Presentación de diapositivas sobre o ciclo da auga, incluíndo o ciclo urbano da auga.

2. O CICLO DA AUGA
A auga que nós bebemos hoxe é a mesma
que beberon as persoas prehistóricas ou os
dinosauros.
Cando a Terra se formou, hai catro mil
cincocentos millóns de anos, xa tiña no seu
interior vapor de auga.

3. O CICLO DA AUGA
• A auga está en constante circulación nos seus
tres estados: sólido, líquido e gasoso.
• A esa circulación da auga chamámoslle ciclo
da auga ou ciclo hidrolóxico.
• A maioría da auga que hai no noso planeta,
encóntrase almacenada nos océanos. Neles
está máis do 95% da auga.

4. FASES DO CICLO
1. Evaporación. Co calor do sol, evapórase a auga,
tanto a do océano como a da superficie terrestre ou
dos seres vivos (transpiración e suor).
A maior parte da auga que pasa á atmosfera na
evaporación, provén dos océanos e os cursos de
auga (un 90%).
O 10% restante provén da transpiración dos seres
vivos.
Unha vez evaporada, unha molécula de auga
permanece arredor de 10 días no aire.

5. FASES DO CICLO
Condensación. A auga en forma de vapor
sube e condénsase (volve ao estado líquido),
formando nubes.
Tamén nos días de ceo despexado hai auga na
atmosfera, auga en forma de vapor e gotas
que non podemos ver polo seu minúsculo
tamaño.

6. FASES DO CICLO
2. Precipitación. Cando as gotas de auga que forman as nubes
arrefrían, acelérase a condensación, formándose gotas
maiores que acaban por caer á superficie terrestre polo seu
peso.
 Para producir unha gota de chuvia, é preciso que se xunten
moitas gotas de nube.
 As precipitacións poden ser de
neve saraiba
chuvia

7. FASES DO CICLO
3. Almacenamento. A auga caída ao chan almacénase en
forma de neve, lagos, ríos, e no océano.
• A auga que está almacenada no xeo, na neve ou nos
glaciares, tamén forma parte do ciclo da auga.
• Da masa de xeo que hai no planeta, arredor do 90%
encóntrase na Antártida.
• Esta auga flúe cara os cursos de auga cando se produce o
desxeo.

8. FASES DO CICLO
4. Escorrentía. Outra parte da auga caída nas
precipitacións deslízase pola superficie do
terreo. A escorrentía é un importante axente
de erosión e transporte de sedimentos.

9. FASES DO CICLO
5. Infiltración. Unha parte da auga que chega
ao chan, penetra neste, pasando a ser
subterránea. Dependendo da permeabilidade
do chan, da pendente, e da cobertura
vexetal, a proporción de auga que se infiltra
será maior ou menor. A circulación da auga
subterránea é o equivalente subterráneo da
escorrentía superficial.

10. FASES DO CICLO
Mediante a escorrentía e a circulación subterránea, moita da auga caída nas
precipitacións volve ao océano, comezando de novo o ciclo de circulación da auga.
PRECIPITACIÓNS
SARAIBA
NEVE CHUVIA
CONDENSACIÓN
FILTRACIÓN
MANANCIAIS
AUGAS SUBTERRÁNEAS
EVAPORACIÓN
Vídeo.

11. O CICLO DA AUGA
As actuacións humanas, manipulando as
canles, utilizando grandes cantidades de auga
para o consumo, explotando augas
subterráneas, e emitindo enormes cantidades
de residuos contaminados á auga, están
alterando o balance hidrolóxico, que ata
agora mantiña un equilibrio.

12. O CICLO URBANO DA AUGA
• Diariamente consumimos auga para moitos
usos: dende a ducha da mañá ata a que
bebemos, pasando pola que se utiliza para limpar
ou regar, estamos constantemente utilizando
unha parte desa auga que a natureza ten en
permanente circulación no seu ciclo hidrolóxico.
• Esta auga que usamos ten tamén o seu propio
ciclo, que vai da súa captación no medio ata a
súa devolución ao mesmo unha vez utilizada.

13. O CICLO URBANO DA AUGA:
ABASTECEMENTO
• A primeira fase do ciclo urbano da auga é a
captación desta no medio natural. A auga
cóllese dos acuíferos subterráneos, ou de ríos,
lagos e encoros.

14. O CICLO URBANO DA AUGA:
•
ABASTECEMENTO normalmente
A auga que collemos do medio natural,
non é potable. Antes de utilizala para o noso
consumo, é preciso potabilizala.
• Por iso se leva á planta de potabilización, onde é
sometida a procesos físicos (decantación, filtración)
e químicos (cloración) que a volven apta para o
consumo.

15. O CICLO URBANO DA AUGA:
ABASTECEMENTO
• Unha vez potabilizada, a auga lévase ata
depósitos onde se almacena, e desde os que,
posteriormente, se distribuirá á poboación por
medio da rede de abastecemento.

16. O CICLO URBANO DA AUGA:
ABASTECEMENTO
2. MEDIANTE TUBERÍAS, LÉVASE Á PLANTA POTABILIZADORA
1. A AUGA DOS RÍOS ACUMÚLASE EN ENCOROS
3. A AUGA, XA POTABLE, ALMACÉNASE EN DEPÓSITOS
4. AS TUBERÍAS LEVAN A AUGA ÁS CASAS

17. O CICLO URBANO DA AUGA:
SANEAMENTO
• Despois de utilizada, a auga é recollida na rede
de sumidoiros.
• Os sumidoiros recollen, ademais da auga que
utilizamos nas casas, a auga da chuvia, e os
residuos procedentes das industrias.

18. O CICLO URBANO DA AUGA:
SANEAMENTO
• Para un bo funcionamento do sistema de depuración, é
conveniente que se faga unha separación de augas residuais:
as procedentes do consumo doméstico por un lado, as da
chuvia por outro, e as procedentes das industrias separadas
das anteriores, xa que as características dunhas e outras son
moi diferentes.
• Ademais, as augas residuais procedentes das industrias,
deben ser tratadas en orixe, para evitar que a presenza de
substancias químicas obstaculice o proceso de depuración
posterior.

19. O CICLO URBANO DA AUGA:
SANEAMENTO
• Antes de devolvela ao medio natural, a auga recollida nos
sumidoiros é levada a unha depuradora, onde se eliminan as
EDAR: ESTACIÓN DEPURADORA DE AUGAS RESIDUAIS
impurezas acumuladas nela por medio de distintos procesos
físicos e químicos.
• Estes procesos pódense ver obstruídos se as augas residuais
teñen un contido alto en produtos químicos.
• A eliminación de impurezas é importante para diminuír, na
medida do posible, o risco medioambiental.
Como funciona unha depuradora.

20. O CICLO URBANO DA AUGA:
SANEAMENTO
• Nos lugares onde o proceso de saneamento se fai ben,
separando as distintas augas residuais e someténdoas aos
tratamentos adecuados, a auga pode reutilizarseLIMPAR RÚAS
de novo.
• Non é potable, pero hai moitos usos para os que serve:
REGAR
SOFOCAR INCENDIOS

21. O CICLO URBANO DA AUGA:
SANEAMENTO
• Por último, a auga que non se aproveita é restituída ao
medio natural, río ou mar, ás veces mediante emisarios
submarinos que a levan lonxe das nosas costas.
• O feito de botala lonxe non debería tranquilizarnos respecto
ao contido das augas residuais. Canto máis eficaz sexa o
proceso de depuración, menor será a carga contaminante
que estas augas residuais levan á natureza.
• Recordemos que é da natureza de onde vai saír a auga que
imos beber novamente. Canto máis a coidemos, máis
estaremos asegurando a sustentabilidade deste recurso vital.

22. CICLO URBANO DA AUGA
CICLO URBANO
DA AUGA
ABASTECEMENTO SANEAMENTO
CAPTACIÓN POTABILIZACIÓN TRANSPORTE RESTITUCIÓN
DISTRIBUCIÓN ALCANTARILLADO DEPURACIÓN REUTILIZACIÓN
AO MEDIO

23. BOAS PRÁCTICAS
• Podemos contribuír ao equilibrio do ciclo
hidrolóxico de dúas maneiras:
CONSUMO RACIONAL
CONTROL DOS RESIDUOS

24. O NOSO PAPEL: CONSUMO RACIONAL
Algúns consellos para aforrar auga:
• Dúchate en vez de bañarte, consume moitísima menos
auga.
• Utiliza perlizadores nas billas: terás o mesmo confort
con menos auga.
• Non deixes a billa aberta se non é preciso. Mentres
cepillas os dentes ou enxaboas as mans, pode estar
pechada.

25. O NOSO PAPEL: CONSUMO RACIONAL
• Hai modelos de cisternas que usan menos da metade de
auga, co mesmo resultado. Outra boa opción é introducir
unha botella chea de auga na cisterna: aforras esa cantidade
de cada vez que tiras da cisterna.
• Non uses o retrete como papeleira. Iso pode supoñer un
aforro de ata 55 litros diarios.
• Ollo coas billas que pingan. Poden supoñer un gasto de case
200 litros ao mes.

26. O NOSO PAPEL: CONSUMO RACIONAL
• Lavar os pratos nun recipiente cheo de auga, en lugar de coa
billa aberta, pode supoñer un aforro de máis de 100 litros
cada vez.
• Se usas lavalouzas, pono só cando estea cheo.
• Unha lavadora con programa de baixo consumo de auga pode
supoñer un aforro de máis de 100 litros por lavado.

27. O NOSO PAPEL: CONTROL DOS RESIDUOS
• Tan importante como un consumo racional da auga, é
controlar as nosas augas residuais e o que vai nelas.
• Os deterxentes de lavadoras e lavalouzas conteñen fosfatos e
sales que poden afectar ao funcionamento das plantas
depuradoras. Usa só a dose mínima recomendada! Non
esquezas que o que botas polo sumidoiro vai para o ciclo
hidrolóxico do que te abastecerás mañá.

28. O NOSO PAPEL: CONTROL DOS RESIDUOS
• Ollo coas pinturas e disolventes. Poden conter metais
altamente contaminantes, que non poden ser eliminados nas
plantas depuradoras, e ademais poden afectar ao seu
funcionamento. Se non os vas usar máis, lévaos ao punto
limpo do teu concello.
• Os medicamentos teñen compostos que, ao contacto coa
auga, poden provocar reaccións químicas imprevisibles. Na
farmacia teñen un punto de recollida de medicamentos
caducados, lévaos alí.

29. O NOSO PAPEL: CONTROL DOS RESIDUOS
• Non botes residuos sólidos no retrete. Tiritas, compresas,
bastoncillos…obstrúen os sumidoiros e poden provocar
problemas nas plantas depuradoras. Bótaos ao lixo!
• Un litro de aceite usado pode contaminar ata 400.000 litros de
auga. Non o botes polo sumidoiro! En moitos supermercados
hai recipientes de recollida de aceites. Se non, podes levalo ao
punto limpo do teu concello.
Infografía sobre recollida de aceite usado.

30. O noso papel no equilibrio do ciclo hidrolóxico
é fundamental.
Xoga limpo!

31. CRÉDITOS.
Para a realización deste traballo, utilizáronse imaxes con licenza Creative
Commons. Pinchando na ligazón accédese ao documento de créditos,
onde se recolle a autoría de cada unha das imaxes utilizadas.