1. PASAPORTE Á INDIA
Desde a Antigüidade o home tratou de “atrapar” o territorio con
trazos momentáneos e efémeros sobre a area ou utilizando tinta sobre
papel no que serían os primeiros intentos cartográficos. É innegable a
maxia que posúen os mapas, elementos tan evocadores que deixan voar a
nosa imaxinación ata lugares ben remotos para descubrir os misterios das
terras descoñecidas. Se ben levamos varios anos colaborando coa
Fundación Vicente Ferrer para achegarnos á India a través do proxecto
School to School, este país aínda resoa nos nosos oídos con harmonías
exóticas. O alumnado de Educación Infantil e de 1º da ESO do CPI Virxe da
Cela deixa constancia nestes fermosos “Pasaportes á India” desa viaxe
imaxinaria ao lombo dun elefante ou no interior dun palanquín con
tecidos de seda facendo noite nun caravasar…