1. Ռեհան կամ շահասպրամ, շրթնածաղկավորների ընտանիքին պատկանող
ամենատարածված կանաչեղեններից է, որն օգտագործվում է թարմ վիճակում որպես
կանաչի ու բազմազան կերակուրների մեջ՝ որպես համեմունք: Այն բավականին
հարուստ է եթերային յուղերով, որոնք տալիս են առանձնահատուկ բուրմունք՝
բարձրացնելով ռեհանի համեմունքային արժեքը: Հարուստ է նաև վիտամիններով և
հանքային աղերով:
2. Բժշկության մեջ ռեհանն օգտագործվում է ստամոքսի ցավերը բուժելու,
կոկորդը լվանալու և վերքերը բուժելու համար: Այն նպաստում է
կերակուրների լավ մարսմանը:
Ռեհանի հայրենիքը համարվում է Ասիայի հարավը, մասնավորապես
Հնդկաստանը:
Ռեհանը միամյա, ջերմասեր բույս է: Ցողունի երկարությունը կազմում է
25-30 սմ: Խիստ ճյուղավորված է և խիտ տերևավորված: Տերևներն, իրենց
հերթին, ձվաձև են՝ կանաչ կամ մանուշակագույն:
3. Ծաղիկները սպիտակ են կամ վարդագույն: Ծաղկում է հունիսից մինչև
հոկտեմբեր ամիսը: Սերմերը մանր են, սևադարչնագույն, կլորավուն
ձվաձև: 1000 սերմի կշիռը 0,8-1,6 գ է: Ծլունակությունը պահպանվում է 4-
ից 5 տարի: