1. PINTANDO NOS MUROS DO XESTAL
Miré los muros de la patria mía,
si un tiempo a cemento, ya pintados,
de la carrera de la edad salvados,
por quien renueva ya su valentía.
A iniciativa de pintar os muros da nosa escola, que foron recebados
no principio do curso, partiu do Departamento de Plástica. Durante esta
semana última de clase, antes de rematar, xa que o tempo non o permitiu en
semanas anteriores, alumnado da ESO e de Educación Primaria estivo
pintando diferentes e fermosos murais deseñados por eles mesmos. Se lle
botamos unha ollada a eses muros, poderémonos mergullar no fondo do
mar e nadar cun pulpo amarelo; ou ir a unha camposa chea de flores de
vivas cores. Alguén díxome que quizais poidamos ir ata a Torre de
Hércules da Coruña, que a partir de agora se poderá ver dende o Xestal (eu
pensei que só se podía ver dende Pena Fexa).
Antonio González – Revista Xesteira