1. A TARTAMUDEZ NA ETAPA DE EDUCACIÓN INFANTIL
INFORMACIÓN PARA NAIS E PAIS
O MEU FILLO NE-NE-NECESITA UN LO-LO-GOPEDA?
Calcúlase que sobre o 5% dos nenos atravesan un período de disfluencia que pode durar algunhas
semanas e incluso meses. Tres cuartas partes destes nenos remitirán totalmente.
En máis do 75% dos casos, o comenzo da disfluencia sitúase entre os 2 e os 5 anos de idade, polo xeral
de modo gradual, aínda que tamén pode aparecer de forma repentina. Neste período o neno atravesa
un proceso difícil xa que está desenvolvendo habilidades da lenguaxe moi complexas. É común escoitar
na fala dos nenos preescolares estas disfluencias típicas tales como: pero pero; eu eu; ca-cando; que
que é; o dos o dos; etc.
Polo tanto se o seu fillo ou filla na etapa de educación infantil tartamudea está pasando un periodo de
denvolvemento evolutivo que ocorre en moitos casos e que non ten, en principio importancia relevante
PERO…
Os pais e mestres non deben mostrar signos de desaprobación nin preocupación ante a fala do neno, se
cando di “ma-mamá” ve na cara de súa nai un xesto de desconcerto o neno ou nena pensará pola súa
reacción que algo está mal e decidirá poñer maior esforzo para falar mellor. É probable que repita máis
e experimente certa indefensión. Esta situación pode facer que se retraia máis socialmente ou colla
medo a falar. Este pode ser o inicio dun problema que inicialmente so era un estadio evolutivo.
E ENTÓN, QUE FACEMOS? Algunhas recomendacións serían:
- Trataremos de escoitar ao neno ou nena sen meterlle presa.
- Dádelle tempo para falar e expresar as súas ideas.
- Non interrupilo ao falar e respetar os turnos de palabra.
- Facédelle preguntas unha a una.
- Non falarlle demasiado rápido.
- Non dicirlle cousas como “para”, volve a empezar“, “non fales tan rápido”, este tipo de
comentarios fai que tome conciencia de como fala e aumentan a tensión.
EN DEFINITIVA:
Nestas idades o tartamudeo non é un problema polo tanto non debemos tratalo como tal. Os expertos
non se poñen de acordo coa causa da tartamudez pero o que si está claro é que canto máis se fai un
disfémico consciente e máis o quere remediar máis nervioso se pon e máis tartamudea. Se vedes que o
problema empeora ou persiste durante un tempo máis longo non dudedes en consúltalo.
I-I-I-ISTO É TO-DO AMI-MI-GOS!
Son uns consellos da mestre de AL Patricia Pena Barbeito do CEIP de “Sada y sus Contornos” baseadas nas pautas da Fundación
Española da Tartamudez.