo de batàja, fà invese gà festo i italiani
ca in sto mòdo li xè rivà parsevitàr e discrimenàr la diversità. El fanatixmo e
nasionalixmo italiàn el gà portà i italiani a maciarse de crìmini contro l’omanetà
in 140 àni de colonixasiòn contro popolasiòn pasifeghe fà i : Berberi, Croà,
Slovèni, Beduini, Etiopi, Somali, Venesiàni/Veneti, sud-Tirolixi, Sardi, Ebrei,
Siculi, Calabrìxi..........
PARLAR VENETO A GÀ DA ÈSAR NA SÈRNITA IDENTITÀRIA
Ghevo asenà a la difarensa fra on ca parla Vèneto parché no el xe bon parlàr
altre lengoe e chi ca a parla Vèneto pa na sielta identitaria. Sta chive no la xé
mia na chistiòn da pòco.

30. - 30 -
Vardemo i nostri vèci e tuta la jenerasiòn dai 60 in sù. Tuta sta xente la parla
Vèneto ma a lo fà sol parchè no la sà parlàr altre lengoe. Epùr sta xente la se
vargògna inte el profondo dela propia Venetisità e gà traxmetù sto sentimento a
la jenerasiòn ventùra.
La jenerasiòn dai 60 ai 25 la parla Vèneto pa conveniensa ma la sbrìsia verso
l'italiàn. La parla excluxivamente italiàn coi bòce, proibise la Lengoa Vèneta in
tute le situasiòn formali, la se autosensùra, la gà on senso de infariorità.
La jenerasiòn dai 25 in xò no la parla pì Vèneto parchè la xe sta rincojonìa dal
sistema televixìvo, dai jenitòri (self-hatred Venetian), da el rejìme e el so
sistema educativo.
Bona parte dela xente ca a parla italiàn, la xe xente ca la se vargogna de parlàr
Vèneto par vìa de i conotà ca el rejime ghe gà dà : Veneti rasisti, Veneti fasisti,
Veneti evaxòri, Veneti contadini, Veneti ignoranti........ E no xe on càxo ca fra
serte minoranse colturàli e sesuàli se parle italiàn : omosesuali, lesbeghe,
prèti... I insegnanti inte i axili, le maestre, i politeghi o aspiranti politeghi (vardè
inte i nostri consigli comunali), i dotòri, i profesòri, tuti li se autosensura. No
ocore pì sensuràr la xente ca a parla Vèneto in Tv, a lo fà automaticamente la
jenerasiòn dai 25 ai 60 la se autosensùra. In Vèneto le TV le parmete e
insentìva sol de dìr besteme e parolase in Vèneto. Ma sa i lo fese in italiàn a
le vegnarìa sensurà. Bela forma de rasixmo! Co le nòve jenerasiòn la sensùra
no serve, no i lo sà. I lo capìse sol pasivamente.
Mi da bòcia, càxa mèa, a li me obligàva parlàr italiàn, scrivo e parlo puito
italiàn, ma a on serto ponto a go desidesto de ribalarme a sta ditadùra e go
sernìo identitariamente de parlàr la Lengoa Vèneta. Vojo dìr ca la mèa la xe on
sernìr identitàrio. Isteso de no scrìvar in italiàn.
Co tùto sto discorso vojo dirve ca val de pì on xòvane de 20 àni ca a parla
Vèneto pa sèrnita identitària ca on da 70 àni ca parla Vèneto sol parchè no sa
altro.
Vardè ca i carabinieri, Tv, céxa, politeghi, a li parla italiàn pa na sielta
identitària. Lori da desèni a li xe drìo italianixàr i Vèneti co on projeto ben
presìxo : ETNOSIDIO!
LA LINEA ATÌVA
Fìn dela fièra a pàsa la lìnea atìva. Cosa vol dir?
Ve fàso on exenpio. Ve lo ricordelo 35 àni fà. Chi se sarìa sognà de prosesàr
na parsona ca la bàte on càn o la còpa on gàto?
E deso? Sa a toché on càn a finì in prexòn. Ma pa rivàr a sta situasiòn, se xéle
moveste le màse? La risposta la xé a i òci de tùti. Coatro gàti pa 30 àni la gà
smenà co i diriti dei càni, ca li xè èsari omàni, e tiràr sù fìrme, e fàr
manifestasiòn etc................
La verità la xé ca el movimento pa la tutela déi càni el xe festo da pòca xente,
na fràca atìva e ben organixà. E sti coatro gàti, li gà vinsesto contro la màsa

31. - 31 -
inponendo dele lèji ca stratutela i càni. Se li xe sta bòni rivàr a sta ròba xe
parchè contro de lòri a ghe xe stà altro ca indifarensa, pasività. La stòria ne
insegna ca pochi ma atìvi li modifega la màsa. La pasività la xe el gran nemigo
e amìgo. Naltri, xé vèro no semo milioni, ma a sémo gran atìvi, e par atorno de
naltri ghe xé on mondo de xente ca lota pa la càuxa italiàna sol parché li xe
pagà e la majoransa invese la sventola la bandiera sol co vinse na scoadra del
balòn. Erich Fromm el gà fésto na analixi del naxixmo e el xe rivà a la
concluxiòn ca Hitler el xé rivà al podèr gràsie a la pasività dei so antagonisti e
dele màse. I italiani li xé na ràsa in estinsiòn. Pa sta raxòn, la stòria la ne darà
raxòn. La lìnea ativa la pàga indrìo oro sonante.
IN VOLTA PAL MONDO
A ve xelo mai capità co vè in volta pa i aeroporti de vedar la difarensa fra on
inprenditor Veneto e on “inprenditor italiàn”?
Sta oservasiòn go tacà farla na diexina de ani fa, e pòso dirve ca la letura dei
scriti de on economista Canadexe la me gà verto i òci : Joseph Ralstone.
Diexe àni fa a so sta incargà de pareciàr el viajo de i me càpi (cheli ca a me
paga pa i me servisi). Ghevimo da ndàr in America in fiera. Mi serco le tarife a
pi baso costo so i aeroplani pi economeghi, e coaxi a me vargogno de viajàr in
chele condisiòn; ma na roba sola la conta : sbasàr i costi! Montemo in aereo e
cosa catemo? Ca tuti i inprenditùri de isteso distreto a li montava so isteso
aereo a le tarife pì bàse. A vojo sotolineàr ca ghe xera na fraca de vòli pa
chela diresiòn. In prima clàse invese i sòliti italiani tuti tirà in jaca, cravata col
tajo dei caveli parfeto a l’ultima mòda. Ma on bijeto de cheli in prima clàse el
costava 2 fin 3 olte i nostri.
I italiani te li riconosi inte i aeroporti, li sìga e li va senpre vestìi puìto. Tuti
inpienà de fùmo e a malapena li parla Inglexe, xe par chelo ca la ghe và senpre
sbùxa co la gnòca e li finise pa pagàr rento i caxìni (vardè ai mondiali in
Jermania). I Veneti invese, umili, silensioxi, vestìi coaxi da laoro, ma l’inglexe i
lo pàrla parchè da naltri conta i fàti.
Pa vegner a l’economista Ralstone, el sotolìnea ca i veri inprenditòri no li viaja
mai in 1° clase pa na raxòn, parché a li se paga el bijeto, e ogni asiòn de on
vero inprenditor la xe finalixà al profito e de consegoensa a limitàr e spéxe.
Invese i gran manager de le axiende statali, i politeghi, no li bàda spexe parché
pagàr a xe senpre e sol i mòne.
RASIXMO CONTRO I VENETI
I puteli li persepise la moràle comùn e li gà na sensibilità incredibile. Sa li vien
incorajà parlàr Veneto i lo parlarà. Basta ca li persepisa ca a ghe xe forme de
discriminasiòn e li se autesensurarà. Se la maestrina elementar o dell’axilo la
transmete on sentimento de intoleransa verso el putelo ca a parla la Lengoa

32. - 32 -
Veneta, el putelo el persepise sta ròba e pa otegnìr apresaminti el se
autosensurarà.
Atejaminti intimidatori fa par exenpio i carabinieri, ca se on parla Vèneto, a li se
conporta arogantemente e li serca de inpòr la Lengoa italiana. Isteso
conportamento el vien tignù da na bona parte dei italiani ca vìgne vìvar in
Veneto. Li serca de inpor la Lengoa italiana co forme de discriminasiòn sol
posto de laoro.
Manca conpletamente material muxicàl in Lengoa Veneta, muxiche pa i grandi
ma anca pa i puteli. Ghe vorìa on festival dela cansòn Vèneta pa i puteli, in stò
modo a te tìri fora cansòn Venete ca resta e i nostri puteli pol scoltàr.
ITALIANI STUPRATÒRI
A semo fà dei puteli ca xe stà violentà/stuprà e ca semo cresù e ghemo tacà
deventàr cosienti del mal e violensa ca i pederasti italiani a li ne gà festo. A
semo drio deventàr cosienti dei nostri diriti.
LA VENESIA PATRIA DE ÒMANI DE SIENSA
La Venesia la xe sta la patria de siensiati fà Galileo e drio de lù o co lù ghe ne
xèra mejari! Inte la Venesia a ghe xera tute le inovasiòn tecnolojiche, i siensiati,
le ensiclopedie, le stanpe, le relijòn, popoli de tuto el mondo, esploradori,
cartografi, goerieri, letarà, marcanti, pintori, muxisi.............e tuta sta xente la
figùra fà "italiana" e no Venesiàna!
OMOJENEITÀ?
Mi a go viajà na fràca e me par ca in molte parte a ghe xe stati co na varietà
etnega da far spavento.
Xe pitosto l'incapasità dei sistemi colturali dominanti ca li determina la desfata
de on stato. La mancansa de redistribusion economega, el rispeto colturàl, el
rispeto relijoxo, el rispeto lengoistego, l'eliminasiòn dele categorie privilejà, on
sistema baxà so la meritocrasia, on sistema ca garantise ai deboli na existensa
dignitoxa ma ca elimina i parasìti......sti chive li xe valori ca fà la forsa de on
sistema statàl. No la omojeneità!
A XÉ CUSÌ CA A NASE NA NASIÒN
I Veneti a deventa cosienti, i italiani li ne odia. Cusì vegnarà fòra ca i rasisti xe
lori, l'inportante xe creàr i frenti separà, i resinti separà, na sorta de mejoxi
selulàr, i nostri sforsi li gà da esar dirijesti a creàr do frenti : Veneti e italiani. A

33. - 33 -
xe cusì ca a nase na Nasiòn. El xe on proseso identitario e in sto càxo de
disgregasiòn. Ma la disgregasion la ga da vegner vanti tuto so la coltura e no
so i confini fixeghi. La Lega gà sbajà propio sta roba. La gà laorà sol so i schei
e so i confini teritorial. I confini a li vien da soli sa ghe xe la identità, sa a ghe xe
la cosiensa de èsar on popolo(varde ca l’onega difarensa fra on japonexe e
sudanexe la xè chelo ca li crede de èsar e no el fenotipo). El xe on proseso pì
sotil e fòrte, xè chelo identitario, el xe isteso proseso ca fà de on dialeto na
Lengoa e viseversa.

34. - 34 -
CONSENSO
LA PRIMA GÀBIA LA XÉ RENTO LA VOSTRA MENTE
La prima gàbia la xe mental e xe pa sta ròba ca el stato italiàn el ga costruio na
gabia colturàl a ndo ve inibise ogni pansiero ca posa minar l'existensa e solidità
de el stato italiàn. La xe na forma naturàl de autoprotesiòn. La xe na chistiòn se
sopravivensa de on sistema. La solidità de on sistema la xe dà da la forsa del
proprio sistema de verità. Pi ve faso el lavajo del sarvelo e manco ve ribalè. Mi
so xà fora da la gàbia, xé pa sta raxòn ca a so bon imajinàr la libartà.
FA A LI NE RAXENTA EL SARVÈLO CO LA TILIVIXIÒN
Fa a i serca de farne el lavajo del sàrvelo.
No so se ve sì inacorti in sti oltìmi àni fa i mèxi de comunicasiòn de màsa li xè
drìo sercàr de fàrne deventàr itajàni. Se càta fòra tute le raxòn : da la pàrtia de
balòn a el radùno dei Alpìni, fìn la morte de sti pòri toxàti in Afghanistàn o Iràq.
Ramài lèxar on jornàl o vardàr el telejornàl xè la stesa solfa :
Prìma notisia : more on itajàn in Iràq
Seconda notisia : l’italia vinse na partìa de balòn
Tersa notisia : la pìsa itajàna a Nova York
Coarta notisia : le coste itajàne le xè le mejo
Cointa notisia : na sfilata de mòda itajàna a Pariji.
Sesta notìsia : l’atòr de turno ca el xè protagonista de el film de la storia d’italia
ca li ve fa vèdar dopo el telejornale (ganso pal progràma ca vièn, pa ligarve a
lori).
E po’ le sòlite previxiòn del tenpo, i sòliti mòne de politeghi itajàni, la màfia in
meridiòn, l’ “extracomunitario” ca copa on itajàn etc….
Sa a studiè co on fiatìn de atensiòn tùte ste notisie, ve rendi conto ca el fìn no
xè informarve, no xè la notisia, ma invese el xè de : "creàr on mondo pàr atorno
de valtri chel sìpia inpienà de itajànità".
Vardè ca on telejornàl el xè pianifegà da esperti dela comunicasiòn
(manipoladori de consenso) e ogni notisia e imàjìne ca li ve fa vèdar e cònta, la
gà na funsiòn ben presixa. No ste ver paura, no li ve regala gninte. El telejornàl
de la Rài e de Mediaset el gà na strutùra ca la ghe risponde a dèi mecanixmi

35. - 35 -
psicolojisi ben presixi. In jenere el prìmo servìsio el vièn doparà pa vèrxar
l’emotività e cusì sèmo pì vulnerabili a le altre “informasiòn”. A cosa penselo ca
serve i puteli copà da la propia màre o i fioli ca còpa el pàre? L’emotività xè la
ciave ca li ve vèrxe mejo la testa, pa farve entràr chel ca li vol. Xèlo o no xèlo
vèro ca pa vèndar mejo, vanti tuto, se gà da verxàr l’anemo conpasionevole de
la xente?
I soldà ca mòre (“i nostri ragazzi”) fa comodo asè parchè i gà la scùxa de farve
sentìr la muxichèta de mamèli, parchè doparando le làgreme e i prìmi piani dei
familiari li ve fa entràr intel xùgo emotìvo. I funerali de atòri, de politeghi i ga la
funsiòn de coagulàr l’emotività e deviarla verso el nasionalixmo.
El balòn e tuti chei “sport” a li serve senpre farve sentìr la muxchéta de mameli,
le làgreme de sti analfabìti de atlèti strapagà pa cantàr l’ìno. E a telecronaga de
la partìa balòn, a cosa servela se no a ligarve el sarvèlo emotivamente? Vardè
fa a vièn doparà i verbi : “siamo”, “attacchiamo”, “vinciamo”, “ce la facciamo”…..
E i atribùti : “i nostri ragazzi”, “nostri avversari”. I pronomi : “noi” e
“loro”……..Insoma fra on funerale de on soldà e na partìa de balòn, no ghe xè
gnisòna difarensa!
Sa i ve fa vèdar ca on putèlo de Nàpoli el xè drìo morìr de cancaro li ve porta a
èsar emotivamente partèsipi de sta trajèdia a sentirve pì rènte Nàpuli, anca sa
Nàpuli la xè pì lontàn asè de Vienna, Lubjana, Zagabrìa, Zurigo, Monaco,
Praga etc…..Insoma pa farve star emotivamente rento i confini prestabilìi. A
cosa penselo ca serve sti vèci Alpìni ca a fa e ca gà fésto on gràn bèn? I serve
pa semenàr bandiere itajàne! I Alpini injenuamente li vièn strumentalixà, e li
ghe casca e li sèmena tricolori fora da tùte le finestre de le càxe. La manovrèta
de serti caposòni de goerno e militàri la xèra chèla de creàr el binomio bandiera
itajàna/Alpini. I ghe la gà fàta cusì puito ca dèso co on el xè Alpìn, el mète fòra
injenuamente la bandiera tricolòr pa manifestàr la so Alpinità.
Gavìo notà ca a la fìn dei telejornàli li mète senpre el servisieto so la mòda o
cuxìna? Anca chìve, no gà inportansa la sostansa ma ca tùto cree sto senso de
itajànità rento le nostre menti.
Fra “Forsa italia”, funerali, balòn, Alpìni, machinete ca incoina de formula òn,….
de sventolàr tricolori ghe ne ghemo pròprio inpienà le bàle.
SO INTERNET NO LI POL SENSURARNE
Co skype, google, youtube, wikipedia..... naltri Vèneti a semo isteso livelo
lengoistego dei italiani, no li xe supariori, no li ga monopoli, rento la gabia
internet ca la xe inglexe a podemo svilupar la nostra identita' fin supararli, la no
li pol sensurarme, xe drio cascar chel monopolio ca li ga vù pa 140 ani co la
scola de stato, co i libri, jornali, tilivixion, radio de stato. Deso so chele gabie a
ghe xe altro ca vecioti ca varda rete 4, rai, canale 5, ca scolta la radio, ca lexe
ncora i libri de na olta........ Ghemo na gran oportunità, chela de xugar a arme
pari, e esar prexenti so internet ca el xé el futuro.

36. - 36 -
TIGNIR SÙ NA BANDIERA O ST’ALTRA A XÈ ISTESO
A ve lo ricordelo chel paso de la mitolojìa cristiana ca el descrive fa on serto
Jexù el saria ndà a Jerusaleme. On gran popolo lo gavarìa acoliesto co
bandiere (foje de palma pa far onbra a ndo ca el pasava). Tuti far festa pa sto
omo. Na stimana dopo chela stesa xente ca sventolava la bandiera in so onor, i
gà tacà spuarghe indoso, batarlo, fin metarlo in croxe fa on criminal....
No stemo discutar la veridisità de sto conto, ma pitosto a vorìa rifarme a on ano
fà, co a ghe xera on gran popolo ca el sventolava la bandiera itajana. Ve
ricordelo chela sera?
Beh, a ve digo ca chela stesa xente ca sventolava la bandiera itajana, on dì
(gnanca masa lontàn) la sventolarà chela Veneta. Le mase le xe cusì : fa le
semense de albara al vento.
LA LIBARTÀ DE STÀNPA
Analixemo chela ca i ciama libartà de stanpa. I pi vèci fra valtri i se ricordarà ca
20 e pasa ani fà a ghe xera la Oniòn Soviètega inte la coal se stanpava sol ca
on jornal, ca se ciamava : "Pragvda", ca in Ruso vol dìr : "verità". Chìve, i ne
dixea ca là, no ghe xera la democrasìa parchè ghe xera sol ca on jornal; al
contràrio, chìve da naltri, e in tuta la sfera Usa ghe xèra la democrasìa, parchè
ghe xèra on mùcio de òxe : jornali, tv, ràdio etc.... Dèmoghe on òcio a la
democrasìa.
Ghe xè na paroleta gran bela ca i serca de no farve inparàr, ma chi ca studia
matemadega, conose puito : RIDONDANSA. Me spiego mejo. Ndè in Biblioteca
lèxarve i 5 o 10 jornali pì inportanti de el stàto Itajàn
(Repubblica/Corriere/Stànpa/Gazetìn........), o se volì vardeve i telejornali de le
6 reti pì potenti (ca ga pì RISONANSA) : rai1/2/3, mediaset....Varde de cosa ca
i parla (no gà inportansa fa i ghe ne parla). Sti mamaluchi, i parla tuti de la
stesa roba! More el càn de Bush e "tuti" ghe ne parla, casca on aereo in India e
tuti ghe ne parla, vièn fredo in Rùsia e "tuti" ghe ne parla, na mare copa so fiolo
e "tuti" ghe ne parla. Ma se par atorno a naltri ocore na montagna de robe, par
cosa parleli tuti de la stesa roba? El conseto de "ridondansa" el xè inportante,
parchè a xè la arma de le ditadure moderne. Inte le ditadure tradisionali ghe
xera sol ca on jornale, inte le ditature moderne (ndò ca vivemo naltri) ghe xè on
mònte de jornali ca i parla de la stesa roba. Serchemo de inténdar anca el
parchè. :
Se mi a òcupo tuti i spasi de i mexi de comunicasiòn de masa co dele robe, in
sto modo no ghe parmeto (BLOCO / SATURASION / DEVIASION) a altre robe
de èsar contà. Xè ciaro el conseto? In concluxiòn la difarensa reàl fra na
democrasìa e na ditatura, la xè sol ca : la prima la gà afina le arme de la
manipolasiòn mentàl! Sadàm / Stalin, Hitler i te dixeva : "O cusì o te copo". Ma
deso Berlusconi, D'Alemma, Blair..... i gà capio ca a xè gran pì mejo na

37. - 37 -
ditadura baxà sol consenso pì ca sol teròr. Pì ca consenso se podarìa dìr :
raxentamento del sarvèlo. El conseto moderno de sciaitù el xè indolòr e el te fà
crèdar de xugàr inte on mondo lìbaro. Se na iluxiòn no la pàr na iluxiòn ca
iluxiòn xela? Xè cusì ca se riva a naltra paroleta : ASUEFASION.
ROMPÉMOGHE I SCHEMI
A me so tolto la briga de védar cosa ca a pensa la xente o la afianca inte
l'imajinario co a se dìxe : Vèneto.
-Savio cosa ca i italiani e naltri Veneti a pensemo : ignorante, rasista, evaxor
fiscàl, contadin, fasista, femane putane, gnanca bon parlar, antisemita,
leghista.
-Savio cosa ca la propaganda italiana la fa pensàr co se sente la parola Siculo :
mafioxo, jeloxo, ciavadòr, tramaciòn, violento
-Savio cosa ca la propaganda italiana la fa pensar co a se sente la parola
Tirolexe : cruco, stupido, testardo, cornuto.....
-L'altro dì na jornalista de la Rai la me gà dimandà se podevo jutarla far on
servisio sol Veneto. Ghe go dito de si, lora ela la me gà dito ca la vol fàr on
servisio so le vècie lejende contadine. Ghe go rispondesto ca a mi me piaxe
parlàr dei Veneti de deso e no alimentar el solito logo comun : Veneto =
contadin e storie de na olta. No la saveva pì cosa dir e a la fin la me gà confidà
ca xe da l'alto ca li parecia i programi e i jornalisti li gà da ndarghe drio le linee
de programasiòn ca riva da Roma, e Roma sol Veneto vol sol storie contadine
e so la Sisilia invese solo de màfia e so la Sardegna sol de rapiminti e piegore.
Del Tirolo mejo no parlàr parchè li parla sol ca Tedesco e Tirolexe e la Rai no
savarìa fa dimostràr ca a li xè italiani.
Ma penselo ca tuta sta roba la xe on càxo? E invese no. Ghe xe on projeto
premedità da l'alto de difamasiòn e dixintegrasiòn etnega (etnosìdio) ca li xe
drìo portar vanti da 140 ani contro i pòpoli soto dominasion italiana : Siculi,
Sardi, Tirolixi, Furlani, Veneti e altri...
Secondo sta lòjica, i mexi de consenso (stanpa, radio, TV...), ogni volta ca on
Veneto no paga le tàse, ca on Siciliàn el copa el visìn, ..... i ghe da risonansa a
sta notisia e li alimenta e costruise sto tipo de stereotipi. La funsion de sto fàr,
la conosémo, a se trata de martelàr cusì forte la mente dela xente ca la fin li
crede de esar chel ca li ghe dixe e pa reasiòn li deventa autodiscriminadori.
Dito in parole pi senplisi : odiemo la nostra identità Veneta, Sicula, Sarda,
Tirolexe e in sto modo a femo de tuto pa mascaràr ca a no semo Veneti,
Sisiliani, Tirolixi...
La proa pì forte xè ca naltri stesi a ghe proibimo ai nostri puteli de parlar Veneto
e se vargognemo fin de parlarghelo o de parlarlo co le nostre mujèr. No
ocor gnanca pì la maestrina o el carabinier italiàn de turno ca ne urla drìo :
"Parla fà un Cristiano, parla italiano". Se autosensuremo da soli pa reasiòn.
Scuxeme sa a so longo, ma a xera nesesario pa rivar a la solusiòn ca xà el
gran Bepìn Segàto el proponea : Par cosa galo fésto sciòco ndàr co le bandiere

38. - 38 -
Venete protestar contro le baxe Usa de Vicensa? Par cosa gà fésto sciòco ndar
co le bandiere Venete a la manifestasion in solidarietà dei fenoci (gay)?
Propio parchè li gà ingabià le menti de la xente rento dele scatole, rento dei
binari, e naltri automategamente produxemo dei judisi o mejo dei prejudisi.
Co on Veneto siga la parola : "teron", i va tute le tilivixiòn filmarlo. Co on
Veneto no paga le tàse, va tuti i jornali far l'articolo. Co on Sìculo el ciàpa na
mandola, tuti a la ràdio parlar de màfia.........Par cosa credìo ca Gentilini contro
i Fenoci el gà vù cusì gran risonansa? Parchè el fà el xugo dei binari de Ròma :
Veneto = Xenofobo, Rasista. Sa te vol xugàr rento i so schemi te ghe da
doparàr le so parole ela so lòjica : Veneto=razzista, Siciliano = mafia,
Extracomunitario = criminale, opùr se a te vol fàr politega te pol èsar : de
sanca, de dreta co na sciànta de variansa del tipo "sentro", al màsimo li te
parmete de èsar on comunista segoase dei sentri sosiali, ma al màsimo. Tuto
el resto, no se ghe ne parla gnanca. Indipandensa, anarchixmo, sud-Tirolo e
lote indipandantiste xè tabù, colonixasiòn Mericana, arma dei Caranba no se
discute xe xà tuto preconfesionà.
Se te vol xùgar te ghe da doparàr le so parole e mai ndàr fòra dai binari, se no
no te asemo xugàr a fàr politega o coltura.
El fìn de sti schemi el xe propio el de farne ndàr tuti verso l'italianità, de farne
bandonàr la nostra identità, de farne odiàr le nostre Lengoe, la nostra storia e
farne vignìr voja de deventar italiani.
E lòra la vera ciàve pa vignìr fora da ste gàbie, da sta terminolojìa, da sti
stereòtipi costruii da i italiani xè el de rabaltàr la so lòjica.
Esar ndà a la manifestasiòn de Vicensa contro le baxi e ver sfilà co la sanca a
vol dir ver fésto na crepa so le scàtole de prejudisio anti Veneto ca i italiani gà
costruio. Secondo sti schemi on veneto fasista, rasista, leghista no podarà mai
ndàr manifestar contro la baxe Mericana al steso corteo dei comunisti.
Esar ndà a la manifestasiòn dei Fenoci Trevixo gà fésto naltra crepa so i
stereotipi anti Veneti. I Veneti Catoleghi e Leghisti li xe contro i Fenoci. Ma ve
penselo? Parfìn femo i volantini in Lengoa Veneta co tradusion Inglexe.
Secondo i schemi de roma invese a gavarisimo da parlar Veneto sol ca in stala
e naltri invese : lo scrivemo, lo publicamo e parlemo de argomenti fa baxe
militar, politega internasional, gay...... e par de pì lo traduxemo in Inglexe!
Co on Pulitàn, o on Calabrexe a me dìxe : "Veneto razzista di merda", mi no a
ghe rispondo fa a voria el teorema e stereotipo ca gà costruio i italiani. Mi no
ghe càsco pì! Ansi, rispondarave : "on abraso fraterno a tuti i Pulitani e Siculi ca
lòta fa mì pa la libartà contro el rasixmo, discriminasiòn e opresion italiana".
In sto modo ghe ronpemo i schemi de Roma e vignimo fòra da chela gàbia ca li
ne gà metesto. Ricordeve, le vere rivolusion no le se fà pì co le arme o co le
baricàte, ma col consenso. Ronpemoghe i schemi e a i vinsaremo, verxemo
crepe e femo bùxi rento so le so gàbie.
L'INFORMASION O MEJO LA DIXINFORMASION

39. - 39 -
-A me xè capità de lèxar so sta storia de le BR a Padoa e, i jornali e la
RAI+Mediaset in coro li gà riportà la notisia ca se gà catà on magaxìn co 100
kalashnikov. La notisia la xè falsa! Ma parchè i la riporta tuti? Parchè la
questura e i CC li dà notisie false ai jornalisti e i jornalisti i le pùblica? Xè on
modo de tiràr merda su la dimostrasiòn contro le bàxi Mericàne de Vicensa?
-I jornali e tute le reti tilivixive le gà prexentà le Foibe sensa dìr ca i itajàni li gà
jenosidià i popoli Croà e Sloveno e tanti altri anca in Afrega. E oltre a no mètar
le raxòn de la Croasia, li descrive propagandistegamente Mesic (presidente
Croà) fa on màto. Stranamente chi ca se vol demonixàr, difamàr, linciàr,
screditàr.....li vien definii fa : màti, fanateghi, nevroteghi, psicopateghi.....
-So la bàxe Usa Vicensa tuti i jornali e TV li serca de criminalixàr vanti tenpo la
manifestasiòn e chi ca ghe ndarà. No ste pì cronpàr on jornal o vardàr na
tilivixiòn. Semo rivà in bàso asé : informasiòn fàlse + mancansa de informasiòn
+ propaganda + difamasiòn....
LA TÈCNEGA MEDIATEGA DEI ESTREMIXMI E EL SENTRO BÒN E
MODERÀ
Ve ricordelo ente i ani 70 so le mùre a ghe xèra le scrìte contro i “teroni”?
L’altro dì xèro rento na fàbrica e ghe xèra on toxàto xòvine ca parlava itajàn,
ghe dimando al paròn par cosa el parla itajàn? El paron el me risponde : ca no,
ca “el xè dei nostri, el xè itajàn, no el xè extracomunitario!”.Ente’l 1970 chi ca
parlava itajàn el xèro straniero in Vèneto, ma i lo gà fésto deventàr “dei nostri”
parchè i gà creà a livèl mediatego l’imajine de l’”extracomunitario” : el Singano,
l’Albanexe, el Marochìn……ca i xè làdri, spaciator, poareti,
onti…….Naturalmente, in sto corolario, i se ga “desmentegà” de mètar i
Mericani ca li xè extracomunitari. Pa fàr deventàr el Pulitàn, el Romàn, el
Sisiliàn, el Calabrexe, el Pugliexe on dei nostri, i gà creà l’”extracomunitario”. E
da l’altra parte li gà creà “el rasista”, cusì da farne cascàr rento a pignata de
l’itajànità. A ve lo ricordelo ca inte i ani 50/60/70 i gheva creà el terorixmo de
dreta e de sanca?
Parlo de “creasiòn”, parchè le stràji de drèta no le xè mài existiè. Chi ca meteva
le bonbe xèra el : Sismi, Sisde, Sifar + Cia (anca chìve : Glàdio, Loja P2,
Borghese, Caranba, Digos, Mericani no saveva mai gninte!?). Ma lora a cosa
xè ca serviva tute ste bonbe? Tuto sto gràn dìr de la drèta e de la sanca? Pa
dàr na risposta xè interesante vardàr la storia de st’altre republicate sud
Mericane. Anca là la istesa solfa, lota armà dela sanca e bonbe contro la
popolasiòn ca meteva la Cìa + Carabineros…., ma ca i dixèva ca xèra dei
fantomateghi fasisti! E tuta sta solfa, sa gala a ca vèdar co i extracomunitari?
Sa mi vòjo ca la xente vòte Democrasìa Cristiana dirò ca a sanca ghe xè i
teroristi e par forsa crearàve na dreta teroristega anca se no la ghe xè! Se i
Veneti i se confronta co i itajàni e vojo ca li vàga d’acordo (ca i Vèneti li se
asìmile a l’italia), lora crearò na nova figura negativa ca se ciama
“extracomunitario”, cusì el Pulitàn, el Romàn, el Sisiliàn, el Calabrexe, el

40. - 40 -
Pugliexe, el deventa “dei nostri”. In pì crearave naltra figura negativa ca a xè
chèla del : “rasista” Veneto. In sto modo i gà creà da novo do estremi (inte
l’imajinario de la popolasiòn) : “extracomunitario Albanese”… e “rasista
Veneto”, e in mèxo, invese dela Democrasia Cristiana, i gà metù “i nostri, noi
itajàni”. Xè cusì ca i ne gà bruxà el sarvelo. Naltri Veneti ghemo invese na
Léngoa e na storia e propio inte la nostra Léngoa ghe xè na paroleta : “Foresto”
ca la ìndica tuti chi ca no xè da le nostre parte, e varda ben no la gà gnisòn
conotà negativo.
FA A I NE INGÀBIA LA MENTE
Ve sìo mai dimandà parchè tuti i telejornali, radio, e jornali de rejime i xè
struturà a isteso modo? Vardemo on fiatìn :
-Notisie politeghe de el goerno sentràl
-Notisie politeghe da i paìxi foresti
-Cronaca Interna
-Cronaca Foresta
-Previxiòn del tenpo
-Sport
Ma lo savìo ca tuta sta roba la gà na funsiòn de lavajo del sarvèlo?
Ghe credìo ca la notisia no la gà gnisòna inportansa?
Xè fa i la dixe, o mejo fa la ne riva naltri; o se volemo : “Cosa ca la ne produxe
rento la nostra mente”. A me spiego mejo :
-E previxiòn del tenpo le serve creàr rento de naltri l’idea ca a semo tuti itajàni
parchè varda caxo, se parla sol ca de el tenpo rento i confini e vièn fata bela
mostra del el teritorio jiografego controlà da el stàto. Insoma, xè fa èsar scola
da novo ca i te pica la cartina e i te dìxe ca semo itajàni. A xè da morìr da rìdar
vèdar le previxiòn del tenpo in Sina e Usa, ca lì xè cusì grandi ca i metereologhi
i deventa ridicoli sercàr de jeneralixàr!
-Le notisie de cronaga, le serve farte sentìr partesipe de sti eventi, anca se no li
gà propio gninte a ca vèdar co la to vita e storia. Cosa me ne frega mì se in
Calabria o Canpania i se copa pa màfia o camora? Vardè par exenpio fa a i
dopàra i pronomi : “noi italiàni, il nostro popolo, ci associamo al dolore,
dobbiamo fàr qualcosa........”
-Na fraca de altre notisie de crònaca, le xè on òpara de propaganda favòr dei
Caranba e Finansa. I se alterna i spasi tilivixivi e jornalisteghi. Lori li sarìa i boni
ca a fà del bèn. No desmenteghemo ca a pretexa lota al crìmine : droga e
rapìne, màfia.... xè sol ca el specieto pa justifegàr i gran costi de tuto sto
aparàto de controlo politego e sosiàl. A verità xè ca tuti i stati i spende el 90%
del propio bilanso pa el controlo politego.
Chela olta, le Br le ga féste fora in coatro e coatro oto, ma sa xela ca la droga e
la màfia i ghe xè ncora? Sbalio o Musolini in coatro e coatroto la gheva fata
fora e pò i Mericani durante la goera e anca dòpo i la gà forajà e jutà pa tignìr el
controlo politego?

41. - 41 -
-Le notisie da l’estaro e gà dò funsiòn : a prìma xè chela de farte sentìr in
pàtria, parchè se i te mete in testa ca fora da i confini ca lori i ga fésto te sì
l’estaro, te finirè pa escluxiòn pensàr ca te sì in Italia. Insoma te tachi pensàr fa
on itajàn : “mì so itajàn e fora da sti confini ghe xè i stranieri”...... co tute le
consegoense de discriminasiòn e conpetisiòn...."A l’èstaro ghe xè senpre
dìgràsie e se sta mejo in Italia".
La seconda funsiòn xè chela propagandistega favor dela politega de i coatro
politeghi de turno ca comanda roma. Chi ca comanda roma, el xè senpre on
gràn statista internasionàl e el stàto itajàn xè senpre protagonista de la
storia............
-A politega interna a gà la funsiòn de farte intràr rento la discusiòn
(naturalmente ti te pol partesipàr sol ca a le sol condisiòn) e sentirte partesipe.
Ma vardè ca i fondamenti de la republica, de l’onità, de la pàtria, de pagàr le
tase, de tute ste conse, de la Nato, de l’Indipandensa, de i problemi veri e de le
storie vere.....no se discùte mài. Te pol senpre e sol ca discùtar rento i so
binàri. Insoma i fondamìnti no li se mete mài in discusiòn, e se ti te lo fè, te sarè
emarjinà etc....
-El sport gà anca lù do funsiòn : la prima de sviàr la to atensiò e ocupàr el to
tenpo e la to mente so de le robe inutili, cusì ca ti no te posa pensàr a le robe
sèrie (ghe pensa lori).
E l’altra a sfondo nasionalista parchè te sventoli na bandiereta a strìche e te
diga : “forsa italia, forsa spaghiti!”.
A xè tuto predijerìo. I te mete rento i binari e li te obliga pensàr, insoma, na
gàbia pa la to mente.
A mejo ròba ca podì far a xè : smorsa tuto, no sta pì lèxar i jornali e varda el
mondo pàr atorno de tì : schèi ca no ghe xè, inquinamento, morti de cancro,
trafego ca te copa, caranba dapartuto, baxi Mericane e aerei ca te pasa sora
ogni dì, e i to puteli ca xè obligà inparàr na storia ca no xè la soa e parlàr na
Léngoa ca no xè la soa, xente foresta da tute le parte (meridionali, marochini,
pachistani...), la dixocupasiòn o la fuga a farte el capanòn in Bosnia, Romanìa,
Ucraina etc...on stato ca te sòfega de burocrasìa e tì mona ca te te masacri de
laoro in capanòn (parchè lori, lòri itajàni i laora drìo na scrìvania) e te ghè bone
intensiòn ogni dì .......
I TEOREMI ITAJÀNI CONTRO I VENETI
In fameja, scola, in tilivixiòn, so i jornali, a la radio, i te insegna ca ghe xè robe
bone e cative. Co te ghè bèn asimilà sto conseto, i te insegna ca l’italiàn xe bòn
sensa dirte cosa ca xé cativo. Cusita pa escluxiòn te rivi a la concluxiòn ca tuto
el resto xè cativo. In sto modo te te crèi rento de tì on modelo de verità ca
funsiona da filtro e te dixe cosa ca a xè bòn e cosa ca a xè cativo. Se l’Italiàn
xè bon, pa forsa el Veneto xè cativo, xè cativi i omani ca i lo parla, xè cative le
robe Venete, xè brute le toxe ca parla Veneto, i Vèneti xè inbriaguni e co i se
lèva sù rivendicàr respeto i xè rasisti, i Veneti no paga le tase e fa nero (5%

42. - 42 -
purtropo) etc...... Naturalmente se se desmentega de dìr ca da Livorno in xò i fà
95% de nero, ca i imigrà lì scanpa dal sud parchè i xè rasisti e ghe toca laoràr
in condisiòn dexomàne........ A la fìn sensa ca i te lo diga, te ghè vù el lavajo del
sarvelo te sì incoadrà e parecià puito pa far cariera rento na gabia de
consenso. Fà l’italiàn e te farè strada (schei, istrusiòn, podèr, figa), fà el Veneto
e te finirè in stala o in capanòn. Insoma, te te vergogni de èsar Veneto! A Roma
la ghe xè ndà màl (el teorema dìxe : “fa l’italiàn e te deventi rico”) parchè i
Veneti, fando export i portava parfìn caxa pì schei ca i statali e co i schei i gà
taca levàr sù la testa, èsar rispetà, vèr propietà, luso, tòxe, fèste etc.... Lora se
gà tacà mónxarli, fando leji difarenti in Veneto (tase pì alte, benxina, gas,luse,
controli fiscali ca invese soto roma no se fà......) pa magnàr sora le spale dei
Veneti. I Veneti i xè scanpà da le tase, da le inposte, da le marche da bolo, da
le bole de cargo etc.... e li xè ndà Timisoara in Romania. El goerno sentràl, gà
fésto presiòn so Bruxèlles, parché anca la Romanìa (i laora ncora a tera co i
cavali e i bò) entre in Europa, ma sta volta i schei no li va Roma! I Veneti se gà
sevità, denigrarli parchè no i ghese autostima (co la tele, radio, jornali, studi de
setòr) e a dirghe ca el so modelo economego xè falimentàr. Grando xè bón, e
invese picenìn, familiàr xè da Veneto mona! E invese : xè falì propio le macro-
axiende : Parmalat, Cirio, Telecom........ Intanto se se inacorxe ca sti Veneti i xé
inpienà de schei inte le banca (parchè i Veneti i sparagna e no i fa cucagna fa i
Tajani!). Femoghe védar (co la tele, radio, jornali, studi de setòr) ca xugando in
borsa a se ciapa de pì ca asarli in banca o metarli l’estàro. Cusì : la banca ca
ne dà na màn a ciavarli le ciapa la mediasiòn e nàltri roma ciapemo el 12%
sensa risciàr! E naturalmente ghe fèmo bruxàr i schèi so tìtoli o fondi scoàsa
italiani! Ma sti Veneti mone, li xè ncora inpienà de schei in banca! Sevitemo torli
pal bunigolo : ghe dixemo (co la tele, radio, jornali, studi de setòr) ca l’onego
investimento sicuro xè el coarèlo (mattone) e cusì li convinsemo tràr fora i
sparagni de na vita pa cronpàr on fià de tera cota........ Se tàca parlàr de crixi,
de càsa integrasiòn, parché sti Veneti i tigne a testa sbasà da la paura e se vol
portarli tuti in Sina : parché? Roma dixe : “Càro goerno Sinexe, mi convinso (co
la tele, radio, jornali, studi de setòr) sti cuatro mone de Veneti a investìr i propi
schei e sparagni in Sina e valtri in canvio parmetì ca la Fiat la venda e so
barache ai mone Sinexi, parchè mì i schei da i Veneti no so pì bòn ciaparghine
ma la Fiat a xè la axienda de stato e a mì calcosa sèvita darmelo!” A
desmentegavo! : deso ca a gavì el mùtuo e ca gavì da pagàr pa i prosimi 20 ani
(ca lo volì o ca no lo volì, ve monxo pa 20 ani), ve gò incucà col taso de
intarese variabile, cusi se 20 ani no basta, slonghemo! Scuxème :
“rinegosiemo”!
LA TILIVIXIÒN
La entra in càxa sensa dimandàr parmeso, la asèmo parlàr, no la scòlta gnisòn,
no la àsa parlàr gnisòn, la ne conta chel ca la vol, la ne porta vìa tenpo ca
podarìsimo dedicàr a naltri e ai nostri càri. Mi a go smorsà la tele par 7 ani, e ve